錦麗 (已結業)

一路自稱胡志明市最好味的河粉，終於等到開張，作為越南河fans梗喺嗱嗱啉試下。點咗綜合粉(乜都有d)同埋蝦紙卷，河粉爽滑入口即化咁，肉丸彈牙多汁，可惜生牛肉反而好似過熟有啲硬。河粉就一流啦，宣傳就算有'作大都算有譜。紙米卷就一般般大路水準，無驚喜，不過不失。同區來講完全沒有對手，好過"清月"一截，亦都好過已經執咗既越琖，好感恩屋企附近終於都有間質素不錯既越南河粉餐廳。可惜鋪頭太細，略有擠逼，同埋7點後會長龍等位，非常不適。

第一次食錦麗的時候 覺得整體都好好食 一直都想再去光顧結果第二次食 已經事隔一段時間這次到了附近的東港城分店裝修設計還是大同小異 有觀塘店的感覺餐廳為了用盡每一張枱的位置通常都會安排搭枱都可以算是餐廳特色餐牌變化不大，不過價錢合理未落單時 店員先會送上配越南河粉配料杯內有青檸、辣椒、芽菜、九層塔、鵝蒂、等香葉點了兩碗河粉分別是錦麗熟牛肉粉 $58 及錦麗牛丸粉 $58肉的份量非常足夠 熟牛肉是牛腩 肉質不均 略為失望牛丸是牛筋丸 非常彈牙我的最愛牛湯味道濃郁 最失望是杯飲品凍咸檸青檸梳打雖然很重咸檸的味道不過整杯飲品偏甜 蓋過青檸的酸味

黃昏時間6點過黎食，人唔多唔洗等位，快手叫左個綜合粉食，就係有熟牛肉、生牛肉、牛丸，五分鐘內就上菜。根據指示加左芽菜、辣椒片同青檸汁。然後，發現湯入面成個河粉一餅野痴埋，奇怪點解廚房可以懶到唔揚開d麵呢？食落真係普通到不行，唔知特別在邊。60幾蚊真係唔多值得，香港大把平d的越南粉更好食。我諗如果唔係太興做代理做營運咁流水作業，應該會好d，總好過而家吹到係胡志明市最好食牛肉粉但實情就...... 毫無眼前一亮的驚喜，有些少失望，所以唔會回頭再食，亦唔會推薦人食。

個人黎講，食過越南個間都有幾次，咁當然係我心目中呢間野只係排第二，但難得係香港都有得食咁當然要去食啦。先講下服務同環境啦，除非您有足夠人數坐哂佢既枱啦，唔係既話一定搭枱架啦，d圓枱細就當然架啦，只不過真係做到好似快餐咁架，所以服務同環境您都唔使諗架啦。重點黎啦，我最愛生牛肉河！堂食黎講仲係好食，湯底正（但越南正D)河粉都好好，牛肉正常但外賣起碼跌左5成味道，因為湯唔夠熱，河粉痴埋哂！ps(幾次都係咁:回家路程5分鐘)其他小食雞翼同蝦餅正常水準如果堂食黎講個人黎講 係不錯架，特別係河粉！

今日行商場時，見錦麗廣告牌，影住張相係牛肉粉個樣幾吸引，仲話係「胡志明市最好食牛肉粉」，咁就吸引左我去試吓啦。我大約12:30去到，排左10分鐘左右就安排入座，可能比較忙既關係，店長個樣同語氣都聽得出唔多想做生意，無奈打工仔冇辦法，都要頂硬上。之後就安排我坐一張六人枱，當然要搭枱啦，呢個我冇乜所謂，繁忙時間呀ma!排隊之前我已經諗好左，想食生牛肉粉，因為選擇唔多，所以好快揀定，一坐底我就已經可以落單，正想同職員落單，該職員唔知係咪一出世個樣就係咁不悅，佢用呢個我個人認為係不悅既樣子，叫我自己寫紙落單，這個我是冇問題的，去食車仔麵都係自己畫，但係職員俾我既感覺，彷彿心裏說：「前面咪有落單紙囉！盲架！」講真第一次去，唔知係自己手寫，有幾出奇呢？等左一陣，有另一位後生女職員來覆單「生牛肉飯」我話：唔係飯喎，係粉喎！職員睇一睇單我諗：我明啦，完來佢係發唔到粉音，（因為之後聽佢覆單都係唔知佢講飯定粉）但其實錦麗係冇飯食既，所以一定係我聽錯大約五分鐘左右碗生牛粉就上枱啦，上菜速度都算快，不過碗粉就有啲失望，只有三塊生牛肉，但就要成$60一碗，湯底都算唔錯，好有牛味，每位客人枱上都有一杯芽葉香葉同青

之前見東港城樓上位置進駐了多間餐廳，其中這間越南餐廳及旁邊的拉麵餐廳都排滿長長人龍。我跟老公最終選了這間越南餐廳一試，因為看到門口貼著一張寫著胡志明市排名之類的宣傳，好像很有來頭很利害似的。排隊的人雖然挺多，但也算快便能進入餐廳。店鋪沒有很大，但也有舒適的梳化位置，而我們剛巧被安排到其中就座。枱面上已有2碗裝著芽菜、香料和辣椒等湯麵配料的小碗，客人可按個人喜好加入麵中，覺得不夠亦可再加。我們點了一碗綜合河跟生牛肉湯河，可算是吃到大部分想嘗試的食物。粉麵款式不多，麵條亦只可選河粉。等了約5分鐘湯麵便送上，我們把配料倒入湯麵中，再額外加了點小辣椒。綜合河有牛肉、牛腩及牛丸，當中牛丸尤其出眾，咬下去多汁有咬口，肥瘦適中。牛肉則過熟，口感一般，但仍尚算有牛味。牛腩有肥有瘦，肥的比較好吃。湯底較油，所以老公都沒有喝湯。河粉則中規中舉，份量適中。雖然額外加了辣椒粒，但仍沒有很辣，辣椒味不突出。總體而言價錢合理，可以一試，但試過後未必會再光顧了。

挾著胡志明巿最好牛肉粉專門店的名聲進駐香港，第四店在將軍澳開店，越南菜最近己有一間在TKO Gateway，現在多一間選擇。可能是9時才去，所以沒如人說需要排隊。 我們叫了綜合粉、熟牛肉粉和大蝦米紙卷。 特式是枱面有兩杯盛著九層塔、鵝蒂、芽菜、辣椒和青檸，並有食法介紹，好像無傷大雅的小動作卻有很大的作用，讓您感覺這店很地道、食材新鮮，對這店信心大增。粽合粉如述有幾款食料，生牛肉、熟牛肉、牛丸。 濃濃的牛肉湯、米粉俱質感和滑，熟牛肉是牛腩肉但沒有肥膏。 大蝦米紙卷份量夠。對比TKO Gateway 另一間越南菜，錦麗貴精不貴多。 對一家人有仔女可能會選擇有多些選擇的餐館，加上座位擺置需要搭位，所以吃完就要走，提議晚些來吃，坐得舒服，慢慢嘗感覺更好。

來到自稱全胡志明市<最好>的牛肉粉專門店錦麗, tripadvisor 排第23位, 引來不少食客前來一嚐<最好>牛肉粉。人龍之長可以想像。簡單一杯無限供應香葉鵝蒂芽菜青檸等配菜已營造出越南地道特色。來到主打而又號稱<最好>的牛河,不知對排上半小時以上的食客來說又會有何過人之處呢？跟足指示先呷一口牛肉湯, 不錯, 至於牛肉, 本人要的是雜錦款式, 故此既有熟牛, 亦有生牛。由於自己腸胃較弱, 加上之前在另一餐廳吃過生牛肉後身體出現狀況,故此特別要求生牛肉要煮至全熟。原來熟牛肉是牛腩肉, 相比之下生牛肉會更滑更薄, 口感較佳。幸好這次選的是雜錦而不是熟牛河, 才能試盡兩種款式作出比較。如只點熟牛河, 不愛吃牛腩的話或會感失望。如不想點雜錦個人建議先試生牛河, 至於是否要請廚房煮久一些就是個人選擇。家人點選牛丸河也不錯。牛丸像手打一樣彈牙, 值得一試。至於粉的質素個人認為只是一般, 而且份量不太多。值得一提的是, 香葉和鵝蒂等配料不夠乾身, 可能因為佔了芽菜出的水, 香味減低了。小食方面試了大蝦米紙卷, 並非即叫即做, 味道還可以。是否

三月潮濕的天氣 吃一碗暖暖的湯河就最適合不過就算門外有長長人龍 都決定到錦麗一試人數：二人等候時間：約45分鐘 消費：共約$200食物選擇不算多 主要是湯河及小食，如米紙卷、雞翼、春卷等飲品選擇好豐富，除了比較常見嘅青檸梳打、椰汁涼粉冰，還有傳統滴漏咖啡同埋崩大碗等入座時送上芽菜、青檸、辣椒、九層塔大家可以自由配搭增添湯底的香味非常唔錯！錦麗生牛肉粉（$60）湯底濃郁清香 夠熱香料、洋蔥和蔥令湯底更refreshing~牛肉約4-5塊 質地有點鞋 有點扣分錦麗綜合粉（$62）有生熟牛肉、兩塊牛腩、牛丸牛丸彈牙有驚喜 牛腩偏瘦但較牛肉片好比生牛肉河更豐富 相比起來 我們較喜歡這碗呢越式炸春卷（$38）與一般春卷不同 用的是腐皮卷炸起上來小小脆 冇咁熱氣 包着粉絲、木耳、紅蘿蔔等🥕附上新鮮生菜 好味道：）凍越南滴漏咖啡（$28）咖啡味濃郁，甜度適中滴漏方法沖泡的咖啡很是新奇特別凍椰青崩大碗（$22）賣相普通 味道有點草青味 並帶有甜味未必人人接受它的味道另外 原來崩大碗是性質較寒涼的青草藥 可以清熱 但就不適合孕婦及餵人奶媽媽飲用整體來說錦麗的牛肉片較為失色 但勝在湯底濃郁 飲品選擇多 小

見到佢大排長龍到今日先有機會試吓！menu簡單粉得幾款，唔食牛嘅無份！叫左個綜合，有生牛熟牛牛丸同一舊似牛腩嘅野。湯有牛鮮甜味加埋d香料真係唔錯，生牛夠嫩，但係唔係一般肥牛，係薄切牛肉唔肥夠林滑。熟牛，比一般好食林得黎口。牛腩個人好一般，無咩好講。呢度嘅牛丸正到爆，有汁爆出黎，佢哋細心咁切開一半先上，食嘅時候成粒啪，我個腦出現左：溝埋黎做瀨尿牛丸吖笨下次仲會去，叫埋其他小食試吓咁。小小建議如果呢度有埋凍水供應就更好。

早已經聽說過錦麗那碗出色的牛肉河粉，但一直沒有機會去吃，如今居然開在將軍澳，在我屋企附近，趁這個機會當然要去試試是不是真的如他人所言咁出色😉新年期間也有開門，好多人排隊，我地兩個人都要等20分鐘🤣終於可以入座，食物款式不多，河粉得幾款，米紙卷有幾款，比較大路，小食也不多。😀我就立刻叫了綜合河粉，因為綜合河粉包埋了三種牛嘅餸：🐂牛丸✨牛腩✨生牛 ✨牛丸彈牙，牛味濃郁，入面有油脂，同出面買嘅冰鮮貨色完全兩回事，不俗！🍢牛腩淋，大舊，唔肥生牛即使浸耐左依然好滑 🥓湯底非常好 睇落好清 但牛嘅精髓全部融入湯中 唔飲有d晒河粉係我超鍾意嘅口感 ，🍜非常滑身，猶如bb嘅肌膚，唯獨是份量實在太少！而米紙卷相對失色好dry，裡面嘅一蝦🍤係cut左一半嘅，米紙卷size亦好細，性價比低😳附上嘅醬汁酸酸甜甜 好開胃下次再幫襯錦麗，必食河粉，牛丸，生牛👍🏻👍🏻

眨眼又到年初四，今天不需要到親戚家拜年，中午與老公到附近商塲找間食店医医肚子。不遠處，看見食店門口大排長龍，而呢間食店是以越南菜式為主力，其實由新開張至現在都差不多三個月，但是人龍依然那麼長，相信它的食物必定拍案叫绝。等候約二十分鐘，安排了最角落的二人枱，環境本是舒適，但奇怪是茶水區(收集污穢碗筷)卻設置於食店中央，正正被食客看到，似乎有點不衛生。同侍應生點了蝦餅，青檸梳打，錦麗综合粉。蝦餅外形有點似魚片頭，香口美味，下點魚露更見鲜味突出。青檸梳打，飲一口，清香又消滯。綜合粉乃是河粉，生牛肉兩片，牛腩三舊，牛丸三粒。預先给我們一杯配料再按照枱面貼纸指引分别放進湯粉內，攪拌前和後進食都有令人有驚喜。整體上，食物味道一流，手指大動，只是略嫌食物款式很少。

牛肉綜合湯粉，先喝一口湯，肉香非常醇厚，和台北著名的林東芳牛肉麵有的一比。接下來加青檸汁和香菜拌勻，又變成正宗的東南亞風味。滴漏咖啡不多講，在越南旅遊每天必喝一杯，濃厚香稠我的最愛

熟牛肉湯粉 牛丸湯粉 生牛肉湯 炸手作蝦餅 小米糕 法式牛油雞翼 燒雞肉米紙卷 大蝦扎肉米紙卷 -同同事成日食中日西菜有小小悶😥 於是今次要試越南過江龍 Pho le錦麗🇻🇳 咁我地一行五人👪👭 點左三個湯粉同五份小食Share🍽 分別有熟牛肉湯粉🍜 牛丸湯粉🍜 生牛肉湯粉🍜 炸手作蝦餅🍤 小米糕🍮 法式牛油雞翼🍖 燒雞肉米紙卷🌯 大蝦扎肉米紙卷🌯湯粉個方面🍜 不得不提生牛肉湯粉🐗 真係煮得好出色👍🏻 湯底味道夠濃👅 將塊生牛肉放落湯底到滾兩滾已經熟哂😍 食落口唔會太老🐂 味道岩岩好 配埋青檸汁🍋 完全將成碗粉既鮮味帶出 令到成碗粉食落好有層次🔼小食個方面 兩個米紙卷其實味道有小小相似🌯 (建議大家如果想食既話可以兩揀其一) 法式牛油雞翼都係一個誠意作🍖 唔會炸得太乾👍🏻 而且咬入口有好香既牛油味 小米糕🍮 我就覺得可以叫做一個咸既甜品🍩 甜甜地帶點米既清香🍚 配埋獨特花生醉醬料 中和返甜既味道 飯後食真係無得輸👍🏻 小小提示: 中午都多人排隊等候👫👬👭 建議要早小小搵位🙏💰hkd $522好食指數: 💎💎💎💎

東港城最近開左好多間新餐廳 朋友又想食越南菜 於是我地就揀左新開嘅錦麗 錦麗嘅餐牌好簡單 湯河得5款 同埋各種小食、飲品錦麗綜合粉(生牛肉、熟牛肉和牛丸)我地跟哂枱上面嘅步驟去品嚐 首先試左個湯先 個湯有好濃郁嘅牛味 而且好清甜 飲到停唔到落埋九層塔、鵝蒂、青檸汁、辣椒之後 個湯更加有層次錦麗嘅牛丸令我好深刻 一入口就已經有濃濃嘅牛味 而且好有咬口 好彈牙 真係好正熟牛肉好稔 而生牛肉相比之下就有啲失色法式牛油雞翼(4件)一上菜已經俾佢吸引住 金黃色嘅外層加埋濃郁嘅牛油味 口水都流埋 一入口就感覺到外皮嘅酥脆 然後雞肉好嫩滑好juicy 但蒜蓉略嫌太少了 如果再多啲 一定更加好味炸手作蝦餅(2件)蝦餅有香濃嘅蝦味 唔需要配搭蝦餅醬 就咁食都已經好夠味 再加埋馬蹄令到蝦餅爽口又彈牙