鋿晶館

营业中

休息中

點心都係師傅即叫即做，唔止得點心仲有小炒菜式同埋籠仔飯。環境大都多檯，坐落舒服，唔洗擔心會好逼五福臨門 $50五款點心每樣一粒好岩我樣樣都想試下 ，燒賣彈牙餡料夠多，特別嘅係有一款係黑糖糕都幾特別脆炸北海道牛奶 $30外皮炸得夠脆唔算太油，牛奶餡香，唔算太甜又唔會太膩 姬松茸雪耳墩雞湯 $49湯底甜，細細碗但好多料，姬松茸同雪耳味比較突出，雞肉都多飲完暖笠笠蒜香虎蝦蒸飯 $79虎蝦大隻，開左邊蒸蒜味好香，個籠仔蒸飯有吸晒D蝦味食落好香，飯都唔會太濕幾好食生炒骨 $128個汁調得啱啱好唔會太甜太酸，肉都幾多粒師傅干炒牛河 $118夠鑊氣，唔會太油。份量多，如果多幾個fd一齊食會好D頭菜蝦乾浸時蔬 $118頭菜同蝦乾有D鮮鹹香，菜心都多條，個湯都可以飲埋豉汁豆卜蒸鱔片 $158豉汁味香，鱔片無骨好肥美肉質係爽，底有D豆卜係到吸晒D汁超入味，送飯食正正

餐廳有古典優雅的插畫，主廚經驗豐富，曾於日本東京富麗華任職多年，當中有不少高管達人和明星，回港後在多間米芝蓮酒店及大型連鎖酒樓集團擔任主管的角色。作為其自家製品牌，所有點心均為現場新鮮人手製作，即點即做，食物充滿水準，店員態度親切令用餐體驗更加分，平日都有滿滿的捧場客。老壇酸菜魚 $228湯底濃郁，香麻帶辣度，魚肉嫩滑，大量配料如煙靭的薯粉、爽脆的芽菜及木耳、豆卜等等吸收湯底後更入味，味道豐富。蒜香石斑片蒸飯 套餐 $108套餐包括了荷葉飯、燉湯及娃娃菜。荷葉飯是金鳳米炒飯底，粒粒分明，蒸煮後保持了米飯的彈性，帶有荷葉的香氣。上層的石斑片鮮美，加上香噴噴的蒜蓉，搭配豉油，很美味。養生燉湯 蟲草螺片燉雞湯滋補，現在喝很暖胃，用料十足，各種材料的融合使得口感豐富，很滿足。五福臨門 $50五款點心各具特色，有外皮薄透、餡料飽滿的蝦餃、大大粒燒賣，清新爽口的生炒雜菌餃及充滿驚喜的黑糖千層糕，煙煙韌韌，甜而不膩。生炒雜菌餃 $30皮薄內餡飽滿，是不錯的點心選擇。蓮藕煎鯪魚餅 $45鯪魚餅外脆內嫩，再加入蓮藕增加口感變化，很香口。老爺子古法馬拉糕 $22馬拉糕鬆軟綿密，口感輕盈，震騰騰，甜度剛剛

今日嚟到位於旺角彌敦道嘅鋿晶館食晚飯，原本以為鋿晶館只有點心和蒸飯供應。原來呢間不僅有點心蒸飯，還有大量小菜供應，所以今日就試試小菜嘅水準先。🥢 欖角醬斑塊 $168炸嘅斑塊甘香酥脆，而黑色的欖角醬汁咸中帶點甘甜，這道菜都幾特別。🥢 生炒骨 $128生炒骨外皮酥脆，裡面嘅肉質夠軟腍，配咗菠蘿粒和青椒粒，口感酸甜香脆。🥢 豉油王乾蔥海中蝦 $168大蝦肉質夠晒鮮嫩，中蝦吸收咗豉油王嘅香氣和味道，醬香非常濃郁，令人回味無窮。🥢 蒜蓉炒唐生菜 $88經過蒜蓉爆炒嘅唐生菜，既有生菜嘅清脆口感，又有蒜香嘅濃郁，非常惹味。🥢 花膠螺頭燉赤肉湯 $82冬天飲呢個湯夠晒滋陰養顏，花膠含豐富膠原蛋白，而螺頭又夠滋陰，又有瘦肉嘅醇香，湯汁非常濃郁。🥢 大良薑汁雙皮奶 $26呢個雙皮奶非常細膩嫩滑，而微辣嘅薑汁又能暖胃，非常香醇爽滑。🥢 薏米檸檬水 $22薏米檸檬水嘅口感清新爽口，略帶酸甜。

鋿晶館係旺角一間自家製品牌嘅餐廳，真係好有特色！😋呢度嘅點心全部都係現場即點即做，手作點心，真係好有心思！👍呢度嘅師傅背景真係幾西厲，曾經喺日本東京富麗華工作多年，專門為明星服務，真係好有經驗！🌟返香港之後，仲喺多間米芝蓮酒店同大型連鎖酒樓集團做主管，經驗真係好豐富！👨‍🍳朋友難得係外地返香港，今次我地都叫左唔同野食😋😋脆皮炸乳鴿真係一絕，外皮脆口，內裡嫩滑，咬落去真係好滿足！🐦雪山叉燒包真係好正，外皮鬆軟，內餡甜而不膩，真係一試難忘！🥮招牌鮑汁鳳爪煮得好入味，鮑汁濃郁，食落去真係好滋味！🐔黑椒醬皇金錢肚煮得好軟腍，黑椒醬味道濃郁，真係好惹味！🐄月半彎晶瑩鮮蝦餃，蝦餃皮薄餡靚，蝦肉鮮甜，真係好好味！🦐川芎白芷天麻燉斑骨湯真係好滋補，味道清甜，飲完真係好舒服！🍲大良薑汁雙皮奶滑溜溜，薑汁味道適中，甜而不膩！🍮春風得意腸餡料豐富，食落去真係好滿足！🌯菠蘿雞粒叉燒粒炒飯：呢個炒飯真係好特別，菠蘿甜甜地，雞粒同叉燒粒味道豐富，口感一流！🍍🍚

今日同媽媽去咗旺角彌敦道「鋿晶館」，整體感覺幾唔錯😌。佢地慨點心唔止係即叫即蒸，仲係手作精心製作，好明顯食得出師傅嘅心機同技術✨。月半彎晶瑩鮮蝦餃，蝦餃皮薄而且晶瑩，蝦肉鮮甜爽口，每啖都好滿足🦐。蒜香蝦春卷炸得金黃脆口，外皮香脆，入面嘅蝦肉彈牙，仲有淡淡嘅蒜香味，好開胃😊。試咗脆炸北海道牛奶，炸得夠脆，內裏奶香濃郁但唔會太甜，啱啱好中和👩‍🍳。最後不得不提黑松露北菇燒賣皇，大粒嘅燒賣夠豐滿，北菇口感爽彈，仲有黑松露嘅香氣提升層次🍄。環境方面舒服自在，每張枱距離適中，唔會太逼😌，係旺角呢個鬧市真係幾難得嘅。整體嚟講，一個適合一家大細聚餐嘅選擇，可以考慮🛍️～銷晶館（旺角) 📍旺角彌敦道726號地铺

今日約咗人旺角交收，時間未到，肚餓得滯，揾揾吓見到呢間，好似都幾啱食就坐低，叫咗幾樣點心醫肚。首先試咗「蒜香蝦春卷」，外皮炸得金黃酥脆，咬落去有淡淡蒜香，蝦肉鮮甜彈牙，唔會太油膩，幾開胃。跟住係「月半彎晶瑩鮮蝦餃」，餃皮真係晶瑩剔透，睇到入面粉紅色嘅蝦肉，食落去皮薄餡多，蝦肉鮮味十足，口感爽滑，好滿足。最後試咗「名醬蒸鳳爪」，鳳爪蒸得夠淋，入口即化，醬汁味道濃郁，帶少少甜味，同鳳爪嘅膠質好夾，我最鍾意食鳳爪，食完仲想再encore。不過因為今晚要同老人家慶祝生日要食大餐，所以都係留返啲quota，唔敢食太多。整體嚟講，「鋿晶館」嘅點心水準唔錯，價錢合理，環境乾淨舒服，係一個唔錯嘅輕食選擇，下次經過都可以再試吓其他點心！🥰

今日同朋友去咗鋿晶館，一間專攻點心嘅餐廳，試咗幾款招牌菜，整體感覺幾好，值得推薦俾大家。**棉花雞**：呢個真係名不虛傳！雞肉嫩滑到好似棉花咁，入口即化，調味恰到好處，唔會太鹹，仲帶有淡淡嘅酒香，令人回味無窮。**蒜蓉大蝦蒸飯**：大蝦新鮮彈牙，蒜蓉香味濃郁，同飯一齊蒸，飯粒吸收晒蝦嘅鮮味同蒜香，每一啖都好滿足。不過份量略少，如果多啲飯就更好啦。**燒蝦餃**：外皮煎得香脆，入面嘅蝦肉鮮甜多汁，配上少少醋，更加開胃。不過我覺得皮可以再薄啲，口感會更加好。**蟲草花湯**：湯底清甜，蟲草花嘅香味突出，飲落去好滋潤，感覺好養生。花膠燉得好淋，湯汁濃郁，膠質豐富，飲完覺得皮膚都滑咗啲。偶爾獎勵下自己都唔錯。鋿晶館嘅點心質素高，用料新鮮，味道精緻，係一間值得一試嘅點心專門店。

彌敦道726號地舖點心即叫即做，好多選擇，上枱熱辣辣。豉汁欖角鱔片飯個人最推薦呢道菜，大大盤好飽肚，鱔片爽滑彈牙冇腥味，飯帶油香粒粒分明蒸到乾身，好有口感黑松露北菇燒賣王第二喜歡，好香黑松露味，未上菜已經聞到，比平時嘅燒賣大粒，而且足料彈牙月半彎晶瑩鮮蝦餃皮薄餡靚，同樣係大大粒，蝦新鮮爽滑活拆生剝鮮蝦腸幾滑溜嘅腸粉皮，蝦同樣新鮮爽滑，大大隻好多隻店舖座位闊絡，店員豪邁而友善，食物性價比高，比酒樓有過之而無不及。

🫖旺角夜晚都有得飲茶，地方闊落，點心紙好多嘢食叫😍連酸菜魚、粉、面、飯都有🥢鮮蝦豆苗餃平時都鐘意呢個點心，有菜有蝦，餡料味道都唔錯！🥢蟲草花上湯鮮竹卷平較清同健康嘅，湯汁都好清甜🥢老壇酸菜魚點心舖都有酸菜魚食，仲要勁大盤，魚片好多又滑，下面仲有寛粉勁飽肚～🥢椒鹽一口豆腐方估唔到呢到嘅豆腐粒都整得咁好食，豆腐軟滑但外面酥脆，有椒鹽味，好食😋！🚩鋿晶館 (旺角)📍旺角彌敦道726號地舖

之前食過荃灣嗰間分店覺得好好味今日第一次試旺角呢一間分店環境比較寬敞洗手間都比較大年初五去食都非常之旺我哋非常之好彩坐咗兩個幾鐘之後店員先叫我哋要交返張枱出嚟食物質素都係非常之高質嘅每次我一定會叫牛肉球超級好味今次第一次試食個粥估唔到好好味如果假日有啲優惠就好啦

我和媽媽喜愛食點心，今次打算去旺角覓食，來到新派飲茶專門店「鋿晶館」，主打自家即叫即製點心，師傅曾經在日本東京富麗華工作多年，專為高管同明星服務，回到香港，在多間米芝蓮酒店及大型連鎖酒樓集團擔任主管，經驗豐富。炸蝦球蝦球勁大粒，入面好多蝦肉，又夠爽彈。月半彎晶瑩鮮蝦餃蝦餃好足料，晶瑩剔透，大粒彈牙又蝦肉多。黑松露北菇燒賣王燒賣見到好大粒，北菇彈牙豐盈，配黑松露好夾。 生炒骨生炒骨外皮香脆，仲有菠蘿和青椒，酸酸甜甜好開胃。薑蔥斑頭腩煲斑頭腩大件，啖啖肉，肉質口感鮮嫩，味覺和口感湧現出來。鋿晶館（旺角）地點：旺角彌敦道726號地舖

甘岩經過呢間餐廳，發覺呢間餐廳係自家品牌，所有點心都是現場即點即做😝之前去上環食過，見到旺角有分店，所以入去食個Dinner，主廚曾在日本東京的富麗華酒店工作多年，在多間米芝蓮酒店及大型連鎖酒樓擔任主管，所以對佢地都幾有信心❤️欖角鱔片蒸飯荷葉飯係經典之一，一上菜的時候已經陣陣香味，鱔片都算分量足，主要係個飯有D汁，配上去更好吃🙌跟餐送了燉湯和菜煎蛋牛肉飯好似盅頭飯甘，牛肉係牛肉球既牛肉，食到最後有d飽🙌生炒骨外脆內軟，酸酸甜甜，標準的生炒骨水準，食過返尋味😂黑松露燒賣同平時燒賣有少少不同，那就是多了點黑松露香味，呢個值得比個Like👍脆皮蝦多士呢個比較少見，食落口好鬆脆，中間夾了一層蝦肉，好有層次感❤️芝麻糕甜品方面點左芝麻糕，一共有三塊，芝麻味濃郁，食落口唔算甜，適合香港人🤣

早前一度失聲，但又一早約好和家裏人食飯，唯有臨時轉餐廳改去吃點心。印象中旺角天橋底有一間做點心，又有小炒。當天去到都尚算早，所以一行四人還有卡座坐。🍄菠蘿包🍄叉燒腸，白灼菜心🍄油炸鬼🍄蟲草花湯，需要湯水滋潤🍄椒鹽鮮魷，偷偷吃了一口，炸得酥脆🍄鳳爪排骨🍄金錢肚🍄點心拼盤🍄紅棗糕🍄豉汁蒸鱔，好入味🍄豉椒炒牛河點心和小炒都好吃，不過就是小炒的上菜速度有點慢。而且卡座四人桌的空間很有限，有點狼狽。

飲茶食點心．唔想等位等到傻又想免加一服務費？旺角彌敦道呢間主打點心之外仲有多款中式鑊氣小炒唔怪得經常都坐滿食客啦飲茶必點蝦餃燒賣✨月半彎晶瑩鮮蝦餃✨黑松露北菇燒賣王巨大粒．好足料仲可以選擇要2粒 / 4粒✨小白肉棉花雞魚肚吸哂湯汁精華．底層仲墊上淮山雞肉好嫩滑呀✨花膠螺頭燉赤肉湯必點熱辣辣嘅燉湯加入花膠．螺頭．冬菇等貴價食材滋潤養生✨蒜香石斑片蒸飯籠仔加上荷葉墊底炒飯底加上厚厚又嫩滑嘅斑片蒜香好好味✨雪山叉燒包叉燒包超鬆軟饀料充足．面層口感酥脆✨活拆生剝鮮蝦腸腸粉皮厚薄適中裡面真材實料．原隻鮮蝦✨脆皮炸乳鴿加埋炸到金黃色嘅乳鴿熱辣辣超香口整體食物質數比酒樓更高性價比之選

今日有一位十幾年前在美國工作交流期間認識的朋友遠道由紐約來香港，故特意帶他去飲茶，品嚐中式點心。在同事的推介下，我哋去咗一間位於旺角彌敦道的茶館（鋿晶館）品茗，同事話這間茶館的點心師傅曾在東京的富麗華酒店工作多年，專門為高管和明星服務，回港後則在多間米芝蓮酒店及大型連鎖酒樓擔任主管，經驗非常豐富。根據非正式統計，飲茶叫點心的標準份量係每人1.5碟，如果叫炒粉麵飯，每碟則相當於點心2碟計算。然而，由於我和我朋友都是「擦得」之人，所以我哋並無遵循這個黃金比例計算。結果當然係出事啦！因為呢度嘅點心份量實在是超級大份，就以一籠「小嬌白玉棉花雞 （$48）」為例，𥚃面有三大塊魚肚、三大件雞件、三大片鮮淮山，還有冬菇和蟹柳，雞肉選用的部位仲係非常嫩滑，絕對值得推介！這裡的腸粉「春風得意腸（$40）」也是必點之作。腸粉的皮薄滑嫩，蝦滑餡料彈牙鮮美，搭配大量香蔥和芹菜，令口感更加豐富。此外，我們還點了一盅「鳳爪排骨蒸金鳳飯（$38）」，份量也相當大，足夠兩人享用！值得一提的是，我的外國朋友因為坐了十幾個小時飛機，表示感到有點頭痛，所以我特別點了一盅「川芎白芷天麻燉班骨湯（$58）」給他，希望能緩解他的