銘興山西刀削麵 (民泰街)

营业中

休息中

呢間刀削麵由幾年前細鋪食到依家搬埋大鋪今日去個陣仲以為執左 差啲想講粗口 原來只係搬左去後一條街😆呢度其實分左4種食法（熱拌、冷拌、擔擔湯、普通湯）佢個menu睇到好複雜好似好多野 但其實啲餸係一樣 只係唔同食法再list一次🤣🤣🤣🤣餐牌設計上可以改善一下我既最愛配搭係「豬軟骨熱拌刀削麵/薯粉+凍檸檬茶」💓💓💓83.79/100佢係拌左啲擔擔醬同胡麻醬 非常之香仲會有芫荽、青瓜、花生等等配菜如果唔係茜fans就記得同佢講走茜！刀削麵非常有嚼頭 小小煙韌😝好喜歡呢種口感朋友叫左加底 佢話食到個口好攰😂😂😂因為真係好大份非常值得去食！！

今日再去黃埔做野食晏時間突然諗起想試下食呢度個虎皮鳳爪12:30黎到 已經有人龍 好彩等左5分鐘就有位了唉呀 原來轉左餐牌無左虎皮鳳爪了有個虎皮豬手 都好 試下先今次試下熱撈米線 個米線唔多夠味唔緊要 佢個麻辣醬可以自己加 加多兩匙 啱啱好😂個豬手好正 軟軟嫩嫩的 而且好入味一份有兩大舊 堅係大舊架 應該係話一份有兩隻豬手至啱😂用筷子處理唔到呀唔怕 店員一早就比定對手套你喇😂今次有記得食佢個酸蘿蔔喇配合肥美嘅豬手食 正呀

今次又探戈過嚟呢間飲食店，直頭係重溫舊夢。落口嗰陣，個花雕雞刀削麵真係夠晒水準，麵身彈牙得嚟，每一啖都有種麵食愛好者嘅滿足感。雞肉分量愈嚟愈多，啖啖肉嚟嘅，湯底嘅花雕香味淡淡地，啱啱好，唔會好似有啲地方咁濃到嗆人。而個冷麻醬肥牛刀削麵真係唔錯，肥牛嘅嫩滑加上嗰隻麻醬汁，完全係絕配，辣度足夠又唔會覆蓋咗其他嘅滋味。真心話嚟講，呢度嘅食物質素水平一向都保持得唔錯，每次黎嘅體驗都令人滿意。最後，話要提提大家，呢邊嘅麻辣皮蛋，絕對係隱世好物，唔試實在對唔住自己個舌頭呀！下次有機會，一定要再試下其他款式，但係，跟唔上嗰份量，肚皮仲係有限度㗎嘛😂！🍽️👅🌶️

呢2日天氣凍，所以想搵D熱野食下，咁岩醒起好耐無食過刀削麵，所以就走去食黃埔食碗熱辣辣的刀削麵。因為我一個人食lunch, 所以就要我搭枱。我叫左碗豬軟骨刀削麵配熱檸茶，盛惠47蚊。但間餐廳既待應服務態度一般，佢地係先上左碗刀削麵先，後上餸。但一句都無交低過話餸後上，就放低左碗刀削麵走左，唔知既食客一定會誤會上錯野…等左2-3分鐘兜豬軟骨終於上。刀削麵麵質還可，唔會太淋但亦唔係彈牙。豬軟骨有少少滷水味(因為我走辣)，滷得都算淋既….但係最令我不爽係，個陣我都未食完，仲有細半碗麵、一大舊豬軟骨、檸茶仲有大半杯的時候，個待應已經想過黎收走我隻碗，到底係有幾想趕走食客做下一輪生意= = 中途仲不停聽到待應大叫問出面幾多位, 感覺有D煩= = 不過算啦, 幾廿蚊lunch唔要求太多, 拿拿林食完走好過- -

一直都是舊顧客且有定期光顧，平日lunch時間去食，食到一半店員為左入4人枱會叫你轉位，試過野飲未飲完都已經催你走。平時咁樣對待食客，但諗到係繁忙時間所以都算。今次晚膳時間去食，堂食完再叫個外賣，坐係度等左好耐，主動去問店員先知原來個外賣一早ready好。店家完全0通知由得個客坐係度等，問多兩句都吾應就急急腳拎住張單去出單。近排店方寫住食客出示卡有優惠，埋單個陣舉住左張卡係度等，但店員一直低頭禁機出單，叫我地俾錢個刻先發現我地有卡，吾單止一句吾好意思都冇，重責怪番我地冇大聲叫住佢，且表明單已出不會再提供優惠。對答時既店員態度亦十分差、惡劣同埋無禮，不論係個店員自己疏忽冇留意到定係個客太細聲叫完你聽吾到，都吾係用咁既態度個客阿嘛。其實店方係真係覺得用咁差既態度對待食客冇問題定係覺得平時好多人去食，所以可以冇服務？

同個朋友約將紅磡做嘢之後一齊去咗搵嘢食，有間茶餐廳上次已經去過，所以諗住轉下口味，佢突然間醒起可以去食呢間刀削麵，反正離開地鐵站又唔算好遠，所以就同佢行咗過去食。自從轉咗地方之後，新地方裝修都好咗好多，光猛早乾淨咗企理咗亦都多咗好多位坐。我就叫咗個花雕雞刀削麵，其中一個最大好處就係嚟得非常之快，因為佢一份份已經準備好，只係簡單淥個麵就搞掂，所以唔使2分鐘已經有得食。無論麵同雞嘅份量都好足夠，花雕味亦都幾夠，本身湯嘅咪亦都好好。朋友就叫咗個冷麻醬肥牛刀削麵走麻辣，我試咗兩啖都覺得幾好味，個麻醬嘅份量都啱啱好。

今日係黃埔做野Lunch去試左呢間想試好耐刀削麵果然性價比高👍🏻醉雞好企理 每份都用膠盒裝好大份仲有埋隻溏心蛋😋連埋碗刀削麵 真係好鬼飽個雞夠凍 夠入味 肉滑 酒味濃郁只係$60 非常抵食 手撕雞就普通啲 肉質嚡左啲但佢個麻辣醬就堅好味好想買樽返去仲有好多菜式好吸引見到人地食紅燒肉豬頸肉 虎皮鳳爪撈刀削麵 望落去都好正咁咁要黎多幾次先試得哂喎😂仲有佢啲醃蘿蔔都好正😊食晏時要排隊 等外賣嘅人都多建議避開食晏高峰時間

今日朋友帶我去依間新餐廳，主打手削刀削麵，而且有得揀熱拌、冷拌同埋上湯。呢個天氣一於試吓手撕雞冷拌刀削麵。一嚟到超大份，食到啖啖嘅手撕雞，超滿足！不過，份量對於一個女仔嚟講實在太多🤣

自從搬左新舖之後都多左過黎食，真係超抵食，重點係夠大份四，有湯麵同拌麵揀，小食種類又多，仲有免費醃蘿蔔任食，每次食完都勁飽。熱拌牛筋腩刀削麵 刀削麵條煙靭，份量勁多，牛筋腩入味又軟淋。熱拌豬軟骨刀削麵刀削麵真係多配料，有青瓜絲、蔥花、同花生麻醬，辣醬等，豬軟骨夠淋，容易咬開，口味較重。郊外油菜 菜心都好大碟。小食醉雞醉雞啖啖肉，好重酒味好濃郁，幾乎每次黎都必食。涼拌皮蛋麻麻辣辣，好惹味，皮蛋蛋黃重有流心效果。

今日終於夾到時間同朋友食呢間山西刀削麵，以前細舖要排隊，估唔到搬咗大舖都仲係咁多人排隊，但lunch time邊有咁多時間🥲今日難得可以輕輕鬆鬆食個lunch，一於早啲去攞位。好鍾意佢舖頭嘅Tiffany Blue，就算人多都覺得坐得舒服😌熱拌鮮牛肉刀削麵🍜鮮牛肉肉質嫩，好鍾意佢加咗啲薑絲喺面，拌麵裡面有青瓜絲、沙律醬、少少辣嘅唔知咩醬(😂)、花生、芫荽，撈埋一齊好fresh，佢嘅面條又好彈牙，口感一流！牛筋腩溫泉蛋木耳刀削麵🍲好貼心咁將麵、木耳，同埋牛筋腩分開上，唔怕啲汁影響咗個湯底同埋隻溫泉蛋👍🏼可以原汁原味咁食到所有味道涼拌黑木耳🥘蒜頭、花生、葱、木耳，呢個組合真係令人停唔到手麻辣金錢肚🧆有少少花椒油嘅辣椒醬，加埋爽口嘅金錢肚，食落一啲都唔膩阿華田脆脆🧋最surprise我嘅就係呢個阿華田脆脆，飲落唔會好甜，間中會飲到啲脆粒粒，令我食餐飯有一個好完美嘅句號😛

每次入黃埔都會去食嘅刀削麵由佢細鋪食到搬咗大鋪啦每次用餐時間去都會見到出邊有條人龍第一次去嘅話首選招牌花雕醉雞刀削麵套餐連嘢飲都係$60凍飲加$3 先講個花雕醉雞好有花雕酒味啲雞食落去都係好滑嘅不過因為要保持佢好滑嘅質感有時候會見到啲雞骨係粉紅色如果介意嘅就唔好揀啦佢另外會送隻醉蛋都係整到啱啱好有花雕酒味另外佢碗湯刀削麵熱辣辣上枱超級大碗刀削麵煮到啱啱好唔會偏淋咗 但係保持到口感性價比高的今次嗌埋佢個新出嘅藤椒魚皮魚皮識落好爽口亦都好有藤椒味鹹鹹辣辣又有啲麻會令到你一塊接住一塊咁食不過今次就有少少敗筆食到中間嗰層就有啲敗筆啦可能太多人啲魚皮未解凍好仲有啲雪就攞咗上枱味道係唔錯嘅但係多人嘅話大家就自己考量啦

這店搬了新址比以前大得多，不過中午時間都要等位。老公食東坡肉湯麵，我吃手絲雞熱拌，有熱飲，2人都是$100，以現時起碼都$60/70堂食來說是很抵。另外還可在自助堂拿醃漬蘿蔔，味道也不錯呢!

最近同事介紹這間位於公司附近的刀削麵店，因為由小舖搬去大舖，座位多咗好多，嚟過幾次幫襯都不用排隊等位。唯一不慣係要搭枱🙄🐓🍜 花雕醉雞上湯刀削麵 (HK$60)．醉雞另上，雪得冰涼，切件似是雞全翼，花雕酒香，可惜雞件不夠入味，可以再入味啲．上湯似是清雞湯，美味，配掛湯的刀削麵，口感都幾煙韌㗎！🐓🍜 冷拌手撕雞刀削麵 (走辣) (HK$53)．拌有大量青瓜絲、芝麻沙律醬、少少辣的擔擔醬、烤鹽花生、蔥和芫茜．冷刀削麵比湯刀削麵更煙韌彈牙．夠凍，啱晒大熱天時食．麵的份量超多，我咁大食都食唔晒😳🐖🍜 麻辣豬肚絲冷刀削麺 (走辣) (HK$58)．幸好有走辣嘅選擇，令我可以點豬肚絲配冷刀削麺．豬肚絲，份量很多，好爽口😋．同樣拌有青瓜絲、芝麻沙律醬、少少辣的擔擔醬、烤鹽花生、蔥和芫茜點麵食可免費熱飲，凍檸茶就要 +HK$3 啦。

【黃埔抵食夾大份山西刀削麵🍜銘興山西刀削麵】-住喺黃埔或者讀Poly嘅朋友仔一定唔會唔識呢間刀削麵🤫佢嘅麪超有嚼勁而且份量好驚人🤩佢係旺角、尖沙咀同大角咀都有分店，冇食過嘅朋友推薦比你😗下次試吓！-講返黃埔呢間先，小編由佢舊店食到佢搬新店😎味道始終如一🤤依家新店闊落好多，坐得舒服啲😂不過生意好好中午黎食通常都要等位～食物方面，餐廳有各款刀削麵套餐😗可以配口水雞、醉雞、麻辣雞或者其他嘅配料。佢嘅所有餸都好大份好足料😍另外仲有涼拌小菜，幾開胃啱曬夏天食！-😋花雕醉雞刀削麵🍜 $60刀削麵可以嗌湯麵或者加$10轉熱拌同冷拌😗個湯底比較清，而刀削麵就好有咬口😍係小編鍾意嘅質地！醉雞勁大份仲有隻蛋🥚食落雞肉嫩滑😋帶有點花雕酒味😎齒頰留香🫶🏻推薦！好味指數：🌕🌕🌕🌕🌗-😋口水雞刀削麵加$10轉冷拌🐓 $60比起湯麵，小編更加鍾意冷拌刀削面，識落更加煙靭Q彈😗落咗麻醬同炸醬，食落仲有少少麻辣好過癮😍有大量青瓜絲同花生非常消暑🤤口水雞係髀位🤩啖啖肉~食落辣中帶香、香中帶麻，食到流晒口水！好味指數：🌕🌕🌕🌕🌖-😋涼拌小菜🥗小編分別嗌咗『涼拌皮蛋($35)』、『涼拌海蜇($45)』同埋『麻辣牛腱($65)

压箱底的超爱的餐厅又要拿出来分享了🤭53块吃到撑是什么体验？？这家刀削面馆是超多山西朋友认证过的，真的正宗+好吃😋正不正宗抛开不说，53一盆刀削面+几块巨大的牛肉+饮料才53、不用加一…这个价格，难怪每次去都要排队……🫠他家腌萝卜是免费送的，自助拿，超级好吃，不用点菜，配着萝卜炫面就好‼️他家刀削面分上汤、热拌、冷拌，个人最喜欢热拌。料我最喜欢牛筋腩～饮品热的免费，冷的➕3元～认真劝告，不论男女，点一碗面足够了，完全吃撑了！点太多真的会吃不了🤫他家叫铭兴山西刀削面，因为太火了，现在好多个分店～我去的是红磡店，离Poly很近，他家内地生很多，本地人也多，可以说是座无虚席～毕竟这个价格，还不用加一，快码住～