錦麗 (已結業)

食住食 Pho 熱潮，久聞大名，終於喺下午茶時段，唔駛排隊去試一下。生熟牛肉 河+ 熱飲 = $45， 今時今日算有良心。先說河粉，迷你版不大，但下午茶足夠，係幾好食，幾塊熟牛肉夠軟身，生牛肉一片都OK，河粉夠滑，湯底夠甜，唔覺有味精，加埋芽菜調料（不過唔係任落），係有d 越南風味。點咗熱薏米水，做得有heart，薏米足，加咗蜜棗（阿姐提醒先知道有，因為曾經有食客見到唔知係咩而大叫😳），甜甜咁去濕。總體感覺不錯，絕對可以再幫襯。

東港城錦麗開左都一段時間，但一值都冇時間去試，自從一田開張後，多左好多新食市，錦麗係一間專門食越式粉麵既舖頭，今次點左生熟牛肉粉，湯底牛骨味香濃，牛肉份量亦多，肉香味道唔錯。蒜香牛油雞翼4隻：每隻雞翼都好香牛油味，再加上少少蒜味，外皮脆卜卜、但內裡依然軟滑，即時食指大動，好快就食晒4隻。總結：錦麗係一間味道唔錯既越式餐廳，價錢中價，但晚市可能要排隊。

香港愈來愈多Pho店，Pho 呢樣食物幾平易近人，價錢$40-50。冇咩胃口但又要食嘢，食Pho 就最啱！香港d Pho平均唔太好食但又唔難食。不過呢間錦麗嘅牛幾出色！但想食就要預咗排隊，peak hour 排20mins 走唔甩！綜合牛河：生牛肉、熟牛肉（牛腩）、牛丸都好好食！但個湯有d 鹹，一般。配菜任加，但d 河粉就太少，算係輕食！冇去過越南，唔知呢間正唔正宗，不過越南真係有間錦麗叫咗杯玫瑰龍眼蜜，幾好飲！

越南粉係我經常都會食既野，所以香港大大小小好多間都食過。今次就試連鎖店錦麗，據聞評價唔錯。我點左個綜合粉同法式牛油雞翼。綜合粉係包括牛丸、牛肉、牛腱，啱晒樣樣都想食既人。湯底正常唔算特別濃郁，牛肉既份量最多，而且肉質好嫩滑。牛丸份量最少，只有3粒切半既份量，所以其實加埋等於得一粒半，不過牛丸真係幾彈牙而且肉味濃，似係自家製。如果牛丸份量可以多d就更好啦。牛油雞翼好香，而且咬落去好juice，肉質完全鎖住係裡面，唔錯唔錯👍🏻

每次去坑口呢間錦麗食飯都好似要同人搭枱，可能太少枱河粉比正常味道偏鹹，而且選擇唔太多，主要係牛類不過蒜蓉牛油炸雞翼幾好食每次去都會嗌嘅鮮蝦紙米卷都唔錯，同醬汁好夾

來自越南的過江龍連鎖店，它被譽為是「最好食牛肉粉」，更加被《華爾街日報》評為「胡志明市最好吃牛肉粉」，在香港開店的速度也十分之快。晚上時分也定必有人龍出現今天在這邊逛逛，巧遇有分店，想嘗試很久，於是就排隊試試吧！大約排了30分鐘～有教品嘗牛肉粉的最佳方法只主打牛肉河大蝦扎肉米紙卷(2件)  $28每一件的大小合理，餡料足夠，大蝦也彈牙，整體正正常常。錦麗綜合粉　$62有生牛肉、熟牛肉和牛丸。先呷湯底，非常清甜，顏色清透，能嚐出是經過熬製，再加香葉、芽菜等配料(配料杯是免費無限任點)，生熟牛肉都較為厚身，不算是太稔，也不會有渣，但沒有說太大驚喜，也有牛腩，牛羶味比較重，而牛丸反而是令我眼前一亮，因為有別一般牛丸，除了彈牙，還帶股甜味，配上清租的湯底，很搭。但河粉對我來說大扣分，太稔，而且很碎，有點失望。錦麗生牛肉粉　$60同綜合粉一樣，只是只配生牛肉，份量會比較多一些，個人會推薦第一次來點綜合粉嘗試不同配料。整體我覺得是不錯的，但如果說它是被《華爾街日報》評為「胡志明市最好吃牛肉粉」，我就會有點失望，覺得也沒有這麼令我驚訝，最扣分的是河粉，不然我是會打4/5顆星，如果不用排隊也可以一試。

錦麗生牛肉粉 （7/10）我自己覺得D牛肉好出色，好好味， 而且每次光顧都會有一碗芽菜， 香葉，青檸等等的配料❤️ 加左之後，另有一番風味。（記住睇張枱個貼紙點教你食！）（可以任加）牛肉相對出色，好少商店係會俾生牛肉， 呢個值得一讚👍🏻而且因為係生牛肉關係， 所以好易咬，仲有係超級有牛味！。不過我自己感覺到好似係味精湯，飲完好口渴☹️好彩果道都可以自助倒水，不過佢提供嘅紙杯實在太細，細到係人哋是飲嗰啲杯仔，我要飲兩杯先夠！

長途跋涉由屯門來到將軍澳工幹🤣🤣🤣點都要食d 好味d既野完全吾識路來左呢間位於坑口站叫錦麗既餐廳食越南野整個生牛肉湯河都做得好似越南食咁有杯檸檬加芽菜芽菜脹卜卜 仲有得無限拎牛肉有牛味 厚切 但少左d 湯底好清甜 牛肉湯 我能夠整碗飲哂

說好的錦麗，我終於食到嗱！枱上會貼心地教你正宗食法_1. 先呷一口湯2. 加入九層塔等配料3. 加入辣椒青檸汁4. 河粉連湯同食！{ 錦麗生牛肉河$60 ｝{ 錦麗綜合河 $62 }：包括生牛肉、熟牛肉同牛丸 今次我點左綜合河，可以一次過試哂個個都話好味嘅牛丸、生、熟牛肉！講真牛丸又真係好彈牙好juicy嘅！湯底好濃郁唔會油膩，啲河粉好滑！（不過唔好比佢個樣呃左，睇落以為有三粒牛丸咁開心，其實全部得半粒，即刻加埋1.5粒喳！）熟牛肉似係牛腩，比較硬身，唔會太肥又唔會太瘦，牛味十足，生牛肉冇雪味又淋啲滑啲！可以配上自行加配嘅：九層塔、芽菜、青檸、辣椒！增加風味！｛法式牛油雞翼 $34｝牛油雞翼值得一讚，炸得鬆脆香口，濃郁的蒜香牛油味充分包圍整個雞翼！啱哂會泥做finishing! 推介推介！｛ 炸手作蝦餅 $38 ｝好好味呀！新鮮熱辣！爽口彈牙，中間仲有我鐘意嘅馬蹄呀！記得點埋是拉差辣醬👍🏻👍🏻個人認為60蚊一個河粉有啲貴，啲河粉相對地少左啲！

叫左個綜合粉 湯底咸到個腎差啲頂唔住 就好似食神咁 曾經有一句講過 「啲河粉有咁小得咁小 啲湯有咁咸得咁咸 啲冰有咁大粒得咁大粒 等佢食完快啲走」成碗味精湯咁 牛肉尚算okay 芽菜好似係冷氣機到拎出黎 成陣雪味 以一個前菜黎講 成碗野既份量適中 適合成年人食正餐之前係到打個底先菜單款式色少 成間鋪係到扮晒食日本拉麵咁 得個幾款粉比你揀 呢間野既創意十足 明明得幾款 可以整到成個menu咁滿 （單押x1) 服務算係到位 每個侍應可以服務一張枱 因為間鋪都冇人 唔係侍應多 而係客少 比62蚊唔知食左啲乜

It used to be a long line up since it opened, so to avoid the crowds and to try this famous Vietnamese pho place at East Point City Mall that we finally chose the non-peak time to go this time at noon, 12pm, without waiting that we were arranged to sit at the bar high chair table.  Yea sort of shared place with others as a fast food dinning experience.We ordered the popular the signature deluxe pho with mixed rare & well done beef, meat balls and beef chunks etc.  The pho noodle portion is not b

最近屋企附近嘅商場重新裝修，多咗好多新嘅餐廳。今次經過見到呢間食越南粉嘅餐廳，其實對呢個餐廳名並陌生，因為香港有好多分店，但係我一直都未食過，於是今日就捉埋男朋友一齊試下。menu唔係好多選擇，通常我都係點生牛肉粉，但係見到有個叫綜合粉，咩都有得試下好似幾好於是就點左。坦白講牛肉有少少諧，唔夠嫩滑，不過牛味都幾重，牛丸就真係有驚喜，非常非常彈牙！湯底望落幾清，有味道得來但係唔會好重味精味，唔錯～好味指數：🌕🌕🌕🌖

甘岩行開將軍澳 見到又唔洗排 於是就食左叫左一碗綜合一碗牛丸綜合有生、熟牛肉 同牛丸但綜合既牛丸係無甘好味 cheap野湯底好清好好味 唔會話口渴但食唔飽 哈哈同埋d staff態度一般

想試好耐，終於黎食了😋😋😋😋叫左個乜都有啲既錦麗綜合粉，有生牛肉，熟牛肉同牛丸。湯底好濃郁！！而牛肉滑口，肉質軟腍，牛味唔算太濃，但肉質一流。牛丸！！好好食！！好有驚喜！！爽口彈牙之餘，味道十分濃郁！俾我下次再食，應該會真接嗌牛丸粉另外，再嗌左個牛油雞翼，外皮炸得勁香脆，聞落好香，但食落就冇牛油味。肉質嫩滑多汁，面頭有蒜頭，蒜味重，蓋過牛油味，當佢係蒜蓉雞翼既話係好好食既😂😂😂😂但服務態度就差啲啦，好似好趕咁，黑口黑面，冇乜禮貌。

兩位失業伙伴想Hi Tea 就入左來依間錦麗自己一直都好鐘意食Pho所以錦麗一直係我想試既名單之內只可惜成日行經過門口都大排長龍作為死懶鬼既我當然就同佢擦身而過而失業最好既地方當然就係等人地番工 我就出動啦～哈！我地兩個各自都叫左個雜錦因為花心人士咩都想試下食完～真心明白點解開左業幾個月仲成日有人排隊因為個湯底做到清甜而不膩加埋芽菜同其他配菜 食落十分清爽～而雜錦甘多料我個人最欣賞個鮮牛～因為好多越南河粉都用肥牛但肥牛就相對口感單薄 只係得陣牛味 而錦麗既牛就係鮮牛一來用高湯撞完～佢仲可以保留到鮮嫩多汁仲因為係手切牛～仲有濃濃而牛味絕對～係食家之選！我地仲叫左個蝦紙米卷🤓但就真係無咩特別～紙米卷囉...個汁都無太大驚喜