長洲冰室

营业中

休息中

🧑🏻🐷放假無野做，不如坐船⛴入長洲行下食下野啦～ 千里迢迢黎到長洲，成日都見到人地post長洲冰室🌸，但次次都無去，今次一於要試試！🍧 抹茶紅豆三色圓冰 （價錢： $55）評分：4/5一打開本menu，我就被三色圓冰🍡既圖吸引住，賣相好靚🤩，第一時間梗係相機📷食先啦！有抹茶雪糕🍦、紅豆、三色芋圓，同抹茶味既剉冰。芋圓味道較淡，但煙韌彈牙口感唔錯，加埋紅豆一齊食較好，抹茶雪糕同剉冰依個配搭幾新鮮，值得一試！👍🏻🍨芒果紫米三色圓黑白配 （價錢： $39）評分：4/5食左配搭新穎既抹茶冰🍵，都想回味一下較傳統既台式芋圓糖水，依碗芋圓都係味道一樣且彈牙，配埋超甜既芒果🥭一齊食好好味😋，仲有我最鐘意既黑白配，即係仙草➕豆花，一碗糖水食到咁多款台灣特色既糖水配料，簡直係滿足曬我5️⃣個貪心既食欲呀！🥰————————————————————————🐷 整體食物： 4/5🐷 環境： 4/5🐷可達度：—

今日一場嚟到長洲當然去下打卡店，呢間糖水店非常ig-able. 所以試一試，點知真係有少少失望先來桂花酒釀三色圓（$30），天氣凍期望一碗熱辣辣的糖水，點知一食落只是和暖的，已經是有點失望，桂花糖水確是清甜有桂花香味，但是三色芋圓淡淡的，而且感覺有點硬，食了一半已經食不下了。另外的椰皇湯圓三色圓燉奶（$55），原本是充滿期待的，原因是要即叫即做，等了好一陣子才到，食落去真是熱辣辣的，這點取了點分！而且芝麻湯圓十分軟滑，而且裏便嘅芝麻香甜，湯圓是好食的！可能這個甜品較熱，三色芋圓也比較軟身，椰皇糖水也很清甜，但最敗筆的就是他的燉奶燉得過熟，老到有點鞋口這間打卡店吸引了不少客人來打卡，但我相信我下次會試其他店舖呢！

芒果糯米飯 $40呢度嘅芒果糯米飯係可遇不可求，嚟左幾次長洲終於畀我買到一次啦。$40蚊嘅份量真係好多，估佢唔到。完整大芒果一開二，好甜唔酸，但肉質仍然係新鮮有口感，唔係熟到就爛個啲。而糯米飯有2款味，綠色嘅應該係斑蘭味，配埋跟嘅椰汁好香濃椰味。而糯米飯嘅質地偏硬身，幾有咬口，我就覺得可以軟返啲，因為都要幾用力趙，但都好食嘅。落埋佢跟嘅米通，成個配搭都好掂。另外佢加$10有杯椰皇水，好鮮甜，份量係一杯標準杯裝汽水size。

今次同朋友完全係慕名而來🥰我哋都好期待食佢哋嘅冰嗰時仲係聖誕好有feel 文青嘅感覺打開餐牌超級多選擇 重點係款款都好想試 全部影出嚟都係勁靚 勁適合打卡會唔會太靚啊 食嘅時候要破壞佢 真係有啲唔捨得😂我今次目標明確 叫咗泰式奶茶三色圓冰($55) 開頭食佢嘅冰 唔知點解覺得個味道好奇怪 點知越食越好食 佢嘅泰式奶茶味好香 但係唔會過甜 重點係成個冰都係有奶茶 而唔係淨係得個表面 芋圓睇圖都知俾咗好多 好煙銀好有咬口 番薯圓嘅番薯味特別出 另外兩種嘅味比較淡 紅豆好食 雪糕都要讚下 係比較結身 而且雲呢拿味好重嘅雪糕 我朋友食唔停口😂雖然話佢係甜品 但係食完真係超級飽😂嚟長洲嘅大家 一定唔可以錯過!

長洲近年來都開了不少新派的小店，美食絕對不只大魚蛋和紅豆餅，今次到來目標就是試這間甜品店。最主要吸引我的是這裡有很多芋圓的甜品，另外我還點了芒果糯米飯和心太軟。首先要試我專程來吃的芋圓，我們點了多芒三色圓仙草，三色分別為紫薯、地瓜和芋頭，每種都吃得出原味，其中地瓜的香味最出，而芋頭更有顆粒口感，丸子煙靭有咬口，感受到餐廳的用心製作，配上香甜的芒果、香滑的花奶和仙草吃，味道的層次更豐富。芒果糯米飯的有糯米飯有兩款口味，分別為椰汁原味和斑蘭味，個人對斑蘭味感到十分有驚喜，比較上香甜和帶有斑蘭清香，配上又大又甜的新鮮芒果和脆米吃，口感一流。心太軟配雪糕其實就沒有太大分別，不過吃到軟心熱辣辣的朱古力加上雪糕吃就感到十分幸福，是我十分愛的甜品。我覺得這家店的芋圓甜品的確出色，吃得出用心機做每種丸子，用的食材亦有份量和質素，很有誠意，下次再想吃芋圓絕對想回頭光顧這間店。

去長洲為左食長洲冰室既芒果糯米飯唔知係咪期望愈大失望愈大芒果糯米飯 $40芒果好甜 一啲都唔酸但係佢既糯米飯煮得太淋完全無乜口感🙈鐵觀音桂花糖茶 $20呢個茶有驚喜👍🏻清清地既鐵觀音有淡淡既桂花香味而且甜度適中 正👍🏻👍🏻👍🏻

芒果三色圓冰（$60）最突出既係三色芋圓，口感十分煙韌，q彈，有咬口。味道方面亦都好明顯咁係一入口就食得出紫薯，番薯同芋頭既味道，呢一點係幾驚喜既。因為之前食既芋圓好少會食到咁明顯既分別，多數都係用顏色黎估係邊粒打邊粒😂所以大推呢間有芋圓既甜品👍🏼👍🏼芒果雪糕味道偏甜，可能落咗練奶。質感係類似gelato 質地既雪糕，比較creamy實在。剉冰係比較綿，入口即溶既雪花口感。細節位都做得很精緻，例如係餐具，同埋碗甜品真係同張相一張present得咁靚。以呢個價錢食到咁高質既甜品，超值👍🏼希望遲啲可以開多啲分店，唔使要搭船入長洲先食到喇😭

疫情期間出國散心無望，唯有小島一日遊。選擇平日少人去，決定一試這間長洲出名甜品店。平日下午時份，這間甜品店人流不斷，客人如水流一樣不停進入進出，我們還是要等候好一陣子，店鋪對比其他島上小店蠻寬闊，裝潢以藍白為主，光線非常充足，感覺休閒放鬆。店內設有每人最底消費一份甜品，我們選擇了店員推薦的「泰式奶茶三色圓剉冰」，第一口一吃便愛上，很有泰國的味道，紅豆煮得正好很綿及起沙，芋圓口感適中，不會過軟或過硬，三種口味的芋圓味道分明，食得出小店的心思，而且冰底並不是坊間在冰上淋醬汁，是實實在在把冰泰式奶茶雪做冰底，店員還跟我們說如果個人口味比較重的話，可添加醬汁的，這絕對是必吃之選。😋😋😋由於食既同時，我們聞到一陣陣很濃郁的泰茶味，一問之下，原來店員正製作及手拉泰茶，朋友和我二話不說，再點了一杯泰式奶茶，這杯茶絕對沒有可挑剔的地方，只有讓你更想去泰國旅行😀哈見到店內有十至二十多箱的芒果，感覺不吃一款芒果甜品是不對的，朋友便點了一客芒果豆腐花，豆腐花味道香滑帶有豆味及微甜，芒果非常清甜，半點酸的味道也沒有，而且芒果份量也不少，朋友起初覺得一整碗份量不多，但吃清後，原來是很飽和滿足😊哈哈 😁眼寬肚窄如

雖然已經飽了，還是想吃一下長洲冰室的三色圓，本想與朋友分吃一個甜品，然而此店規定每位客人最少點一甜品或飲品，於是我們吃完真是飽得步行也艱難，哈哈! 碼頭一出轉左，再沿海傍街走，平記街口再上坡就是長洲冰室了，眼見易拉架餐單都成青綠了，還以為自己來錯了。下午兩時多，人客佔店一半，室內室外空間闊落，近廚房及冰櫃位有數大籃芒果，頓時覺得: 想吃芒果又不能出國，來長洲可以吃到不少。點食物要到櫃檯，付款後店員會送餐。我點了三色圓燉奶，或許在台灣吃過更合口味的芋圓及地瓜圓，只覺這裏三色圓是煮得不錯的湯圓，但要是你想吃味道突出的圓，就不用特地來吃。 -#椰皇芋泥三色圓燉奶(凍) $56 原個椰皇上桌，一陣芋頭香先撲鼻而來。椰皇底部有一布丁小碗用作平衡，木盤還有一瓷匙一鐵匙。照片中見的芋泥用匙一攪就與椰汁及極綿奶凍融合，以致液體質感像稀了點的椰漿，奶凍、椰汁與芋味三者相配。三色圓份量頗多，每圓如指甲般大，煮得平均，不會外粉爛內硬，少許煙韌，獨立嘗各味時，較能嘗出芋圓及紫薯味，但未至深刻。 -

講起長洲又點少得掃街先得架🤣雖然最近已經秋風起，但一啲都無減退Momo同Boo食冰既興致🥰今次去到長洲冰室就梗係要試吓好多人推薦既泰式奶茶三色圓冰啦🥰🥤($55)個冰連埋球雪糕成座山咁高😆個泰式奶茶味都幾濃😍芋圓都夠煙韌👍🏻份量夠哂2個人食🙆🏻‍♀️價錢都合理☺️餐廳要求一人叫一樣食物，記得預定quota先好去呀😛

Nice place for taro balls!!The taro balls have good chewy texture and nice sweet potato/ taro flavour.The three colours taro balls are made of 🍠 Taro🥔 yellow sweet potato🍠 purple sweet potatoThe taro paste has a rich taro taste and the bean curd custard was very smooth

疫情關係今年冇旅行去，留港又想出去走走的話，長洲係一個不二之選,原來平日長洲都好熱鬧,行左一陣都覺得有啲口渴於是黎長洲冰室坐下， 店內環境好chill, 好有渡假感覺🏝🏝🍹🍹餐牌上面有各式各樣嘅甜品，其中一個條件就係每人要點一樣甜品😏😏我揀左芒果西米露,芒果好甜入口好清涼🧊🧊，滑流流咁流入喉嚨，另外點左招牌仙草黑糖三圓冰🍧🍨，好大碗呀🤗🤗底下全部都係仙草，上面鋪滿煙韌芋圓，紅豆粒粒好有嚼頭唔會太爛，沙冰加入黑糖，甜中帶點清涼，食完簡直心曠神怡🥰🥰

連續幾日放假，就去咗長洲玩啦，當然食咗長洲魚蛋啊墨魚丸呀，炸薯圈呀，咁但係我就第一次嚟呢間甜品店食嘅。咁聽朋友講呢其實呢間舖頭係要排好耐隊嘅平時，但係我哋去嘅時間呢就揀咗係朝頭早，所以呢就唔使等位，但係呢都每張枱都有人㗎喇佢。我哋首先叫咗抹茶紅豆三色圓冰。冰咁佢嘅芋圓呢都幾有咬口，係我鍾意食嘅。另外呢我哋去嘅時候佢就話未有呢個芒果糯米飯，因為啲貨仲未到啊！跟住我哋就見到啲貨呢新鮮運到之後呢，就我哋就有呢個芒果糯米飯食呀開心！糯米飯嘅質感啱啱好，唔會太黏或者太乾。芒果呢都算甜唔酸。值得推介！

黎到長洲梗係要試下甜品啦😄起舖頭外面經過已經見到人頭湧湧...而且個menu又多花款，已經夠哂吸精💕今次想試左芒果糯米飯，同酒壤桂花奶凍😉個人就覺得糯米飯有小小硬，呢點較為失望如果可以冧返小小就更好，不過芒果係甜嘅👍至於桂花奶凍真係一食就好有驚喜 😻桂花甜味好重又吾會太over雖然外表平平無其，但真係值得一試

黎到長洲緊係搵間甜品鋪食下啦桂花糖三色圓仙草 - 啲仙草唔知點解幾好食😂 可能因為啲角位邊邊有咬口，芋圓都係得十幾粒 不過都好食芒果糯米飯就好普通 不過40蚊到都算係咁啦～