鐵板超純和風日本料理 (已搬遷) 新店位置

前日同女朋友o係太子行行o下,就o黎左呢間鐵板超度食lunch,之前都知道呢間野係出名食鐵板,但係lunch 都係食返lunch set算啦,而且自己又病病地我叫左滑旦豬扒飯(38蚊),女朋友就叫左海膽什錦魚生飯(55蚊). 每個set都有一碗仔蟹籽沙律同面豉湯,味道都ok,沙律亦唔會太過凍.講返d飯先,我碗滑旦豬扒飯,都幾大碗,豬扒亦夠大同厚,幾抵,但係汁(滑旦)就少左o的o的啦.至於海膽什錦魚生飯就一上枱就覺得賣相唔錯,有少少海膽o係面頭,圍住的有四五款唔同的魚生,幾新鮮,份量都算係咁.賣單一百零幾蚊,一至五仲唔洗加一添!遲d病好應該要o黎試o下呢度的鐵板燒先得!

今天想吃得好點, 便到這裡試試鐵板燒. 沙律係我很喜愛的生菜+麻醬, 好味. 還有麵豉湯, ok!五色剌身, 質數很一般, 加上本週剛吃了很好的剌身, 這個實只可勉強合格.之後係重頭戲:--鵝肝多士: 好味, 鵝肝很熔, 多士烘得脆脆的.--燒銀雪魚: ok, 不特別.--厚燒西冷: 味道不錯, 但乾了點. 牛肉味不太夠.--魚乾炒飯: 乾身, 加咗魚仔乾, 幾好味, 在上了牛肉之後便上, 可以邊吃牛肉和魚邊吃, 很地道的安排.--炒什菜: ok. 之前試過和三昧, 跟這裡比, 和三昧的質數更高一點.

昨晚在這間餐廳,當我吃鐵板燒的時候目睹一件令我為這間餐廳抱不平,一個員工不小心將d汁倒咗落個男士博頭(我見到好似兩滴咁上下),那位員工和其他員工都即時道歉和處理,個男士很生氣,小事化大地說要自己攞番應得既野,我當時聴到覺得好似有勒索的口吻,人吔話幫佢乾洗,佢又話費事番黎攞,最初又話肯在單上扣洗衫費,跟住又話唔得,要賠番件衫才肯擺休,聴佢講話要件$180,要買番一件一模一樣的,舊個件唔要比間餐廳,佢居然叫佢個女人朋友出去買咗好耐,到買回來唔係嗰件衫不特止,仲買二佰幾蚊,見佢埋單佰幾蚊,買件衫就二佰幾蚊,唔係屈係乜野..到最後咪又攞埋件舊衫走(最初又話唔要),人吔都係打工啫,大家都係香港人,唔駛去到咁盡,而且個員工年紀都唔細,都好勤力和有禮貌,你想人吔冇咗份工咩,因我坐在他們旁邊,所以聴得和睇得好清楚,我不是這裡的熟客,只來過兩三次,這裡的員工都好nice,見到咁,覺得佢吔好可憐,所以希望各位支持吓這些員工,來這裡吃東西,稱讚吓她們吧,另外那個年紀大的女員工識講英文的,好欣賞佢,我會永遠支持你們的,努力啊......

因為某種原因, 同伴又堅持到來晚膳, 我當然不會反對, 因為真的不錯。叫了一個二人餐, 大蝦薄燒牛肉鐵板餐, 另外廚師推介了聖子王($108.00 二隻), 我們都覺得不妨一試…聖子王–好大隻, 放在鐵板上, 看到仍它在蠕動, 覺得有點殘忍, 有點不想吃…很快師傅就把二隻聖子叫人拿去洗…過了一會, 洗完的聖子又給師傅烹調, 炒炒炒, 加上檸檬汁/ 牛油及少許蒜蓉, 聖子切開後一條條的, 爽甜脆, 好味道!!!大蝦薄燒牛肉鐡板餐蟹籽沙律/ 麵豉湯大蝦–都好大隻嘅蝦, 師傅將蝦頭慢煎, 蝦肉爽口彈牙, 鮮甜味美。薄燒牛肉–由於上次要五成熟, 覺得今次應該試下熟啲…但係師傅話太熟會鞋口, 不如試下半邊生少少, 半邊熟少少, 果然唔錯, 有香口的一面, 又有嫩滑的一面。(每人有三條, 一開二即係有六舊, 都幾多)三文魚扒–稍為熟了些, 所以有點鞋口, 魚皮又是煎得脆卜卜。炒野菜–都係偏淡, 又係得個脆字, 即係D菜唔係好熟嘅效果。炒飯–見到師傅好有心機的炒, 炒飯好香, 唔捨得食剩。甜品係芝麻雪糕…

經常一大班朋友外出吃飯，但竟然沒有試過日式鐡板，看到這間餐廳的食評，便率大隊獻出我們的第一次。餐廳不算十分大，微暗的燈光，小小的木桌椅，感覺很像日本的居酒屋，都算是談天的一個好地方。店長積極的推銷當天的活海鮮，可惜我們一心試鐡板燒的。點了鵝肝餐和龍蝦餐，其實她四個鐡板餐都是一樣，只是主菜不一樣而已。頭盤有雜菜沙律，但份量少得可憐。還有燒安格斯牛肉，三文魚炒飯，芝麻雪糕等…這些份量適中，味美可口。燒鵝肝配多士，十分香口。鵝肝十分厚身，但用义輕輕的按那塊鵝肝，源源不絕的油立刻呈現眼前。生煎龍蝦，其實有點點兒殘忍吧﹗看著師傅用鏟把牠壓下燒紅的鐡板上，任由牠因為冷縮熱脹而掉下的手腳。可是，燒出來的龍蝦真的惹味。師傅還利用餘下的蝦殼煲了一個龍蝦湯給我們。另外點了，吞拿魚刺生，芝士年糕，燒雞軟骨，海膽焗露荀，海鮮炒烏冬，燒牛肉煱。不得不提那個芝士年糕，炸脆了的日本年糕裡，釀著溶化了的芝士，真是好味得讓人大叫﹗可是那個海膽焗露荀就有點令人失望了。用紫菜包著的露荀，上面鋪有海膽和芝士。但沒有海膽的鮮味，紫菜亦不夠脆。服務態度頂好，師傅不時表現花式。還會提供不同的燒烤方法給我們選擇，閒時亦會和我們談天。

想食餐好D嘅, 兼且有人提意食依間, 所以成10點都特登黎食!!! 叫左個Set 同另加剌身…剌身- 好新鮮, 三文魚/吞那魚/赤背/魷魚….龍蝦薄燒牛肉鐡板餐蟹籽沙律–都係蟹籽+沙律囉麵豉湯–由於係龍蝦餐, 可以要求將蝦頭煮麵豉湯, 加左蝦頭嘅麵豉湯梗係好飲到不得了. 但係因為後上, 所以好飽…龍蝦–係鐡板上燒嘅時候, 隻蝦重識郁, 真係好新鮮, 睇住師傅整左好耐, 好想快D有得食, 當然係好好味啦, 因為唔係好熟, 應該係啱啱熟, 龍蝦肉彈牙架…薄燒牛肉–師傅先將蒜蓉同蔥炒埋一齊, 再張薄牛肉卷住蒜蓉加蔥, 我地要五成熟, 但下次可以要全熟, 可能會香口D. (每人有三條, 一開二即係有六舊, 都幾多)三文魚扒–最欣賞個師傅好有心機咁煎塊魚皮, 塊魚皮煎得好靚, 好脆, 格離個師傅求其煎架, 塊皮甩頭甩骨咁…塊魚扒煎到外脆肉嫩, 好好食.炒野菜–偏淡, 得個脆字, 即係D菜唔係好熟嘅效果.炒飯–雖然食到尾, 同埋已經好飽, 但個炒飯一定要食, 因為好香同好味架, 你可以叫師傅比少D飯落去炒架!!甜品係雪糕…真係好飽, 好飽, 下次真係唔好叫個剌身…淨係叫個餐都好夠架喇!!

見食評寫好味又抵食，所以晚飯黎一試。一坐低望望menu，最平個餐都要$388，即刻打左個突，唔係有<$100既餐既咩？！即刻上網check check，原來有新店（即太子道西呢間）同舊店（西洋菜街）之分，無奈，但都坐低左，唯有叫少少野食。安格斯薄牛肉金茹卷($118)－－我一年食牛既數目十隻手指數得哂，所以唔知係咪靚牛，可惜可惜。燒三文魚柳($74)－－檸檬汁用得洽到好處，鮮味甚豐。燒雜菌($48)－－ｄ菌燒燶左，就算牛油點香都唔好食>_<埋單加一$264，完全超出預算，又唔覺得特別好食，好肉痛…見到ｄ燒龍蝦好似好好味，我諗我有錢可能黎試既…之後唔忿氣去舊店望望，ｄ食物完全唔同，有拉麵，有定食，小食全部<$50，我諗我應該黎呢間先岩…另：我相信樓下有ｄ食家可能係將舊店既食評寫左過黎呢度，因為晚市係唔會有<$200既餐。

行開呢頭的朋友都知呢間野都開了ｏｋ耐平時閒日都要等位係未好好食？好抵食先．．．一般般啦，平的幾十元有個ｓｅｔ貴的幾百元２人ｓｅｔ有和牛（松板牛），有三文魚扒．．．其他的．．．．其實同２ｘｘ的餐\差唔多抵唔抵因人而言喇不過和牛都真係入口即溶　不過有ｄ膩另外壽司飯都唔錯　＄６５焗生蠔幾香　＄３５　ｆｏｒ　２芝士年糕　唔抵食總括而言　味道可以　服務普通抵食就一般般啦　唔係唔食唔得不過一試亦無妨

見大家好似幾推介此店, 禁岩朋友仔生日就建議大家黎試下, 原來另一朋友仔7、8年前已黎過, 印象只是一般; 唯有希望多年後會有大改變。可能自己對此期望過高, 最後有點失望而回! 其實整體上是OK的, 只是此店打正旗號叫鐵板超, 奈何我們order的鐵板牛柳($188/300克)煎得太過火, 比較乾及UNN, 水準未如理想, 雖則這個不是最貴的鐵板牛柳餐, 但亦不是最平的牛柳啊!! 以此價錢實在不值!反而一個叫鬼山二人套餐內之燒牛肉粒定牛柳粒更為吸引、很夠腍, 個個都讚。至於刺身、壽司、手卷、味噌湯、沙律、炸物之類水準尚算不俗, 不過又未至於非常出色。其中對鬼山套餐內之炸天婦羅非常欣賞, 內還附有一小條青瓜, 吃起來感覺幾清新、蝦亦算新鮮。套餐內甜品只有豆腐雪糕, 是我最不喜歡的口味, 而且亦雪得太凍了, 感覺似食冰多點。如果下次有機會再黎, 希望可以俾到笑瞼!!

四個麻甩優閒午餐,盡在鐵板超.由一間開到兩間,在旺角無人不識的鐵板超,多年來竟未曾光顧.說起也離奇,身邊朋友一直也有不俗的評價.撇除是否港式/正宗之標籤,單是午市五草有兩皮找的set lunch,水準也不錯.坐著吧檯最有氣氛,看著師傅炒菜如跳舞一樣,實在賞心樂事,可是這天午市客滿,唯有坐著"無人駕駛"的吧檯.選擇也多,有刺身,拉麵,飯,不過來到鐵板超,不吃鐵板超又有點錯配.小弟的鐵板牛柳粒,生熟程度剛好,大約五成熟.吃落有肉味,兼有肉汁,飯用日本米,夠黏性有咬口.炒芽菜一大兜,吃個不停.係個麵豉湯味道有點曖昧.逐點去試友人的菜式,金菇牛肉卷,燒雞扒等亦不俗,D兄的燒比目魚,肉質亦嫩滑.價錢平,食物不錯,難怪身旁的C兄經常前來,D兄亦說會再來.還有陵兄,希望這餐之後,不再繼續鑽牛角尖.凡事放開一點,做人開心一點.

考完mｏcｋ,泥左呢間都試下佢既ｌuｎｃh　ｓeｔ,自己叫左鐵板牛油比目魚ｓeｔ,男友叫左鐵板蒜仔牛肉粒ｓeｔ,前菜係蟹子沙律,仲有麵豉湯,飯,同埋飲品.牛肉粒約５至６成熟,個人認為較為韌口,唔太欣賞,還是魚類較有保證,比目魚煎得非常香口美味,一口一口吃下,真的不想停呢,而炒野菜是不夠鹹,而且非常油膩.但這兒的午市真的非常便宜,一試無壞.

今次我同我男友叫咗一份鵝肝+ 一支熱嘅清酒，食到我o地好鬼飽，有蟹籽沙律、麵豉湯，、2件銀鱈魚、安格斯牛肉眼、2件鵝肝+ 法包，炒雜菜、炒飯（有湯烏冬選擇，但我選擇咗炒飯），雪糕好抵食，d鵝肝配法包超正，加上個廚師o係你面前即席表現，另o個度d服務態度又好好，所以食得好開心﹗

食物好新鮮(除咗帶子)...牛肉好ok,不論牛排定薄燒...大蝦好爽...銀雪魚都ok...會再去

一入到去，張櫈都未坐到一秒，啲 staff 已經狂推介呢樣推介嗰樣咁我地就揀左燒龍蝦餐:-1. 沙律2. 龍蝦-每人有四五舊細，用蒜蓉炒，都幾好味，但係超多油3. 銀雪魚-都好味，不過淡左少少4. 牛柳-要左六成，燒到幾好5. 炒飯-好飽，食唔落咁滯6. 抄菜-冇味7. 芝麻雪糕整體上都唔錯，不過個環境就好似好街坊o既日本餐廳，就唔似食啲貴野...之前訂左位，得七點同埋九點半時間，其實唔太肚餓，又驚好多人，所以book 左七點，其實都唔駛點book 位，見到啲人都唔係等好耐...不過覺得佢燒得太快，好似要係咁食食食，成個過程都係用左一個鐘...

朋友介紹黎呢間鐵板燒,有三張大鐵板枱,都幾宏偉，坐低便叫了一枝凍玉乃光酒，再叫一個帆立貝二人套餐，好多野食，有蟹籽沙律，麵豉湯，銀鱈魚(有兩件），安格斯牛肉眼，帆立貝（有兩大隻，真係好大），炒雜菜，炒飯（有湯烏冬選擇，但我鐘意食炒飯），雪糕好低食，因我去過酒店的鐵板燒，食物完全一樣，價錢就差一大截，下次我會再黎試吓過松板牛肉套餐，因在酒店食都是很貴的．．．．食鐵板燒我會已這間餐廳為食堂．．．．我叫師父給我影張套餐相給大家參考吓．．．