鐵板燒雪舟

营业中

休息中

早排呢間鐵板燒做半價優惠 見到即刻book lunch去食🤩 個lunch set好豐富呀😍 有沙律 燉蛋 鴨肝 帶子 和牛 炒飯 湯同埋甜品 全部野既擺盤都好靚✨ 鴨肝配既汁酸酸地 食落一d都唔油膩 帶子好爽口😋 和牛入口即溶🤤 食完真係變左大肚婆咁🤰🏻 炒飯從來未見過 幾特別 ！鐵板燒既炒飯食過咁多間都係個d料 做法黎黎去去都差唔多 冇乜特別！但呢個有驚喜🤩 佢用既料都相對少 豉油都唔見佢落🤣 基本上係白飯加d鹹菜同芝麻 但最盞鬼係師傅要壓扁個飯 整到好似飯焦咁 真係第一次試 幾特別 值得一試👍🏻

對上一次去已經差唔多三年前。可能呢幾年市面上已經有太多高端鐵板燒，今次再去，冇幾年前食果時太大驚喜。不過質素都仍然係值得欣賞。咁啱當日係情人節，所以只係食情人節套餐而冇咗散嗌！嚟到我哋未叫嘢食師傅已經準備緊茶碗蒸。冇問題，ok ，好食！沙律嘅沙律菜OK，食落索索聲，都新鮮，擺盤都係靚嘅！頭盤係鮑魚，基本上都係正正常常新鮮鮑魚。個汁亦都係正常嘅，唔係太特別！我揀咗薄切牛肉，其實都係差唔多，唔會覺得特別好食，但係都唔係太難食！另一半揀咗雪魚西京燒！我冇食，不過另一半話個汁好甜！最後就係炒飯，湯，同漬物 正正常常 只不過，炒飯係用咗鹹菜嚟炒！個人來講比較鍾意傳統嘅雞蛋牛油炒飯！其實食鐵板燒最吸引我嘅反而係最後嗰個雞蛋牛油炒飯！可惜呢度係用咗鹹菜炒飯，所以如果俾我揀，我會去返D比較傳統嘅鐵板燒！總結：價錢係OK服務OK環境OK。不過我都係覺得油煙比較多！（雖然食鐵板燒都預咗但係個人嚟講我覺得和三味會好啲！）性價比：有陣時如果諗唔到同人去邊度食，又想俾人覺得特別啲，呢度都係一個唔錯嘅選擇！最後，有餐飲同埋甜品。凍咖啡OK，件蛋糕好明顯係喺批發地方買返嚟，冇特別，總好過冇

這個位置選擇十分多，但今日用呢個親民價錢食到嘅日本感覺就真係十分超值，lunch set 一個價錢就有不同組合，有多道口味品嘗，先上了個清新沙律，之後是師傅在鐵板上蒸熟嘅茶碗蛋，入口蛋香嫩滑，配埋上面嘅野菌，真係心機之作！忙緊食茶碗蛋時，師傅就在鐵板上煎緊隻大蝦，利用純熟嘅手法兩三下手勢就將隻大蝦去殼，而蝦頭就分開再煎，蝦肉十分彈牙爽口，蝦頭亦煎得十分香脆可口！當然師傅不會停，接住就係我選擇的美國牛西冷薄燒，師傅真係快手，在鐵板上利用純屬嘅手勢，就將京蔥西冷卷好上碟，入口軟熟牛味濃郁，加埋京蔥嘅味道十分配合！之後師傅用心製作蒜蓉炒飯，最深刻就係個塊由師傅用少量嘅米飯做成的香脆米紙，又真係心機之作！十分好味！加埋個熱辣辣嘅味增湯，同埋漬物！真係十分配合！還有甜品同杯冰涼凍檸茶，今日真係十分滿足！質素絕對滿分，加埋呢個價錢一定係超值抵食！

適逢爸爸生日黎食餐鐵板燒賀一賀佢😍搵咗好耐唔想食太貴嘅午餐，最後搵到呢間lunch set 包沙律🥗茶碗蒸，前菜有日本帶子或者大蝦，亦可加$80轉鮑魚或加$180轉波士頓龍蝦。main course 日本雞肉、熊本豬肉、美國牛柳、美國牛西冷薄燒同埋銀雪魚。飯可選日本日米飯或蒜蓉炒飯。另外有湯、漬物同埋甜品🍮我地三個人叫左日本帶子、大蝦同埋鮑魚。主菜叫左牛柳、澳洲和牛胸內膜同埋銀雪魚。飯叫左日米飯同埋加咗$80轉海膽炒飯。沙律就正常野黎，茶碗蒸個蛋好滑🥚前菜既日本帶子同埋大蝦都有兩隻，煎得好香而且唔老。鮑魚算大隻，加咗啲汁落去，好味😋牛柳煎得啱啱好， 中間生生地好嫩滑一啲都唔會韌👍🏻仲有啲鹽可以吊下味， 但個人鍾意唔落鹽食原味多啲😆而且三個人分每人都有四件仔都算係咁🍽牛胸內膜中間加咗啲菜令口感更清爽，而且唔會膩🥰銀雪魚煎得好香好滑而且啲魚油出晒嚟，正🤤日米飯就真係就咁一碗白飯，但始終日本珍珠米齋食都覺得好味過平時食開嘅泰國米😂海膽炒飯好有心機地上面擺咗啲煎香左嘅米脆片，個飯炒到好香而且都落咗蒜蓉。但海膽份量真係好少而且好細粒，搵咗好耐先見到🙈整體來講，呢間野質素唔差，但覺得味道比較普通😕

#鐵板燒雪舟 位於銅鑼灣開平道 Cubus，鄰近利園、加路連山道，屬於環境清幽的區域，在這漸寒的季節，最好走入暖笠笠的餐廳享用美食。餐廳呈長方形，鐵板燒吧台位於右邊，約14個座位，可與廚師交流，當然要近距離睇佢整鐵板燒啦。我地研究緊餐牌時，廚師已過來準備，佢推介帶子、銀雪魚，於是我地跟推薦咁點，再點多一個熊本豬扒餐試。廚師自我介紹叫Rollo，係人氣既勁人，之前幫過其他餐廳拿米芝連。佢一邊同我地傾計，一邊係鐵板度準備茶碗蒸。係佢準備時，我地先食個沙律，好清新開胃👍😋好啦，終於到了#茶碗蒸，蒸蛋嫩滑、配料惹味，至於入面有咩，其實我忘了🤣接住就係主角1號 #帶子，原隻帶子開邊，表面煎到金黃，熟度剛剛好，好鮮味😋然後係主角2號 #銀雪魚，今次條魚比較厚身，我見Rollo又煎又焗，以為會過火，點知肉質仲係好滑，唔會鬆散，可一片片甘食，有質感，調味適中，唔駛用到拌碟海鹽。d香草海鹽似做裝飾伴碟用，有點兒浪費😂另食了日本熊本豬扒，麻麻，有d鞋🙈Rollo話呢個質地係甘。食完肉緊係要食 #炒雜菜，炒雜菜都清炒好味😋最後係 #香蒜炒飯香蒜味唔夠，飯身都okay。驚喜既係特製飯焦，佢好似藝術家咁整個飯焦

已經第2次嚟呢到食飯，再嚟一樣食佢個抵食鐵板午餐，餐廳環境好大好舒適今次揀咗$338午餐，先來沙律前菜，新鮮又開胃再來係熱辣辣嘅茶碗蒸，非常順滑，入面仲有香菇主菜會有2款，我係日本帶子，好肥美新鮮，經鐵板輕煎再加入醬油，真係好鹹香鮮甜美味日本雞肉本身都好嫩滑，一樣用醬油去鐵板仲多一份煎香，食落嘅醬油好入味添仲有炒野菜跟埋蒜蓉炒飯炒到好香，飯粒分明淡淡蒜香，仲有一塊用飯壓成一片，脆香美味食完飯再飲埋碗熱辣辣味噌湯真係好滿足甜品係自家製嘅焦糖冰條，食落涼浸浸又香甜，好鍾意呢個喔最後飲杯咖啡繼續同朋友傾計

之前見到有訂座感謝祭優惠，見到有$20和牛，加上未食過呢間鐵板燒，就book黎試吓。 我book咗lunch 去食，一入到去見到，有啲似我喺日本食鐵板燒嗰陣咁樣，依家因為疫情去唔到日本，黎呢間都可以一解思鄉之情。我地叫咗2個lunch set,1個係大蝦+銀鱈魚，1個係熊本豬扒，另加1份鵝肝，再加訂咗既$20和牛就啱啱好。 首先黎既係沙律。佢唔係淨係得沙律菜，仲有其他平時少見既荷蘭豆，加埋有柚子醋，都幾開胃。 跟住黎既係茶碗蒸，佢係蒸蛋上面再加個野菜既汁，都幾夾，蒸蛋蒸得啱啱好，夠滑。 師傅知我地share 黎食，佢幫我將所有野分開做2份，首先黎既係大蝦+銀鱈魚，呢個係1人分量，大蝦雖然無平時其他鐵燒啲虎蝦大隻，但係都算新鮮，蝦頭都有膏，師傅將蝦尾壓扁到變咗脆餅，全隻蝦都可以食，正，銀鱈魚超級鮮甜，佢用麵豉醬去做調味，加上師傅控制火候恰當 ，令佢更加好味。 再黎既係鵝肝，呢個都好食，鵝肝無筋，加上個醬汁酸酸甜甜，解咗鵝肝膩既感覺。 反而之後個豬就差少少，食落去多筋，再加上比較難咬，我地都覺得一般。 最後既係牛，呀媽唔食牛，所以全部都係我既，和牛食落去，唔係完全入口即溶，但係都唔點咬就食

早排同朋友去到銅鑼灣，心血來潮想食餐高質日本餐，上網找到這間上樓日本餐廳，決定一試。上到餐廳，環境舒服，侍應安排我們坐在鐵板燒枱前。餐牌有幾款不同lunch set, 我們一人點了一個。不久，鐵板燒師傅立即出現在眼前，即席取出食材煮給我們，感覺非常高級。同時，侍應遞上擺盤精緻沙律一碟，蔬菜新鮮可口。茶碗蒸蒸蛋質感超滑，味道適中，上枱時熱騰騰的。日本大蝦鐵板燒師傅煎時蝦味極香，入口後蝦身彈牙，蝦頭超脆，好似食薯片一樣，哈哈哈！朋友叫的帶子都相當大隻、鮮甜。美國牛柳牛柳夠啉身，牛味亦濃，加上非常juicy ，簡直無得輸。本以為最吸引的主菜已出現，誰知好戲在後頭，看着師傅炒飯，他將部分炒飯壓平再煎，煎成薄脆，最後放上炒飯上，未食已非常吸晴。第一時間食薄脆，意想不到的好味，炒飯亦相當夠味。最後還有麵豉湯、漬物、咖啡及甜品，甜品非常特別，食落似拖肥味的冰，加上咖啡，非常配合。整餐飯充滿驚喜，每一味都極之高質，完全滿足到高質享受的要求。

餐廳坐位舒適，私隱度高，有獨立一張鐵板台在旁邊，不過想看景色就會失望了。點了兩個雪舟晚餐（和牛）及一個龍蝦晚餐，所有套餐也包南非鮑魚，煎得一點也不韌又鮮味。之後就是肥美的香煎鴨肝，外脆內軟，甘香無比。龍蝦及銀雪魚也很美味呢，只是龍蝦比較細隻。最令人引頸以待既主角和牛出場了 - 黑毛和牛柳及近江牛。價格方面，後者貴一點，但肉味及質感均值回票價，肉味濃，質感更柔軟而且無根。飯食是海膽炒飯，飯的上面鋪上煎至金黃色的薄飯焦，超配！牛乳奶凍奶味香濃，質感滑溜，好想食多一個呢！整體食物質素中上，但服務態度有待改善。

saturday dinner with booking,served with nice and comfy seats along the teppan side,my selected the lobster dinner set and beer,chef came out with the fresh ingredients and served firstly the sashimi and the tomato salad while the chef preparing the food,the teppanyaki lobster just ready;that remains juicy and tastes as buttery herbal sauce and that still tastes of the freshness of the lobster,the teppanyaki pork; alittle too lean but stays tender, there sauce on side for enhancing of taste,the

今年嘅中秋節去左食鐵板燒慶祝🤩哩間餐廳裝修富有日本氣息 所有職員都好有禮貌 廚師對於食材同埋廚具嘅質素有份堅持為我地燒完食物後會超級細心咁清洗鐵板每片鐵板都刷到閃令令㗎好似真係去左日本咁🙈 食物方面 當晚每一樣食物都令人非常滿意蔬菜鮮嫩多汁龍蝦 鮑魚 肉質彈牙和牛扒軟冧 味道濃郁 和牛配上嘅海鹽係餐廳自己調配有淡淡嘅香料味減輕左和牛帶黎嘅油膩感我地加錢要左海膽炒飯海膽份量超多 炒飯雖然只係加左少少鹽但海膽嘅鮮味已經足夠托起成個飯嘅味道真係好好味㗎🤤最尾仲有牛奶布甸 同埋餐茶為餐飯畫上完美句號慶祝節日/紀念日嘅朋友可以考慮哩間餐廳係個唔錯嘅慶祝地點黎㗎😝

仍是限聚令的晚上，一行三人book 了Cubus 8/F 鐵板燒雪舟，8/F 全層座位都很寬闊，除了鐵板燒2人座位外，亦有私隱度高的鐵板燒4-6人卡位及VIP 房。我們點了三個套餐，每款套餐也配有前菜、日本蕃茄（很juicy)、海膽炒飯（加上一塊脆卜卜的特製米紙）、味噌湯及漬物，主菜我們叫了鵝肝（外脆內軟很肥美）、南非鮑魚（彈牙爽口）、日本黑毛和牛牛柳（肉味照濃😋)、日本產近江牛西冷（油脂比較多但均勻、入口即化）、波士頓龍蝦半隻（銀雪魚，還有自家製甜品（滑嘟嘟入口即溶奶凍）。師傅在現場炒鐵板燒食物，沒有太大油煙，只有食物香氣撲鼻。雖然食物份量不多，但套餐食物種類很多，讓我們食飽飽離開😆。

2人限聚令，以為不會跟太陽慶祝生日，生日前2日紫微提議食lunch，貴價地方都訂滿，不如食鐵板燒（花盃佢食過），在此大廈多為貴價餐廳，食評也不錯，就試吓。鐵板燒，當然要坐吧枱，看着㕑師表演技法，食物由生演變美味及擺碟過程，創造藝術創作，又是一種享受。先上是日沙律，喜歡隻碟花鳥畫，襯沙律菜，有田園感覺，中間蕃薯泥或南瓜蓉，擁有田園甜味，綿滑，正。燉蛋，滑，有酒，雞湯。炒雜菜一般水準。帶子厚身，海鮮味甜，兩邊焦香，太陽說應該用帶子壳盛着上碟，才是味兒。套餐加80，帶子轉鮑魚，失望，中間靭，嚼好久才有的鮮味出。主菜銀鳕魚，我份是魚尾部份，當然無那麼肥味，太陽的是魚柳部份，夠豐膄，油份夠，優良魚質，可惜醃太甜，浪費，伴碟香草鹽，無定形小薄片，視覺效果好，但無用，好咸。牛肉，大葱，芽菜，肉質老少少，一般。白飯轉海胆炒飯加$45，海胆少，無海胆味，乾爽，飯粒分明，口感軟糯，一大塊米餅作裝飾，值得讚！太陽跟紫微一起坐，我就隔咗塊板單坐，㕑師在他們面前煮，我就看不到，太陽說廚師跟客人無交流，服務麻麻地，食完後，佢個位好熱，流汗。

見之前食評都唔錯，諗住試吓啦。10/8/2020去食午餐，點知中伏，一定無下次。已經提早訂咗位，到咗坐低落單，侍應竟然話鐵板燒師傅會係另一邊準備再攞過嚟。其實坐低枱邊已經有鐵板位，點解要係其他地方燒完再攞過嚟？？追問係咪鐵板壞咗？唔夠廚師（但係我訂左枱）？ 又唔係喎....追問完佢又可以係你面前煮喎⋯⋯（已經令客人感覺唔舒服啦）食物方面完全不達標準， 學西餐擺盆，但係味道真係好一般。鐵板蒸蛋有噱頭，蛋可以，但整左個菇菌汁上去，奇奇怪怪唔好味。燒蝦完全過熟，無調味。燒銀雪魚一般。燒帶子可以，但跟古怪酸味汁🤨一般鐵板炒菜， 菜生生地，有草青味。蒜片炒飯先精彩🤬，完全無蒜片，蒜味都無。仲要變左鹹酸菜炒😤高招。全餐無樣得，甘都食唔7佰幾仲有餐廳抽氣非常差，走嘅時候全身油煙味一定要上黎share啦

這個位置選擇十分多，但今日用呢個親民價錢食到嘅日本感覺就真係十分超值，lunch set 一個價錢就有不同組合，有多道口味品嘗，先上了個清新沙律，之後是師傅在鐵板上蒸熟嘅茶碗蛋，入口蛋香嫩滑，配埋上面嘅野菌，真係心機之作！忙緊食茶碗蛋時，師傅就在鐵板上煎緊隻大蝦，利用純熟嘅手法兩三下手勢就將隻大蝦去殼，而蝦頭就分開再煎，蝦肉十分彈牙爽口，蝦頭亦煎得十分香脆可口！當然師傅不會停，接住就係我選擇的美國牛西冷薄燒，師傅真係快手，在鐵板上利用純屬嘅手勢，就將京蔥西冷卷好上碟，入口軟熟牛味濃郁，加埋京蔥嘅味道十分配合！之後師傅用心製作蒜蓉炒飯，最深刻就係個塊由師傅用少量嘅米飯做成的香脆米紙，又真係心機之作！十分好味！加埋個熱辣辣嘅味增湯，同埋漬物！真係十分配合！還有甜品同杯冰涼凍檸茶，今日真係十分滿足！質素絕對滿分，加埋呢個價錢一定係超值抵食！