鐵牛台灣牛肉麵 (旺角中心第一座) (已結業)

今日同屋企人行完旺角，行得太晏無煮飯，就係附近搵食喇。係毫無頭緒之下，經過旺中見到好大個鐵牛既招牌，第一眼以為係食日本野，望真啲見到下面有細字仔寫住「台灣牛肉麵」，我地就去左試喇。門口有侍應問我地幾位然後帶我地入去坐低，餐廳係半自助形式，店員叫你先揀好食物然後去返門口附近既收銀比錢，之後會有店員送上食物。第一個到既餐係呢個養生素食便當配黃金地瓜飯，呢個無加配飲品。初初以為半自助形式要自己拎餐具，點知原來有埋餐具。黃金地瓜飯煮得太腍，加上有地瓜碎，成個感覺食落好一pat野。碟菜煮得幾好，新鮮又唔油。上面三小碟有滷蛋半隻加菜圃，山根，茄子。呢三碟都好好味，尤其是茄子，唔會煮到好腍，個味道都好好，好似係茄汁味。紅燒牛筋腩麵加$16要左杯凍香芋珍珠奶茶，成個餐就$74。都係先試個湯先，好鹹，個係好香牛肉味。牛筋比牛腩好食，牛筋好腍，牛腩就有啲腍有啲韌。個麵份量好多，又唔會煮得太腍。凍香芋珍珠奶茶好好飲，珍珠好有咬感，唔會好硬。香芋同奶茶既份量控制得好好，飲落好清香。呢個好推介！好好味，個湯同啲麵同之前嗰碗一樣comment，不過呢個牛超正！每舊牛肉都有啲筋，每一舊食落都好腍，諗起都好回味。另外

星期日晚上, 我和朋友在旺角中心逛街後, 便打算在附近吃個晚餐。我們到了旺角中心最底的那一層, 發現了一家吃台灣菜的餐廳, 我的朋友便建議進去吃晚餐。這裏的點餐方式有點兒特別, 首先有餐牌和點菜紙在枱上, 要先在點菜紙上寫好你想吃的食物, 然後到收銀處點餐和付錢, 店員便會送上食物到你枱上。食物來的速度非常快，大概等了五分鐘食物便陸續呈上來。小吃方面, 我們點了花枝丸、炸芝士鹽酥雞、肉燥茄子、蔥油淋清菜。 炸芝士鹽酥雞很特別, 外層是淋上芝士, 鹽酥雞炸得非常香脆可口。我點的鮮蕃茄牛筋腩麵很好吃, 鮮蕃茄汁味道濃郁, 台式麵也充分吸收到鮮茄汁的味道 。另外, 牛筋亦炆得很淋。

年初一唔開有冇貼張紙係出面通知一下搞到去摸門釘,好啦年初四今日再去终於試到我叫左碗主廚牛肉麵70元 嘩！Ｄ牛肉又硬又大舊好似食凍左嘅麥樂G咁嘅囗感， 賣相睇落係幾好嘅 用嚟呃like係唔錯呀 好似似模似樣咁 但湯底真係一般般啦有Ｄ藥材味， 眼見隔離枱嗰條友叫左個紅燒牛肉麵個賣相仲唔掂！由於佢食嗰度環境太過悶焗，所以我只係飲咗兩啖湯 拿拿林食完Ｄ丐即刻走 ，講真70元你去食碗清湯牛腩麵或者食個多餸車仔麵仲好過仲有找，唔建議大家去試中晒伏唔會再有下次！！！

今日係一年一度嘅大年三十，喺下午嘅時候我們去咗旺角中心嘅「鐵牛台灣牛肉麵」食下午茶，之後去大姨媽屋企做節！一入到店內見到店員嘅笑容都幾好，喺坐低咗之後我們睇見餐牌有多款選擇，諗緊揀邊款嘅時候，坐喺我們後面卡位嘅小姐就向我們介紹有邊款比較受歡迎，我們問佢點解會咁清楚邊款好食，佢話佢係喺呢間公司做，今日放假返嚟食嘢，我們就話你休息緊都咁落力向我們推介，你真係專業同值得一讚！我們叫咗主廚私房牛肉麵「大塊金錢𦟌、秘製牛腩同香滑牛筋」嘅湯底相當清甜濃郁，金錢𦟌嘅肉質超級軟滑腍身，而且有入口即溶嘅感覺，秘製牛腩嘅肉質相當爽滑，但唔會有硬實嘅感覺，而牛筋就非常軟滑彈牙！鮮蕃茄大塊牛肉麵嘅湯底真正新鮮蕃茄濃湯，味道好鮮甜清新！紅燒牛肉乾拌麵嘅醬汁味道調教得恰到好處，唔會好鹹，加埋啲香蔥、雪菜同青瓜絲一齊食，感覺相當清新，唔會有好油膩嘅感覺！最值得讚賞嘅係他們出品嘅麵質真係極之煙韌彈牙，無論係乾拌或者係放湯嘅都一樣咁彈牙，唔會因爲喺湯浸著而變腍咗，真係超正呀！係本人嘅必食推介！

同男朋友行完街經過見新開左呢間台灣店就入左去試下，我地叫左兩個麵,兩杯飲品同小食覺得真系好好食，因為麵入面既湯夠濃,同埋d麵有少少彈牙，而且牛肉好軟身好易入口，仲要系d牛牛好大件～另外，有個芝士炸雞都好好食,又脆又軟身 仲要加埋芝士。炸豆腐都吾錯,佢個個皮炸得好好味～反而飲品就比較普通⋯

行到門口先知旺中開左呢間牛肉麵，完全冇諗過會食到都幾正宗ge牛肉麵(以係香港食到ge台灣風味黎計)，希望有時候翻兜都仲可以食番呢種味道。因為新開ge關係，所以雖然已經係七點幾八點都仲未有好多人，一入去就坐得啦。坐落都幾好坐，又唔會好迫，好岩同朋友一齊食完吹陣水。佢本menu唔知係咪因為仲新，都算整得幾靚，不過揭多一陣就發現，其實都只係幾款揀，唔同ge係湯底、拌麵同轉食地瓜飯，唔算多選擇，但有時專心做幾樣好ge總好過做好多樣但樣樣都差少少。我就只係叫左個麻辣牛肉麵同我男人叫左牛肉地瓜飯。其實仲有d小食同飲品，不過今次就冇叫到…至於點解唔食原味牛肉麵係因為我之前係台灣食左間好食ge，比原味更香同好食，所以叫黎睇下有冇得比拼下。但事件再一次證明都係當地食地道野係冇得比。雖然佢都唔錯，但就唔知點解麻辣味比牛肉麵湯底掩蓋左個種香麻味，剩番原本ge牛肉味同辣味，不過以係香港食到有台灣牛肉麵味ge，都算唔錯。至於牛肉唔算煮得太爛，又有嚼頭，又入味，而且又幾多份量，都幾好食。至於牛肉地瓜飯，比原本想像中豐富好多，有幾款小前菜，一碟牛肉再加一碗地瓜飯。牛肉另上感覺唔錯，起碼唔怕d飯會浸到糊哂。個地瓜飯都