鐵牛台灣牛肉麵 (旺角中心第一座) (已結業)

A recently opened #taiwanesebeefnoodle place at #mongkok 😋 😋$58 #braisedbeefnoodle comes along with the #beeftendon #beefflank which are both juicy and tender, the broth is not that kind of traditional herbal soup, which tastes much mild 😋$36 #tofu with molten #thousandegg the portion is more than expected from the menu 😑$40 #cheesychicken covered with thick gluey #cheesesauce but it dun taste like cheese, the chicken is crispy. We'd rather prefer ordinary #deepfriedchicken 😋$42 #pigears #porki

在香港能吃到台灣料理真的超難！就算茶木，好是好吃，我只嫌它有點太過精緻，吃不到台灣的粗豪！所以吃罷完全止不到去台灣旅行的心癮(´･ω･`)最近吃過一家台灣料理鐵牛台灣牛肉麵，我覺得有點像樣了，價錢貼地，多一點台灣人風貌，推介大家一試。 有一項不一樣的就是這裡食物和飲料種類超多，印象中去台灣通常是東家吃吃西家喝喝嘛( ´▽｀)這一點就有些港式，不過只要是好吃好喝的話我是覺得沒差啦。這裡的習慣是先帶位寫點餐紙，再到外面下單加付錢，然後等送餐，大概台灣多是這樣？不曉得，個人認為有點不便，餐廳多人行來行去，地方峽小實在不宜。晚餐時間來到沒套餐了，不過點麵食或飯食，加半價左右就有飲品了！ 怎麼可以不吃台灣最有名的紅燒牛肉麵呢？其實我去台灣才兩次，基本上每天都吃這個(￣∇￣)牛肉入口即溶，完完全全吸收了湯的味道。麵有嚼勁，彈牙掛湯，合格！也許就是太期待了，就覺得依然差一點點。差什麼？就是湯不夠藥材味！為什麼呢？好像在港的每一家就是欠這種味道。 在台亦常吃到的沙茶貢丸麵線，上桌被份量嚇了一跳（≧∇≦）之前在台式火鍋店吃過沙茶醬，自此一試愛上。鐵牛的沙茶醬，有點點重口味，如果怕油膩，這個真的

早前與友人係旺角行完街後, 便到附近的鐵牛台灣牛肉麵食飯. 來這裡, 當然要食與牛有關的菜式. 最後我選了主廚私房牛肉麵, 也可以加$3換新竹米粉. 除了麵外, 也有乾半麵, 麻辣湯麵,便當, 小食和小菜選擇, 款式多不勝數. 凡惠顧便當或麵類, 加$10換熱飲, 加$12換凍飲或者加$16換特飲. 最後, 我選了熱的芋香珍珠奶茶. 小食選了黃金梅子脆薯和逢甲鹽酥雞. 店員先奉上芋香珍珠奶茶. 入口有淡淡的香芋味道, 珍珠幾煙韌, 帶有少少甜甜地, 口感不錯. 黃金梅子脆薯. 薯仔切成厚身, 特別有薯味. 外層香脆, 內裡幾軟身, 而在薯條上灑上梅子粉, 多了一份甜甜酸酸, 特別醒胃, 好適合作為餐前小食. 逢甲鹽酥雞. 食台式菜, 鹽酥雞不能缺少, 上枱時已香味撲鼻. 入口時不會覺得好油, 幾乾身. 外表幾脆, 但又不會覺得炸粉太厚, 內裡的肉質尚算嫩滑, 味道調教不錯. 主廚私房牛肉麵. 當中有牛腩、牛展和牛筋, 可以一口氣食不同部份的牛, 對於愛食牛的我, 絶對啱晒. 牛腩, 牛展和牛筋也夠腍身, 帶有肉汁, 不會太乾身和硬. 三款中, 我自己特別

之前見有雜誌介紹過,岩岩又見鐵牛係旺角開左分店,所以就過去朝聖下先!佢位於旺中嘅basement個層,以前意粉屋個個位。一入去就有位啦不過我地2個人都要搭台,所以你要有心理准備呢間鋪頭要搭台。入面有d侍應係講台語架,ha ha感覺有點點兒的地道感覺!我地各自點了一個拌面同湯面,個湯汁都唔錯,飲左好多湯,但牛腩就太難趙,面絛都ok ge,而拌面好野味,同埋有個湯mixed埋,唔驚太乾! 叫左個拼盤,但我覺得拼盤個3樣野都太乾啦,好似擺左好耐咁,唔係太鍾意野飲可以加錢要,要左2杯特色野飲,宦不過不失啦!最後提提各位,呢間係要填 menu跟住去cashier俾錢,過一陣就會有人送餐過黎

旺角中心開了新的台灣菜，同朋友行完街就黎試下。店員會先帶位，落單則寫在點菜紙上，再到外邊比錢，埋位等食，不用加一的。招牌紅燒牛肉麵（$58）哈哈，大家都點呢樣，大概是因為太有名？聽說老闆就是為了追女仔先學會的牛肉麵，味道有保證吧。牛肉炆得很淋，麵吸湯一流，湯底不錯，只是喝多了有點咸。蔥燒豬軟骨肉爆乾伴麵（$60）另外有朋友點左一碗乾麵，麵條係一樣的，豬軟骨同樣炆得很淋，一咬就散了，味道ok。魚酥皮蛋豆腐（$36）豆腐很滑，加上軟腍的皮蛋，簡單又好味，不過醬汁都是略咸的。黃金梅子脆薯（$32）蕃薯條甜甜的又香口，好好味，但梅味吃不出來。夜市小香腸（$36）台灣香腸無得輸，煎得香脆，加少許芝麻同蔥更香口。肉燥小茄子（$34）茄子走油，皮脆，內埋軟腍，加埋肉燥一齊食很夾呢。香芋珍珠奶茶，檸檬紅茶，檸檬綠茶，蜂蜜綠茶（+$16）叫麵或飯可以優惠價加台式特飲，食台灣野就係為左呢杯飲品，味道調得不錯呀，沒有過甜，大大杯又夠凍，正。食物有點過咸，但味道還可以的，加上一杯甜甜的台式飲料平衡返，哈哈，而且價錢不算貴，可以一試。

上星期第一次黎食午餐，好快有位。朋友話尖沙咀都有總店幾好食，這間係分店，相信同一分店應該唔會太差，就黎尼度試試～試左台灣招牌菜 ---- 紅燒牛肉麵，套餐價$58連熱飲，牛肉好好味，不過湯底不夠濃，有改善空間。份量適中，員工有部分係台灣人，有禮貌，整體環境不錯。比較特別係佢地用自助落單形式的，我地覺得咁安排好好，平時大班人出去食lunch成日都落漏單，自點自助落單就唔怕會落錯單👍🏻👍🏻 不訪一試。

有到過台北的林東芳、 永康, 嘗過招牌牛肉麵後. 猜想大家也許跟我也有著一樣的共鳴: 念念不忘! 香港好吃的台灣牛肉麵的確十分難找, 然而單以水質、 食材對比的話又難以作出公平的比較。其中一間打正旗號由台灣人開設的 - 鐵牛台灣牛肉麵, 繼於尖沙咀開店後, 最近於旺角開設分店, 同樣位處商場的地庫層, 但無礙食客的光顧, 也促使這趟尋找回憶中的台灣牛肉麵的開展。 旺角分店採取半自助形式, 先坐下並選擇食物, 剔好後走到櫃檯處落單, 之後等食物送上。 某程度上是很喜歡台灣食店的餐牌, 相片精準吸引之餘, 每頁背後像有一段故事般。 主廚私房牛肉麵 $70 先喝口精華所在的湯頭, 深色的湯頭用豆瓣醬熬製, 調味鹹淡適中, 算是濃厚甘醇, 亦帶點微辣, 相比傳統主要以中藥來提味的製作方法, 顯然是較為恬淡, 相對沒有苦澀味, 油份比例稍稍偏多, 但無損味蕾的吸收。 另一主角 - 牛肉具一定的厚度, 選用了金錢腱這部位, 還有牛腩和牛筋, 半肉半筋, 肉質腍軟嫩口同時筋位有嚼勁, 十分入味亦保持了應有的肉汁, 不過牛味未算十分濃厚。 麵條是偏幼身那種, 感覺有點像拉麵, 彈牙但煮

天氣突然間轉熱了，朋友便拉著我到旺角中心購物，説實，我已經有好一段時間沒有到過這裏，Shopping 完後，原本打算到地庫的意粉屋開餐，可惜餐廳已經搬走了，不過，我們卻發現舊址開設了鐡牛台灣牛肉麵，二話不說就入內試試。可能是中午關係，食客並不多，坐下後，店員便立即送上餐牌及餐紙給我們點菜，當點菜完畢後，需要自行到收銀區付款，餸菜才會送上。餐廳的食物選擇極多，單單是台式小菜都已經超過20種，飲品亦有30款以上，而麵類則分了數種，包括台灣湯麵、鮮蕃茄麵、台式麻辣湯麵及特色乾拌麵，而最重要的是不用收取加一服務費。黃金梅子脆薯 - 薯條非常厚身，而且炸得相當脆口，地瓜表面的炸漿就像粉衣一樣，一點都不厚重，而上面灑上了梅子粉，令味道鹹鹹甜甜的，挺惹味。酥炸花枝丸 - 花枝丸炸至金黃色的，入口時外層香脆，而內層就爽口彈牙，口感結實，吃時加點辣粉會更加惹味。酸菜滷水大肥腸 - 個人來說極度推介這個滷水大肥腸，大肥腸煮得非常入味，但味道就不會過鹹，入口時除了有淡淡的滷水味，還有大肥腸的肪香味道。魚酥皮蛋豆腐 - 豆腐上放了魚酥、皮蛋、柴魚絲及蔥花，魚酥味道甜甜的，而皮蛋Q彈，再將口感嫰滑，帶有淡淡豆香

mk 成日見有間鐵牛成日滿場就去食下!點知真係唔錯!價錢第一唔算貴野食台灣風咪來講算係我食過之中~風味最重!先講下台灣香腸~很香,很脆~味道不會太咸十分正! 之前我食過第2間係極咸- -肉燥飯風味最濃~當中的豬肉照台灣傳統用3屠去做~肥瘦肥十分正宗~麵方面最推薦的是撈麵~撈麵個人覺得d汁好好食~但唔好加太多~加左太多就過咸....台灣牛肉方麵好大件~有部分咬落去係入口即溶~主要睇個肥肉含量..野飲又係好有特色下~份量都大杯, 唔會話半杯都係冰 焦糖奶茶可以一試~味道很特別~也不會太甜.價錢十分合理同平民,,服務十分好, 中意食台灣風味既人~可以一試!

聽聞尖沙咀店的口啤不錯，今日路經旺角新開的分店便順便一試。《紅燒牛筋腩麵 $58》牛筋炆得夠稔，比預期中爽口。湯底牛味清香而且不油膩，但牛腩卻帶比較鞋口。。《紅燒牛肉乾拌麵 $64》麵質彈牙，咸咸甜甜的醬汁足夠拌勻整個麵，不會太乾身。但如果紅燒牛肉很再稔身一點比較好，入味但渣多。《鮮蕃茄排骨麵 $60》湯底一遍紅，新鮮蕃茄連皮一開四件。但湯底的蕃味不夠真實，很有茄膏的味道。排骨酥炸得香口，肉亦不會過厚過乾。《逢甲鹽酥雞滷肉便當 $54》便當跟三個配菜：蘿白、菜和半隻滷蛋，而飯是滷肉飯，以上皆入味，滷肉飯亦不油膩。鹽酥雞炸得香脆而肉質仍嫩滑，但有口乾之感。《黃金梅子脆薯 $32》- 有別於一般薯條的味道，這是用了甜蕃薯配上梅子粉的配搭，相當新鮮。梅子粉的微微酸甜可減低炸薯的滯膩感，所以我們總共吃了兩碟呢！《夜市小香腸 $36》- 帶微甜而且脂肪少不油膩，看似乾身但卻有肉汁很惹味。《酥炸花枝丸 $30》- 襯漲卜卜、熱烘烘時吃最可口彈牙，再配上7味粉更加刺激味蕾令人開胃。《小街綜合滷味拼盤 $46》- 有小脂肪有嚼感的豬大腸、入味的滷蛋和爽口的豬耳。《肉燥小茄子 $34》- 熱烘烘的令小茄

上年的聖誕節去了台北跨年, 享受了一個很豐盛的旅程, 除四處遊玩外, 當然不少得周圍食, 去了出名的店子食牛肉麵, 又吃了街頭小店的蛋餅, 亦去了不少咖啡室吃窩夫和嘆咖啡等等, 想辦法在短短的旅程嚐盡各款美食, 雖然當時很滿足, 但回港後就成日心掛掛, 今晚一於約朋友吃返餐台灣菜。餐店位於旺角中心地庫, 沿電樓梯走往店子, 開放式的門口寬敞闊落, 鑲了三大個店名招牌, 很搶眼。走進內裏, 佔地寬廣, 有多張四人卡座、多排長沙發座的二至四人枱, 還有一排單人高座, 枱與枱之間有一定距離, 卡座亦挺寬闊, 坐得舒適自在。全店以深啡和黑色為主調, 簡簡單單掛上一些相片, 沒有花巧的擺設, 簡約純樸。安坐後, 來自台灣的店員隨即送上暖水、餐簿和點菜紙。細閱餐簿, 設計精美, 每版都附上主題相片, 看到一份用心。菜式分門別類, 非常清晰, 有台灣湯麵、台灣便當、特色乾拌麵、鮮蕃茄麵、台式麻辣湯麵、台灣小吃、台灣小菜及台式特飲, 選擇眾多, 款款也很吸引。******************************先來一客台灣小吃滿足一下，在台灣認識了用梅子粉配石榴同吃，不知用它來配炸薯又如何？黃

我媽媽是土生土長的台灣人，今天帶他來試試新開的台灣餐廳。坐下來才發現價錢相宜，不過需自行出去點餐先付錢他們再給你送餐。小食點了一客炸地瓜，很脆也十分熱上。可是梅子粉放得有點多，咸了點。媽媽點的十分健康，有粗糧米飯，青菜，菜莆和麵根之類。。聽他說這真的是台灣人的配搭。有時候吃的簡單點也是種快樂。我點的烤雞腿麵餐也十分抵食，唯獨美中不足是肉燥不太夠呢！最抵讚是這兩杯飲料！因為他們一點都不會太甜，冬瓜茶喝出來是自己煮的，好用心。媽咪對這餐不錯，找了負責人來讚揚兩句。一聊之下大家說起台語來！一見如故都只因大家在異鄉，這份人情味濃厚和無價。

中學時最愛行旺中 ，貪佢Ｄ衫好平，原來而家旺中開左好多野食，連底層都有台灣黎既美食！岩晒係旺中掃完貨行到腳跛黎食，係正旺中最底層，夠晒就腳😂食店用上自助形式，填完點菜紙出去比錢，坐定定就有得食！餐單以剔剔形式，揀好就可以去比錢，然後就有得食寶島豬肉紙乾拌麵($68)豬肉紙拌麵真係第一次食，豬肉紙脆卜卜，愈浸愈淋係常識吧～～拌麵口感q彈，撈勻鹵肉同醬汁，味道唔油膩，好似去左台灣咁叫左小麵都仲係好多麵，份量都唔少呀！肉燥小茄子($33)　----------比較推薦既一款小食細個一聽到魚香茄子就擰晒頭，因為我太唔中意食魚，到大個先發現原來魚香茄子冇魚加上食過一碟好好食時既魚香茄子，自此我就好中意食茄子軟淋香口，煮得入味，吸滿香濃既醬汁茄子面上佈滿肉燥同蔥粒，而且燒汁既惹味令我好想撈飯食不過食到底就有啲啲油，小食既分量兩個人分都可以好芝味芝士鹽酥雞($40)鹽酥雞一共8粒，炸得香口軟腍，淋上好多既芝士醬，要趁熱食呀如果想食脆口啲既鹽酥雞雞就叫番普通既鹽酥雞，呢款就淋啲啲蔥燒豬軟骨便當($56)有3款的配菜，這款飯吃起來比較乾，豬軟骨汁都比較油～放左陣面上已經有一層油lu小街綜合滷味拼盤($4

今次同朋友相約係一間新開嘅台式餐廳到聚餐，平時真係少去旺中搵食，我都唔知原來最底嗰層係有餐廳嫁!!! 雖然外部係裝修緊，但係部份餐廳係照常營業嘅原本諗住應該得小貓三四隻，估唔到呢間台式餐廳竟然爆場，而且仲不停有客人黎，相信應該唔係等閒之輩! 而餐廳係以半自助形式，個一半就係，客人睇完餐牌同填咗落單紙之後，要行去收銀處到落單同俾錢，之後就係等待應遞上食物其實座位就唔係太舒服，枱同枱之間相隔太近，由於食物價錢嘅定位都係比較低，同埋係類似快餐咁，所以都無咩所謂。但係因為有好多客人，而每個人都係到傾計，所以有一種置身於台灣鬧市咁嘅感覺食台灣野又點可以唔食牛肉麵呢？但係我地就要咗**紅燒牛肉乾拌麵**，故名思義就係無湯嘅撈麵，燜到頗淋嘅牛肉，再夾埋酸菜碎、青蔥碎同少量青瓜絲，將所有嘅材料拌勻，有麵嘅煙韌口感之餘，仲有酸菜碎、青蔥碎同青瓜絲嘅爽脆質感，口感好豐富。略厭乾嘅話，仲可落少少牛肉湯添，話就話係紅燒牛肉，但係味道就唔太辣而另一個選擇係**奮起湖燒雞腿排便當**，特別嘅名吸引到我嘅注意，覺得食完之後，一定燃氣奮鬥嘅心，哈哈~ 而便當都幾豐富，包括有魯肉飯、滷水蛋、醃茄子、生菜同最主要嘅奮起湖

下午嚟試下呢間新開嘅台灣野，嚟到鐵牛梗係試牛肉麵啦。成點半都好旺，要搭枱，坐得唔多自在。麻辣牛筋腩麵$64，嗌左少辣，都好辣下😂我諗少辣應該係譚仔3-4少辣嘅程度🌶牛腩勁肥，有三分一係肥膏好似過份左啲... 牛筋一條腍一條唔腍，唔腍嘅牛筋一啲都唔好食。筋同腩都唔辣，係個湯麵辣，好彩呢個湯唔會油淋淋，不過整體都係好麻麻。甘梅地瓜$32，炸出嚟好似唔係好脆... 啲梅子粉仲一舊舊，啲粉濕左先一舊舊架嘛，所以感覺上唔係太新鮮... 同埋點解唔mix好先上碟？地瓜係炸起嗰下油油地先黏到啲粉，就咁灑上去又唔均勻，跌左喺碟度嘅粉又黏唔返上去，呢個絕對係一個唔合格嘅甘梅地瓜，豪大大仲好過佢。幾十蚊一個飯/麵，可以俾多次機會下次試下其他野嘅，但今次嘅食品質素都係要俾負評👋🏻