影片
营业时间
今日营业
12:00 - 01:00
星期一至日
12:00 - 01:00
以上资料只供参考，请与餐厅确认详情
有关奖赏计划
位于旺角创兴广场4楼的【锅霸吃到饱台式养生火锅】，是一间主打台式养生概念的火锅放题店，提供超过60款配料、20款汤底选择，绝对是火锅控的天堂😋🍲 汤底选择非常丰富，养生又惹味😍我哋今次拣咗养生虫草花桃胶鸡涮涮锅🐔清甜滋润，鸡肉嫩滑，仲有叫咗麻辣蕃茄牛肉涮涮锅🍅蕃茄味浓郁，酸甜开胃。我哋今次叫美国Prime Grade极上牛颈脊及西班牙伊比利亚黑毛猪套餐🥳美国Prime Grade极上牛颈脊肉质柔嫩，牛味香浓，西班牙伊比利亚黑毛猪🐷油脂分布均匀，口感细腻。海虾🦐脆骨腩等海鲜全部都新鲜弹牙，花胶任食更是高CP值之选👍🏻火锅配料选择非常之多😍仲有手工丸和手工水饺🥟手工丸有墨鱼丸🦑潮汕猪肉丸🐷牛丸等，我最钟意系手工黑松露墨鱼滑，口感弹牙、味道浓郁。其他配料仲鲜腐竹、豆卜、台湾鸭血、蟹棒等，非常多元化。饮品都有好多选择🥤有自家制冷泡茶🍵例如有桂花乌龙茶、乌梅山楂茶、黑糖冬瓜柠檬茶等，仲有各式各样嘅汽水和热饮专柜👍🏻每位客人可选一款高级雪糕🍨例如有Haagen-Dazs、Dreyer’s 或 Movenpick雪糕🍦为今餐画上完美句号🥰餐厅空间宽敞，卡位舒适，私隐度高，装潢走台式复古风，还利用QR Code 点餐，出餐快，又冇漏单，服务员态度亲切有礼，食材新鲜，汤底多样化，非常推介大家嚟打边炉😋
继续阅读
午市4.5小时火锅放题，还有20款汤底选择，太夸张了吧？但真的有这间餐厅！位于旺角创兴广场，台湾养生火锅餐厅，是我很喜欢的其中一间火锅餐厅，除了4.5小时火锅放题吸引我之外，还有20款汤底选择，饮品和食物超过30款，太夸张了吧？真的是一次超值的享受！4.5小时我进餐可以不用太赶，座位宽阔坐得舒服，食得舒服又开心超多款饮品选择，还有自家制台湾黑糖冬瓜柠檬，冷泡桂花乌龙茶等等火锅酱料很多选择由中午12:00pm至4:30pm , 4.5小时无限任饮任食放题，有5款级别选择，我拣选了Lv2,美国prime Grade 牛肩胛肉，再加$40升级海鲜配料汤底拣选了药膳养生花胶鸡汤底鲜美，花胶的份量也相当可观，对女士们来说，滋阴养颜的效果更是吸引。很受所有女士欢迎美国prime Grade 牛肩胛肉 / 西班牙无激素猪肉片新鲜海鲜沙白，鳝片，脆骨腩每人可以选择一款甜品。有Movenpick Häagen-Dazs还有其他选择，我毫不犹豫地选择了我最爱的Movenpick朱古力雪糕，滑顺的口感让人非常满足。总括来说，这间台湾养生火锅餐厅的4.5小时午市火锅放题绝对值得一试！无论是汤底的选择、食材的新鲜度，还是舒适的用餐环境，都让我感受到极大的满足。下次再来的时候，我一定还会选择这里！
继续阅读
餐厅超大，座位全部都系梳化卡位劲阔落舒服，环境整洁干净20款汤底选择，加咗$48转鸳鸯锅，拣咗药膳椰子鸡涮涮锅同田园蕃茄浓汤豆腐杂菌涮涮锅；椰子鸡汤底比较清甜，汤底啲鸡够嫩够滑；蕃茄汤底劲浓蕃茄味第一次嚟所以拣咗中间Level L3 $218，主打Prime Grade美国安格斯牛肩胛肉，西班牙伊比利亚黑毛猪，西班牙无激素猪肉片，另再+$40追加海鲜推荐：伊比利亚黑毛猪同美国牛肩胛肉肉质嫩滑沙茶牛肉劲滑好正，沙茶劲入味😋游水海虾新鲜弹牙仲有花胶任食，超赞手打丸，试咗墨鱼丸、潮汕猪肉丸、牛丸，必食💯鲜腐竹、豆卜好味，其他菜类洗得够干净又新鲜任饮嘅选择劲多，有自家制冷泡茶、有自家制台湾地道风味嘅饮品、汽水等等，仲有热嘅饮品；推荐台湾黑糖冬瓜柠檬茶同小仙草爽，打边炉饮好正雪糕虽然唔系任食，但每人可以拣一款Dreyer‘s、Haagen-Dazs或者Movenpick ，超级满足👍🏻总结火锅配料选择多，食材新鲜，性价比超高💯星期一至五 HKD$218（原来两点后入座88折，虽然今次就受惠唔到😅，不过都好抵食👍🏻）
继续阅读
今次试咗佢哋嘅 Lv.2套餐，主打美国 Prime Grade 牛肩胛肉，再配合养生药膳花胶鸡汤底，感觉相当滋补。汤底药膳花胶鸡涮涮锅入口清甜，药材味唔会太浓，反而带出鸡肉鲜香，加埋花胶，汤头更显得厚实养生，饮落好舒服。肉类•Prime Grade 美国安格斯牛肩胛肉：油花分布均匀，入口软腍又带牛味，稍涮几秒就已经非常嫩滑。•西班牙无激素猪肉片：肉质干净爽口，冇腥味，食落清甜，对比牛肉系另一种层次嘅口感。配料•手工三宝丸：弹牙有咬口，每款丸子都有自己独特味道，唔系一般速冻货色。•浓芝豆腐烧：芝士香味突出，配火锅食好惹味。•台湾肠：口感爽脆，带少少咸香味，几特别嘅配搭。仲有好多样食物任食架！真系写都写唔晒。整体嚟讲，呢间餐厅食材质素唔错，汤底健康养生，肉类新鲜，配料有特色，啱晒钟意台式火锅又想食得滋补嘅人。
继续阅读
最近同朋友去旺角闲逛完，肚饿就谂住揾间正嘢打边炉～今次就拣咗创兴广场4楼「锅霸」食台式火锅放题！其实平时都几多选择，不过见到呢间啲肉质同配料好似几有诚意，就谂住试下。我哋今次拣咗120分钟Prime Grade牛肩胛＋西班牙无激素猪肉套餐（$273/位），要系可以加$40转做无限时，真系好适合我哋一班朋友慢慢倾计慢慢食～虽然系最平个set，但啲牛肉出奇地高质，完全唔输俾出面啲贵价放题！Prime安格斯牛肩胛肉雪花纹超靓，渌十秒就啱啱好，肉味超香超嫩滑，真心推介肉控一定要试！西班牙无激素猪肉片都好掂，薄切唔油腻，食落好juicy。汤底我哋拣咗田园蕃茄浓汤牛肉涮涮锅，汤底超足料，仲有牛肋骨条，饮落好香好暖胃，打边炉一流！海鲜方面都好有惊喜，鲩鱼片同白鳝片超爽脆鲜甜，海虾仲系游水上枱，生猛到不得了，啲虾弹牙到好夸张！蔬菜都唔马虎，有平时少见嘅鲜淮山同羽衣甘蓝，吸晒汤底精华，食落好爽口又健康。仲有自家制台湾手工拉面、王子面，面控都满足到！饮品柜有齐台式奶茶、汽水，甜品仲有Movenpick同Dreyer’s雪糕，仲有Häagen-Dazs，打边炉完再食杯雪糕，完美ending！整体嚟讲，「锅霸」真心高CP，食材新鲜够多选择，份量又足，旺角揾食真系多咗个好选择，之后一定会再encore！#旺角打边炉 #打卡火锅 #锅霸 #台式火锅放题 #安格斯牛 #平靓正 #吃货推介 #旺角美食 #香港放题
继续阅读