鋿晶館

营业中

休息中

本來滿心期待去食見到有乳鴿就嗌咗一份其他就嗌咗牛肉球、腸粉、鮮竹卷、排骨、魷魚鬚…想講啲牛肉球好霉，啲肉完全冇牛味，完全唔似肉嘅質感鮮竹卷入邊嗰啲蘿蔔、菜絲仲要係生嘅3舊入面有1舊食唔到，有苦酸味，食完嘔返出黎，即刻飲大杯茶浪口先得，第一次食到嘔返出黎而乳鴿仲衰炸到燶晒黑色嘅，無肉超鹹咬左一啖就冇食到仲要58蚊排骨又係乸到好霉、冇咩肉腸粉嗰啲皮勁黏牙上網睇仲見到係新鮮整，以為會好食少少，食完好失望3/10

新式嘅點心店 旺角彌敦道 地點極方便自家品牌點心 即叫即蒸 件件大粒又大份不過係正旺角區 價錢就一定唔會平得去邊但係價錢同佢嘅質素都絕對係成正比嘅！➊ 黑松露北菇燒賣王夠晒大粒 無太勁嘅豬味 味道適中 食多幾粒唔太膩➋ 半月灣晶瑩鮮蝦餃見到第一眼嚇親咁大粒 皮簿得嚟有小小煙靭 啖啖食到大蝦嘅爽脆 ➌ 蝦多士有驚喜！冇諗過佢炸得個皮咁脆 好有咬口原來內裏仲有蝦膠餡+粒粒芝麻都好分明➍ 豬膶腸 有驚喜！個腸粉皮又真係好鬼滑又一啲都唔厚➎ 蒜香蝦春卷有驚喜！春卷皮炸到勁脆勁薄！原來裏面仲有咁大粒蝦+蔬菜 好有滿足感

朋友生日 一行6個人所以之前就打去book咗位去到唔駛等直接入座啲裝修佈置都幾有趣哈哈中西合璧嘅感覺 有黑膠有胭脂扣仲有Audrey Hepburn相中呢個腐皮卷真係好好食個人推介黑松露燒賣都值得試雪山叉燒包係超乎我想像因為本身唔太鍾意食叉燒包但呢個好得魷魚鬚有少少過腍 唔夠脆但係味道上係唔差嘅豬潤粥都幾深印象嚿嚿都好大 真係熱辣辣咁上整體六個人叫咗兩至三round埋單都係七百幾八百 真係好抵食仲要味道唔錯 幾值得去

小店位於旺角彌敦道，環境明亮光鮮，環境都算舒服。個人覺得，此店價錢唔算平，入坐每人茶水收8元，點了一壺菊花茶再收$32， 以4人計算即平均每人$16茶錢，但這菊花茶都幾清香！山竹牛肉，$30，牛肉球嫩滑，用料唔錯，蒸的時間剛剛好，喼汁酸甜，配合起來真的不錯。炸乳鴿，$58，嫩和腍，肉味亦濃，所以食完後再叫多一隻。小籠包，$34只有3隻，皮算薄有肉汁，雖然不是頂級之作，但一定不是普通水準。春卷就餡多豐富，但皮不夠脆，若能做到皮脆就會是出脆之作Anyway, 此店價錢唔算平，但一分價錢一分貨，是物有所值的。不過結賬時店員計錯數，所以結賬時還是自己先計算一次較好，因為不是平！

自己本身都唔係麻煩客sorry 呢次真係要開個ac講講一埋位叫野食都等咗輪因為樓面得兩位姐姐Ok 上菜 叫腸粉廚房整錯 換番ok冇問題但竟然排骨飯啲排骨係未熟食咁多年點心 真係第一次見同姐姐講 佢話ok我拎入廚房先好彩我影咗相因為呢間餐廳冇諗過解決方法道歉 取消個飯 hea下我都好等咗10分鐘原來真係冇人理你🤣咁咪open rice解決囉其實其他嘢質素都唔差但你吹到米芝連又剩一個排骨飯都可以係生嘅咁真係接受唔到有緣再講

平時都好鍾意食點心，而家開多咗點心店，超方便可以夜晚都飲到夜茶，呢度相比起其他點心店算光猛闊落月半彎晶瑩鮮蝦餃🦐（$20）可以兩粒係咁嗌，兩個人可以試多啲點心，大大粒，有水準黑松露北菇燒賣王🦐（$20）同樣大粒多料，咁大粒多料多料都係$10粒，好味抵食黑椒醬皇金錢肚🐮（$32）夠淋，醬料夠味又唔會太鹹，仲有蘿蔔墊底咱家脆皮蝦多士🍞（$48）招牌點心之一，用咗超厚麵包，麵包外脆內軟，蝦膠彈牙有口感🍤，表面佈滿芝麻，夠香口，食左一件都好飽，最好多D人share食雪山叉燒包🐷（$35）包身夠軟熟焦糖燉蛋🥚（$26）估唔到中式點心店都有焦糖燉蛋，味道唔錯薑汁雙皮奶🥛（$26）薑汁味唔會太濃，都有奶香芝麻糕◾️（$32）如果只可以揀一款會推薦食芝麻糕，有濃郁黑芝麻香，略微甜咗少少，最好配茶🍵

旺角除左多野食都有唔少夜茶點心揀, 黎左呢間點心食,味道真係唔錯而且地方都算大,相比大多既點心店黎講,呢間係好好坐~而且價錢都係值得黎食既~食物方面:蘿蔔榚,口感唔錯,而且唔粉~黑松露燒賣, 有唔少既黑松露係燒賣上,食落去都特別而且都算幾大粒,所以唔錯~叉燒腸,都算係唔肥唔瘦既而且都有份量,食落口感算滑又算足料~金錢肚, 自己比較鍾意食有紋既金錢肚,口感會好味一點而且d汁都夠入味既~鳳爪既汁都一樣咁入味又唔係既口感~可以接受~自己比較鍾意食芝麻流沙包, 真係一個流沙包,真係又係幾好味而且芝麻味濃郁~總結黎講~呢間夜茶點心係幾唔錯之餘又夠寬敞算好坐~

出到旺角想搵間靚嘅點心食，就喺近彌敦道有間幾靚嘅裝修就入去試吓啦。唔使等位就入得，但要坐二人邊位都幾迫結㗎，咁都算喇埋就嗌點心，跟住我哋攞咗張點心紙我見到有得揀咁，我哋見有人蔘烏龍茶，咁就試吓啦，雖然貴少少，但係都冇諗到原來之後有咁老實嘅地方出現。先講啲嘢食吖公平啲講佢啲嘢食都唔差嘅，佢地既點心例如鳳爪排骨飯，雪山叉燒包同埋腸粉及蝦餃都幾好食嘅。最後去到俾錢果下就開始覺得唔妥，本身嗌咗個人蔘烏龍茶都知道唔係平㗎喇，點知原來仲要收我中國茶錢，嗰度起碼都成30幾蚊，但係店員點解唔早啲講呢？如果唔係我叫普通嘅中國茶（普洱/香片/水仙）咪得囉，好唔老實囉！至少嗰度起碼再嗌多籠點心架，唉，係香港做生意就係咁㗎啦。

自己喜歡的點心小店執笠了，所以想找間類似質素的替代。今日去了這裡試，十分可惜，中大伏了。燉湯來到，溫度十分熱，材料豐富，味道都很好。菜單有蒸飯套餐，蒸飯加燉湯和菜，其實配答很好。可惜，燉湯是隨機，不能由客人因應自己喜好而選擇，這樣安排十分差，為何加了付加費，客人不能選擇，附加費不是十元八塊，而是三四十元。加了這麽多錢，客人有機會飲到自己不喜歡的燉湯，真是十分差勁的安排。所以自己最後沒有點套餐，只好單點了自己喜歡的燉湯。可惜之後來了蝦餃和燒賣，令我十分失望。蝦餃食完，有乸喉的感覺，即是落了太多味精。燒賣情況一檨，食完很口渴。太差了。另點了珍珠雞，其實味道都正常，可惜，味精一樣很多。其實還點了雪山叉燒包，等了半小時，其他點心都食哂仍未見有，追了職員，叫我再等等。再等多15分鐘，仍未見有。因為趕時間，最後決定取消。點知去到收銀，收銀職員外出了，其他店員完不懂收錢。我估大約等了5分鐘，職員便回來。整個用餐體驗都很差。最後自己可以選擇，永遠不再光顧了。

📍喺旺角唔知食咩好，呢間酒樓就最近地鐵站。夜晚仲有粵菜小炒，同埋呢度淨係比茶錢，平日食都唔洗收加一。點心叫咗幾款大路野：黑松露北菇燒賣皇($20)、鮮蝦餃($42)、蟲草花上湯鮮竹卷($32)、黃沙豬膶腸粉 ($34)，都係熱辣辣即叫即蒸。佢呢度嘅點心比較特別，會落咗啲翠玉瓜粒，食落會有口感啲。招牌流沙包($30)同屋企人飲茶必叫！呢度嘅流沙包鹹蛋黃味好香同夠哂熱，每人食兩個都冇問題🤭夜晚都叫咗碟小炒，乾炒牛河($108)鑊氣都夠，同埋佢嘅牛肉片真係有牛味，又夠大碟，如果叫埋點心，share食嘅話真係兩個人都未必食得完。

📍鋿晶館 (旺角)旺角彌敦道726號地舖鍾意食點心嘅朋友，可以試下呢間鋿晶館 ～餐環境舒適 位置設計寬敞 亦有更多卡位選擇😍齒頰留香除蘿蔔腸 香脆不油膩 腸粉軟滑 軟軟的口感加入蘿蔔條增加口感 GOOD ～脆皮炸乳鴿 炸到外皮香脆，乳鴿肉質嫩滑 滋味有驚喜紫金名醬蒸鳳爪 鳳爪非常軟爛入味 味道剛好百吃不厭鹹水角好鬆脆香口 糯米外皮搭配內餡的鹹香食落不會膩口 雪山焗叉燒包必食點心❗必食點心❗ 即叫即焗, 一碟有3個叉燒包嘅餡好多 外皮好酥脆 肥瘦適中嘅叉燒餡料 正

標明是大良薑汁雙皮奶，但送來的只是有薑汁味的超甜燉奶，無雙皮，無奶香，中伏。除左甜品，主打的點心算合格，但在餐廳座下收8元座位一人的費用，並無服務可言，此處非常適合那些趕頭趕命的自由行旅客，如打算歎下茶的，不建議。

新式飲茶。一盅兩件！一直以為飲茶係老人家嘅玩意，原來近年黎飲茶都加入新元素。終於唔洗去乜乜酒樓度排大隊，裝修年輕新派，座位闊落舒服。一張點心紙有新派又有懷舊手工點心。最欣賞係佢地嘅炸物，即叫即炸。上菜仲熱辣辣。尤其係椒鹽魷魚🦑，大大碟之餘，魷魚仲要好新鮮爽口彈牙，炸漿又薄又夠味。脆皮蝦多士都好推介 ，懷舊菜真係買少見少，蝦滑幾厚而且係用蔥油餅做多士底，真係越食越香。點心方面，最中意係鮮蝦餃同什菌餃。每隻蝦餃最少包左2隻蝦，隻隻都甘飽滿。什菌餃包左好多菇菇，仲加左紅蘿蔔絲增加口感。最后推介埋雪山叉燒包，雪山皮又薄又脆甜甜地balance返叉燒嘅咸味，岩晒愛甜咸組合嘅你！🔸咱家脆皮蝦多士🔸椒鹽魷魚🔸雪山叉燒包🔸月半灣晶瑩鮮蝦餃🔸黑松露北菇燒賣皇🔸生炒什菌餃🔸半肥不瘦叉燒腸🔸傳統芝麻糕🔸薏米檸檬水

♡每一篇都係很用心寫的食評♡⑅◡̈*！！✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡📍旺角區：鋿晶館✿ 👧🏻約咗朋友想去飲茶食下點心😙但又唔想去啲傳統酒樓咁老餅之後就揀咗佢！✿✨！！菜式推介！！✨🥟黑松露北菇燒賣王 $38覺得燒賣來講佢算唔錯～最怕食到嗰啲臭豬肉味！同埋有黑松露幾香幾有特色🤩 🥟鮮蝦菜苗餃 $34本身都幾鍾意食😽呢間都冇令到我失望！好！足！料！ ✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡✨小編評價✨👧🏻： 年輕人食點心嘅好地方✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡📍餐廳評分：味道：💗💗💗💗價錢：💗💗💗💗地點方便：💗💗💗💗💗餐廳服務：💗💗💗餐廳整潔：💗💗💗CP值：💰💰💰 回頭率：75%✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡地址📍旺角彌敦道726號地鋪✿ฺ ♡ ✿ฺ ♡ ✿ฺ ♡ ✿ฺ ♡✿ฺ ♡✿ฺ ♡ ✿ฺ ♡👧🏻👦🏻我哋係一對成日周圍食嘢嘅couple，希望可以分享更加多好食嘅嘢俾大家！😋💗✨#852foodie #hkfoodie #hkfood #hkfoodie #hkfoodblog #hkfoodstagram #hkfoodlover

琴日同屋企人去咗食鋿晶館，真係食到好滿足！佢哋嘅點心係自家製品牌嚟㗎！而且所有點心都係手作點心，同埋即點即做。 我哋黎到最想試嘅菜式係「百花炸釀蟹拑」同「炸乳鴿」。「百花炸釀蟹拑」係一個又大又脆嘅釀蟹拑，入面嘅蟹肉鮮甜爽口，而且外面嘅酥皮好香脆，真係好好食！而「炸乳鴿」炸到金黃色，一咬落去就係滿口香味，好好味！ 除咗呢兩款菜式，我哋仲試咗「蝦多士」、「蝦餃」同「燒賣」。個蝦多士好特別，唔係一般嘅蝦多士，佢炸到外酥內軟，而且個蝦好彈牙，好好味！至於「蝦餃」同「燒賣」，都係咁鮮美爽口，特別係佢哋嘅皮薄餡多，真係好食！ 最後，我哋嘅主菜係「鳳爪排骨飯」，啱啱好啱係我哋嘅胃口！飯底軟糯，鳳爪同排骨燉得好入味，肉質鮮嫩，食落去好有嚼勁，真係一款令人回味無窮嘅主菜！ 鋿晶館真係一個好好嘅點心餐廳，菜式好特別，又好好味，而且價錢亦唔貴，埋單嗰陣問店員先知原來師傅以前喺日本東京富麗華做咗好多年，而且係專為高官達人同明星服務，返嚟香港就喺多間米芝蓮酒店同大型連鎖酒樓集團做主管。真係質素保證！