鐵板超純和風日本料理 (已搬遷) 新店位置

看到食評不俗，特地來試。總體來說，這裡的食物質素不算差，可惜服務態度真是有點兒那個。我們坐下二十分鐘，也沒有人送杯。二人點了︰1) 龍蝦兩食($250) --- 鐵板燒，肉質爽口彈牙，而且份量也不算少。蝦頭放清湯，清甜味美。在鐵板燒來說，這裡的龍蝦算是便宜。2) 鐵板燒帶子--- 不過不失，水準不及龍蝦。3) 北寄貝刺身--- 新鮮。4) 燒多春魚--- 咸而且乾，有點像在吃咸魚。5) 燒魷魚飯--- 份量很少，而且汁料過甜。6) 龍蝦沙律壽司--- 清甜爽口，不俗之選。7) 波子汽水

前幾日來這間餐廳食鐵板燒,食到好飽之後,諗住埋單之後返屋企瞓覺,點之行咗一陣, 才發覺唔見咗個電話,我是大頭蝦一名,都唔係第一次唔見,就算喺餐廳漏低都會冇咗啦,都姑且一遲打電話去問有冇執到電話,點之個女仔話有,仲叫我打番比自己証實,再去攞番的時候,都好保險叫我在她們面前打多一次電話,好開心,好多謝她們,而且她們的鐵板燒真是好好味,好新鮮,記住問埋今晚有乜飛機貨魚生,因唔係成日有的,我推薦龍蝦餐和鮑魚餐,再說多一次唔該哂你吔呀^-^........

平時都有黎過呢間店食嘢,但現在發覺多咗新口味,壽司也多了很多,最平$9兩件壽司都有,而且更是即叫即整,海曕炒飯好好味,牛肉炒葛絲都好好味,仲有鐵板的聖子皇,好鮮甜,都係$48一隻咋,飲品都好抵,日本提子汁,桃汁,都係$12一罐,仲抵過喺超級市場買,總知一句講哂,好好味.....又抵食,好滿足....

昨天下大雨,不想回家煮飯,所以在公司附近找間餐廳食,嘩,不得了,,,,鵝肝大根煮:鵝肝煎到外脆內軟,下面那件大根(蘿蔔)炇到林林吔,鵝肝濃郁的味道剛好和蘿蔔的鮮味配合得啱啱好,再加埋鵝肝上那些秘製汁,簡直......還有一客只是$58,勁扺食.另外師父介紹一個是鐵板生煎鰻魚,聴師父講因下大雨,不太旺,所以才可以做,因做一個Order大約要半個鐘頭,所以很罕有,去到的時候,可以直接問問師父...想不到不煮飯也有意外驚喜.

首先我要值得一讚這裏的員工,有一次我和同事去食Lunch,點知我遺留了個銀包,因我都是一個很大意的人,所以到才晚上才發覺到,當時很驚,跟住即刻打電話去鐵板超問有冇執過個銀包,原來她們一值Keep住個銀包等我電話嚟,我當時真的很開心,到我去攞番個銀包的時候,她們也很緊慎問我的資料才給我,當我和朋友提到這件事的時候,原來佢之前也試過在這間餐廳遺留了電話,都是一樣可以攞得番,這件事雖然舆食物沒有關係,但不貪心的行為已經好少有了,而且這裏的食物也不錯呀,如果唔係,我地又點會成日遺留東西喺呢間餐廳到呢!再一次心感謝謝你們!

有朋友介紹去這間餐廳, 初初都會覺得喺太子不會很好,但這裏的村料很新鮮,不會將貨就價,看見龍蝦和鮑魚跳跳窄咁喺將鐵板上,雖然有d殘忍,但感覺很新鮮,還有那個鐵板酒煮蜆....一流!非常鮮甜,師父還會喺你面前放火添,下次一定會再約埋d朋友去.

我叫了一個海鮮烏冬，唔係太掂lor，個湯底好似水gum，一D味都冇！海鮮就一般新鮮。我媽叫了一個旦豬扒飯。比我個烏冬好DD la。豬扒都幾大件！但個面豉湯裡面D豆腐酸ga!我們還加了$10叫多個三文魚刺身，ok gum la!只可以話係"大件夾抵食", 但唔係"大件夾好食"!!!

去過呢度食lunch, 都幾抵, 30蚊咁上下啦, 有湯有飯, 我叫了一客滑蛋豬扒飯, 個汁好好味之餘個豬扒又好脆口, size又大, 男仔都一定夠食.呢度坐得又舒服, 係太子區算係企理啦!但夜晚試過想去食鐵板燒, 但每人最低消費要成$200蚊, 係太子區好似貴左d, 如果平d我會去試試

前兩日同個朋友去食Lunch, 個度d鐵板燒幾正！仲有其他小食(金菇牛肉卷，天婦羅，三文魚刺身)都唔錯！環境幾好，人手都足夠，可以去試下。

鐵板燒大致上都係頭盤沙律，之後麵豉湯......main course......什菜、最後炒飯。基本上鐵板燒無乜特色可言(特色:鐵板燒)，取決於用料，同埋師傅0既技術，而鐵板燒用料只係一般，牛柳有小小'楷口'，唔夠鬆軟(用料)，炒飯炒得唔夠乾身(技術)，飯粒同飯粒之間仲黏住。所以整體黎講屬於中規中距。反而最欣賞係刺身，新鮮夠凍，有三文魚、'魚立'魚、甘蝦、吞拿魚、赤貝......好好食！埋單千一左右，食完唔係咁飽。食鐵板燒已經叫做便宜架喇......

某個周末,去了旺角, 由於想吃日本菜就去了鐵板超了。午市原來好鬼抵,38蚊都有個set啦.有湯,有炒野菜添.我試左個三文魚海鮮什錦炒飯,好大份量,2個人食都夠,而且味道仲好好添.佢仲有個叫三文魚海膽剌身便當,好正架,都只係68蚊咋抵過夜晚去食好多.

我覺佢比起加太賀同久兵衛，價錢貴D、又沒有太多選擇，又無咁好食。但佢雖然有兩張鐵板檯，都唔係好大油煙味，抽風系統幾好。因為有渣打咭所以送了價值88 元的白肉豚剌身，幸好唔洗錢，一D 都唔好食，好似雪凍o左的一片的肥豬一般，另外叫了串燒雞軟骨，但燒得太脆，沒有本身的口感，但佢D 串燒牛舌、明太子雞翼、蝦干炒飯、鐵板蒜片牛柳及甜品雪榚都不錯。但下次食日本菜D 話，我都不會考慮佢。

幾個月前, 上網睇完食評去幫襯, 覺得麻麻地, 諗住師傅放假定走o左呢? 無幾耐心思思又去多次, 都係麻麻地……到第三次, 見有人龍就行落D 搵第二間, 唔記得叫乜味館, 幾好

真係唔駛再去鐵板超la~ 原來佢三個月前轉o左老板, 兩個師傅走o左~ 我bf 前幾日去過, 話"一落千丈"喎~唔怪得前排咁多人彈la~

3個人叫左一個竹剌身、上壽司、海老什菜天婦羅、燒魷筒、金菇牛肉卷!剌身有三文魚、吞拿魚、魷魚、甘蝦、赤貝、三文魚籽,我以前一向怕腥唔敢食,不過見佢地都唔食就冇謂o徒,結果2舊入晒我肚,一D都唔腥,仲好爽口添,不過D吞拿魚仲係差D‧壽司有8舊左右,有三文魚、立魚、北寄貝、熟蝦...加6件三文魚小卷,係D紫菜稔左D‧天婦羅有3件蝦,同D冬菇什菜,幾好味啦,不過炸得唔夠香‧燒魷筒好香仲好彈牙; 金菇牛肉卷又唔痴牙,肉汁仲好鮮味下!呢餐$502,OK喎,可惜佢D套餐係2、3人份,唔係真想自己一個人去試下!