銖記海鮮飯店

营业中

休息中

朋友將有兩星期冇假放冇飯開, 所以今晚就來個瘋狂雙城(銖記+嫦記)飲食之夜. 狂叫狂試狂打包. 感覺係兩間d野食都唔太得, 仲差過東寶. 先講銖記, 試左:紅燒翅 - 翅少芽菜多, 湯底唔夠濃, 麻麻.招牌子母蝦 - 大蝦開邊釀入皮蛋再炸, 夠香多膏又彈牙, 幾好食.砵酒焗蠔 - 夠肥但唔夠砵酒香, 加咗原粒胡椒, 怪雞又影响口感.豉汁蒸白鱔 - 白鱔本身幾爽嫩, 但太重豉汁了.食物普通, 價錢又唔算平, 試過就算.

去銖記吃：1. 沙拉骨：沙拉汁沒有過甜，黏度合適，水和生粉份量配搭得宜，溫度夠熱。2. 金牌風沙雞：金牌風沙雞是銖記的招牌菜，我們要了半隻（８８元）。雞皮過油至金黃色，色澤金黃平均，上枱後仍然皮脆，肉質不夠嫰，稍嫌鞋口，而且過鹹，不過很入味。入味跟過鹹，其實可以吃出分別。以前在大陸吃過另一種用三黃雞造的風沙雞，雞肉有點蔬菜清香，銖記卻差了這股菜味。另外，不知是否近來雞貨來源有問題，我去過香港另一些老字號食肆，發覺雞肉也沒有以前好。至於「風沙」蒜粒炸白飯魚之類，很香脆，拌飯吃一流。3. 油浸筍殼魚：很久沒有吃過油浸筍瞉魚，這味菜很難做得好吃，油溫過高會使筍瞉魚魚皮脫落，最可怕是出現「外燶內生」的情況。油浸筍瞉魚的作法挺講究，先要把筍瞉魚放進八成熱的熟油油鍋，把鍋拿起做冷卻；再把油加熱，再冷卻；重覆數遍，花時間功夫。很多餐廳乾脆把筍瞉魚用滾油炸了，混水摸魚，把魚身炸乾，吃不到筍瞉魚的鮮嫰。但銖記真的用油浸方式煮熟筍瞉魚，魚皮像紙薄，輕輕一刺，可以聽到清脆的爆破聲。魚肉軟綿綿，水份多，像剛熟的刺身。這種魚很回味，有炸魚的香口，又有蒸魚的嫰美。這次銖記之行，最大收獲就是吃到這條油浸筍殼魚。反而

早前到上海出差的時候, 友人帶我去FOOD 1309食, 見識了道地的上海菜。 上星期友人連同老婆仔到香港SHOPPING, 我當然帶番佢食D好野LA~佢中意食海鮮, 又會食魚翅, 所以我問0左佢, 佢唔MIND去食大排檔, 就即刻決定要帶佢去食銖記. 早一日BOOK0左位, 重訂0左雞燉翅、風沙雞同大蟶子。去到, 都要0左一陣先有位, 星期五的晚上, 好多人呀! 哈哈, 係我等位的期間, 有人話我知有位, 我咪即刻坐LOR, 典知, 友人問我, 我地唔係食銖記咩? 睇一睇個MENU, OH! 原來係嫦記既枱來的! 友人不愧係"不馬喂"既高層!!! 哈哈, 什麼是都逃不開佢既法眼呀講番D食物先~個雞燉翅一鍋, 好似係268蚊, 一大鍋, 3個人, 食唔曬咁滯~ 真係好夠火喉, D湯好清,好香雞味, D魚翅一梳梳, 正正正! 應該係完全無落味精! 我每來銖記都會食的~風沙雞要等0左好耐先黎, 不過都係好值得,因為佢真係即做, 個皮好脆, D肉好嫰, 加埋D 好香既炸蒜, 正正!豉椒炒大蟶子, 好大隻, 每人一隻~ 要食好多啖先食得曬~ 蟶子好新鮮, 不過下次想食清蒸, 因

昨晚同家人去吃飯。老爸話生果金派了錢，請我們去吃一頓。太太係第一次去。叫左一窩菜膽翅、風沙雞、黃金蝦、豆腐蒸帶子、咕嚕肉、炒通菜、炒鱔同埋鯪魚球。總共埋單870元。除番7位即係每人125左右。窩菜膽翅，都分到每人兩碗仔。清清地幾好食。其他大部份菜色都幾好食，尤其係黃金蝦同風沙雞。平時好多野講的小肥都食到靜英英唔出聲，就知道野食好得。仲有係唔使加一或者畀貼士。

時常聽人說，跑馬地的熟食中心很特別，有翅重有鮑魚食，今日就特登走到這裡來看看。這裡有2大飯店，一間叫銖記，一間叫鏛記。今日就選了銖記一試。今天和我的好友兩人到來，但為了試菜，唯有發揮我們大胃王的力量，一口氣叫了兩盅雞炖翅，一個風沙雞，一個豉椒炒蟶子，窩貼小唐菜，和馬介休炒什菜。老實說，雞炖翅足料，雞湯好味，翅又多，但係其他菜色就比較普通。如窩貼小唐菜為何那些蝦"交"沒有蝦味，唔問都唔知係蝦肉。風沙雞來說，那些蒜一早炒定，放上已微涼的雞上，並非特出之作，豉椒炒蟶子，老實說，蟶子頗新鮮，但豉椒的味道很淡。總括來說，只有雞炖翅較值得推介，其他東西並非想像中那麼好。

星期二落機，　星期六男友一家人同本小姐食飯兼洗塵係ｃａｕｓｅｗａｙ　ｂａｙ睇完戲都差唔多８點，再等埋的士去到都８點半未來大姑爺話呢度好出名食翅，仲話有次見到田雞同肥仔聰ｔｉｍ我地７個人叫左：雞墩翅 - 味精重手左少少, 不過d翅都幾爽黃金蝦 - 完全唔掂呀!!! 都食唔到d咸蛋黃味...仲要成200蚊...風沙雞 - 男友話最好食呢樣, 不過可以我剩係食左一舊仲要食中雞胸...好"鞋"...黑椒牛柳粒 - 佢地都話好食, 我唔係好食牛, 不過食d西蘭花都覺得個sauce唔錯豬頸肉 - 麻麻地, 太乾又唔爽...不過個wasabi sauce好味豆腐煲（唔記得跟咩，太遠睇唔到） - 都係一般, d豆腐唔滑反而我覺得個環境ok, 唔算太迫 (可能我地7個人坐大檯)話哂係街市入面有冷氣又乾淨, 都算係咁啦!overall都係so so, 下次再去的話一定要做多d research, 剩係叫d招牌菜先夠穩陣!!

同媽咪慶祝母親節, 原本book左食自助餐, 佢老人家嫌太貴, 結果決定改去銖記.我地叫左:酸辣翅 - 唔酸又唔辣, 哈哈, 我講笑,話不如叫呢個做"勁厚獻既翅"啦! d翅只係普通BB翅仔貨色, $168蚊一碗唔算抵食; 豉椒炒聖子(例牌) - 聖子冇沙, 幾爽口, 豉椒好野味不過幾咸, 而且d肉甩哂出黎(想問下大家究竟係佢炒得太大力, 定還是d聖子唔新鮮呢?);避風塘膳球 - 膳球炸得甘香, 唔係得個辣字, 不過又係好鬼鹹; 椒絲腐乳炒通菜 - 冇腐乳香亦見唔到有椒絲, 味道一般; 花螺 - 螺肉夠彈牙, 唔使點海鮮醬已經好鮮味, 唔錯;蒜蓉粉絲蒸開邊蝦 - 蝦頭係好靚既粉橙色蝦膏, 唔會黑mun mun唔新鮮. 食落幾鮮甜, 推薦;陳皮蒸鮑魚仔 - 鮑魚算大隻, 陳皮好香, 口感一流;京都骨 - 簡簡單單, 普通家常小菜味道.全部"送"都屬於幾咸仲幾重味精, 服務一般, 我覺得可以黎試下海鮮 (碟頭算大, 唔覺佢呃秤). 至於其他小菜麻.....我相信出面都仲有好多選擇既. 翅就算把啦, 除非你唔介意俾咁既價錢過口癮的話.....

個個行埋里都係咁sell啲海鮮, 不過都算有禮貌, 哈! 我無就範 蒜蓉粉絲聖子, 老咗啲, 其實愛里整sashimi應該仲正油浸旬殼魚, 炸得好透, 連頭尾連鰭食埋, 係個士油淡咗啲xo漿四季豆, 好冶味好送飯, 不過如果做到乾扁既效果更好菜膽翅湯清甜多翅(雖然係翅邊),六十幾無complain啦環景唔使講啦, 好在夠冷氣夠乾淨

有嫦記同銖記,都唔知邊間好,擲公字!哈!去左銖記一叫係風沙雞,炸到乾,味道一般,得個咸字..跟住係炒聖子,又係一般,d肉甩哂!味道又係…咸!炒菜心,大大碟,鑊氣都有,唔好話我樣樣彈!生炒骨,ok,不過不失!我都經常在跑馬地食野,好多好野架!銖記想生意好就唔好再是但炒,唔係想旺都難!

與一班老友起跑馬地探完朋友, 近近地醫肚(前一天已訂台) :菜膽翅: 份量OK夠7個人分風沙雞1隻: 味道中規中舉炒聖子: 咸~ 多殼少肉,D肉唔知去晒邊風沙膳球: 以為好似風沙雞甘,一來到嚇親,同D四季豆/冬菇/蓮偶炒埋一堆,又超咸~ 簡直羅命鮑貝扒豆苗: 全晚最正常好味帶子花枝炒西芹: 正常龍井蝦仁: 成碟每人一粒半生炒骨: 差~ 份量少到爆,茶餐廳小菜套餐都多過佢以佢唔算平既大排檔價(少極都成60幾蚊碟),份量少到嚇死人,味又超咸,我地個日係平日,水準都差成甘,可想而之佢旺時會點

We had, amongst other things, 風沙雞, 子母蝦, 雞敦翅, 豉椒炒聖子, 紅燒豆腐風沙雞, 子母蝦, 雞敦翅= good豉椒炒聖子= ok紅燒豆腐= nothing special雞敦翅has MSG ar..quite salty too..Overall still pretty good.

翅　　　　　　　　雖然是招牌菜，但似湯水，如換上螺肉更好（翅根本是沒味道）一口牛(侍應推薦)　沒有驚喜，同牛仔骨一樣，只是加了酒，可以一口食，但油膩風沙雞　　　　　　要訂的，風味不錯，但太肥/油了，似新鮮＋冰鮮的混合體枇杷豆腐　　　　　味道不錯椒監九肚魚　　　　幾惹味整體上不過不失，但沒有驚喜，同名氣相比，本人覺得有點失望

今日上完山頂, 泊低架車o係馬會就黎左呢度食飯, 叫左雞燉翅, 味道ok, 不過咸左d, 風沙雞幾好食, 係無乜雞味, 最好食係燒豬頸肉, 另外仲叫左d小菜, 無乜特別, 六個人食, 埋單六百蚊, 都叫抵食, 如果唔係要求太高, 一人一舊水其實都食得過!

第一次去食跑馬地地街市，地點是友人食過話好味的銖記﹗呢度個menu就係大賣呢個飽魚王子輝哥，我唔知佢係乜水，不過都影低佢啦﹗呢度最出名應該係食翅，我地就叫番一盅兩個人share，有味精，幾咸，翅當然不多，盛惠70大元﹗點了兩個送，一個XO醬炒魷筒，少少辣，幾野味，亦都幾大碟所以都係食唔哂，三四個人share會更好﹗另外一個係咩濃情菇菇炒豬面燈，就係見佢個名夠哂騎呢先叫，好好咬口及彈牙0的豬燈，送酒佳品﹗價錢都不平呢度，始終都係高尚地點，不過人一世物一世都試一次啦﹗

上星期日６３Ｏ到銖記食晚飯，叫了一碟炒菜，油到不得了，用了所供應的茶勁洗，才能吃下去，待應哥哥十分醒目，給我一大ｂｏｗｌ熱水洗，十分体貼，跟着是風沙雞，味道很淡，沒有雞味，吃了兩塊便放棄，跟着是蒸龍躉，算是最好味，肉質鮮味，最後是雞燉翅，料多但味淡，普通而已。同塲加演銖記与嫦記爭客大龍鳳，相當有趣，本人對環境亦不敢恭維，空調十分不足，吃完後就匆匆離開，另外本人正將餘下食物放食物盒之際，帳單已放桌上，那位阿姐站在一旁等待我們結帳，大家想想這是甚麽的服務態度。不打緊，我們也不会再光顧它。