銖記海鮮飯店

营业中

休息中

原本只係想求求其其食一餐就算；點知打電話訂檯果陣，阿姐問要唔要訂雞燉翅，風沙雞同鮑魚；小妹見佢咁有誠意，竟然全部都話要(埋單果陣俾錢果個o米肉都赤晒lor~ ;p)。就咁，一行4人就食o左：(1)雞燉翅($268)：湯底類似鳳城果D，味道比較清淡；但都算有幾多梳翅，4個人每人都分到兩碗翅，都幾抵食o既~(2)風沙雞半隻($80)：幾乎檯檯都叫。但小妹覺得味道唔及東寶，雞也略嫌太乾身。(3)馳名輝哥鮑魚(細$388)：細鮑魚大約有一個小飯碗咁大隻，講明唔係吉品鮑而只係南非急凍鮑，當然唔會期望有阿一果D糖心吉品鮑咁o既水準。不過呢度個鮑魚汁其實整得唔錯，炆得好入味，鮑魚都幾煙韌；以咁o既價錢o黎講都算抵食。(4)菠蘿生炒骨($45)：好味，不過幾細碟~(5)薑汁炒芥蘭($30)：芥蘭好靚，炒得青綠而嫩身；不過略嫌唔夠薑味~環境方面，街市環境，檯與檯之間都幾迫，上菜果陣有時都有D驚險場面。服務就比想像中好，D阿哥阿姐都幾友善。當晚係星期日，好在我地訂6點半，唔使點等；走果陣差唔多7點半，門口已經有成幾十人等緊位，都幾巴閉~~

好例排叫左個雞燉翅,仲有元貝,蟶子...叫左六個送啦。但雞燉翅d翅好少囉,元貝又細隻,感覺上唔新鮮,而蟶子又唔夠味...去到咁遠食,仲要係街市上面,好唔抵,結賬盛為六百!

銖記真正tel:2574-9937希望各位唔好再比泰記的人及你電話啦!!

首先想提提, 聽電話果位亞姐認真唔好路脾啦,唔通真係應份既?事先order左雞燉翅同風沙雞,再叫左小炒王(餐牌上註明不可不叫),豉汁蒸鱔雞燉翅好多翅,湯底幾好味風沙雞唔夠熱,太肥(有好多黃色肥膏痴住><),皮尚算脆, 雞肉唔滑小炒王-無乜特別, 有d白飯魚仔咁豉汁蒸鱔,普普通通, 但鱔算新鮮咁就食左成五百蚊, 有d唔抵

Already booked a table one week before hand, but very disappointed to have waited for about 45 mins! The services is really bad, the staff is x rude.Only the Shark Fin Soup tastes good, other famous dishes, e.g. Chicken is not fresh & not crispy at all, & with lots of chicken hair!

其實唔只係晚市好味咖! 我最愛係佢地o既福建炒飯，冬天o既下午食左，成個下晏個肚都暖笠笠咖!又大碟，價錢又合理，o係跑馬地算係咁啦! 雖然佢地係大排檔，但其實d食物素質同酒樓平起平坐咖!

上星期四晚同班同事來吃，唔知係唔係因為明星效應的關係，實在墟埳得緊要，一早訂左位都要等多30 分鐘至可以入座，都算幾誇張！<br>菜色種類不多，所以都係叫番係人都叫果d，雞煲翅湯，風沙雞，炸小棠菜，蒜蓉蟶子，避風塘炒蟹等。雞煲翅湯算係其中比較好的，份量十足兼有幾多翅，湯底也不是太「味精」。風沙雞份量奇細，食落似雪歲貨，最唔明係仲要一早訂定，其實要吃好味風沙雞請到東寶。炸小棠菜好鬼油膩，味道又無什特別。蒜蓉蟶子佢話係大蟶子，但照睇最多係中蟶子，味道都算OK。避風塘炒蟹完全唔掂，只是一般水準。<br>埋單位位二佰蚊，算貴。這樣的價錢同水準還有大把選擇，唔值得專誠搭車入跑馬地食。

The correct tel. no. is 25749937. The no. stated above is Tai Kee but not Chu Kee

聽得太多跑馬地大排檔如何好食，終於慕名而來，結果失望而去。我們了馳名的雞燉翅、風沙、芙蓉，另加生妙骨、椒鹽白反魚、黑椒牛仔骨及兩個青菜，雞燉翅不過不失，那些翅並不是正魚翅，而是平價翅俗稱魚唇，風沙只是一隻沒有雞味的炸子雞，再加大量炸蒜蓉，芙蓉時價計$8/，伙計拿了一只我相信最多只有九重的平價花給我們看，說剛好一斤重，算啦，出街食飯預左係咁啦，那知埋單要$180元，唔係$16*8=$128咩，細問之下才知要另加$50元油料錢，有攪錯，我依家又唔係來料加工。而其他小菜例如生炒骨，味道不合格，很多大排檔比他出色，在傳媒吹虛下當晚爆滿，我不知道有多少人會再來，但我一定唔會。

雜誌效應, 見到成日介紹呢度, 終於試過了！真係吾錯喎！呢度好鬼多人, 記住訂位. 魚翅同風沙雞都要一早訂嫁.魚翅真係好大份, 好抵食. 咁Ｄ翅就梗係吾係貴翅拉.但味道都幾好, 係有小小沙. 記住趁熱食, 凍左會有小小腥.但咁豪, 咁大碗大碗咁食翅, 又確係好開心既！風沙雞～香口, 惹味, 非常好味！又係必食.其他小菜都好有水準. 我地試左上湯豆苗, 炒蟶子, 炸小堂菜.全部清哂, 真係好好味！呢度o係街市黎講算好乾淨. 廁所都ok.不妨一試呀～！

【開飯喇☆老友記】<br>YK Fat 經常出沒的地點" .. In the past few weeks, I always visit "大學食肆" and "街市熟食擋". This evening, I've my dinner at Happy Valley wet market "嫦記". Their "Double Steam Shark Fin - 燉雞魚翅" Only $68 per person. 價錢大眾化,品質又好的食店..No Gimmick!!<br>oops!!幣! 呢度唔係"嫦記", "嫦記"就係銖記隔離!!<br> <br>