鍋霸吃到飽台式養生火鍋 (創興廣場)

营业中

休息中

今晚約左友人食火鍋，位於旺角鬧市，非常方便，而且特點係無限時任食火鍋，可以慢慢食，慢慢傾計，勁岩朋友聚會，亦都唔使趕住食，係真正享受火鍋美食。火鍋價錢$308-$508，有3個等級可選，主打係靚牛肉同豬肉，火鍋配料有70多款，分別有海鮮同貴精不貴多，都高質的丸類、餃類，蔬菜都新鮮。我地揀左$308 Prime Grade 美國安格斯肥牛及西班牙無激素豬肉片。火鍋湯底有16款之多，我地揀左［藥膳椰子雞］，有濃濃椰香，雞肉大件又嫩滑，豆卜吸哂湯汁味，超正。Prime Grade 美國安格斯肥牛，雪花紋好靚好平均，涮幾下就熟，入口嫩滑快要化開，牛脂好香，牛味濃郁。西班牙無激素豬肉片，薄切好快熟，肉質嫩彈無渣，豬味突出，而且唔油膩，配芝麻醬更滋味。海鮮有海蝦、事日海鮮（蜆、蟶子）、帶子仔、脆腩魚片、脆骨腩……海蝦夠哂大隻，新鮮肉質爽口彈牙，蝦味重，吸哂椰子湯汁，更鮮甜好味。蜆肉飽滿好爽口，入口爆汁鮮味。蟶子脹卜卜，入口肉彈多汁微微咸。咸蛋黃魚皮好好食，魚皮脆口輕盈唔油膩，有咸蛋的咸香，味道濃厚。另外，可以任食普通魚皮，餐廳提供4款 shake shake 粉，芝士帶奶香微咸芝士味；海苔味道較淡

天氣轉涼了，老公提議打邊爐，呢間鍋霸特式之一就係無限時，我地中午入坐唔係好多人，兩人都係卡位，夠晒闊落，我地就選擇左$308個餐，用QR code點菜，先落左個湯底，簡左藥膳湯藥牛肉，黎到個湯好香濃，仲有大大舊牛肉係入面，炆到好淋，好似台灣牛肉面。每枱仲有shake shake炸魚皮，脆口又惹味。落單點了美國安格斯牛肉，無激素豬肉，仲有好多手工丸，手工三寶丸，墨魚丸黑松露墨魚丸，麻辣牛丸，豬肉丸，墨魚滑。仲有好多特式野，芝士小籠包，爆漿濃味牛丸，芫荽燒賣，魚蛋，鴨血，手工冬菇豬軟骨水餃等等，每樣都好食，爆漿牛丸真係超正。仲有海鮮，沙白，小聖子，海蝦，滷水雞腎都係我心水，叫左幾次。調料區選擇都好多，材料都新鮮，冷熱飲區全，凍飲有手工冷泡茶及多款汽水，仲有啲連出面都少見，包括特別版可樂，無糖忌廉溝鮮奶。呢間火窩店俾人感覺好台式，特別係啲窩底同手工食材，同之前食開個啲感自好唔同，叫埋雪糕食完好滿足呢，唔限時唔洗睇住時間趕住食，又唔驚截單同埋俾人催，啲員工收野出餐都好快而且友善。

食物新鮮，員工醒目！同朋友慶祝生日，店員同疑似經理好好地配合，敬業樂業，阿姐唱生日歌很真誠，令大家都非常開心！食物新鮮，D蝦愈叫愈大隻，係街巿要180 蚊斤既中蝦size，同埋執野好快！ 基本上佢地全程留意住顧客既需要，而家好小有咁專業既侍應。

天氣轉涼馬上想吃火鍋暖暖身，這次來到 「鍋霸吃到飽台式養生火鍋」旺角分店，歎台式養生涮涮鍋，他們主打藥膳湯底十分養生，任飲任食無時限，勁抵！首先，選好湯底及套餐，職員落訂後就會提供QR code 給你自行落火鍋配料，超簡單。我們選了湯底是「 藥膳沙茶牛肉涮涮鍋」，湯味香甜，配料十足。套餐為$308任食Prime安格斯肥牛＋西班牙無激素豬肉片，並可無限追加肉類及海鮮，無限追加超過六十款火鍋配料。每枱會送自家製ShakeShake鹹蛋黃魚皮，再配四隻味粉任你shake, 咸蛋黃魚皮勁脆又濃郁，單點都要$48。火鍋配料真心推薦「手工三寶丸」及「 梅菜豬肉丸」一口一粒，夠新鮮又彈牙。 蔬菜有「羽衣甘藍」、「皇帝菜」及「油麥菜」，十分新鮮，很優質。自助飲品區手工冷泡茶，自家製烏梅汁，台灣進口冬瓜茶等等，非常多選擇。我比較喜歡冷泡四季春，很有茶香味。雪糕每人可選一個，我點了Häagen-Dazs 焙茶甜筒 ，朋友點到Mövenpick咖啡味雪糕，用來作結真是大滿足。

約咗班friend 諗住盡訴心中情，揾個好地方，靜靜地、慢食、慢傾、無限時間👍👍，竟然畀班friend搵到，交通極之方便(旺角)鍋霸主打無限時任飲任食🥰台式養生鍋我們由十二點幾食到晚上七點幾，你話勁唔勁🤣🤣，店舖環境空間寬敞，感覺無拘無束❣️Shake Shake 黄金鹹蛋黃魚皮配味粉，就咁食已經好好味😋❣️飲品區飲品種類繁多，還有自家製飲品，仲有分埋凍同熱，非常窩心❣️醬料區款式種類多羅羅，總有一由欵合你心意❣️先來一鍋養生花膠雞涮涮鍋，湯底濃郁清甜花膠大大隻，雞肉鮮甜嫩滑❣️肉類朋友唔食🐷，所以嗌咗Prime Grade美國安格斯牛，碟碟顏色鮮紅非常新鮮，灼幾吓入口牛味香濃❣️海鮮食材新鮮海蝦🦐爽脆彈牙鱔片薄切雙飛入口彈牙甘甜❣️自家制手工餃和手工丸類韮菜餃、麻辣粟米豬肉餃好好每款手工丸各有其特色和味道，款款超水準，只是個人喜好手工黑松露墨魚滑，黑松露香氣、墨魚滑彈牙、咬落還有墨魚粒的爽口❣️蔬菜新鮮青翠嫩綠❣️甜品大家熟悉的品牌Dreyer's 焙茶味甜筒，第一次試的味道🥰

$308套餐点的东西也太多了吧！真的好好吃，旺角有这家放题火锅，感觉很实惠而且味道也不错，放学下班来这里吃一顿感觉一切压力都没有了，安格斯牛肉无限量谁懂！！冰淇淋也有哈根达斯，饮料随便拿

最近到旺角嘅【鍋霸吃到飽台式養生火鍋】打邊爐，佢係一家提供無限時任飲任食的火鍋店，大多數的任食火鍋店都一定有限時，嚟呢度冇限時任食可以同朋友慢慢食慢慢傾，我哋坐足成個下午，正！😍呢度有成16款台式藥膳養生湯底同好多高品質食材供應。首先講講湯底選擇。16款台式藥膳養生湯底，有辣、有清淡、仲有特殊藥材嘅湯底，可以滿足所有人口味。我個人特別推薦藥膳養生花膠雞涮涮鍋，濃郁香氣加埋養顏花膠和嫩滑嘅雞件，營養價值十足。😋火鍋食材的選擇亦有很多，包括Prime Grade美國安格斯肥牛、西班牙無激素豬肉片、各款丸類、新鮮海鮮、多種蔬菜同麵類。全部食材質量都非常出色，新鮮度好高。我特別鍾意美國安格斯肥牛，肉質鮮嫩多汁，絕對係一種享受。😋大量冷熱飲品亦唔少得，可以隨時享用各種飲料，無論冷飲及熱飲都能滿足我嘅口味。😋甜品方面每人可選一款，我哋要咗Movenpick同埋Haagen Dazs嘅雪糕，為今餐火鍋完美結束劃上美好嘅句號。😋

📍 鍋霸吃到飽台式養生火鍋旺角彌敦道593-601號創興廣場4樓==============================難得連放三日假，打算同屋企人去旺角食呢間book mark左好耐ge 火鍋店食個brunch火鍋😝==============================環境：⭐️⭐️⭐️⭐️⭐️火鍋店位於創興廣場4樓，好好多窗感覺好開揚寬敞，座位都好寬落好多卡位，抽風系統都做得好好，我地食左三個鐘都無油煙味餐廳亦好細心，長期會放定兩壺湯底係旁邊方便加湯，而每張枱旁邊都有架車仔放用完ge 碟👍🏻==============================食物：⭐️⭐️⭐️⭐️⭐️1️⃣湯底🍲火鍋店提供多款湯底選擇，我地今日揀左養生姫松茸🍄涮涮鍋，湯底有超多菇味道都好濃郁，試左幾啖湯都唔覺口渴，應該係真材實料無加味精👍🏻2️⃣肉類🍖因為我地揀左$308個餐，所以手切肉類只有兩款🐷西班牙無激素豬肉片：切到非常薄片，所以熟左都唔會好韌而且肉味都幾濃🐮Prime Grade美國安格斯肥牛片：牛肉未熟之前顏色好靚好新鮮，食落口牛味好濃，所以食左好多碟🐃沙茶牛肉：好似沙嗲牛肉麵果種質感，好滑身🐤雞脾肉：原隻雞脾斬件

因為想坐耐啲 見佢係另一間無限時任食 所以揀咗佢可能係星期四嘅關係 半粒鐘前都book到位7點倒到 一入就係最出最近抵嘢似同醬料嘅卡位一坐低 我同表妹都未講到嘢 就已經有個女侍應走埋離問：「有冇離過呢？」自然答咗「冇」然後佢就一輪咀介紹個餐牌 點點點 壺湯點點點就係終於等到佢介紹完 我覺得終於可以同表妹傾到偈之時唔夠3分鐘 又有另一個男侍應走埋離 問候我地 有冇點餐問題之類然後又叫的地可以出去出面拎咗嘢飲先好啦 我地點點頭 再繼續傾偈跟住！！唔夠2分鐘！！！又！係又！又有一個應該係經理款嘅 又走埋離問同埋 又！好！積！極！咁叫我地 可以係出面攞咗嘢飲先殷勤係好 但過於頻密係一種搔擾講真 如果再離多個 我堅會嬲坐位都ok寬敞唔會話入到去覺得好迫好窄哩度啲嘢食就 一般水平如果唔係想坐 係想食嘢就唔會揀哩間最出式反而係 佢送嘅嗰碟鹹蛋黃魚皮乜都唔洗落 已經係超好味出面嘅飲品竟然有無糖嘅忌廉溝鮮奶的最鐘意嘅係山楂烏梅茶可惜冇生果食啦總括而言其實都唔只佢有無限時無特別突出嘅賣點

【油尖旺區】【鍋霸】同道歉哥喺旺角場睇完曼聯對香港青年隊嘅賽事之後，本來想搵啲任食燒肉，但係十點後香港好似完全冇晒任食燒肉咁。因此將目標轉去打邊爐，難得呢間喺創興嘅鍋霸收十二點，而且當刻仲可以入座，就唯有係食呢間啦。食過佢哋佐敦分店，最大特色係冇限時，呢間都係一樣。不過呢項福利對於我哋呢啲十點幾入座嘅客嚟講係冇乜用嘅。然而我哋都係叫佢哋嘅「無限時吃到飽養生火鍋套餐」，九點後入座嘅成人價錢，最平係 $262 一位，就呢個。咁呢個餐係包任食「Prime Grade 美國安格斯肥牛」同「西班牙無激素豬肉片」，都係比較一般嘅肉。而佢哋呢間嘢有款好特別嘅招牌菜「Shake Shake 鹹蛋黃魚皮」，到最後都係被我哋 WFC 咗，每次食都係咁，係好好笑。而湯底我哋要咗「養生椰子雞涮涮鍋」，但係啲丸類同其他食物，用 QR Code 落單嗰陣唔知佢係一件定一份，攪到有啲叫多咗。雖然最後都食咗大半，但係都食得幾辛苦。埋單價係 $586，都唔係一個好貴嘅價錢，可以接受。。。呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：油尖旺區分店（佐敦）：1am

依家創興都有好幾間火鍋店，之前試過三間，今次試第四間，就係位於4樓的鍋霸吃到飽台灣養生火鍋。依間火鍋店裝修係比之前嗰幾間靚，而且空間感大，坐得舒舒服服，一啲都唔迫！依度全部都係電子落單，而且十分清晰。 我哋點左$408嗰個餐，依個餐有任食Prime Grade 安格斯牛頸脊/肥牛，西班牙伊比利亞黑毛豬肉片/無激素豬肉片，兩款牛都好香牛味，肉質鮮嫩爽滑，肉味濃郁，而肥牛有著適量嘅油花。而湯底有12款，好多都係有養生，藥膳功效的，仲有田園蕃茄同台灣出色嘅麻辣同大家喜愛藥膳椰子雞湯底。我地點左養生蟲草花桃膠雞涮涮鍋。本來諗住都係得幾粒桃膠，點知食極都有，雞係用左滑滑雞脾肉，仲有好多蟲草花，十分足料！配料都有好多選擇，首先係丸類，勁多手打丸，例如勁重墨魚味嘅墨魚丸，好香嘅黑松露墨魚丸，潮汕豬肉丸，我自己推介嘅麻辣牛丸，細細粒但充滿住麻辣味！手工餃都幾特別，飲品選擇有不少，最特別嘅係有好多男士都喜歡嘅泰國玻璃樽梳打水，我用左嚟沖入佢嘅山渣烏梅茶，做成特飲，另外試左黑糖檸檬冬瓜茶，幾清新，少有邊爐放題有依款飲品！最後就係甜品，就係大家都鍾意嘅Movempick 雪糕，Dryers 雪糕同我點左嘅K

近年旺角開設了無限時台式火鍋，這間鍋霸就是其中之一，地點方便又可以無壓力下任食，又可以和朋友輕鬆談天說地一整天，真的性價比十足呢🎉✏️位置（9/10）：創興廣場4樓全層，對面就是信和，超級方便✏️環境（9/10）：店面面積大，卡位舒適，環境空曠，空調足，抽風亦做得很好✏️服務（8/10）：掃碼下單，上菜快而準，侍應們有禮貌又主動✏️食物（9/10）：食物選擇不少，食材新鮮亦算高質🌟無限時吃到飽養生火鍋套餐（Prime Grade安格斯牛頸脊） - $408選擇了第二級的套餐，正價無限時任飲任食只需$408，超級抵食🥰🍴藥膳養生花膠雞涮涮鍋點了這款湯底，用料十足，雞肉香滑鮮味，味道香濃，絕對可以飲用😋🍴主打牛肉及豬肉點這款套餐當然是為了Prime Grade安格斯牛頸脊，肉色粉嫩，口感香滑，真是比較高質的牛肉。另外還有伊比利亞黑毛豬肉片，豬肉味香濃而香滑，值得一試😊🍴自家製手工配料幾款手工丸及餃都很彈牙美味，推介的有手工黑松露墨魚丸、手工潮汕豬肉丸及手工香菇雞軟骨餃👏🍴火鍋配料類個人最愛有台灣鴨血、足八吋長蟹棒、芝士小籠包及爆醬濃芝士牛丸，還有火鍋少有的鵪鶉蛋，真的十分滿足😍🍴海鮮類海鮮都算新鮮

這是一家提供任食火鍋的餐廳，新開張位於旺角，地理方便又快捷，提供了包括Prime grade 安格斯牛頸脊、西班牙伊比利亞黑毛豬和鱔片在內的高級食材，這讓我對這次的用餐體驗雀躍不已。Prime grade 安格斯牛頸脊的優質肉質令人驚艷。每片牛肉都經過嚴格挑選，質地柔嫩，口感豐富。入口即化的口感和濃郁的牛肉香氣讓我回味無窮。在火鍋湯底中烹煮后，肉質保持了鮮嫩多汁，與湯底的交融讓味蕾享受到美妙的滋味。西班牙伊比利亞黑毛豬，這種豬肉質鮮美，擁有豐富的油脂，帶來獨特的香氣和口感。火鍋中煮熟後，豬肉散發著誘人的香味，肉質滑嫩，每一口都讓人陶醉其中。最後是鱔片，鱔肉細嫩爽滑，口感十分特別。它在火鍋湯底中短暫煮熟後，保持了鱔肉的鮮甜和嚼勁，為整個火鍋增添了豐富的口感層次。

呢間旺角新開嘅鍋霸吃到飽台式養生火鍋, 主打無限時任飲任食台式養生火鍋, 價錢實惠, 乾淨光猛. 冷氣夠凍, 環境舒適; 佢哋飲品款式都幾多, 火鍋配料都好多款, 而且仲有是日海鮮。 坐低每枱都會送黃金咸蛋魚皮一客, 而且有四款味粉俾你整, 嚟個shake shake魚皮食下先。前菜有麻辣木耳同埋手拍青瓜, 少少辣, 都幾開胃。湯底佢哋有多款台式養生火鍋湯底🍲任你揀, 主打台式藥膳養生鍋, 提供15分湯底; 打邊爐都可以養生, 我哋就揀咗鴛鴦鍋, 一邊係養生椰子雞涮涮鍋, 另一邊係田園蕃茄濃湯牛肉🥩涮涮鍋; 田園蕃茄濃湯牛肉內都有牛肉呀, 而且蕃茄味酸酸甜甜, 好開胃。椰子雞涮涮鍋就好清甜, 夠哂滋潤, 又唔會燥。肉類我哋揀咗$418 嘅極上牛頸脊套餐, 美國Prime Grade極上牛頸脊, 啲牛肉都幾嫩而且牛味濃; 呢個餐仲包美國Prime Grade安格斯肥牛, 牛肉脂肪均勻肉質軟滑, 唔會太薄身;西班牙伊比利亞黑毛豬, 西班牙無激素豬肉片, 都係任食不限時。仲有其他的肉類, 沙茶牛肉, 雞脾肉, 都唔錯。火鍋配料火鍋配料自助QR code落單, 幾十款自己揀，全部都係手機點餐，

秋風起又是火鍋的最佳季節，最近知道鍋霸由佐敦開到了旺角，今晚便來到了。今晚選擇極上牛頸脊套餐（成人）$418。任飲任食沒有限時。-Shake Shake 鹹蛋黄魚皮，香脆可口的魚皮鋪滿了蛋黃碎，可以加上其他調味料享用。鴛鴦鍋：養生蟲草花桃膠雞涮涮鍋拼台灣麻辣雞肉涮涮鍋。養生蟲草花桃膠雞涮涮鍋，味道清甜，適合淥海鮮和蔬菜。台灣麻辣雞肉涮涮鍋，麻辣味道香濃，用來淥肉類，非常惹味。Prime Grade安格斯牛頸脊、西班牙伊比利亞黑毛豬肉片、Prime Grade美國安格斯肥牛、西班牙無激素豬肉片。安格斯牛頸脊和西班牙伊比利亞黑毛豬肉片的肉質，最為鮮甜美味。生猛海蝦、白鱔片、新鮮魚雲、脆骨腩，是日精選海鮮：蟶子、蜆肉。其中以魚雲、蟶子、蜆肉最為新鮮。蜂巢豆腐、鮮淮山、萵荀、台灣鴨血，其中以台灣鴨血和蜂巢豆腐吸收了麻辣湯底最為惹味。秘製麻辣木耳、油麥菜、唐生菜，吃完肉類，非常適合吃些蔬菜和木耳，保持腸胃暢通。飲品種類繁多，有汽水，自家製冷泡茶、檸檬冬瓜茶、烏梅茶、果汁飲料。檸檬冬瓜茶和烏梅茶的甜度適中，是火鍋的最佳伴侶。最後每人可享用雪糕一杯。