銘興山西刀削麵 (民泰街)

营业中

休息中

最近差不多是天天吃呢^^太好吃上瘾了😋不过大家必须打过去自取才最划算，平台上各种收的太离谱了😅快double了-以下是纯分享，根据个人口味，阿姨态度比旧店改善太多了，店面也更舒服干净！堂食也很不错的！👍🏻推荐大辣的热捞和冷捞面，刀削面，红薯粉也很不错，他们家的酱汁真的太香了！！！吃完回不去，面也很新鲜，刀削面太好吃了呜呜呜😭肉类拼的 🥩 你们记得可以让阿姨加辣加酱 在小吃里面哦 会比不辣纯卤的好吃的！推荐🥩猪软骨、猪颈肉，牛筋腩，肥牛肉，鸡排，猪排，鸡翅，吃过无数次很稳定，各种也很好吃 放心点！不太推荐🥩 东波肉，猪大肠，手撕鸡，鸡翅有点不太稳定一时好吃，不过试试也可以～重点推荐💯口水鸡！花雕鸡！麻辣鸡！真的很很很好吃！好嫩 好香 鸡做的太好了😍外卖包的也很好 还送免费热饮的哦😌

餐廳主打刀削麵，分別有熱湯、熱拌同冷拌面而最出名則系花雕醉雞刀削麵店內以湖水綠為主色調，環境闊落明亮另有自助區拎醬醋、醃蘿蔔同熱水肥妹推薦大家一定要拎醃蘿蔔，酸爽爽脆❤️性價比亦高，價格相宜且份量足肥妹平日夜晚去都座無虛席，人流不斷仲有不少人等外賣添！✾ 花雕醉雞刀削麵 $60花雕醉雞份量好多，仲有只醉溏心蛋添雞肉嫩滑入味帶濃濃花雕香，但又唔會過重酒味熱湯刀削麵軟糯中又帶點煙韌嚼勁湯底則清激唔油膩，清爽可口✾ 麻辣冷拌豬軟骨刀削麵 $53天氣咁熱，當然要黎碗冷拌刀削麵滿滿醬汁、豬軟骨、青瓜絲、脆花生同蒜粒鋪面，完則覆蓋刀削麵拌勻後，濃郁芝麻沙律醬中散髮陣陣麻辣香冷刀削麵十分掛汁且比熱湯更有勁道而豬軟骨炆至入味，肉質軟綿，輕輕一咬就化開；軟骨位置Q彈，充滿骨膠原黏口感✾ 涼拌肥牛 $66肥牛份量超多，食極都有🤣涼拌汁本身帶點辣，十分惹味而肥牛更索涼拌汁，完成食唔停口肥妹仲加埋落冷刀削麵一齊拌添🤭✾ 麻辣豬大腸拼豬頸肉 $75豬大腸軟糯，易咬開且無異味而豬頸肉嫩彈帶油脂香✾ 凍阿華田脆脆（跟餐）$8濃濃阿華田上灑滿阿華田脆脆雙重阿華田，口感層次豐富✾ 豆漿（跟餐）$8

銘興山西刀削麵 (民泰街) (紅磡)紅磡民泰街2-32號地下凍鴛鴦跟餐+$3甜度剛好，冰冰涼涼好爽凍杏霜跟餐+$3完全唔甜，香濃杏仁味，驚喜口水雞 $52可自選辣度，香辣程度剛好，個口水汁好惹味，好食到我用來點其他食物😬，雞肉嫩滑，皮也爽口薑蔥牛肉拼東坡肉 $65+$10牛肉雖然比較普通，但加埋薑蔥就變得惹味了！東坡肉啖啖肉，鹵得軟糯，大口滿足麻辣冷撈刀削麵 $58夏天最啱就係食冷麵，現場即削的麵更加有咬口，日式胡麻醬撈出來嘅效果好夾，加埋切絲的青瓜、鹵牛展⋯⋯不知不覺就一口一啖，缺點係麵真的太多了，食極都未見底，怪唔知得夜晚七點開始就排大隊，門口好多人等外賣，超級抵食！花雕醉雞刀削麵 $60花雕醉雞係用個兜仔另上，裡面仲有糖心蛋，雞皮爽口，雞肉嫩滑，賣相實在好精緻！湯麵的麵底都係非常有咬口，湯底清澈，份量也是巨大，性價比無得輸！凍豆漿 $12冰凍，清甜，豆味濃郁凍華田脆脆 $26脆底華田味脆脆口感香脆，好得我歡心，餐後飲一杯當甜品，好開心好幸福

每周必吃一次以上，最愛的是冷拌豬肚絲刀削麵！麻醬和辣油融合在一起！！真的太爽了！這個冷拌皮蛋也超級好吃！紅油味很香很香！不是很辣，但很下飯，還有免費的甜酸蘿蔔可以食，很解膩一碗麵的料很足，滿滿一碗，根本吃不完，很香，小菜都很美味，下次會嘗試其他口味哈哈價格也划算，吃了那麼多東西，才不到200塊，很值得下班後吃撐一下還有手撕雞麵，花雕雞，還有牛肉麵，更推薦手撕雞，店面換新了，比以前的大很多，不用每次等很久了

好耐無去過紅磡食銘興山西刀削麵，對上一次食重係佢地嘅舊店，雖然比較迫，但非常有質素。早兩日諗住去食，先發覺佢地搬左新位置（民泰街），新店非常乾淨，空間感十足。我地一人點左一份熱拌刀削麵套餐，熱拌豬軟骨刀削麵和熱拌牛筋腩刀削麵（中辣），兩份份量十足，裡面配料有青瓜絲、花生等等，拌勻後真係好想夾，豬軟骨肉質勁細嫰，真係無得輸。原來諗住點花鵰醉雞，但見兩碗麵份量都好多所以淨係點左一D小食，涼拌皮蛋、春卷和油菜（菜心），滿足到不得了。天氣越黎越熱，唔飲杯凍檸丁和凍華田脆脆解渴真係搞唔掂。

呢間由舊鋪食到新鋪，佢本身係橫街窄巷內既一間小店，好細坐得勁逼，雖然環境唔係咁討好，但門口永遠都有人等緊位🤔試過一次就發現佢有種令我間唔中想返兜嘅魔力，已經數唔到食過幾多次🤫搬去隔離條街後，大間同埋闊落咗好多，但見其他人話啲員工態度差劣，呢日都感受到的確係有待改善😥▪️ 花雕醉雞刀削麵 💲60舊鋪性價比真係勁高🤑$56雞件份量勁多，又係時候擺下舊相📷依家少左得半份髀位，食落依然新鮮嫩滑，唯獨要小心碎骨，有陣陣花雕酒味，淡淡地唔會苦澀既🤨配上一隻溏心蛋，保留到半熟流心效果🥚手工刀削麵厚薄粗幼不一🤏🏻一向係煮得比較軟腍，但呢次竟然幾有嚼勁唔錯，湯底係味精湯無咩特別🤭仲包埋一杯熱飲☕️🔎 整體評分（7/10）

今次同女朋友過嚟食山西刀削麵,呢間鋪清明嘅時候裝修入邊嘅設施新政廁所亦都非常乾淨！餐廳座位比較迫，換座率比較高,晚餐人比較多更換滿席，感覺餐廳比較受歡迎所以食物質素唔會差得去邊！入座後見到隔離幾枱，都係食呢個熱拌刀削麵熱拌刀削麵:9/10分✌️👍到上面分量比較多配料亦都比較多尤其係青瓜，而且佢係即叫即整嘅，辣度都啱啱好我叫小辣刀削面的餸豬頸肉和牛展：佮錢質素正常冇乜特別，豬頸肉就爭少少火候麻辣皮蛋：9/10👍👍麻辣皮蛋有驚喜，一般都係半熟狀態食就係最好食，呢個就係流心的東坡肉:8/10👍質素正常冇乜嘢挑剔凍醉雞：9/10👍最近質素唔差酒浸的，比較入味而且有兩個流心蛋襯托非常美美總括而言呢間餐廳我會再次光顧！

2月頭搬左新舖，寬敞闊落好多，坐得舒服啲，不過新場啲職員好似未摸熟，響安排入座，落單方面有少少混亂，叫員工比隻碗，拎樽醃蘿蔔都要叫幾次，但收碗就最快，趕住收枱做下一輪，服務態度真係。非。常。差！不過野食真係唔錯既～以前舊舖每張枱都有樽醃蘿蔔，好好食，不過宜家好似限量供應咁，全間舖得一樽定兩樽。① 花雕醉雞刀削麵 $60② 麻辣香雞刀削麵 $60雞依然係店家招牌，口水雞唔辣，呢款麻辣香雞其實都唔算辣，不過面頭配料好好味！我鍾意將啲麻辣醬同蔥蒜撈埋落麵食！醉雞好似細份左，但加埋隻蛋都對得住個價錢，味道唔錯，食得出酒味，香得黎唔會太濃。睇住廚房師傅不時人手刀削麵，每條麵條厚度及長度不一，口感亦有不同。相比其他麵店機器削比較有誠意，心理上係覺得人手削好食啲！湯底普通偏淡，真係要靠落辣調味。其實我比較喜歡食拌麵，冷撈熱撈都可以一試，個醬比較濃味。其他食材方面試過豬軟骨同金沙骨都幾正，牛𦟌就比較硬身。價錢方面同舊舖相比加左少少，不過我覺得都尚可接受，呢個價錢送熱飲或加$3配凍飲。本身食物質素係想比正評，但望到員工服務質素真係要比負評，希望店家改善下！（雖則我都仲有去食，而間餐廳大左又有人等位，真係

一直都好鍾意食刀削麵，但食親我都覺得普通，久而久之我都少食左所以當日收工去屋企附近覓食，行過其實唔多想食，但屋企人好想食ಥ_ಥ食完發覺呢間都唔錯，因為呢間我一直以為食過但原來係未食過😂啲名間間都好似🤣-凍檸茶 $3💰-郊外油菜 $25💰-口水雞刀削麵 $60💰一碟咁上，份量比我預期中多雞件大隻肉質幾滑，冇雪藏味而且辣椒醬好惹味，後勁十足刀削麵湯頭鹹鮮，面質比較厚實有嚼勁-熱伴手撕雞刀削麵 $53💰色澤鮮艷，有青瓜絲，芝麻醬，擔擔醬同花生粒啲花生好香脆，豐富左成碗面既口感層次而且每啖都食到雞肉絲，可見份量一啲都唔吝嗇-蒜泥牛𦟌 $65💰牛𦟌沾少少辣油同蒜泥食真係超級惹味肉質唔韌筋部位置有嚼勁😋新鮮生蒜，入口真係辣勁十足，食到條脷都麻😂過幾秒冇野又再食然後又麻，不停循環🤣但得我係咁既反應😂🫠

先講食物，間舖叫得刀削麵，咁都應該刀削麵最穩陣啦，於是叫左一冷一湯。點知嚟到，2碗麵好似未熟咁，極硬！試下個湯，咸到飛起。。。試下個醉雞啦，咁多人叫可能餸好食呢。。嘩，感覺只係一隻醃好左嘅雞，淋d酒上去就上碟咁😑😑😑🙃🙃🙃d服務態度差到呢。。。一入去坐低叫野食，人愈來愈多，我都明繁忙時間係想盡量入多d客人，但態度差到好似命令你咁，大大聲咁叫：喂，你地坐過嚟！仲要完全冇打算幫你執d野過去，借問一聲咁係咩服務態度？！？門面係乾淨企理嘅，但繁忙時間人多，d單可能亂，d侍應會無啦啦大大聲咁係你耳邊大叫問其他人嘢，嚇都嚇死你🙃食果陣半間舖嘅食客都係講緊普通話，某個侍應一見你講廣東話就黑曬面，見你舉手？舉多陣先啦～我舉手叫人落單，舉左成分鐘，問左3，4次，果個侍應一直敷衍我話叫緊人嚟幫你落，最後我等左接近5分鐘。更重要嘅係，果位侍應一直都只係喺到行嚟行去/叫人入去坐，但如果你講普通話呢？佢係會即刻飛奔過嚟幫你落！呢間嘢嘢食勁難食，態度又差，好似完全只想做大陸人生意咁。。。貼錢都唔會再去！第一次難食到食唔落！未試過食到咁嬲！😡😡😡😡😡

銘興對於紅磡人嚟講都算係食堂，成日都見到好多人排隊，原本鋪仔細細已經超爆，最近搬咗大鋪都一樣咁爆。今次嚟到銘興就嗌咗最出名嘅醉雞刀削麵。醉雞嘅花雕味濃，如果鍾意酒味嘅就岩曬啦～刀削麵質感偏厚，整體彈牙有口感，配搭清湯更可以享受到醉雞汁嘅味道。

係舊舖時都有去食過, 搬左新舖之後, 舖面大左好多, 新裝修後空間燈光光亮左好多💡而且亦好整齊乾淨衛生, 而且食物水準都冇變到👍🏼🥜麻辣豬耳冷刀削麵 $53刀削麵係舖入面即場用刨刀削d麵條, 麵質唔會痴牙有咬勁。配料用上青瓜絲🥒、花生🥜、蒜蓉🧄、蔥、芝麻醬、擔擔醬同麻辣醬。而豬耳爽脆可口, 全部撈埋一齊食, 口感層次豐富同惹味😋🥜麻辣牛𦟌冷刀削麵 $58不得不說刀削麵既配料份量真係好多, 足夠撈完一碗麵仲有剩😎而牛𦟌有好多片, 唔記得影返張特寫, 牛𦟌好軟夠腍同入味, 味道唔錯。

一直是舊顧客，亦都有定期光顧，以前在新村細舖，理解地方少，流轉慢所以好多時候比較迫同膊貼膊食野，我理解。但宜家大舖 ，不段推檯，只要放底筷子即時想收碗。隔一陣又keep住望又問飲完未。話食飯一個鐘 ，但我食左半個鐘飲品都未完就係咁推檯！食物好唔代表冇需要服務，就算附近粉麵店都唔係咁文化！唔止你一個有客等‘唔好意思‘’就如此店舖特式一樣(廉價)，可能我已經不是目標顧客，如果唔介紹黎個快食或非午餐時間進食可以選擇食個午餐都要咁對待嗎？

平時都要大排長龍嘅刀削麵 終於開咗新鋪 今次見排隊既人唔係好多 即刻去試下堂食嘅人好多 外賣嘅人都絡繹不絕 叫咗一份麻辣豬頸肉湯刀削麵 刀削麵嘅份量非常之大 面同想像中一樣咁煙靭 又有麵粉嘅香味 麻辣豬頸肉係出奇地好味 應該係有炸過 勁脆勁香 本身豬頸肉已經好有油脂味 加上炸過更加香口 嗌咗中辣 都真係幾辣下 不過配上湯麵可以中和返口水雞冷撈 口水雞嘅醬汁同麻辣又有啲唔同 都好出色 又係份量勁多 應該多過出邊平時口水雞嘅一倍 冷撈會撈埋麻醬青瓜絲 都好好味 另外，叫咗一份小食 麻辣豬軟骨就叫咗小辣 份量又係勁多 豬軟骨都好軟熟 總體而言都好好味價錢又係勁抵 性價比超高 唔怪得知咁多人叫外賣 真係益街坊 一定會再黎食

老店搬遷，重新裝潢過的餐廳，空間大，燈光明亮，看起來很乾淨衛生，十分整潔。下午茶時間人很多，基本上都坐滿了，一直不停有新客進門。下午茶套餐很划算，一碗刀削麵➕飲品。選擇豬軟骨刀削麵➕熱奶茶。上餐很快，不到10分鐘就到，下午茶的豬軟骨和刀削麵是一起的沒有分開放，兩大塊豬軟骨，麻辣風味有加辣椒、蔥、蒜。先喝一口湯味道不錯，麻辣鮮香。豬軟骨很好味，肉質偏軟，大塊爽口，肉汁飽滿。刀削麵也軟硬適中，很不錯。唯一不太愉快的地方是，服務生只有兩位姐姐，落座後等很久都沒人點餐，多次抬手示意才有人來，服務素質需提高。