鐵板超純和風日本料理 (已搬遷) 新店位置

本想食"外野手", 但原來執左, 所以去了對面這間鐵板超.芝士焗金菇好好味, 一打開錫紙就好香!!!櫻花魚生飯好靚, 七彩繽紛, 都幾新鮮, 好味有次去食吉烈豬扒就麻麻地, 有點雪味, 但可以接受.

叫了一個set dinner:大蝦:個師傅係咁落鹽黎去,搞到完全冇哂蝦味,得咸味!牛肉薄燒:師傅一開初係咁炒d蒜頭同蔥,跟住分6份,燒一燒塊牛肉就包住d蒜頭!如果佢唔落咁多蒜頭會好食d!炒野菜:都係咸囉...烏冬:又甜又林....食左一條冇食到!跟住叫多個燒羊架,師傅話五成熟先好食,冇羊味,雖然師傅加左d油同調味落去煮,但係我覺得係乜味都冇!!除左食到個一大啖肉之外,其餘既地方跟本都咬唔開~~師傅仲話其實係真係食個一啖肉架咋..我覺得有點兒搵笨囉...我覺得個度d師傳真係名過於實,淨係識得表演.我覺得如果係個個咁既環境,師傅應該同客人交流下,睇下客人既口味如何,不過可惜,個晚我淨係見到個師傅係咁同個女侍應講私人野!!埋單:7xx我記得MEAU好似寫羊架係$4x,但係唔知點解埋單要$179!!埋完單之後即刻同男友講:車,七百幾蚊,我地不如去食蠔!!!!下次唔會再黎的!!!

上網睇見大家d post, 好似都ok咁.個朋友話要補祝我生日.所以去試o下.可能因為三號台風,唔係太多人.學阿媽話風大雨大仲去街!去到個時, 原本裡面仲有位, 不過聽到一位高層同d手下講, 叫佢地(即我地兩個)坐近門口個張啦, 出面睇入來會好似多人d架. 跟住個手下仲走來sale鮑魚,螺...什麼什麼...又無講價錢, menu又無. Anyway, 個晚成張bar檯差唔多得我地兩個坐晒, 仲有一位師傅特別走過來serve我地. 真係貴賓享受.我地叫左個帆立貝set, $388 + 10% service charge兩大隻帆立貝(不過切左粒, 我比較喜歡成隻食,咁可以食到出面燒裡面林o既口感),切左約有八粒,唔知係咪因為燒左,無左個鮮味.牛柳(有放火表演),七成熟,合格.三文魚,我好鍾意,因為佢係剛剛熟,好滑~正.(熟晒o既三文魚係超難食)手打烏冬,湯底較甜,口感一般(炒飯會正好多, 睇住佢炒俾你食)炒菜,甜品-綠茶紅豆雪糕,ok.清檯後, 其實唔算好飽. 因為返到屋企個時好想搵野食.全程同個朋友傾計, 無理個師傅. 不過個師傅會見你差唔多食完一樣, 先燒另一樣俾你.今餐我覺得幾貴

之前0係tai wan，已經好想試下這種鐵板燒。返到香港，計劃了在上個月中去食。雖然想坐鐵板，但原來要一早book，唯有下次再早d book啦。要了牛柳，蠔，烏冬同小小壽司。個和牛真係幾正，外脆內軟，正。蠔同烏冬都好香，個蠔口感好好，好軟好好味。而個烏冬就要加小小調味就好perfect了。如果可以0係鐵板食，見到師傅係大家面前煮，我想會更加正。

早幾個月在網上識左幾個同我一樣鍾意吹水搵好野食而且仲係差唔多年紀嘅女人仔,同佢地大約一個月見一次面,今次上openrice搵到呢間,再睇睇價錢唔算貴,就決定試下啦。我地叫左兩個2人套餐,車海老套餐$388同埋帆立貝套餐$388..全部一齊食,所有野分4份...蟹子沙律..4份,太多青瓜,冇咩特別銀雪魚2片..冇咩特別,ok啦三文魚2片..冇咩特別,ok啦大蝦2隻..ok啦帆立貝2隻..ok啦麵豉湯..好飲過好多食日本野嘅鋪頭,有少許酒味,幾好飲牛肉厚燒..好味,要5成熟有5成熟,外脆,內有肉汁,有少許蒜片,正~(曾食過水車屋d蒜片,lone晒,好苦,唔掂~)牛肉薄燒..都唔差,幾好~炒什菜..好一般,冇咩味,要自己落醬油炒飯..好一般,冇咩味~芝麻雪糕..幾好味,但甜左少少,擺上枱已經溶左少少,唔合格..侍應服務唔錯,厨師會同你講下笑,不過佢地煮野燒野整得好快,一個鍾頭都唔洗上晒所有野,我覺得食日本野就急左d,可能都會再黎,不過唔會再食鐵板燒,如果一個鍾食鐵板燒我唔多鍾意,不過望到佢本menu,唔洗座鐵板燒枱,都有好多野食,價錢唔算貴,下次可以試下其他食物。呢度都算多人黎食,有平有貴。

HI everyone,I went there with my best mates, 2 of us and we have a good meal there.I have ordered the 2-person SET-A $538 with Big Prawns and Japanese snow BEEF slices. The food are nice and the environment is quite relax, however not fancy. Nothing really outstanding but good treat. Not recommend on special occasion, but good for dinner for 2. Also,we ordered a bottle of big Sake 720ml cost $198 and we enjoyed it very much! cheers

上次去食刺身見倒遠處火光熊熊.. 好奇的我們只好再去一次.. 試試呢個好像很好吃的鐵板燒..一來便叫了一個龍蝦餐鐵板燒.. 我相信這裡的最大賣點除了味度外.. 還有廚師的表演看.. 看著看著.. 真的快樂不知時日過.. 味道真的不賴.. 很有水準.. 師夫的表演更不賴.. 用兩把小剷子就可算出各色各樣的美色.. 1. 首先一度沙律.. 清甜2. 然後龍蝦弟弟很快便送入我口.. 正呀~ 龍蝦好新鮮.. 煮熟了, 殼還在動(不是騙你.. 很頑強的生命力).. 但份量很少呀.. 我和男友每人得三塊肉jar3. 之後有龍利柳.. 不願致評.. 因本人不愛吃熟魚.. 但男友說好味..4. 後來一個主菜之一的安格斯牛柳.. 還看到一個吸引我來的火光熊熊的表演.. 好看極了~ 牛柳真的好好味.. 很有牛味.. 又香又林.. 正~5. 再來一個蛋蝦乾炒飯.. 可是我已吃到好飽了~ 嘗了幾口便咽不下.. 嘥晒.. 但是炒得好好味呢~6. 再來一個炒菜.. 有銀芽, 生菜等.. 吃得那麼熱氣.. 當然狂吃菜了..7. 最後一個紅豆雪糕.. 當做下下火..整體來說很滿意.. 價錢是貴了點.. 要六百八十幾蚊

其實o係佢地對面都有一間不錯的日本料理.. 但喜試新野的我們.. 就到左呢一間鐵板超食la~第一次去叫了個刺身併盤.. 少少壽司.. 加多個日本架喱飯.. 都ok wor~ 價錢都合理.. service都唔錯.. 原本都唔會再來的.. 點知見倒遠處火光熊熊.. 決定搵一次再黎試下鐡板燒~

味道十分好.燒龍蝦好美味.刺身新鮮, 味道中上.手拉烏冬十分"yin ngan".燒鵝肝十分出色, 比之前試過的法國餐廳更美味.全店職員服務都十分好, 好有team spirit.唯一污點係門口派飛果位小姐(Feb-14), 唔知係佢十問九唔應定語無倫次, 大部份時間好似夢遊咁, 叫客人唔知等定唔等好.

尋日男朋友生日, 去呢到試個鐵板燒叫鐵板龍蝦餐(跟銀雪魚,肉眼,蟹子炒飯),另外點隻帶子皇。淨係見到隻帶子皇已經好開心, 勁大隻^^~因為坐鐵板燒果d, 睇住師父純熟地燒炒, 已經覺得好好味~ 不過平均講樣樣食都唔錯, 幾好味, 尤其係龍蝦同帶子, 好彈牙~ 而銀雪魚同肉眼都燒得好好食~ 唔乾又多汁~ 紅豆雪糕d紅豆都好大粒呢~ 唯獨美中不足係個蟹子炒飯太乾, 麻麻地~除食物好味之外, 最想講都係呢到d鐵板燒師父好好人, 佢好關心d食客, 又有禮貌~ 比起d待應生更招呼週到呢~~

昨天有朋友生日,去了這間餐廳到食飯,我們叫了個鐵板套餐,嘩! 睇到都流口水,見隻龍蝦係咁郁,好似有d殘忍,但就超好味,牛肉眼好有肉味,又大塊,我吔仲加了一隻帶子皇,超大隻,從來未見過咁大隻帶子,都係$98蚊一隻咋,我知道聖誕節都有好多鐵板套餐,我一定同我男朋友再黎過,我精心推介: 鐵板龍蝦餐 鐵板帶子皇 鯛魚簿切刺身

本來想去九龍城的"鐵板十三", 想食龍蝦鵝肝餐要$988，其實都無所謂，只想試一次, 不過晚上七點幾都係一個客都無，最後都係無入去食, 改左去鐵板超。鐵板超好多人客好熱鬧，而且價錢便宜過之前0個間, 龍蝦/Angus beef set $488, 我另外叫多一客鵝肝, 因為太多人, 師傅未得閒同我地整之前, 叫左幾款sushi 食, 都幾抵幾新鮮。1. 龍蝦--超新鮮, 有糕, 煎時還不停的move2. 鵝肝--都好大件, 去city super 幾十蚊真的買唔到, 抵食, 加上有butter, 鵝肝汁煎好的bread, yummy!! 如果多0的salt同煎耐0的會香口0的3. Augus beef-- 師傅表演時刻, 會加酒點火; 好大件, 有蒜片一齊好香, 好淋, 如果多0的黑椒會更好4. 炒什菜--呢個就差左0的, 佢用哂芽菜, 其實佢可用椰菜, 會好味好多的5 蟹籽炒飯--好香, 不過都係帶走啦, 食完其他野都食唔到6. 紅豆雪糕--ok, 不過硬左0的lor食完的感覺非常好, 下次一定會再去, 希望試到其他師傅的手藝, 因為今次0個個都整得比較清0的。P.S. 我見到有甲

星期日同男朋友慶祝生日,本來諗住同佢去食日本菜,但之前食開果間咁岩休息,情急之下諗起N 年前食過呢間,印象都唔錯,所以帶左佢黎.(佢係未食過任何鐵板燒的)點左一個2人SET,HK$488.0的伊勢海老鐵板燒(唔記得個名有冇錯呢...)1, 青瓜絲蟹子沙律：唔錯,夠絲夠涷.2, 燒銀雪魚：燒都邊位好脆口,好香個汁都好正.3, 燒伊勢海老：2個人一隻,成隻龍蝦仔咁,好爽口好正,最正係師傅用蝦頭既蝦膏加牛油做調味.而個蝦頭好快番左入廚房準備煮成湯.4, 燒安格斯牛扒：師傅事先會問我地要幾成熟,男友決定要五成,真係燒得剛剛好,男友對食牛扒係要求好高,佢都話正(當然正過X王之王),加埋師傅一早準備好既燒蒜片,真係好香口.5, 伊勢海老蝦頭湯：好清甜,個蝦頭仲有好多肉食.6, 炒飯及炒菜：一般水準,但將菜沾上上一道牛扒既肉汁,就正好多.7, 紅豆雪榚：好正~可能我自己之前未過.就係咁啦,再另外每人加多一罐果汁(HK12.0)服務員同師傅都好有禮貌,食得好開心.男朋友話得會黎食下第二樣喎~

在屋企附近. 有時星期六,日和家人在這lunch. 每次也是點set lunch. 幾次幫襯的食物都幾好. set lunch 價錢不貴. 環境okay, 服務都okay. 未試過晚餐, 有機會試試.

都唔知間野點可以咁冇衛生架...食食下飯...有隻好似cat咁大既老鼠經過我隻腳行左入廚房...嘩..."客"到我立即埋單走人...仲有...d服務態度又唔好...