鐵板燒雪舟

营业中

休息中

环境：我们有一个包房，环境超级好服务：我们这台的厨师是日本人，手艺很绝 不过语言不通基本没啥沟通「南非鲍鱼」： 巨大的南非鲍鱼，可能焖烤了20分钟以上，鲜嫩美味，搭配上很特别的酱汁「鱈場蟹足」： 下面是盐，感觉有点盐焗，但是上面又铺上树叶，吸取树叶的香味蒸出来，原汁原味上多了一些清香👍🏻「葱油蛏子」有点像粤菜口味，葱油很香，蛏子也是很巨大「海胆炒饭」很特别一开始先做一个很薄的锅巴，然后和海胆一起炒，特别香丰俭由人吧，我们直接让主厨配的菜单，老外朋友也吃得很开心

現在出街食飯都一定要食餐好對自己好d😌因為即興的關係好多心水餐廳都full booking，就搵到雪舟鐵板燒，都有一段時間冇食過鐵板燒就打算一試食物質素係新鮮，師傅的烹調都有水準的本人覺得一間收費不平的鐵板燒係細節方面的處理可以更好，如前菜的小蕃茄可以先去皮，甜點話係日本當季水果，來到係2細嚿梨🥴重點係炒飯竟然加左中式鹹菜（？），我對鹹菜係接受的，但係一間日式鐵板燒餐廳一個作為終結的炒飯，我本人就覺得唔係好夾可能個人要求高，今次真係達唔到我想要的水準😶

今日同媽咪黎左銅鑼灣行街，雖然疫情嚴重，但喺都想放假可以輕鬆啲特登約媽咪去食過日式鐵板餐餐廳唔算好多人，我地揀左兩個套餐！沙律好新鮮，爽甜配上油醋汁，好開胃！餐湯喺粟米湯，暖暖地粟米味道非常濃香刺身三式，有獅魚、油甘魚、牡丹蝦新鮮鮮甜，完全無腥味南非鮑魚、北海道大蝦、銀鱈魚，海鮮水準非常高，大蝦燒到脆卜卜，成個蝦頭都食哂！鮑魚香嫩多汁，完全唔會乾身！銀鱈魚好滑溜肉食揀左日本和牛，油脂豐富甜美，加上大量香蔥和蒜，入口肉味香濃甘香最後有黑豚肉炒飯、味噌湯、炒菜，飽足又滿足環境和服務都超好，我地都食得好開心

由於疫情關係，依家無左晚市但係唔緊要！飯就點都要食，祝就點都要慶！所以今次搵左一間高級的鐵板燒專門店，同朋友一齊慶祝！首先上的當然時湯和刺身，湯是粟米湯，十分香濃，而且帶有點點的甜味，非常開胃。刺身則是十分新鮮，當中最愛的當然是牡丹蝦啦！又甜又大隻，仲會漿住個口！一流！跟住落嚟就開始開爐燒野食啦，鮑魚有微微的焦香，入口爽口彈牙，而且鮮甜。最愛的和牛卷！入面仲包住左香蔥，入口即溶並帶有濃濃的蔥味。我只想投訴！3件太少啦！午餐的最後以炒飯，炒什菜同埋一杯雪糕作結。炒飯入面有少量菜和黑豚肉。米飯粒粒分明，入口非常滿足！

今日又約埋知已食好嘢！新嘅一年當然要食好啲作opening😃鐵板燒係我哋大家都鍾意的👍🏻呢間鐵板燒位於銅鑼灣較為悠靜嘅利園，唔駛同人迫，坐得好舒服！我哋揀左$488嘅lunch set😍價錢相當抵食，$500就食到鐵板燒🤩前菜沙律+粟米濃湯好快就為我哋端上！「鐵板車海老」隻蝦好巨型呀，蝦身啖啖肉，口感爽彈！蝦頭嘅膏好豐富鮮甜😋「安格斯西冷薄燒」選用左澳洲安格斯，牛味特別香濃，食落會有啲嚼口，未算好軟滑，但反而我幾鍾意呢種嚼口，肉質仲好有彈性😋「鐵板甘鯛」甘鯛肉質好軟滑，唔駛用太調味已經好好食❤️魚皮連埋魚鱗一齊燒，燒得份外香脆！炒飯用左高菜、豬肉、蛋，味道好香😋

我們一家已經不是第一次幫襯這間鐵板燒，一向食物質素也不錯，所以就算疫情期間也願意付上688一個set lunch的價錢再來幫襯。估唔到今次的體驗令我們一家人非常失望，黑毛和牛沒有半點雪花，肉色已氧化變黑而且全是筋的牛肉，我們連咬也咬不開。師傅自覺有問題主動更換，誰知換來的不是餐牌說明的薄燒，而是看似一些切剩的牛胸肉，吃落像擦紙膠。於是師傅再主動換來價錢較低的美國牛肉，埋單卻照收和牛價錢。服務亦嚴重懶散，冇人換碟，冇人添茶，鐵板燒師傅要不停出入自己拿東西，簡直是一腳踢，實在不能接受！疫情期間貨源可能較緊張顧客可理解，餐廳應向顧客清楚解釋及在價格上因應提供的食材而作調整才恰當。

而家午市堂食好珍貴的！好多生日慶祝都改哂係lunch~~今日就去左銅鑼灣食鐵板燒先嚟starters粟米忌廉濃湯勁好飲，濃郁的粟米香並用左啲胡椒提味刺身三點甘鯛、赤身、深海池魚！火炙過嘅池魚特別香南非鮑魚Size好giant口感好軟彈，非常鮮甜！甘鯛嘅魚鱗係可以食的魚肉嫩滑，連埋脆口嘅魚鱗一齊食！好有層次！黑毛和牛薄燒和牛包裹住啲蔥蒜，牛肉香好豐富，肉質非常軟嫩，但又唔會有油膩感炒野菜炒飯炒到粒粒分明加入左中國元素嘅榨菜，味道出乎意料地好食！奶茶味雪糕

將近新年，既然有額外收入，決定食餐好d既日本鐵板燒，果然不負所望。開始主菜鐵板燒前，先黎刺身、沙律同湯熱身。三件刺身有吞拿魚、蝦同深海池魚，雖然只係前菜，不過都新鮮，尤其係吞拿魚好厚好大件。野菜沙律，正常冇乜特別。湯係粟米湯，味道係日式好甜既粟米味，香噴噴，飲少少已經覺得好正。主菜先黎鮑魚，鮑魚睇住係重郁緊，廚師用刀叉從殼撬開佢，放響鐵板加上牛油炒，之後上碟，廚師建議唔加調味，直接品嘗鮑魚既原味，鮑魚頭尾好淋，中間食落好爽口。之後到大頭蝦，廚師先煮蝦頭，再煮蝦身，d香味即頭沖出嚟，未食已經俾like, 上碟打卡後，入口爽口彈牙，蝦味十足。再黎到帶子，好大隻，廚師上下煎到金黃色，十字切開再炒一炒，加牛油調味，我同朋友各人一半隻帶子，食落都好滿足。食完海鮮，到牛肉，有安格斯牛肉同日本和牛，兩隻牛既做法都係加d蒜片同蔥入去做餡料，捲埋做牛肉卷，要左5成熟，安格斯牛肉卷較有牛味，而和牛卷入口即溶，每樣都各有特色，唔錯。響食炒飯之前，廚師炒左d椰菜芽菜俾我地，清一清，廚師話一般炒飯會用隔夜飯去炒，不過佢哋用熱飯炒，黏身d，好味d咁話，係咪我唔知，不過個蛋炒飯係真係好好味。食飯後，再有湯飲，清下油

年廿八洗邋遢，年尾食返餐好嘢先有力氣去打掃清潔屋企🤣。於是嚟到呢度同男朋友食日式鐵板燒。我哋分別叫咗一個$488同$688嘅lunch set share食。兩個餐主要嘅分別係$688多一款魚，三文魚或者甘鯛與。但係我哋今日甘鯛賣晒轉咗做帶子。另外一個不同地方就是個牛肉， $688嗰個lunch set個牛肉係和牛。季節沙律坐低之後，侍應好快就遞上沙律，沙律菜新鮮配上有芝士味嘅沙律醬汁，感覺新鮮刺身（三點）有吞拿魚，深海池魚同埋甜蝦，三款刺身都好新鮮，味道鮮甜，吞拿魚味濃，深海池魚魚油豐富。粟米忌廉湯粟米忌廉湯好香滑，粟米非常鮮甜。車海老師傅將蝦頭同蝦身分開，蝦頭燒得好香，香氣撲鼻，蝦肉爽口彈牙，火候剛好。蝦頭嘅蝦膏好多，味道香濃甘香。南非鮑魚鮑魚超新鮮，在鐵板上仍然識郁，師傅用純熟手勢將鮑魚同殼分開，功架十足，師傅將頭尾部份切粒，中間部份切片。鮑魚不同嘅部份有兩種唔同口感，頭尾部份較淋，中間部份爽口，師傅簡單以七味粉加上牛油同橄欖油調味，完全冇落鹽，食到鮑魚嘅海水味。帶子超大隻，一定要打卡，將帶子一開四，依然大大粒。師傅將帶子煎得兩邊金黃，少少脆口，內裏保持嫩滑Juicy，好鮮味，沾

Set lunch 季節沙律野菜、雜菌、小蕃茄和黃椒配以日式芝麻醬， 清新可口，非常醒胃。時令刺身3種刺身質素非常高， 魚油味濃， 入口即溶。 蝦亦非常彈牙，鮮味十足。是日餐湯香甜粟米湯非常出色，口感十分 creamy， 每一羹都充滿著濃厚的粟米香味。南非燒鮑魚鮑魚切成薄片，然後放少許牛油和海鹽調味， 風味十足， 鐵板控制火侯水準 高，亦盡顯師傅的功架， 鮑魚肉質鮮嫩彈牙， 非常之有口感。燒西京銀鱈魚肉質厚身兼且嫩滑， 魚油非常甘香， 而且略帶甜味， 表層的魚肉燒到金黃色，令人食指大動。黑毛和牛燒選取了高級的黑毛和牛， 油花紋路 分佈非常均勻， 一放入口均勻的油脂好像在嘴裏融化一般。炒野菜、漬物和味噌湯日式炒芽菜和椰菜的味道爽口。 漬物甜酸味道配搭好有層次感， 味噌湯清香暖胃。

災難級鐵板燒牛肉店！我們是回頭客，今次已是第二次幫襯，到底一間鐵板燒如何可以由高級轉變成災難級？1. 所謂的高級鐵板燒？從來未見過一個鐵板師傅又要煮又要行出行入三四次，自己一腳踢，欠缺衛生意識。2. $688 lunch set ，絕不是便宜套餐，牛肉質素極差，黑毛和牛發黑，極不新鮮。食完冇肚痛，已經感謝主！3. 完全無服務，不是説要專人服侍，不是服務員態度懶散，就是不見人，連最基本收拾用餐後碗碟，添茶水都沒有。4. 向經理投訴後，經理當下解釋極不負責任，説什麼：「我地識食姐！」即係其他顧客就可以欺騙？呢間真心伏！

星期日的午餐是我們的傳統家庭聚會，所以每星期必會精挑細選不同餐廳跟家人共聚天倫，今次不是第一次幫襯雪舟，老實說第一次在一個月前是完全正常兼沒什麼可以投訴的，但一個月後的今次令我以後也不會再幫襯此餐廳，食物質素有參差有很多因素影響所以我從來不會太在意，但不誠實經營就一次也不可接受。$688 元的午市黑毛和牛鐵板燒午餐竟然奉上又黑又咬不開的劣質牛肉，師傅更加在我們投訴之際講出一些藉口以圖掩蓋劣行實在可恥。一間在黃金地段收五星級價錢的餐廳居然欺騙顧客之外更加完全沒有招呼可言。沒有人換碟，沒有人添茶更甚者鐵板師傅要自行進出房間三四次因為餐廳嚴重缺乏人手做事，當時全餐廳只有三枱客，我眼見侍應有三人但全部也不在照顧客人需要。這次是本人在香港試過最差的一次鐵板燒體驗，絕對沒有下次，希望OpenRice 的網友們也不會遇上同樣體驗。

本身book 左夜晚食但疫情關係又冇堂食一於lunch 食好啲，食材真心好高質又坐得舒服。兩個人叫左2個lunch set $488 / $688, highlight 幾個dishes,刺身-劍魚腩最impressive, 非常厚切入口即溶粟米薯仔湯-非常非常之順滑，粟米味好濃-甜度剛好唔會over 車海老-二人share 後的份量，超級彈牙爽甜！-姐最愛食蝦頭，高質的蝦膏燒後蝦香味大爆發十分惹味安格斯西冷薄燒-望到塊牛已經有好高期望，食落真係入口即溶-重點係牛味仲要好出唔係得個肥字，燒到微燶更突出牛香炒飯-加左菜甫，口感立刻提昇左！之前search Teppanyaki 的時候發現師傅原來都好緊要，呢個師父唔錯唔浮誇好踏實的感覺，係日本同其他國家都工作過，overall 成餐都好滿意！

疫情下都要鬆一鬆，選了一間舒適的鐵板燒來享受一番。鐵板燒一枱坐幾位客，師傅煮食只照顧我們幾位，比其他餐廳酒樓多位傳餐員，減少交叉感染，個人感覺比較好。 選了$488 和$688 套餐 季節沙律 - 配撘不錯，清新醒胃粟米湯 - 香濃粟米味，厚實感重醬汁配撘：豉油，醬汁，日本岩鹽，給客人配不同食材。刺身3點 - 這個一上很吸睛，賣相很別緻，像置身在古典氣派的殿堂享用古董瓷器盛載的佳品。刺身都非常鮮甜，尤其白身魚，入口即溶，佳品。 車海老 - 鐵板燒蝦，濃濃蝦香，蝦身爽口彈牙。南非鮑魚 - 鮑魚十分新鮮，師傅燒得剛剛好，切開一片片，入口鮮香，有咬口，不用點任何醬汁都很鮮。安格斯西冷薄燒卷 - 先試安格斯西冷，師傅只輕灸幾下，手勢真快，不然會過老，師傅完全能夠掌握到。入口香濃牛肉味，配大量葱和乾蒜片，合我口味。黑毛和牛薄燒 - 再試黑毛和牛，這款入口即溶，牛油味香，軟軟的口感，跟安格斯截然不同，兩款各有特色。炒飯 - 炒飯的飯夠乾身，粒粒分明。甜品- 最後品嘗這個軟滑的奶凍，作為完美的句號。

Teppanyaki is our favorite these days as we love watching the food cook in front of us and you can taste it right away, keeping the real taste and texture of the food. This restaurant is nice and cozy with relaxing ambient. Drinking with Mount Fuji We picked two lunch sets to share, with soup, salad, beef, prawn, abalone, cod, fried rices, vegetables and dessert. We first picked two drinks to refresh ourselves, cucumber mint soda and apple soda, the cucumber is so refreshing, it's like the mojit