鍋心粥底火鍋 (順寧道)

营业中

休息中

依個粥底火鍋真心推介 一坐底系食海鮮先， 自選幾種我通常會揀蝦，蟹，鮑魚，花甲，蜆好新鮮 啲海鮮味道都仲識旭 好生猛蝦 - 好大隻 好彈牙 肉質好厚蟹 - 啲蟹好鮮甜 仲要有膏花甲,蜆 - 無沙 好鮮味鮑魚 - 好易咬 吾會過硬 佢仲會有提示你海鮮煮既時間 被免煮過龍食完海鮮佢會再比你自選幾款火鍋配料食完最後就食埋個海鮮粥就完美

性價比「高」海鮮粥底鍋環境今次係食830時段 星期六 基本上個場都Full 每枱距離適中 唔會痴到好埋 坐位之間闊落 每枱會有一個鍋 杯杯碟碟餐具幾乾淨 唔會有浸油立立嘅感覺 *😂利申 個人有輕微潔癖 所以會很留意呢d食物質素未揀材料前 會送蟹 硯做粥底調味 *所以揀海鮮個陣唔想重覆就洗再揀硯 當然鍾意食硯除外海鮮非常新鮮 生生猛猛仲識郁 望落亦清洗得好乾淨每種海鮮都會根據人數分配份量件數 非常細心 包保每人都有得食粥底花蛤 一般般 唔算好突出猶魚 非常彈牙爽口蟶子 *加錢 40蚊嘅份量！OK新鮮鮑魚 Juicy 鮮甜爽彈 仲識郁 蝦 好新鮮 都係仲識郁豬肉片 Soso牛肉 Soso梅頭 必點 肉質軟滑甘香 菠菜餃 Juicy 好足料 滾完唔會爛哂 花膠仔 唯一一樣失望 唔知點解成陣塑膠味 最後搞砸左煲粥粥 服務員會問想粥身想要稀定結 加埋玉 米南瓜 芋頭粒服務服務人員人數夠多 上碟收碟速度快 態度亦很積極主動 無漏單4位買單 886 無加一服務費提提大家 一定要提早book位 Walk in要等喔！ 另外 食唔哂嘅食物可以打包拎走 個人很欣賞鍋心主張不浪費食物嘅宗旨 建議大家可以自攜

鍋心已經食過幾次，啱開無耐已經來試了，當時覺得好驚艷，亦都寫左食評。哩次再食，海鮮依然新鮮抵食，但佢既模式有少少唔同左，味道比起以前無咁出色。比預定時間早到5分鐘，不過好快D人就陸續到了，唔book位既話，一般都無得walk in。就係咁，佢以前D海鮮係全部都有，依家就要選擇5款。（因為無點到魚，最後D粥無咁甜同杰身，因為D魚肉會煲融一D係粥入面，至少我係咁覺得拉）一人半只蟹，蟹係好新鮮同結實既，好鮮甜。鮑魚同 帶子分量都係一人一粒，新鮮同爽口肥牛--有少少為 完全解凍就拎出來，不過肉質都唔錯既象拔蚌--（$30）哩個係加錢點既，30蚊2只，雖然細細只，都幾甜既~蝦--一人 2只，淥既時候好可怕，因為仲係生勾勾，所以要夾住佢同摁住佢係火鍋度，稍變色先放手，好怕一陣突然跳一下 XD生蠔、花蝶--因為海鮮都好快就熟，所以一好就撈上來，食唔切  哈哈~魚皮--我唔太建議點其實，因為其實啖粥最後食翻，覺得放左哩個會令粥油左，有少少破壞左雞軟骨丸--每次都必點既，入面有雞軟骨粒粒，口感好得意豬梅同肉、王牙白菜--我覺得一定要點菜，淥完海鮮淥菜，D菜甜到不得了響鈴、豬紅--其實食到後來，我自己 都

🌟IG: eat_neverland🌟#鍋心粥底火鍋 (深水埗)分時段入座而且必須訂位既餐廳。🕴🏻訂左8:30 準時到門口，排排企等叫號入座。👯‍♀️無訂位基本上係得食既。由於上一個時段啲客未走/未汁等切位，所以都要等左15mins先入到去。⏰食完之後個等待係值得既🤤真係好好食。☺️海鮮好新鮮份量足。其他配料都好大份同高質。呢個價$200一位抵到喊！兩個大食男加兩個正常食量女，食到最後仲飽到不要不要的。😚頭盤：蕃茄生菜芝麻醬沙律🥗海鮮方面有：鮑魚、貴妃蚌、基圍蝦、蟹、唔同品種嘅蜆、多寶魚。部份海鮮上到枱都仲會郁，好生猛。我哋揀既自選五款配料：手打雞軟骨、黑毛梅頭肉、黑毛豬腩片、美國肥牛、花膠仔。女仔會覺得豬腩片肥咗啲。全部都好好食。計過數叫呢幾款野食就最抵食。經過一輪烹煮之後，白雪雪既粥底已經變咗金黃色。加埋南瓜🎃粒、芋頭粒同粟米件粥底更鮮甜有口感。鍾意嘅話可以加埋莞茜、冬菜、菜浦粒、大頭菜粒同豬油渣粒。🤩個個要捧住個肚走。大滿足！🥰

同friend book左呢到6點半入場嘅粥底火鍋，每次可以食兩個鐘。餐廳入面每張枱前都寫左各樣海鮮蒸煮時間，同埋有個計時器，計算方便。呢到啲海鮮每樣都好新鮮，十分鮮甜，而且份量都好多。食完海鮮後，可以加入各種配料，慢慢就會整成粥底火鍋。火鍋吸收左海鮮嘅精華，十分鮮味，各種配料嘅份量係可以自己選擇，唔會驚唔岩口味啦。

係香港有好幾間分店 當日試左深水埗個間主打海鮮粥底火鍋🥘套餐好抵食 包左2款海鮮(肉蟹同沙白)另外再自選5款海鮮同8款配料🤟🏻海鮮好新鮮~配料都幾多選擇 推薦手打丸🍢打完邊爐之後會係粥底加上菜甫、豬油渣、南瓜等等嘅材料煮成一煲好鮮甜嘅粥🤤

晏晝嗰陣時聽朋友講起粥底火鍋，就心思思想食，晚上就諗起不如試吓呢一間鋪頭嘅粥底火鍋，去到已經11點，店主告訴我已經沒有蟹，跟住有好多海鮮都沒有，於是給我換換換⋯⋯⋯說鮑魚給我雙份，象拔蚌給我雙份⋯點知當坐低嘅時候見到象拔蚌來了三隻，於是便問問職員，職員說這是份半，咁我就唯有叫話事的姐姐過嚟問問，原來象拔蚌只剩下三隻，最嬲是點解唔告訴我，另外亦跟我說鮑魚亦只有三隻沒有四隻，跟住就比了兩份蜆，還選擇多一個餸，咁都覺得算不錯了。食落海鮮很新鮮，好鮮甜，另外叫了美國肥牛，雖然說是美國肥牛但係入口相當不錯，另外黑豚肉亦都很美味👍🏻竹笙和粥底好入味👍🏻下次一定要訂座，食齊各款海鮮

訂座8:30時段，準時逐台叫入座，先嚟粥水鍋底及2款指定海鮮-蟹，白蜆，3款粥底材料-粟米，芋頭，南瓜，再嚟廚師精選5款海鮮-鮑魚，蝦，大蜆，魚，北寄貝，然後自選8款配料，最後加粥😋火鍋是以每位收費，飲品是合理的額外收費，侍應們都好好禮貌👍果然名不虛傳，無論食材同服務的確值得讚👍

海鮮鮑魚,蝦，蟹，蜆,全部都勁新鮮😚套餐包括 海鮮5款,另外仲送2款是日海鮮火鍋配料8款(肥牛,黑豚肉,豬肉丸,黃芽白菜等等）.食完火鍋料後, 可叫店員煮粥!將所有南瓜粒/芋頭粒壓溶,加蔥🌱,之後就慢慢加粥慢慢煮,3-4分鐘後就完成精華海鮮粥✨.一行6人 人均消費$207一位 服務員的態度也很好 👍🏻

深水埗呢間海鮮火鍋真係估你唔到！首先如果你唔預約嘅話，基本上你係唔會有位入去食😤我同女朋友食八點半呢轉，係最多人，所以一定要book位！海鮮方面，我地揀左鮑魚、花甲、多寶魚、蝦仲有帶子。呢五樣海鮮都非常新鮮！啲蝦同花甲上枱時都仲識郁🤭味道方面，雖然蟹殻嘅膏比較少，但蟹味嘅肉好大舊，而且蟹味十足，蝦亦好鮮甜。😋貝殼類海產味道好鮮，加少少辣椒豉油個味更出！👍🏾而多寶魚千其唔好淥咁耐，會好易散。鮑魚亦都一樣唔好淥咁耐，同埋要挑走啲內臟先好食！食完海鮮後其實已經飽飽地，不過仲有八樣配料。食完哂配料之後，店員就會叫你先加南瓜，芋頭同粟米先，等之後個粥底更加有味。但由於粟米太甜太好食，淥左一陣已經食哂🤤配料方面，我地叫左芝士腸、冬瓜、響鈴、蟹柳、午餐肉、墨丸、萵筍同埋豬腩片。雖然呢幾味配菜都好正，好啱清一清腸胃，但畢竟佢地唔係主食🤷🏻‍♂️最後最重要就係呢碗海鮮南瓜粥！🤤🤤🤤當你食完所有配料後就可以示意店員加粥，佢地會好細心咁幫你撈清所有肉或者甲殼，等你可以安心食粥，仲會問你個粥要浠啲定係杰啲。粥嘅調味配料我建議可以自己落，畢竟唔係個個啱，但個粥實在太好味，就算好飽，我就滿都食左三碗，好滿足🥰

凍冰冰又 心思思想 打邊爐想book佐敦鍋心， 貪佢又平又正 之前食過一次，但 全full了退而求其次， 深水埗鍋心有位訂了八點三十分， 到四十五分才入座， 有卡位和 中間方枱， 比佐敦冇咁迫海鮮指定兩樣是沙白及蟹另外任點海鮮六樣揀五樣， 我們剔除了魷魚，今次蟹 不夠實，差少少。五樣海鮮有兩樣是貝殼類比起上次喺佐敦食嘅帶子王 扇貝， 感覺差少少上菜比較慢， 我們有之前嘅經驗沒有另外多點， 因為一定夠食上次沒有食粥底， 今次 吃了一碗， 原來加了豬油渣在裏面， 比較有特色埋單仍然200元， 另加飲品錢相對來說是相當抵不過如果下次再來， 我仍然首選佐敦， 雖然迫， 但海鮮感覺多元化

之前同屋企人食過佐敦果間，見有朋友未食過，就 book 咗近近地嘅深水埗分店。早咗 15分鐘到，係門口等咗陣就開始跟訂座名稱，電話號碼等入座。坐底就開始選擇想食嘅嘢，2款指定（我地係蟹 + 花甲），7款海鮮自選 5款，約 20款配菜中款 8款（唔可以重複）。入紙無耐就上咗湯底，轉頭仲跟手上埋嘢食。蟹每人半隻，大隻嘅貝類就每人一隻，聖指一人一隻，其他嘢食份量正常（我地 4個人，本來都怕唔夠食，但最後 4個都食到好飽先走 🤣）*貝殼類未至於好新鮮，只可以話一般

話說有朋友話呢間好食，咁就一於提早訂位，星期五晚就同朋友一聚。又話說大家都喜歡食海鮮，呢間真係不二之選，有鮑魚，蝦，蟹，蟶子，帶子，蜆，花甲，都不錯啦！係無蠔，不過都ok，因為重可以點其他嘢食如肥牛，魚皮餃，竹笙，一般火鍋配料一定有，最後大家打完邊爐係有個粥底撈落去加埋芋頭粒同南瓜粒一齊食，真係正到暈，粥充滿海鮮味。大家吃得津津有味 ，好滿足，盛惠每人都係$200倒，不過我地今次叫左兩支青島同兩支酸梅湯，所以每人$225。我覺得好抵食，抵食過蒸氣煱，不過蒸氣煱有龍蝦食，呢度可能要另外叫先有，不過本人喜歡粥底火鍋多過蒸氣鍋，可能個粥太吸引我喇，值得推介比大家!😋😋😋😋😋😋😋

當天是兒子的生日 諗左好耐食d咩？突然有朋友介紹呢間鋪頭 佢地話呢間火鍋抵食又新鮮 咁岩兒子生日戈日係星期日 朋友話因爲好難訂台 所以叫我早點訂台。咁好啦 竟然朋友講到呢間火鍋咁正 當然有點期待啦 到最後去到 絕對無令我地失望當日食飯我哋預約左第二輪 我地訂六個大人一個小朋友 開頭我哋仲喺度諗 咦呢間野係食粥嘅 會唔會唔飽 點知結論係每個人飽到抱住個肚走跟住食物果然非常新鮮 新鮮嘅程度好似喺海鮮檔啱啱買完返嚟咁 員工做野又好有效率啦 所以呢一間火鍋非常值得推介

好耐未食過啲咁高質既海鮮火鍋！所有海鮮包括鮑魚，蝦，蟹，蜆全部都勁新鮮，生猛到直情有啲唔忍心將佢地放入熱鍋入面！牛肉,豬肉明顯唔係cheap 野，好有肉味！食埋個鮮味粥底，無另加野食都夠飽！雖然野飲略貴但大家一致覺得性價比十分高！值得推薦！但記得預先訂位！另外想外揚一下兩位外表粗獷，（開頭覺得帶d似飛仔）但斯文有禮的服務員，服務時面帶笑容，敬業樂業的態度十分值得欣賞！我覺得深水埗真係一個臥虎藏龍同好有人情味既地方！