銖記海鮮飯店

营业中

休息中

20050626 8.30pm朋友安排我1/2 個的生日飯局, 跟同是六月生日的好友A小姐一齊慶祝.上年都係類近陣容同一地點.total 7個人, 食o左-* 雞燉翅x 一鍋(pre-order) - 翅細塊o左好多, 又少o左, 雞湯太油. 講完. 但我還是飲o左3碗wor. 雖然個人覺得菜膽翅比較正.* 風沙雞x 半隻(pre-order) - 好乾, 唔得.* 子母蝦x 8隻(pre-order) - 蝦內藏皮蛋, 有朋友甩底放鴿子, 多o左一串, 都幾唔錯, 連蝦頭都卜卜脆.* 濃情雙菇豬面登- 乍看還以為是周華健的新歌歌名, 改菜單名的那位仁兄很明顯是愛搞gag 的. 豬面登肉很彈牙, 惹味小炒一碟, 不過洋荵太多菇太少.* 唔知咩瀛風鱔球- o黎親都食, 好食到欲罷不能. 鱔鮮美豆爽甜.* 白飯數個* 可樂x 6支大裝中途, 發生了一個畢生難忘意外, 因為鄙人坐o既位置於檯開邊, 亦即上菜位. 總之, 因為有侍應上菜, 我避開埋一二邊, 然後, 整碗雞燉翅就入晒我個tote bag 度!!!!!!!! 之後, 發生了更加邪門的意外, 黑到痺, 不過不在這裡細表了. 唉~雖然

味精都相當大量, 不過好夠鑊(熱?)氣, 耐唔中食下都無妨.P.S. 當日見到陳鍵鋒添, 相當靚仔, 做警察就唔似喇, 做機師似D.

同幾個同事黎食晚飯，預先order每人一盅雞燉翅，佢又真係落足料，抵讚!叫風沙雞，個皮好脆，但雞肉有少少鞋!又叫左個咩蝦，隻蝦都幾大，味道偏鹹!!牛肉粒幾好味，唔係好"un" !!生炒骨，幾好味!好似之前個食評，真係細碟少少.....食完佢d野覺得好口渴，味精都幾勁!!

一句講晒高下立見不講其他只講風沙鷄同埋鷄燉翅銖記就嬴嫦記幾條街唔講嫦記喇唉!!都無謂講啦講到幾咁掂原來都係不外如是!!! 相反銖記就唔同喇名厨坐陣果然不同凡響嗰味風沙鷄 真係沙中自有黃金鷄喇不可不試!! 鷄燉翅......嘩!!好好味呀足料炮製必食推介!! 不過嫦記也不是全無優點的就係唔使等位去銖記分分鐘等位等到你"炆"架

都差不多幾年(三年幾啦)無去. 無舊時咁好食. D翅偏鹹; 風沙雞D胸就幾鞋+同好乾; 個XO 醬吊片不錯; 涼瓜瑤柱蛋白好食...不過要遲一排先會再去, 因味精都好重下...

三月十九日，星期六的生日飯。。。爸爸生日，近近地，走去銖記，四個人，八點半到，不用等位。。。叫咗： very 油，要隔咗成碗油先開始食，味道不錯，飲完已經飽飽地。 好味道，很香脆，但，肯定勁多味精！ 冇特別、菜一碟。 其實係沙拉豬扒先真。。。冇乜咬口，汁很稠，好滯，都係好多味。。。精。 等左四＋分鐘先整好，冇心機食啦，而且很普通的雞一隻，隻雞冇味又太熟。四個人，四百七十一蚊，不太貴，但之後勁口渴，超多味精，好唔舒服呢！下次都係去東寶至掂。

20050129 9pm臨時決定去銖記食翅, 其實我係好怕臨時決定先o黎呢度食飯, 有時dress up o左咁會唔太方便, 最緊要係食唔到菜膽翅同埋風沙雞丫麻~ 唉~2人吃-* 紅燒散翅($98@) x 2 - 碗上, 散翅唔算足料, 個底有一半係芽菜, 呃稱! 都係菜膽翅好, 翅梗係一塊塊咁食先開心o架o麻~ 同埋勁飽肚, 用麵粉煮個獻lor我懷疑.* 鯪魚球煲x 1 - 食完個翅都飽o左70%, 呢個係要黎清腸胃, 基本上, 呢個係街邊的生菜魚肉, 用煲上lor.......* 蓮藕同唔記得咩燒汁鱔球x 1 - 呢個"店自慢"鱔球當然係好味啦, 清晒碟.* 青島x 1食到中途阿姐話有個客放飛機有個風沙雞問我地要唔要, shit! 早響丫! 鬼食得晒咩!~ 仲有今日o的味精好勁, 食完, 口好渴.埋單$3XX

我christmas嗰日同bf and細佬試咗個翅好正六十幾蚊盅有成四五疏翅仔個湯幾清都幾大盅不過,個風沙雞就冇乜特別只係炸子雞+金蒜而且啲肉有少少鞋另外,就叫咗個百花釀小裳菜佢將小裳菜切碎再撈埋花膠一齊炸個味道幾好食不過,幾肥膩另外,仲叫咗個西蘭花花枝片個送冇乜特別同平時食開一樣囉3個人食咗$41x其實,佢啲送算係偏貴唔算平

記想當年真係好好味，尤其是係隻風沙雞。可惜現在的確不及當時勇，早兩日食隻風沙雞，乾爭爭，鞋烚烚，直頭唔入得口。以為只係隻雞偶有失手，點知食個翅湯，真係好似滾水加少少咸味咁啦！完全飲唔出係翅湯，真係豈有此理！再來多一個中式牛柳，啲味濃到自己都唔知自己食梗啲乜。銖記家陣時點解會咁唔掂？？？

以前會覺得佢D翅呀....風沙雞呀....超好味....有時都會突然間好掛好住...好想食....但係自從佢紅左之後....份量細左...價錢貴左...服務差左...味道都冇以前咁好....我相信冇人鐘意貼錢買難受....何況隔離嫦記又爭氣....再加上中毒事件.....種種種種...我都唔想再去啦....令我懷念既....只有果個風沙雞....始終都係佢最好....但係咁貴...隻雞又咁細隻...都係留為記憶算啦....

有D地方，會有一個總要去1次的形象，但去過之後，會發現，亦都只係會去1次。因為去開打波，又有人無拉拉提意，咪就腳去。但由食到食完，位位都慢手慢腳唔起快咁。成餐飯食得最多的，係碗飯。點跌watt法？脆鱔，以前本來都唔叫做特別好食，而家直情變成脆粉咁。死味？

琴日同男朋友慶祝生日, 聽d朋友介紹銖記點好點好, 咪不妨去試下law。o華, 一出lift, 銖記同嫦記d伙計就晌度爭客啦。我地order左兩盅雞焞翅、半隻風沙雞、一碟碧綠帶子鮑片同埋兩枝大可樂呀。我地最欣賞係個雞焞翅, d湯好清甜, 都有幾"saw"翅仔, 價值$68一盅, 我地覺得咁o既質素, 呢個價錢, 叫做合理。至於o個半隻風沙雞(價值$80)都唔錯, 係胸位較"high"呀, 我最鍾意d炒香左o既蒜粒, 好香呀。最普通o既都要係碟碧綠帶子鮑片啦, 好淡, d帶子又細粒, 但係要成$120, 真係唔平呀。

18 June 2004, 8pm生日飯第二餐10個人, 食o左咩? 最出名果o的lor, 我覺得個魚善球得手, 同埋雞燉翅好掂, 我一個人隊o左兩碗, 反而個霸王蟹就好麻麻. 最搞笑係撞到朋友響隔離嫦記, 呢個世界真係細.

今日係我第一次黎銖記食,下午同屋企,共6大2小,0係銖記食0左個唔錯0既午餐~我地叫0左一窩雞翅,半隻風沙雞,一碟帶子西蘭花,一碟炒牛柳粒,2碟蒸魚(因為條紅較細,所以要2條),另外加2杯咖啡~總共食0左六百几蚊.個翅都ok,因為好平,二百几蚊但一大窩,我地咁多人食都夠食,翅雖然唔係好靚,但勝在真係翅,份量足,價錢又平,掂丫~個風沙雞好多蒜頭,0岩哂我呢個蒜頭怪!西蘭花帶子中規中矩啦,d西蘭花唔太入味.個牛柳粒都ok.2條魚就最好味,好鮮好嫩,唔錯~咖啡都ok,不過唔夠濃.食完飯,阿姐仲送0左窩例湯過我地,唔錯喎~

兩人晚上約八時吃飯, 本來想去彭慶記, 竟然平日都要等到九時許才有檯, 轉了去這間, 反而不用等位! 點了翅(68), 小炒王及八珍豆腐,前兩者的味精很重, 小炒王很一般, 主要是九菜及芽菜, 蝦乾及魷魚只有少許呢! 與深水容記的相差很遠,八珍豆腐夠熱, 但質素只屬一般, 吃後口乾及有點不服呢!我們只有兩人, 沒有叫招牌菜風沙雞, 我想這味雞尚能保持水準吧, 因八時許已沽清!