銖記海鮮飯店

营业中

休息中

9月15日去到食dinner..好彩之前bk了,如果唔係.一定有排等呀..之前已經bk了一個風沙雞, 但去到先叫個翅都仲有..但我覺得都係一般la,沒有想像中那麼好,不過不失la但個雞又真係幾好味, 又滑,4個人叫了半隻都ok夠,但最好味都係"煱貼小棠菜"好好味ga.下次去一定會食返。4個人食了5個餸,加多個翅,都要6百蚊..大排檔都算幾貴gala...但都可以一試ge..

一行八人食晚飯,預先訂0左雞鄧翅,子母蝦同風沙雞.翅既水準係絕對保持到既,都係入味,清同足料.子母蝦食過啦,冇咩特別.風沙雞先係重點,食0左咁多次,今次係最好食的!!!真係做得到皮脆肉嫩,乾爽無咩油,好好好好得的一隻雞!!至於其他小菜,真係有小小退步囉,睇下個牛柳粒,完全冇曬第一次食0個種味道.仲有,我想叫大家,千其唔好叫佢個霸王蟹!!佢真係呃人的!得一隻蟹,根本無14兩,尋晚因為唔係同d好close的友人食飯,所以都唔好意思出口話隻蟹唔夠秤.我睇隻蟹根本得8兩!!! 佢咁樣就收多0左我6兩,即係54蚊囉!!完全唔得囉,以後都唔好叫依樣餸,又唔好食又貴. ><

早一日訂了位, 預留了一隻風沙雞...伙計下午打黎再CONFIRN BOOKING, 感覺幾好.. 風沙雞: 嘩! 一上台... 流晒口水.. 好多"風沙", 即刻諗起"火舞黃沙".. HAHA..真係好好味.. D雞肉夠晒嫩口.. 回味無窮南乳脆香鱔: 金黃色的脆皮, 包住仲有汁流出黎的鱔.. 食下又一舊.. 食下又一舊... 好好味!! 但個人覺得, 如果唔係點南乳.. 係用蜜糖掃上面, 會仲更加正!!!雞燉翅: 非常足料, $68一盅.. 算係咁椒鹽賴尿蝦: 稱起佢話有1斤, 上台時, 被媽媽揭發唔足稱! 比伙計A聽到, 通知伙計B, 伙計B走過黎話計少返幾兩.. ~ 唔足稱事少, 唔好味事大!!! 但伙計醒目, 加返少少分~~!!仲點了炒蜆, 什菜煲, 雲腿小棠菜.... 水準一般啦..!!~

５個人叫咗半隻雞----唔係風沙雞,但好滑Ｘ○醬花枝片-----唔夠XO醬豉油王鵝腸------無味,唔係鮮鵝腸京都骨--------OK蝦醬炒通菜------D菜好老,又無蝦醬味

環境: 較為淺窄.因為晚市,所以好多人.好彩有訂位,如果唔係都要等好耐.味道: 冇嗌招牌風沙雞,反而叫咗甜酸雞,都幾好食.隻雞啲肉好嫩,仲保持雞肉味.招牌黃金蝦就冇放過,果然好香口,脆到連啲殼都食埋落肚.雞腳都不俗.服務: 可能人多,點完餸要等一陣先有得食.不過不失啦.抵食: 價錢以熟食檔嚟講稍貴,但尚算是合理.乾淨: 與一般熟食檔沒異樣.

10個人食左8道菜...........其中最出色既係盅翅..........隻風沙雞同埋荷塘豆腐...........水準依然.......服務好左.......

有位貴賓提議到這裡來翻炒, 我這個擔當小腳色的, 當然沒有異議的理由, 也可找個借口專程入來試試。雞翅, 菜膽翅各一盅, 我只試了雞湯翅, 湯底夠味且濃, 翅的份量多得很, 用匙撈起也有好幾匙。風沙雞好像是必吃的一味, 預訂了半隻, 從外表來看, 蒜粒及雞表皮顏色炸得不錯, 可惜遇著一隻啖啖淡味雞, 骨見紅之餘白肉部份是略淋的質地, 一入口即時與早前估皇弄的咸雞相比... (當然是無得比啦！咸雞雖只吃了一口, 但確實令我回味無窮....！)黃金蝦, 致電預定時是$12一兩, 相中所見一碟8隻, 色香齊備可惜蝦味略遜一籌。西芹腰果海皇粒, 西芹脆綠清香, 伴以魚柳帶子魷魚炒得幾有鑊氣。蒜茸炒豆苗($40), 雖是粗枝大葉型, 但食落仍覺鮮嫩。栗米石班塊, 淋了栗米汁後魚塊仍然鬆脆, 粟米也嫩且甜。加埋白飯三碗, 盛惠$47x食物大致不差, 但除了翅之外, 其他小菜類未算很特出呢。

今晚同個朋友去慶祝生日....要book桌的..個風沙雞都要book的.....5個人食左4個送....半隻風沙雞....個皮好脆...個脾比較滑,同埋個面有好多炸蒜粒.....但係d蒜粒有dd苦.翠塘豆腐.....個底我估係水蛋黎既,...不過俾水蛋硬身...幾好味咕嚕肉.....一般椒鹽肉排.....之前都驚會咸...不過其實都唔會好咸...幾好味...5個食左$53.....大排檔黎講算貴環境好迫....周埋果度有2間鋪既...

去到銖記，一定要吃風沙雞（好熱氣，但間中一次無妨），貴妃炒蛋同菜膽翅。如果假期去，記住早點去，大約六時許，否則一定無位，而且要等很久。以大牌當來說，衛生不算太差。最好是星期一至五去，招呼好點，食物也較好。

19-8-2005 2014工作越來越繁重，辛苦過後當然要拆番餐勁，是日一齊到此處食晚飯。縱使當日非常大雨，在這層熟食巿場依然座無虛席，我地訂了2000，都要等10分鐘，阿姐當然連聲唔好意思，咁我地可以睇定要乜菜式。安頓好以後，大家都各自點了一點菜式，而未落order前，我就出去幫這裡及嫦記映店鋪相。當晚的菜式如下：翅及一隻風沙雞(預訂)、蒜香骨、南乳脆香膳、黑椒牛柳粒、雲片四寶蔬、椒鹽九肚魚、沙薑雞腳、魚香茄子煲及油浸荀殼魚。翅除了主角及豬肉外，還有白菜及少少豬肚，菜係淋身但不致於黃到老，不錯；油浸荀殼魚全檯得我同另一位同事掃清，佢地一來唔係咁食魚，二來個樣麻麻地，不過我覺得不錯，基本上除了大骨之外，成條清袋，味道及肉質還比職業樂師同樂(意盧)出色，值得推介給大家；南乳脆香膳稍為炸得不夠香口及徹底，不過配合南乳醬一齊，就可以補償番；黑椒牛柳粒的底部係用了西蘭化，牛柳還有腰果，還可以叫得過。椒鹽九肚魚份量唔多，不過每舊都有番咁上下大，上面還加了少少炸過既蒜蓉上去，可以一叫；風沙雞真係好風沙，與翻炒東寶聚係天與地比，雞都有少少肥，並未去到我咁暴肥，雞幾滑及有些少味，至少不是雪藏，可以放心

中秋節同班朋友仔出來食飯, 六點鐘到開始唸去邊度食飯, 有朋友提議到跑馬地大排檔, 都好呀, 可以平平地食飯. 去到一開lift門, 嘩, 真係嚇一跳, 成幾個人圍住我地, 好以去睇樓咁..... 終於是但到一間, 一望就係銖記喇, 再望下個menu, 都好似幾多款喎, 一時之間花多眼亂, 好在侍應哥哥好pro, 介紹左好多特式小菜:風沙雞翼: 好香口, 不過其實唔係好知應該要係咩味, 係蒜茸味定其他味呢???? 唔知喎.... 因為講真個雞翼係得香口兩個字, 唔係"咸"又唔係辣, 平時食鹽焗雞起碼都會真係feel 到係鹽焗ar, 但係呢隻雞呢, 真係唔係好知點解會叫風沙雞...所以只可以話係ok子母蝦: 侍應哥哥推介之一, 係一隻蝦上面饟左蝦膠, 最特別係蝦膠入面有一粒支皮蛋，原意應該係令隻蝦食起上來無咁油, 但係美中不足係唔多食到皮蛋味, 因為太細粒, 所以唔係好起到預其中的作用....另外, 我仲食到隻蝦好似係用咸蛋黃包過, 有少少咸蛋的香味, 但係同行友人就話無喎, 所以唔知係咪我feel 錯....炒蜆: 味到都幾濃, 但係唔係得個辣字o個種過, 都ok啦, 不過都係唔夠上環

朋友的最愛飯店之一, 大家OT 過後便過來, 點了2盎翅, 半隻風沙雞及一隻瀨尿蝦~翅十分足料, $68一盅也是物超所值; 風沙雞的雞肉夠嫩, 可惜上面的風沙不夠乾身, 而且2個人吃半隻雞好像太多了; 至於瀨尿蝦是侍應的推介, 果真是大大隻, 一開三已夠我倆~, 調味也好~第一次來跑馬地, 食飽再漫步, 真的好舒服呢~(23.8.2005)

原先想去LammaIsland食海鮮補祝生日, 不過恐防有人收唔到早所以計劃有變, 近近地就入食海鮮同小炒.風沙雞一隻- 肉地好嫩, 不愧為招牌菜之一.粉絲蒸扇貝- 蒸老, 仲有好多沙石...豉汁炒蟶子- 個汁太濃稠, 不過蟶子係細隻, 比大隻較鮮甜.椒鹽賴尿蝦- 賴尿蝦比預期中細隻, 而且好鬼鹹子母蝦- 海蝦個肚釀舊皮蛋, 串住炸, 點甜酸汁吃, 個人覺得皮蛋同蝦無互相幫助, 似乎有多餘.金銀蛋炒覓菜- 勁多雞蛋, 不過都okay.加埋青島, 雖然唔特別好好食, 但都滿足....不過唔方便傾計, 食完拉隊過Brown飲過!

3個人, 叫左半隻風沙雞, 泰式煎蝦餅, 沙拉蝦角, 通菜炒肉片, 2碗白飯, 3枝汽水, 埋單一人一百都唔駛. 大至上都ok. 唔錯o丫.

上星期晚和太太到銖記吃晚飯，當然要book檯兼訂番兩個翅啦。7:00pm到，有位…先來個翅，發現油比較多，翅的份量比嫦記多，味較濃。再來風沙雞…唔係咁掂呀！雞肉冇味，鞋口唔滑。再來炒通菜，唔知係唔係個師傅儲埋D單一次過炒，碟菜足足等了35分鐘，又係好油。跟住牛腩煲，好味！取回分數…但都略油。總然之，o個晚乜都油油膩膩。服務方面，開始時為免你過檔嫦記，梗係笑口噬噬，但一坐定定，態度90度(未至於180度)改變，好鬼cool!所以話有D失望。