閨•家 (西九龍中心) (已結業)

之前網上介紹過佢過個招牌豬扒，仲有我最鍾意既住家湯，而且標榜零味精，啱晒鍾意健康既我～入到黎環境幾pink幾有格調，同平時既茶餐廳唔同，野食款式都幾多。✨50 蚊既飯餐仲送老火湯，都幾抵食。今日飲既係蘋果紅蘿蔔沙參煲咸排骨湯，啲蘋果已經同個湯融一體，個湯真係超甜同埋好滋潤，真係好想黎多蛊。✨慢煮豬軟骨飯：未食已經feel到個豬軟骨有幾腍，個骨位炆到jelly 咁，食落膠質真係好重，腍滑又入味，個汁拎嚟撈飯一流。加$6 有日本溏心蛋半隻，個流心都做得唔錯。✨香煎蓮藕餅豬扒飯：招牌豬扒食落夠腍有蔥香，醬汁嘅味道索落塊豬扒度，不過味道就稍濃。蓮藕餅真係好好食，外皮煎到好香脆，入面又食到蓮藕嘅爽脆同彈牙豬肉。 白飯上既甜豉油恰到好處，拌碟嘅蔥油亦唔會過鹹。整體性價比都幾高，如果可以加錢轉大燉湯就更happy.

因為要去深水埗買野所以同家人去左西九龍中心揾地方醫肚，見到呢間店寫住無味精，所以就試吓。我地叫左蓮藕餅拼朱扒飯同花生豬手飯。每個飯都送一盅細嘅無味精靚湯。豬手入晒味又夠林，朱扒係薄身嘅，入晒味唔會硬。蓮藕餅足料，啖啖都食到馬蹄好爽口。個湯好濃郁，無味精，真係如佢哋嘅賣點，有家嘅感覺。由於太肚餓所以唔記得影相，四、五十蚊個飯已經包埋足料靚湯，絕對超值！個湯如果單買大盅size都只係$28！太過份！😆

自從禁堂食後都無出街食過飯啦，每晚都是自家製，健康但是悶。今日就去了西九龍這間yellopenrice買外賣返去食。涼拌海蜇手撕雞雞肉嫩滑有麻油香，懶人至愛。慢煮豬軟骨飯豬軟骨煮至入口無渣，肉質鬆軟，軟骨部份更是軟腍，而且很入味，醬汁撈飯一流。麻辣口水雞飯口水雞麻辣味適中，辣度可以接受，麻味亦都不會太過，食完滿口麻香，雞件煮至剛熟，肉質嫩滑招牌豬扒以果汁肉醃製的豬扒，帶點果甜香，肉質鬆化。最後不得不讚餐廳跟飯送的老火湯，今日是山藥南北杏合掌瓜煲豬𦟌，一入口即刻有住家湯的感覺，真材實料且零味精，鮮甜滋潤。

去北角閒遊，行到肚餓, 決定先食個晏的下午茶，食飽後再外賣飯盒比少爺，咁今晚就唔使煩食咩 偶然搵到呢間唔茶餐廳，比佢寫“唔落味精個牌”吸引了。（柱候牛筋腩飯）$52感覺好企理， 牛筋牛腩夠入味，鹹度剛剛夠，又帶少少甜。個汁濃味得嚟顏色幾清，牛筋腍軟，牛腩腍中有咬口，還有兩件白蘿蔔，又大又無喳，清甜又好味，白飯軟硬度適中，加唔加汁食都可以。跟飯迷你湯星期三的例湯係❨海底椰粟子瘦肉湯❩海底椰味比較清淡，反之粟子與肉味幾香濃，雖然成碗湯都無湯渣，但係幾好飲。追加(油菜心)$12點了少蠔油，廚師竟然會用蠔油畫花點綴，不像粉麵店一堆落係旁邊。外賣（香煎蓮藕餅併豬扒飯）$50每樣一塊，夠唔夠食㗎？ 原來塊豬扒幾大塊，用特製醬汁醃，效果是肉夠腍，醃得入味又唔韌，蓮藕肉餅係手工菜，用人手刴成。和暖嘅藕餅+清甜肉鬆，但唔會腍到無咬口，加埋蔥油粒與梅菜，根本唔需要醬汁伴飯食，正呀。好彩問咗侍應有咩推薦。趁仍有下午茶點，選埋飯後甜品外賣先。（朱古力脆脆西多士）$33厚厚雙層麵包，中間搽咗花生醬，加上適量鍊奶，再蘸點埋朱古力脆脆，並唔會太甜，熱食應該會更好味。還跟埋華田，好濃味，普通嘅外賣餐亦可以好完美。

好耐無嚟西九龍中心食野喇，發現開咗呢間餐廳，過了午餐時段依然坐滿食客。下午茶餐好抵食，份量一d都唔少。「手剁香煎蓮藕餅配手工紫薯麵」紫色麵好吸睛，味道口感都唔錯，重點在於蓮藕餅，煎到好香口，唔會肥膩，確實好味，而且內裡粒粒蓮藕好爽口。「滷水鳳爪」滷水好入味，當小食絕對是不錯的選擇👍🏻餐廳裝潢採用粉色，感覺很優雅乾淨。臨近農曆新年，店員還送上揮春，好靚呀...食過就明白點解咁多人幫襯...下次一定再嚟。

星期日特意去西九龍中心辦年貨，搞掂完真係好攰呀！😝見到三樓新開咗冇味精茶餐廳？！等我條脷講畀大家聽啦😝😝裝修簡簡單單，淺粉紅色作主調，有冇味精靚湯就招來，仲係一間深黃店，必定支持！🤗🤗點解豬扒拼咸魚煎肉餅飯 $50 ，仲有是日無味精靚湯送，貪心啲加咗杯凍奶茶😂😂豬扒煎得好香，好淋而且仲好大塊添，加咗蔥油同雪菜真係好有家的味道！😋😋咸魚煎肉餅，鹹魚嘅獨特香味同豬肉一齊真係好好味呀，表面煎到脆脆地，正！棒棒糖滷鴨飯，有啲台灣嘅風味，鴨肉滷得好入味，仲係完全冇骨👍食起上嚟非常方便，而且鴨嘅份量仲好多添🥰🥰湯真係一定冇味精，仲好鬼足料添👍👍杯奶茶係好飲嘅😂😂星期一至星期七，日日都會有唔同嘅靚湯，做個懶主婦可以喺度買湯返去飲，大盅都係28蚊😉

香煎蓮藕餅豬扒飯😋$50店員推薦我食呢個飯🥸我見到餐牌寫住LIHKG-PIG🐷覺得幾好笑，好啦就試吓呢碟連登豬先🐽塊豬扒不愧為店內招牌菜😝食落鮮嫩唔鞋口😉醃得好入味，而且個醬汁味道獨特🤓加埋塊手剁香煎蓮藕餅😛藕餅夠香口，口感爽脆😘跟餐送一盅細嘅老火湯🥰老火湯日日都唔同😊我個日飲嘅係蟲草花百合無花果煲豬展😍用料新鮮，飲落清甜潤喉，真材實料😏餐肉厚蛋三文治🥪$28 (下午茶)新鮮即製嘅三文治😛一定要即時食🤗凍少少都會影響口感🙈個蛋真係幾厚下😎中間仲有啲蛋液流出嚟🤤加上兩塊餐肉😝真係大滿足，好飽肚🤩跟餐送熱飲☕️閨•家 (深水埗)深水埗欽州街37號西九龍中心3樓319號舖

又一偷懶系列😅18:00後冇堂食放工又倦 真係煮到唔想再煮唯有買外賣番屋 沖個涼 一路食一路煲劇 爽！秋冬天氣乾燥 好想飲返啖靚湯潤下經過西九龍中心呢間食店打正旗號話冇味精仲話買飯送湯 價錢都係四十幾至五十蚊上下重點係😂😂我見好多人買外賣 咁多人買冇死掛又試下你龍與鳯先！叫左三個唔同飯盒 同屋企人share 食咁咪食到三樣餸囉！第一啖 當然要試下個湯有冇味精先！咦～又真係冇呃我喎今日個湯係蟲草無花果百合豬展湯好清香嘅蟲草花味 同埋湯嘅鮮甜味湯渣都有好蟲草花同瘦肉 足料！慢煮豬軟骨飯 （$48）送湯平時出面食d豬軟骨 軟骨一般都係白色硬掘掘呢個係炆到透曬明 林哂好正 成件可以食哂落肚三個飯之中 呢個d汁最惹味😋柱候牛筋腩飯（$52）送湯一夾起 就係大大條牛筋一向鍾意食筋嘅我 食得好滋味😚牛腩大件多肉 唔錯家傳蚊豬手飯 （$48）送湯係用花生南乳炆嘅豬手 南乳汁非常香濃花生同豬手炆到林曬 好入味👍🏻

✿╮❤╭✿✿雜感女生   好味日記✿˚*•✰。閨家．家的感覺。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤ ❤工作OT到一個點去西九龍買個靚飯回家吃這次是去粉紅色的小店閨家吃為的是人人都讚的一碗老火湯 我是湯怪，人人都知道也這裡的湯，好足料又冇味精想試好耐啦  獎勵自己食多幾款小食先飲湯湯只要買飯飯就送湯湯青欖青蘿蔔杏汁煲豬展老火湯我中意用自家碗飲好滋潤好濃香飲左唔口乾果然無味精、煮足4小時手刴香煎蓮藕餅飯圓圓的，大大件重點係蓮藕同肉要平衡蓮藕夠爽，肉唔痴牙味道唔錯！  涼伴海蜇手撕雞海蜇夠爽口芝麻醬配涼涼的雞肉超好食  麻辣雞腎份量極多微辣香口夠惹味中意蒜泥的不能錯過好足夠呢！ 香茅雞翼乾香又脆皮好食，肉又香做到香茅雞翼的精髓！  有湯有菜有小食好中意外賣閨家回家的感覺  

放假到新店～閨•家吃午餐， 地點於深水埗欽州街37號西九龍中心3樓319號舖。 店內座位不算太多， 餐桌與餐桌之間都密密的。 午餐點柱侯牛筋腩飯$52、 手剁香煎蓮藕餅紫薯麵$45、 涼拌海蜇手撕雞$38、 熱咖啡$5、熱奶茶$5、 老火湯。柱侯牛筋腩飯～ 牛筋腩口感軟腍， 味道偏淡。手剁香煎蓮藕餅紫薯麵～ 蓮藕餅爽脆好味， 紫薯麵顏色攞滿分， 口感帶點煙韌， 但食不出紫薯的味道。老火湯～ 星期一至日都有不同款式的老火湯 ， 點飯餐就會送細盅老火湯， 星期六有 蘋果紅蘿蔔沙參煲咸排骨， 味道清甜。涼拌海蜇手撕雞～ 涼拌小食特別開胃， 海蜇清爽可口， 手撕雞份量多。熱奶茶～ 茶香奶滑， 味道唔錯。熱咖啡～ 飲落有少少酸酸地， 奶茶比較好飲。推介喜歡飲靚湯的朋友， 可以來一試。

#見字飲湯熱辣辣靚湯只有閨家可以飲得到...有一碗靚湯勝過千言萬語🥺🥺逢星期一至五都有唔同嘅入味例湯今日係蟲草花百合無花果煲豬展👍🏼👍🏼味道清甜 滋潤喉嚨 每碗都有湯渣 真材實料同朋友叫咗棒棒糖滷鴨飯 平時好少食得到滷鴨肉唔會太肥 味道亦唔係太濃烈唔添加任何味精 好有家常便飯嘅感覺加埋一小碗白飯擺在碟上面 $52好抵食家傳炆豬手飯 係熱門菜式好快售罄有南乳汁炆過嘅豬手 超入味值得一讚 豬手無毛 一共3大舊 超有膠原蛋白 汁亦都可以撈飯 只係$48 柱候牛筋腩紫薯麵 呢度嘅紫薯麵係重點平時最多人叫 綠茶麵都相對受歡迎健康非油炸 而且新鮮打造 要趕快上枱嘅時候即食 唔會發脹 效果更佳

喺深水埗西九龍中心呢個舖位，最近轉咗手開咗呢間閨·家，打正旗號話係無味精茶餐廳，聽個名都知道佢主打家的味道，今日又約埋個同事嚟試吓。雖然佢話自己係茶餐廳，但餐牌係一本用硬皮製成嘅多頁餐牌，圖文並茂，印刷精美，感覺比起茶餐廳嘅檔次高一點。講到冇味精，首先一定會諗起冇味精靚湯，呢度一星期七日會提供七款唔同嘅湯水，並且會隨飯餐附送細盅靚湯。嚟到當日係星期三，係海底椰栗子煲豬展，海底椰有潤肺功效，真係抗疫之選！第一次嚟食，就揀個人氣推介嘅香煎蓮藕餅豬扒飯，蓮藕餅爽口，豬扒屬於薄身豬扒，不過都幾大塊，我仲加咗$6有半隻溏心蛋，味道唔錯。同事鍾意食辣，所以叫咗麻辣口水雞配紫薯麵。口水雞辣度適中，紫薯麵顏色好靚，微微帶紫薯香味，湯底甜甜哋，麵嘅份量多，個人覺得幾抵食！另外叫咗香茅雞翼，香茅味唔重，反而配搭雪菜又幾新穎。自小去食上海菜已經鍾意炸饅頭，估唔到呢度都有得食，饅頭炸得乾身唔油膩，係令人懷念的味道！呢間閨家價錢親民，又有無味精靚湯，所以午市時間都要等吓位，希望呢份家的感覺可以延續落去啦！

YellopenRice推介嘅良心小店閨家長期都勁多人，依家喺九龍區都有分店喇！新分店位於西九龍中心的3樓，當然要去支持下啦！麻辣雞腎 $28人氣推介的小食，雞腎爽口得黎有少少嚼勁，麻辣涼拌的味道令人相當開胃！麻辣口水雞紫薯麵 $45絕無防腐劑及添加劑的手工麵，顏色漂亮賣相吸引！口水雞肉質軟嫩可口，仲有大量嘅蒜蓉增香！咖喱豬扒飯 $50閨家的招牌菜之一，自家配方的咖喱汁充滿濃郁的椰香，豬扒厚身夠香口仲要啖啖肉，就算個飯底再大都可以食得落！蘋果紅蘿蔔沙參煲咸排骨有Order飯就會送老火湯，抗疫湯款每天不同，相當足料，熬足4個鐘，味道香甜，潤肺降火！凍奶茶凍檸蜜

同男友去咗南昌公園露營，之後趕住6點前堂食晚飯，入左西九龍中心一間新式茶餐廳快食，除左點了一碟炒飯外，還趕得切點下午茶、小食。五香肉丁炒飯炒飯炒得好香，散發著五香肉丁微辣既香同惹味，唔會太油，又唔會好乾，再配上一客湯，今日嘅湯係蘋果紅蘿蔔沙參煲鹹排骨湯，好濃好清潤，真材實料，飲落好似屋企煲既湯，抵讚。蓮藕餅紫薯麵這個下午茶餐配熱飲，要了熱檸蜜。蓮藕餅蓮藕爽口，豬肉肥瘦適中，不會太油，味道不錯。手工紫薯麵有驚喜，餐廳有三款麵選擇，菠菜麵、甘荀麵及紫薯麵，食得出真材實材，麵條吸入湯底好入味，加點雪菜一起食，就算食晒蓮藕餅後，淨食麵都一啲都唔單調。香茅雞翼一份有3隻，數量唔算多，皮非常香脆，但炸得有點過時，個人覺得肉質偏乾了一些。整體來說，炒飯同紫薯麵都不錯，湯很好飲。

西九龍閒逛的時候，見到這邊新開了分店。不過位置較為迫，而且餐廳面積不大，繁忙時間要排隊等候。套餐奉送老火湯，喝一小盅住家湯水，很鮮甜，入面還有很多湯水食材。菜肉雲吞紫薯麵湯麵有三款手工麵（甘筍麵、紫薯麵及波菜麵），任君選擇，個人較喜歡紫薯，所以就挑了紫色的。紫薯麵條較為硬身，比一般麵條沒有嚼勁，嚐不到紫薯味道，但卻更健康。另外一小碗盛載著菜肉雲吞。雲吞皮厚，肉比菜多。鐵板豬扒炒出前一丁鐵板即炒系列炒的麵底乾爽，麵條彈牙，容易吸味，所以跟豉油及調味料一起炒後略鹹。豬扒是餐廳的招牌菜之一，豬扒薄塊，很軟腍，不用刀叉，只是一雙筷子，都輕易撕開。揼得很鬆軟的豬扒肉質嫩口，蓋上香茅蒜粒煎香，特別惹味。