閨•家 (西九龍中心) (已結業)

約咗朋友去深水埗買玩具送俾小朋友，出得深水埗當然要去埋充滿中學回憶嘅西九龍中心行下！之前喺砲台山想食嘅閨家原來啱啱喺西九龍中心開咗分店，趁人龍唔算長即刻排隊！我哋好好彩等咗大概十分鐘就已經有得入座，食到一半嘅時候見到舖外已經有勁長人龍🤭🤭香煎蓮藕餅豬扒飯：肉餅口感鬆軟加入爽脆嘅蓮藕粒粒，簡簡單單煎到外層焦脆已經好香口好好食！豬扒雖然薄但食落仲帶有少少肉汁，同配菜嘅蔥油好夾😋咖哩牛腩飯小辣：有得選辣度呢一點好貼心，因為朋友唔太食得辣所以叫咗小辣！牛腩有好多件，煮得好淋又入味，輕輕一咬已經可以撕開！咖哩好香濃椰汁味重送飯一流👍🏻 老火湯：雖然跟飯送嘅係細盅，但其實都唔細！湯料好足真材實料好鮮甜，重點係冇落味精飲完唔會口乾😍涼拌海蜇手撕雞：同平時食開嘅手撕雞唔同，雞肉好大件！海蜇爽脆，搭配麻醬好開胃！一星期七日每日有唔同嘅湯，真係可以嚟多幾次都唔會厭❤️

去完深水埗買電子用品，就到西九龍中心外賣晚餐回家。閨家 是家人喜歡的餐廳，因為無味精，每一個飯都送老火湯夠滋潤，所以現場都好多人排隊買。.慢煮豬軟骨飯 - 必食之一，媽媽每次來叫食，豬軟骨煮得好腍，軟骨又帶點咬口，又煮到好入味，肉份量又夠多，窩心滋味。咖喱雞飯 - 可以叫不辣、大中小辣。咖喱汁食得出不油膩、少油，比較健康。雞肉選用雞髀位，厚肉又嫩滑。梅子金沙骨飯 - 有去街市買菜都知豬肉排骨好貴，今次$50食到五條金沙骨，媽媽都話平過自己煮 lol 金沙骨肥瘦適中，肉質有口感更有肉香。老火湯 - 每個飯都送老火湯，今次見到材料是豬肉蘿蔔蜜棗，清甜可口，在冬天實在好暖心。另外加$5有熱飯，買了杯熱好立克。.價錢合理在$50 range 又有老火湯，有住家的味道，健康的食物不妨多光顧。

久仰閨家之名, 分台居然開到深水埗, 九龍人終於可以去試下啦! 係西九龍中心, 十分方便~真係幾多人食, tea time都滿座呀, 裝修簡約舒適。Menu一目了然, 發現價錢好貼地, 下午茶餐都係3至4字頭仲包野飲, 百零蚊可以食到3個餐招牌豬扒紫薯麵 $40豬扒煎得岩岩好又香又唔乾! 另外真係要讚下佢個麵底! 首先賣相同顏色都討好, 口感爽彈, 而且長長既麵條唔會斷開一堆堆, 成個口感加哂分, 再帶淡淡紫薯味, I like it! 另外仲有甘荀麵同菠菜麵, 下次再黎試埋~ 香煎蓮藕餅豬扒飯 $50單點既飯+$8就有老火湯, 必點! 足料又清甜, 而且熱辣辣, 正~ 蓮藕餅內爽口既粒粒蓮藕, 煎得香口又有口感, 豬扒有咬口唔會乾。朱古力脆脆西多 $324件方塊型西多, 炸得金黃表面帶脆, 厚身麵包又好鬆軟, 夾住既係朱古力脆脆, 變左好好味既甜品! 面頭加埋牛油同煉奶, 邪惡到不得了!抵食又好食, CP值好高呀

其食咗咁多油膩野，今日就揀左間主打健康冇味精嘅餐廳幫襯下先，佢係位於深水埗嘅西九龍中心，我諗各位嚟到都要喺門口排一陣隊，因為呢間黃色餐廳實在太多人幫襯啦老火靚湯日日不同，而家叫飯餐仲有細盅嘅老火湯送添，老火湯煲粥四個鐘，果然用心製作，呢碗湯嘅功用可以降火潤肺，果然甜入心頭手撕雞肉滑溜，海蜇爽口配埋胡麻醬認真一流叫左公仔麵，仲加咗半隻糖心蛋都只係要加$6豬扒好林，夠晒入味最後就係我嘅波菜麵啦，餐廳職員仲好好話啲麵好索湯，叫我要快啲食晒佢添，成碗湯一啲味精都冇，面仲要好爽滑彈牙手剁嘅蓮藕餅口感甚佳，有好多蓮藕粒係啲肉餅中間，所以咬落去索索聲

店舖名已經令人有一份家常便飯的親切感覺，想去一試。香茅雞翼豬扒飯🍴豬扒好林，雞翼都煎得唔錯，保留到肉汁。最值得一讚是煮熟豉油，非常香，會令人諗起豉油蛋撈飯。😂附送的老火湯好足料，夠洒味，沒有味精的清甜，成碗飲洒是必然呀！不是某些茶餐廳的hea餐湯。手剁蓮藕餅甘旬麵🍜真心推介大家食蓮藕餅，有條狀蓮藕絲夾著肉香，兩大塊，口感豐盈，必食！甘旬麵都幾特別，麵身帶甜，將雪菜粒撈埋麵一齊食唔錯！另外仲有星期一至日的不同湯款，飲過老火例湯後，相信這幾款湯都有信心保證，下次再品嘗！😋

在西九龍中心開了一家主打冇味精的茶餐廳，並以粉紅色設計裝修，特別吸睛。在疫情之下，難得看到餐廳有人龍排隊，質素應該不錯，於是今日一試。餐廳除了食物還主打無味精老火湯，每日都精選不同款式老火湯單點$28已經有大盅，平時正價跟餐還免費配有小盅，每款湯品都熬煮4小時（學生及醫護人員更是免費）。今日我所配的餐配有小盅，星期日的湯品是「雪梨蜜冬百合煲豬展」，有效清潔止咳，麥冬對細菌更有抑制作用。正價套餐：《慢煮豬軟骨飯$48 配細嘅老火湯》豬軟骨極軟稔，醬汁香濃，下飯一流。老火湯香甜清潤，無味精感覺健康。油菜加$12 - 選了蠔油生菜，新鮮爽甜。熱飲加$5 - 點了熱檸茶，一杯有成4-5片檸檬，絕不吝嗇。下午茶套餐更抵食：《招牌豬扒配手工紫薯麵 $40》豬扒配上蔥油雪菜及秘製醬油醃製一天，之後用鐵板即叫即煎，不用砂糖、梳打粉及味精，而是加入鮮榨果汁及秘製醃料人手逐塊揼鬆，口感十分香軟並有肉味，再加上蔥油雪菜實在惹味。紫薯麵無紫薯麵味，但勝在特別和感覺健康。凍檸蜜加 $2 《小食涼拌海蜇手撕雞 $38》麻醬足夠，但手撕雞比較粒狀而且味淡，海蜇亦只有零碎，所以覺得還是套餐比較可推。

去開深水埗睇新game，見到呢間舖排曬長龍，望真啲原來係俾杜生加持過嘅餐廳，而且標榜無味精，於是就決定喺度食埋lunch先返屋企。排咗15分鐘，差唔多到我，店員俾咗menu我揀定食乜。連茶餐廳味精例湯都鐘意飲嘅我，見到有湯飲而且仲要係無落味精咁健康，即刻心心眼。可惜佢一日得一款無得揀。見字飲水啲親戚😆餐廳裝修以粉紅色為主，啲staff都係著粉紅色衫，同茶餐廳有少少違和感😂叫咗豬手配手工菠菜麵，+12蚊要埋油菜。個麵好彈牙而且真係有菠菜味，份量亦都唔少，豬手有三舊，都炆得好淋好入味，而且仲有大量花生，好有驚喜呀！另外咖喱豬扒飯都好食，個咖喱偏甜，就算叫勁辣都唔會辣到食唔到，跟餐仲送一個細老火湯添😋兩個人食飽飽都係百二蚊👍🏻一路都keep住有人係出面排隊除咗食物好食，另外我都想讚下啲員工態度好，而且好有效率。唔似某啲黃店，嘢食又唔好食員工態度又衰，恃住自己係黃店就乜都求求其其。

「閨•家」的第一間店開在屯門，筆者嚐過它的老火湯後一直念念不忘。可惜因為某些原因結業了，另一分店又開在老遠的北角。當得知它在較近的深水埗開業後，便立刻過去捧場支持。和舊店一樣，深水埗店的裝潢同樣以粉紅色為主調，予人溫暖的感覺。先來一盅靚湯！其實每個飯餐都會送一小盅湯，若好像筆者不夠喉的話，也可以額外多點一盅大的。「閨•家」的老火湯設有7款，一星期每日一款，做到天天不同。是日的蘋果紅蘿蔔沙參煲咸排骨湯入口香甜滋潤，帶有濃濃的排骨肉香味。喝得出是零味精的心機作，甚有媽媽的住家湯感覺。看似平凡的碟頭飯，其實一點也不平凡。蓮藕餅標榜人手剁成，入口有著蓮藕的清甜，煎香後外脆內juicy。豬扒更是餐廳的招牌作！侯座期間看到店門外播放的電視專訪，豬扒以梨汁醃製，再加人手每塊揼鬆。難怪如此肉質入味軟腍。而白飯淋上豉油，可外加蔥油拌飯。蔥香味令筆者食不停口。話說當年到訪屯門店時，手工麵售罄，所以今次再訪一定要試。三款中點了紫薯麵，原來麵條也是由他們以麵粉和雞蛋人手搓成。麵條質感彈牙又略帶爽口。雖然紫色麵條是因為加了紫薯汁，但紫薯味就不太食到了。豬手用了南乳汁炆製，醬汁比例調得剛好，不會過鹹過漏。豬手入味

唔講唔知閨家係西九開左分店，自從佢由屯門搬左出北角就好少去了，試晒西九都叫近啲，即刻黎懷念下佢住家嘅味道先。即使黎食下午茶一樣相當多人，差不多三點都仲係要等位，食客都好合作食完即刻走㗎。餐牌全新印制，硬皮加彩圖，好精美！而且食物選擇多左，有飯餐，麵餐，下午茶餐等。點了食開的肉餅豬扒飯，呢度個肉餅好正，百食不厭。個飯好多肉，加返碟油菜平衡下先，菜心賣晒得番生菜，生菜翠綠加埋蠔油好好味。鹹魚煎肉餅豬扒飯，上枱時香噴噴啊。好多鹹魚蓉，咬落超香口，肉餅彈牙鮮味。豬扒軟腍入味，旁邊的脂肪位勁甘香。唔少得呢堆蔥油同鹹菜，超好下飯呀。叫飯會送一個細燉湯，是日係蟲草花百合無花果煲豬展，湯頭勁濃郁鮮甜，原汁原味勁好飲。仲加左一杯熱奶茶，要左多奶好滑啊。超豐富的午餐加埋都係六十幾蚊，好味又抵食，唔怪得排隊呀！

今日去咗深水埗嗰度行街，差唔多行完有啲肚餓，所以就去咗西九龍中心嗰度買嘢食啊。因為而家限聚令，六點之後又唔可以糖食，所以就去咗買外賣啦。見到呢一間舖頭粉紅色非常之靚，我有啲玩具屋嘅感覺，出面又有咁多人排隊等緊，所以就試吓佢個價錢又唔係太貴，原來仲係標榜冇味精嘅茶餐廳，好似好吸引咁。我哋叫咗三個飯分別係咖喱如流飯、麻辣口水雞扒同埋慢煮豬軟骨飯。係等緊嘅時候發現原來佢嘅豬扒飯都好出名，下次試吓啦。返到屋企都用咗啲時間，但係打開個客發現全部野都係仲熱嘅，最驚喜就係咖喱如流飯，因為個如流係竟然仲係脆嘅，可能係新鮮炸，真係好開心呀，個咖喱都係用咗馬來咖喱，唔係平時茶餐廳食到嗰啲😳😳😳另外都試咗屋企人嗰個慢煮豬軟骨同埋口水雞，豬軟骨都好好味呀

香港人工作忙碌 要返到屋企食到住家飯飲到碗老火湯都唔係一件容易嘅事🥺 但係今次喺深水埗我就發現到呢一間價錢好平有不含味精嘅住家飯菜小店💛 每款飯麵都只係$4-50仲要已經包左一碗老火湯🤩我地試左鹹魚煎肉餅豬扒飯同日式鰻魚炒飯😍 肉餅同豬扒都大大塊 鹹魚味好香好出 豬扒入味夠腍👍🏻 日式鰻魚炒飯每粒飯都沾上左鰻魚汁 仲有唔少鰻魚肉 好惹味👅 送既老火湯都好足料 無添加味精☺️ 各款飯麵仲可以加$12要埋個油菜 咁就夠晒健康啦😎我地仲試左個小食 係涼拌海蜇手撕雞 加咗胡麻醬 雞肉特別惹味 海蜇好爽口 好開胃架🌟

某天去左深水埗行街，之後見到一間門面好pink既餐廳，叫閨家，入面環境都幾靚嫁，我買左外賣反去，留意反紫薯麵同菠菜麵不設外賣，因為怕影響食物質素，所以想食特別既麵記得下次早d堂食，老火湯好足料無味精我叫左一個柱候牛筋腩飯，牛筋好淋，牛腩都好煙韌入味，撈埋個汁食正之後仲叫左個咖哩雞飯，咖哩汁好有椰香味唔會好辣，雞肉好大塊，好多肉仲有叫左一碟招牌豬扒加手剁藕餅，豬扒大大塊，肉質比平時食既淋身，豬扒係用水果汁加秘制醬汁醃好，逐塊搥開，唔會好硬好黏牙，藕餅好入味唔油，撈雪菜同秘制醬汁一齊食，全部即叫即做。

天氣寒冷逛西九龍商場，見閨·家坐滿九成的的食客，餐廳裝修粉色系列、色彩柔和感覺舒服，店員態度親切。我們點左咖喱牛腩飯$50配老火湯，咖喱味香濃，牛腩夠腍，山藥南北杏合掌瓜豬𦟌湯，真材實料，味道清甜，飲得出沒有味精。超好味😋手剁蓮藕餅+波菜麵+熱奶茶$42，蓮藕餅很爽口，只鹹左少少，味道不錯👍。柱侯牛筋腩+紫薯湯麵$50，自家製手工麵，麵質爽又香滑，沒有防腐劑夠健康，牛筋、牛腩很腍夠入味。追加$12招牌豬扒，拍得夠所以肉質鬆軟，很美味。總結：食物原汁原味，服務佳，值得回頭再吃。地址：深水埗欽州街37號西九龍中心3樓319號舖

疫情期間，晚市無得堂食，出街買啲快餐外賣， 有時食完又口渴又油膩 ，唔想喺屋企煮但係又想食到家的味道， 喺西九龍中心見到閨家開分店就啱曬。門口很顯眼寫著無味精茶餐廳，而菜單都係一啲簡單香港菜色， 決定買三盒外賣返屋企同屋企人食。點了炆豬手飯（$49）、柱侯牛筋腩飯（$53）和咖哩豬扒飯 （$51）。真心三款都好好食，食得出真係冇味精，吃得出食材本身的原汁原味。首先牛筋腩份量幾多，不單只有五六件軟腍的牛筋腩， 還有蘿蔔件，夠曬甜。另外炆豬手好香，啲豬手唔係得啲骨，而係真係有肉食，南乳汁又多又香又有花生，送飯好正。咖哩豬扒飯點了小辣， 所以唔會話好辣，咖哩味夠香又有椰香，豬扒亦都鬆化，不過件數有三件，當中有啲骨， 對比起牛筋腩飯，唔算多肉食。最正嘅係每個飯都跟冇味精老火湯， 當日應該係蟲草花百合豬展湯，不過味道比較似青紅蘿蔔豬展湯多啲，因為湯很有蘿蔔的甜味，飲曬一啲都唔覺得口渴，幾好。

閨·家 @深水埗西九龍中心主打老火湯，住家飯式香煎蓮藕餅豬扒飯及慢煮豬軟骨飯。全店以粉紅色佈置，好girly嘅感覺。老火湯好足料冇味精值得一試，仲要每日唔同款！我嗰日係星期二，蟲草花百合無花果豬展湯，清甜又多湯渣，跟飯餐就已經有細碗湯，抵。香煎蓮藕餅豬扒飯（$50）豬扒薄薄地入晒味，煎蓮藕餅香口更有驚喜，豉油甜甜地好撈飯。涼拌海蜇手撕雞（$38）用麻醬撈過嘅手撕雞，好開胃，海蜇好粗身有口感。油菜（$12）好翠綠溏心蛋（$22）好流心好好食