長洲冰室

营业中

休息中

入到長洲最重要梗係掃街啦🤤食到咁上下天氣又熱就搵左呢間冰室叫左個😎泰色奶茶三色圓冰 😎無添加新鮮椰皇水1. 泰色奶茶三色圓冰有紅豆 芋圓 奶茶沙冰 同埋香草雲糕紅豆唔會太甜怕甜嘅人都一定食到芋圓嘅話發揮正常 不過就冇咩甜味 最好就落多少少糖水奶茶沙冰就最有驚喜 奶味 茶味都有齊 最重要係唔會過甜 凍冰冰食落口真係好過隱🤤2. 新鮮椰皇水本身叫嘅時候冇抱住咩期待 只係想解渴點知黎到一飲好重椰皇味之外 仲好冰涼中意飲椰皇水嘅千奇唔好走寶🥳

難得10月1號公眾假期嚟都長洲玩 試咗好多唔同嘅長洲小店其中一間就係呢一間長洲冰室見好多人都會嚟呢度打卡仲話要排隊添呢日公眾假期嚟 都反而唔使排隊即刻有得入要留意嘅係 店內嘅規矩係一人至少要叫一個甜品我覺得係有啲唔合理嘅因為好多時甜品大家都係share嚟食然後呢一個甜品都要60幾蚊我就覺得呢個價錢 加埋呢個規矩 有啲離譜芋圓的確係幾好味嘅唔會話得個咬口而冇味你逐粒逐粒都係食得出佢分別有咩味然後啲牛奶冰都好香好好食然後一個木嘅托盤 擺喺一張雲石枱上面俾人打下卡咁唔係話難食嘅 不過我就唔會再嚟啦

疫情關係，好耐冇嚟食，今晚食完飯，亞媽話想去食甜品，我地就由南邊行到北邊，足足行咗三個字，為左食好嘢，咁遠水路都要去！入到去，門口有部體溫測試機，我地坐底左，睇左陣，我就叫左雪糕多芒雙圓仙草（多花奶），亞媽叫左椰香芋泥三色圓仙草。我覺得仙草比起涼粉更好味！哩度嘅三色圓好有芋味，而且軟軟地，口感超好，至於佢哋嘅芒果，次次食親都係甜，就算有時未必係好甜，但都未試過酸；而花奶係可以免費添加！試左嗒亞媽嘅椰香芋泥，椰汁同芋泥味都重，超讚!

以前入長洲就會掛住食糯米糍，近期開左間新式甜品店長洲冰室，人龍一直都咁長，可見佢受歡迎度。泰式奶茶三色圓刨冰行到熱辣辣，食返碗透心涼既刨冰就最好不過了！泰式奶茶味真係第一次試，仲少有地配搭埋芋圓，依個組合好新鮮。賣相好吸精，牛奶雪糕好香濃，泰色奶茶冰底味道超濃郁，完全唔甜，略嫌太苦，如果同埋雪糕一齊食先中和返，建議雪糕上既泰式奶茶漿可以多啲。三色圓味道偏淡，可能俾泰茶味cover 左，口感煙韌，個人認為都係配糖水會match d。椰香芋泥三色圓豆花有點失望，唔太大驚喜，最好味都係芋泥，味道好香濃，同豆腐花都好夾。本以為係會用椰奶底，但好似用左椰子水，攪到成碗豆腐花好水好稀咁，破壞左個賣相。

泰式奶茶三色圓剉冰$55桂花糖三色圓$23·因為佢規定每個人要嗌一個甜品 而我地又真係無能力食兩個 所以我地就嗌多左個齋芋圓算 點知最後佢個芋圓最唔好食🙊😂😂😂佢個奶茶冰幾好食嘅 真係好濃嘅奶茶味 佢上面嗰雲呢拿雪糕就一般啦 冇話好夾咁🤭反而係佢個紅豆超級軟糯 我幾鍾意 至於啲芋圓我覺得有啲失望😭佢大粒就大粒啦 而且口感真係幾煙韌 但係佢冇乜味🤭無論你點奶茶冰啦 定係個雪糕 定係點啲紅豆 定係點佢啲桂花蜜 佢都係冇乜味🙊😂·📍長洲冰室 (長洲北社海旁19C號地下)

講咗幾年 到上一次黎長州又咁啱休息今次去終於去到了😻店舖入口面積都算大 雖然枱比較多 但都唔算好逼夾 因為大多都係卡位都算舒服😚今日獲安排坐佈滿乾花既藍色牆前的長木枱 望住牆上既長州今昔對比照同乾花食甜點都幾寫意🤣而且室內亦有少量座位（不過夏天都係有冷氣比較合適🥵）由於店家要求每人最少消費一款食品/飲品所以另外叫咗個奶凍試下反正主角都係芋圓冰！🤩泰式奶茶三色圓冰 $55呢個係店家招牌之一 寫住奶茶控必叫 另有抹茶同黑糖口味既剉冰 都係熱門之選✨份量算係正常 大概1-2人份 好快就可以ko佢😚賣相亦都算吸引 用嚟打卡都唔錯🤣冰底係泰式奶茶味都算重茶味 唔會話好淡而且芋圓都好煙韌 食得出芋圓/地瓜香味 加上雲呢拿雪糕同泰茶醬 整得都幾好食同消暑 不過就冇話食完好驚艷嘅感覺🤥評分: 8/10🌟酒釀桂花奶凍 $28雖然賣相唔太討好 但食落係好大陣酒香味（都易接受 唔卻喉）而且奶凍面上既桂花食落都有陣陣清香🥰奶凍質感都好細滑 不過多食會膩 始終係奶製品建議share交換食較好 可以試多幾款🤣評分: 7/10🌟——————————————————————————————長洲冰室 (長洲)長洲北社海

終於都食到泰式奶茶三色圓冰個冰好香好濃thaitea味配上雲呢拿雪糕加埋芋圓呢個好味♥️抹茶紅豆三色圓冰因為係抹茶嘅關係所以佢比較偏苦身如果你係好鍾意食甜野嘅呢個就會唔岩你但因為我都好鍾意抹茶嘅關係所以我都好鍾意呢一個配搭。

講唔停不嬲都好鍾意食芋圓🍡冇諗過係長洲都有間幾出名食芋圓嘅糖水舖😍所以上次難得入開長洲梗係去試吓啦😝呢間餐廳嘅人流都算幾多 平日中午去到都坐滿唒人😲首先要讚嘅係即使樓面好繁忙 店員嘅態度仍然係十分之親切💕 令到成個用餐體驗都超級良好👍🏻椰香三色圓冰 $55呢個冰講唔停好鍾意🤩 佢個冰底好軟綿綿🍧而且椰子味好足🥥 配埋又甜又綿嘅紅豆 好煙韌嘅三色圓同埋雲呢拿雪糕一齊食 口感超級豐富😝 甜度亦都啱啱好😚不過就略嫌三色圓嘅味道比較淡😢 唔係好食得出咩味😬椰皇湯圓三色圓燉奶 $55呢個糖水嘅椰奶味都好濃😋 而且配料好豐富 有芝麻湯圓 三色圓同燉奶🥰 個芝麻湯圓好香🤤不過個燉奶就麻麻🤫 唔係好夠滑同埋有啲散🙈 整體黎講 講唔停覺得呢度嘅甜品都幾唔錯🤤行得攰又想搵間店坐低涼下冷氣嘅話🌡呢家亦都係一個幾好嘅選擇👍🏻 但提提大家 呢度有設最低消費 每人要嗌至少一杯嘢飲或者甜品🙆🏻‍♀️

長洲開了很多家芋圓店，這家主打冰品，在openrice也有不少好評，果然沒令人失望。店内裝修走文青休閒風格，亦有少量露天座位，可惜不是正對著海。想跟男朋友點一熱一凍甜品，問店員能不能先上熱的後上凍的，店員都盡量滿足要求，服務值得一讚。雪梨紅棗枸杞燉桃膠（$42），男朋友不太好甜，覺得甜度剛剛好而且十分足料。仙草黑糖三色圓挫冰（$58），大大份鋪滿薏米、西米、紅豆、三色芋圓，還有軟綿綿芋泥。中間是浸滿黑糖漿的挫冰，底層有仙草。身為芋圓控對芋圓質素很有要求，這裡的芋圓煙韌有咬口，而且食得出有芋頭香味（坊間實在太多完全無味的芋圓），但食到中段會被黑糖蓋過味道，怕甜的男朋友覺得黑糖漿有點過甜，但我覺得還可以。整體來說足料好食！本來想再外帶一份芒果糯米飯，但7點多已經賣完。下次會再去試其他甜品。

係IG 碌到長洲既餐廳🏖，呢間出現得差唔多最頻密😅 因為行左成日山🏔涼個冷氣食個冰都幾嘆🥳 可能係咁 佢D 甜品既價錢比起市區都算少少貴🙈⭐️ 泰式奶茶三色圓冰 🇹🇭 ($55)份量兩個人分都幾滿足👍🏻賣相都好靚 奶茶味有少少過甜唔夠茶香🍵 三色圓咬落好QQ😋但係無芋頭味🍠人工香精味太重 扣返D分⭐️ 原隻椰皇湯圓三色圓燉奶 🥥 ($55)椰皇同燉奶呢個組合無得點挑剔😁奶味都好香濃 但係湯圓凍左d ❄️而三色圓既香精味太搶😕 就咁燉奶可能好食D雖然環境同食物賣相都OK 但希望佢D甜品質素都可以改善下😅 打卡都打得開心D📷

📌 長洲冰室~長洲嚟到長洲又點少得要去長洲冰室食甜品😍炎熱天氣警告底下梗係要食返啲清涼嘅甜品🍧見大家都話呢間係長洲必食 咁推介嘅話一定要試！環境算幾乾淨 入到去冷氣真係幾大🥶就好似有一個蒸爐行返去天堂咁🤣估唔到平日都人頭湧湧係二人限聚令嘅底下基本上係冇隔開只係用塊板隔住😅好彩係坐角落位較為安全不過真係有好逼狹嘅感覺🧐呢度真係有超級多甜品可以叫 包括有芒果糯米飯、剉冰、燉奶、芋圓同其他中式糖水😋而其中嘅剉冰最為受歡迎 打卡度十足📸留意番堂食需要每人需要叫一份甜品或飲品而且先俾錢後送餐😗1️⃣ 泰式奶茶三色圓冰 𝗧𝗵𝗮𝗶 𝗠𝗶𝗹𝗸𝘁𝗲𝗮 𝗦𝗵𝗮𝘃𝗲𝗱 𝗜𝗰𝗲 𝗪𝗶𝘁𝗵 𝗥𝗲𝗱 𝗕𝗲𝗮𝗻𝘀 𝗮𝗻𝗱𝗧𝗮𝗿𝗼 𝗕𝗮𝗹𝗹𝘀 $𝟱𝟱 (𝟲.𝟱/𝟭𝟬)呢個係招牌剉冰 點可以唔試🤩份量比我想像中少 只係一人份量～賣相幾靚 打卡一流👍🏻冰底係泰式奶茶味 較為淡味(´▽｀)甜度唔高其實幾好 不過偏清淡🤣配料都幾多 有好多紅豆、芋圓同雪呢拿雪糕🍦本身以為可以自己淋上泰式奶茶醬結果嚟到嘅時候已經淋咗 而且唔係好夠味😔不過最為失望都係三色圓🙁雖然係幾煙靭 但係完全食唔

疫情下避走長洲， 刻意選擇平日入嚟， 諗住唔多人， 1230pm到達舖頭內可以坐嘅座位都接近坐滿， 可想而知呢度嘅甜品唔錯。我自己試咗芋泥三色圓仙草， 其實三色圓我又唔係特別喜好，但係加埋芋泥鮮草一齊食，我覺得係唔錯嘅選擇。屋企人叫咗芒果奶凍， 我鍾意食布甸多過奶凍，試左一啖味道唔差嘅， 不過就唔係我嘅favorite。另外又試咗雪糕芒果三色冰圓， 鮮芒果加埋有芒果汁嘅刨冰， 簡直係夏推介。好滿足，呢餐糖水食完當埋lunch， 食飽就去玩。

🍧泰式奶茶三色圓冰（$𝟻𝟻) ▪️芋圓煙韌有咬口，正常水準💁🏻‍♀️泰奶味刨冰茶味重過奶味，味道唔算濃郁，亦唔會好甜😬紅豆偏硬身，食落粒粒分明～🍨雪糕榴槤飄香奶凍 ($𝟺𝟹)▪️反而覺得奶凍仲好食過芋圓🤣🤣奶凍好滑，奶香味幾濃郁👍榴槤蓉幾大pat😆

🌊仙草黑糖三色圓冰｜💰58✔️芋泥唔甜天然芋頭⭕️可惜覺得太少✔️紅豆偏硬身有咬口✔️黑糖味好重，覺得冰有少少偏甜，但配埋仙草就啱啱好.🥤泰式奶茶三色圓冰｜💰58淡淡奶茶香，偏清淡唔太甜.🥭芒果三色圓冰｜💰60好香芒果味，唔係死甜，生果嘅清香.🍡黃地瓜圓係淡淡清香蕃薯味🍡紫地瓜圓真係天然紫薯味🍡芋圓芋頭味都好重三種都好煙unnnnnnnnnnnnnn-🍋芒果糯米飯｜💰40-仲有椰皇、湯圓、豆花等等中式糖水系列-

長洲甜品唔係淨係得芒果糯米糍嘅🤓，仲有望落企企理理嘅冰室，可以食芋圓挫冰、芒果糯米飯同多款糖水。.🍠仙草黑糖三色圓挫冰(HK$53)比想像中細份，但以一人份量黎講已經好夠😋。一碗挫冰配料有芋泥、黑糖醬、芋圓、薏米、西米、紅豆、仙草，🍨雪糕需另外加錢。整體不過不失，但對芋圓同黑糖較為失望🤔，三色圓唔係太食到芋頭或蕃薯香味。.另外試左個泰式奶茶，顏色就夠靚，但略嫌較苦澀，唔算太啱口味。#個人意見