長洲冰室

营业中

休息中

炎炎夏日，入到長洲已經唔係淨係食串大魚旦，打包個芒果糯米糍就走🤣無去一排，長洲已經煥然一新，開左好多小店👏🏻嗰日30度行到流晒汗🥵想揀啲消暑嘅嘢食下，上網搵到間新派甜品店評價唔錯，所以入去試下順便涼下冷氣🥶🍧仙草黑糖三色圓冰睇相都知好爆料，份量絕不手軟🤪黑料仙草冰底，略嫌水左啲，不過唔會過甜。上面鋪上紅豆、薏米、三色芋圓、芋頭蓉，口感豐富。值得讚嘅係芋頭蓉夠錦滑👍🏻三色芋圓口感煙韌但芋頭、蕃薯同紫薯味道唔夠出，有待改善~而且價錢都唔平，會期待有更高質素嘅食物🔝

又係喺ig見到呢間打卡甜品cafe，去開長洲又咁熱，無理由唔食個透心涼嘅糖水🍧呢度嘅規矩係先付後吃，同埋每人係有最低消費一碗甜品/一杯野飲芒果夠哂甜。三色芋圓各自都好有蕃薯、芋頭同紫薯味，同埋粒粒都一樣咁煙un。紫米露甜度啱啱好，配埋墊底嘅豆花一齊食唔會覺得甜😋行到熱辣辣，坐低食碗咁正嘅糖水，簡直係人生一大樂事🤤

同朋友嚟長洲食完正餐之後食甜品去到長洲冰室度食.叫咗佢嘅招牌泰式奶茶三色芋圓冰同埋抹茶蕨餅嚟到大概五六點左右都冇乜人唔知係冇咩客人 定係呢度冷氣太凍係咁凍嘅情況之下食刨冰真係好凍🥶🥶🥶.▫️泰式奶茶三色芋圓冰 🍧👍🏻👍🏻👍🏻刨冰size 好大，兩個人share啱啱好個刨冰係奶茶味，好香奶茶味加埋紅豆 好似紅豆冰加奶茶😋.▫️抹茶蕨餅 🍵個蕨餅上面太多抺茶粉食起嚟有啲苦 不過都煙煙韌韌幾好味

今次黎到長洲當然要食D未食過既野啦，行行下見到依間長洲冰室係食糖水既，就入左去試下。我就叫左個泰式奶茶三色圓冰，成個冰都好豐富，配料有好多！我個人係好鍾意食紅豆，所以見到咁好紅豆都好興奮！跟住咁熱食Ｄ咁凍既野真係好開心。佢就唔係好甜，但有泰式奶茶既味道，唔係剩係得面既醬係咁，連個冰都有Ｄ泰式奶茶既味，如果佢個冰都係用泰式奶茶整成應該會仲好正！芋圓同珍珠都好夠咬口，唔太硬都唔太軟！環境都乾淨既，坐得都舒服，下次黎長洲都可以試下佢其他唔同既味。

去長洲除了要吃馳名的芒果糯米糍外，還有一間大有名氣的甜品店-長洲冰室。🇹🇭【泰式奶茶三色圓冰 $55】實物與圖片相符，賣相十分誘人，上端有一球雲呢拿雪糕，配料有豆味香濃的紅豆、三色圓以及軟綿的泰式奶茶冰底。三色圓分別為紫薯圓、芋頭圓和地瓜圓，各食材與木薯粉的比例調校得不錯，芋圓口感煙韌軟硬適中。如果雪糕球能換上泰式奶茶口味的雪糕，相信整體味道一定會跟上一層樓。🍧【雪糕泰式奶茶紅豆奶凍 $35】所有食材均是我喜歡的，不想吃一整份挫冰的客人可以考慮點選這個奶凍，整體味道不會偏甜。🍠【黑糖三色圓奶凍 $35】黑糖味道香甜，奶凍質感細滑。🥭【雪糕多芒奶凍 $35】這款雖然沒有太大特色，但味道上與外面的甜品店不相伯仲。

炎熱既夏天，去長洲行完張保仔洞，又熱又口喝，要食返d 冰凍既甜品解暑.....行行下，經過愛情🔒位，當然要打下咭啦，忽然見對面有間冰室... 想解暑既我，當然跑進去叫下長洲出名既甜品食下啦....我叫左三色芋圓芒果冰....真係第一次食到芋圓係可以甘彈牙，超有口感！芒果肉十分鮮甜，份量又多，仲要配搭埋芒果雪糕球，真係好味到極點，呢個配搭又唔太甜，真係有驚喜！淨係食哂成個三色冰，已經好飽，下次我會再特登撘船入去，試下其他口味既甜品先！🤪🤪🤪

長洲冰室📍.夏日炎炎☀️行到熱辣辣緊係要去食下甜品啦估唔到去到長洲甘遠都有啲高質甜品店🍮.泰式奶茶三色圓冰（$50）☕️奶茶味勁濃🍨啖啖冰都有奶茶獨特既香味加埋煙韌既芋圓同粒粒紅豆😋口感多重 好好味 值得推薦👍🏻.🍦雪糕多芒奶凍（$35）奶凍口感嫩滑 帶有啖啖奶香味🥛芒果🥭都幾甜 味道都唔錯.人均消費：$44美味指數：😋😋😋😋😋😋😋😋 （8.5/10）抵食指數：💰💰💰💰💰💰💰💰 （8/10）打卡指數：📷📷📷📷📷📷📷📷（8/10）.店名：長洲冰室 (長洲)地址：長洲北社海旁19C號地下

小島旅行呢三日，遇上超曬超好天嘅天氣，行兩步就出晒汗，行多幾步就要飲水，再行多陣就要休息。剛剛好，要休息就行到嚟呢間小店門口，天氣咁熱，食個糖水涼下冷氣，都不知幾爽，叉一叉電又可以繼續行程小店屬於半自助形式，到收銀處落單付款，然後就會有人拎到你個位 同老公兩個人一人叫咗一款，既然有兩個口梗係試吓唔同口味啦椰皇芒果雙圓燉奶。一上枱真係嘩一聲，好靚啊，芒果好甜椰皇清香，芋圓煙un適中，不過個燉奶就有啲鬆散，個奶味唔夠，但係幾樣野加埋係好食嘅椰香芋泥三色圓仙草凍。個堆芋泥好濃厚，椰汁底又好香，仙草帶少少清甜味，個紫薯芋圓真係好好味，係比較特別

因為今日天氣太熱，經過依間店見到d野好似唔錯就入左去諗住食少少野加涼下冷氣。兩個人一人叫左一樣甜品share食。我叫左個泰式奶茶冰，而我朋友就叫左個抺茶雪榚鮮奶。個奶茶冰都幾大份，兩個人都食唔曬，幾抵食。可以多d奶茶味，d芋圓幾好食同彈牙，仲有埋雪榚。但食完真係幾飽，可以搵多個人share。而個抺茶雪榚鮮奶因為太口渴同埋太好飲就無影到相，但會飲上癮，兩個人爭住飲，好快就飲曬。個抺茶雪榚好好味，溶左再同奶結合係幾特別，飲品甜度適中，十分推薦。

就咁聽個名以為係茶餐廳？其實係糖水舖😍 芋圓特別出名 仲可以買生芋圓當手信添.🐖🐖《泰式奶茶三色圓冰》$55 🐖🐖雖然睇相好似好大碗咁但其實一個人應該可以輕鬆KO 😎個雪糕係雲呢拿味 有d泰茶醬淋喺面但私心覺得直接換做泰茶口味應該會更match ～.除左雪糕外 配料仲有海量嘅紅豆同芋圓紅豆甜而不膩 綿得來又食到一粒粒嘅口感三色芋圓口感煙韌 （如果將佢地埋藏喺冰入面一陣 🧊就會硬硬地 得到另外一種奇妙嘅口感😂）⭕️ 紫芋圓嘅紫薯味真係好出 feel到真材實料⭕️ 個人最鍾意係黃芋圓 因為蕃薯香濃 而且甜度最高但絕對係天然甜😇⭕️ 淡紫色嘅芋頭圓就相對遜色啦 無咩芋頭味 而且仲有一兩粒有d苦？.呢個刨冰嘅冰粒幼細 唔係粗粒路線泰茶味都幾香 仲有小小煉奶而且個泰茶醬同個冰係混為一體 😻 所以唔洗慳住d醬咁食下撈下（大家明唔明食刨冰食到無醬係幾咁痛苦💩）.❣️🐭總評分🐷❣️味道：7/10服務：7/10環境：7/10性價比：✴️ 中 ✴️ENCORE：🧐（下次想試下椰奶味😚）

想散下心，都冇乜地方好去，就回下家鄉-長洲。去長洲除左食海鮮、魚蛋之外，仲有一間冰室（糖水鋪）每次都會幫襯，位置近碼頭，呢間冰室俾人感覺好悠閒寫意，可以放鬆一下心情。同埋甜品種類都幾多，有中式糖水、椰皇、燉品、豆花、刨冰等等。因為天氣實在太熱，不得不食返碗凍嘢。今次食桂花三色圓豆花，濃濃嘅桂花甜香味配上滑滑豆花 好正！重點，三色圓好煙煙韌韌，口感好得意，飽腹感滿滿。老闆娘都好親切，如果冇咁忙，會閒聊，所以返嚟食碗糖水好似返咗屋企咁。

去長洲必定食出名既糯米糍，但除左芒果糯米糍店，仲有一間新興甜品店長洲冰室，文青風格甜品小店，聽講都大獲好評。長洲冰室門面，有戶外位置及室內位置。名物是台式甜品芋圓及芒果的甜品，招牌綜合三色圓及芒果糯米飯是最多人點。三色圓甜品份量挺多，芋圓有咬口。三色圓甜品賣相不錯。芒果糯米糍飯，芒果味道都幾甜。朋友點的台式芋圓冰，好足料，顏色好吸引，看起來也不錯。這個抹茶蕨餅是冰室老闆自家製，很多抹茶粉，食落好重抹茶味，愛抹茶🍵既朋友可以點下。所有甜品賣相都幾好

榴槤飄香三色圓仙草$38呢間我book mark左好耐啦😋終於食到！碗糖水一送到就有極香濃嘅榴槤味飄埋黎，啱晒榴槤愛好者🤤🤤 店員一啲都唔孤寒，比左一大pat榴槤蓉，見到都好心動💗 三色圓分別有有芋頭、地瓜、同埋紫薯三種口味，口感Q彈而且軟硬適中，份量仲好多添😍 仙草就係平時咁既味🤣係香港好難食到好食既芋圓，但呢間算係好出色👍雖然就遠咗少少，但下次再入長洲一定會再去！ 👉每位最低消費一項甜品/飲品🍮

三色芋圓豆花坊間的芋圆好多味道也過甜，長洲冰室的味道剛好，地瓜及芋頭也很足料，地瓜跟薯粉的比例很好，吃到有地瓜及芋頭的肉，也有煙韌口感，而且並沒有過甜的糖水味。薏米腐竹清甜的口味像家的味道店員服務態度很好，有禮貌又親切。只是這家在長洲太有名氣了，人略嫌多了一點。星期五下午光顧，等候時間太概15-20分鐘。尚可接受。

芒果三色圓冰 - $58椰香芋泥三色圓仙草 - $34 🥥🥭🍠中學師妹極力推薦既芋圓果然值得一試✨所以話所有新事物同潮流通常都係由高中生發起始終覺得除咗鮮芋仙香港啲芋圓都唔係幾好食冇咩選擇咁所以一聽到有芋圓推薦就山長水遠坐船入長洲食芋圓😂😂😂 令我諗返起舊年因為好想食芋圓特登由京都撘落大阪排台灣甜商店既自己😣呢間芋圓勁煙韌好好咬好幸福🥺，啲芒果都好新鮮又甜勁好食🥭 雖然我好鐘意芋泥不過個仙草就麻麻地🤒 同埋佢有急凍芋圓可以買走，我走嘅時候已經買咗兩包同埋已經食晒啦！返到屋企都好好食不過自己又冇仙草又冇嗰啲奶都係俾錢幫襯甜品好好食啲😝唔係成日去長洲既你記得買多幾包芋圓放冰箱啦😛地點: 長洲北社海旁19C號地下營業時間: 星期一、三至日: 11:30 - 23:00電話: 2981 2982