影片
更多
2018-03-23
311 浏览
今日行商場時，見錦麗廣告牌，影住張相係牛肉粉個樣幾吸引，仲話係「胡志明市最好食牛肉粉」，咁就吸引左我去試吓啦。我大約12:30去到，排左10分鐘左右就安排入座，可能比較忙既關係，店長個樣同語氣都聽得出唔多想做生意，無奈打工仔冇辦法，都要頂硬上。之後就安排我坐一張六人枱，當然要搭枱啦，呢個我冇乜所謂，繁忙時間呀ma!排隊之前我已經諗好左，想食生牛肉粉，因為選擇唔多，所以好快揀定，一坐底我就已經可以落單，正想同職員落單，該職員唔知係咪一出世個樣就係咁不悅，佢用呢個我個人認為係不悅既樣子，叫我自己寫紙落單，這個我是冇問題的，去食車仔麵都係自己畫，但係職員俾我既感覺，彷彿心裏說：「前面咪有落單紙囉！盲架！」講真第一次去，唔知係自己手寫，有幾出奇呢？等左一陣，有另一位後生女職員來覆單「生牛肉飯」我話：唔係飯喎，係粉喎！職員睇一睇單我諗：我明啦，完來佢係發唔到粉音，（因為之後聽佢覆單都係唔知佢講飯定粉）但其實錦麗係冇飯食既，所以一定係我聽錯大約五分鐘左右碗生牛粉就上枱啦，上菜速度都算快，不過碗粉就有啲失望，只有三塊生牛肉，但就要成$60一碗，湯底都算唔錯，好有牛味，每位客人枱上都有一杯芽葉香葉同青
我大約12:30去到，排左10分鐘左右就安排入座，可能比較忙既關係，店長個樣同語氣都聽得出唔多想做生意，無奈打工仔冇辦法，都要頂硬上。
之後就安排我坐一張六人枱，當然要搭枱啦，呢個我冇乜所謂，繁忙時間呀ma!
排隊之前我已經諗好左，想食生牛肉粉，因為選擇唔多，所以好快揀定，一坐底我就已經可以落單，正想同職員落單，該職員唔知係咪一出世個樣就係咁不悅，佢用呢個我個人認為係不悅既樣子，叫我自己寫紙落單，這個我是冇問題的，去食車仔麵都係自己畫，但係職員俾我既感覺，彷彿心裏說：「前面咪有落單紙囉！盲架！」講真第一次去，唔知係自己手寫，有幾出奇呢？
等左一陣，有另一位後生女職員來覆單「生牛肉飯」
我話：唔係飯喎，係粉喎！
職員睇一睇單
我諗：我明啦，完來佢係發唔到粉音，（因為之後聽佢覆單都係唔知佢講飯定粉）但其實錦麗係冇飯食既，所以一定係我聽錯
大約五分鐘左右碗生牛粉就上枱啦，上菜速度都算快，不過碗粉就有啲失望，只有三塊生牛肉，但就要成$60一碗，湯底都算唔錯，好有牛味，每位客人枱上都有一杯芽葉香葉同青檸，可能就係貴在杯芽菜掛！
碗粉唔算大，15-20分鐘就食完，職員當然拿拿聲收枱啦，幾好效率！
自己都係做廚師，飲食呢行，我最唔鐘意就係果d俾少少錢以為自己大爺，食完仲要磨爛蓆唔想走嗰種人，所以我通常食完野都唔會坐好耐。
我就立即去俾錢走人啦，飲埋野，埋單$78，冇加一
店長又再一次用冇水洗臉的樣收銀了！
整體來說，這間店名過其實，全店職員都冇水洗臉的樣子，其實店長責無旁貸，因為他自己本身都是這樣，更何況其他員工，服務員的招呼都是其次，但$60只有三塊牛肉的河粉，實在有點那個！
雖說湯底不錯，但以這個價錢及服務，又不成正比。
彷彿就是你一坐底就想你快d走，畢竟上菜速度同收碗速度係最符合公司要求。
當他快餐嗎？又比快餐貴。
當他是商場餐廳嗎？服務又絕對比不上
當他是小店嗎？又沒那種風味
該怎樣定位呢？
张贴