銀杏館 婆婆廚房

营业中

休息中

知道這間商場的頂層有家社企餐廳, 隔了很久終於能一訪.午餐以半自助式進行, 大概有6款沙拉菜, 亦有糖水, 白飯, 白粥及茶飲任加. 主食價錢由大概58元起跳, 十分合理.店外都有些室外座位, 但在這個炎熱環境下, 還是留待秋天吧.食物味道正常, 有家的感覺, 走健康路線, 平平實實的.看到這家社企有聘請不少長者, 令他們能自力更新之餘又帶給社會生氣, 有種莫名的感動. 如此有意思, 真的要多支持!

銀杏館於油塘大本營開業半年，在天台花園的角落，設有室內及室外的座位，環境挺好。不知不覺在醫院期間已有半年，終於出院，之前無聊時在OpenRice查到這間餐廳，有機會過來看看，工人推著坐輪椅的我找電梯，原來紹香園隔壁有直達天台花園的電梯（不是在巴士站隔離），當日天氣大熱，我不是看到室外位置有點合拍，幸好室內環境舒服，剛好過了最繁忙的時間，裏面的侍應哥哥很好人，立即調整空間讓我駛誰去。餐牌上的有素食及肉食小菜，價錢有$50多至$98不等，包沙律吧、任裝白飯、湯、飲品及咖啡。若不要小菜，享用自助吧也需要$48餐廳內的侍應們全是上了年紀的婆婆公公，對我10分關顧，主動幫我浸了柑橘水飲，味道清甜，菊花茶更是生津解渴！婆婆公公服務態度很好，笑容可掬，對我來說，挺親切的。這裏主打蔬菜或食材是有機的，沙律配菜清爽鮮甜，有黑醋或千島沙律選擇蒜心炒牛柳$68：味道濃郁，牛柳軟軟，熱炒，餸飯幾好的，比較油，分量可接受，他們說如果晚餐的話，價錢雖然貴些，但份量會更多香墇茶鴨$98：份量較多，新鮮炸起，其實對我來說更普通烤鴨味道差不多，但配有旁邊那個酸酸的醬汁，也是一款很開胃的菜色。不得不提這個足料素湯，我足足

餐廳位置起大本型天台花園，分了戶內外座位，餐牌有單點和套餐選擇，屋企人鐘意食中菜就真係岩！入面仲有自助沙律吧同糖水，我地揀左３款小菜，沙律選擇唔算多但基本野都有，有時覺得多款係好開心，但珍惜食材更重要！侍應婆婆好熱情，推介左幾樣菜俾我地，最後叫左古八味椒鹽有機豆腐、樟茶鴨同家鄉小炒王，古八味我唔知係咩，但椒鹽有機豆腐我知～哈哈！豆腐都幾大舊，外面炸得微脆，入面就嫩滑，上枱仲係熱辣辣！樟茶鴨聽講係老師傅嘅拿手菜，我地都係第一次食，佢地話係燻鴨一種，用上茶葉同木去燻，令到鴨肉吸哂佢地嘅香味，對於哩道菜我有啲期待～上枱見到啖啖肉，就已經胃口大增！原來燻鴨嘅皮係會有種酥脆感，而鴨肉都叫嫩，鴨肉本身都有一陣騷味，唔係人人都鐘意，但咁樣整，多左茶香味~某程度係另一種味覺體驗~哈哈!最後一道係家鄉小炒王，即係大雜燴咁～惹味無比！好多人都唔鐘意韮菜，但我地一家人就好喜歡～入面有D銀魚干,蝦干同腰果等等~其實真係一道下酒菜哈哈！講起下酒菜就順帶一提喱道都有酒飲，侍應話係由麥子釀製嘅柑桔手工啤，仲係用佢地自己農場嘅柑桔，只此一家，哈哈！可惜家人唔飲，所以決定下次同朋友嚟就叫杯一齊啤啤佢～

早有聽聞銀杏館係一間支持長者就業嘅香港社企，早排適逢母親節，媽媽提議近近地幫襯下銀杏館，試試佢地嘅家常小菜，媽媽叫到咁一定要成家一齊去支持下餐廳位於大本營天台花園，媽媽話室外座位幾靚幾好坐，但可惜當晚天公不造美，落著毛毛細雨，唯有改坐室內～一行六人不用多想，就叫六人套餐，包各款小菜、田園沙律吧、飲品吧、白飯同養生素湯前菜係麻辣木耳同手拍青瓜伴海蜇，味道比較清淡各款餸菜味道都唔錯，有住家飯嘅味道最欣賞係冰梅春蘇骨，酸酸甜甜好開胃；套餐裏面嘅蔬菜比例好足夠，啱晒一家大細黎食；素湯無使用肉類都十分鮮甜～長者侍應服務殷勤細心，仲係咁問我地洗唔洗添飯媽媽食得開心，我地都好滿意

今日去左油塘婆婆廚房食晚飯，天氣雖然熱左～但可能因為天台的關係～陣陣微風吹來都幾舒服！哩間鋪除左散叫小菜仲有多人套餐選擇，如果揀套餐仲可以任食沙律吧和飲品，沙律吧有個涼拌大豆，辣辣地好好味！是日糖水仲要係我最愛的蕃薯糖水！忍唔住起餐前先食一碗～哈哈！我地一行五人～計過揀套餐更抵，四人餐除左有前菜、湯同有機菜之外，仲可以揀四個小菜，睇落好豐富～到上菜個陣直頭唔夠位擺～哈哈！每碟份量偏大，平均每人$150左右，晚餐來說挺划算。朋友指定一定要叫水煮魚！話上次嚟食好好食～一大鍋水煮魚滾住食～好正！辣度對於唔食辣嘅朋友嚟講尚可接受，不過就話要撈飯食消消辣～我自己就覺得岩岩好！魚塊嘅肉質都嫩滑，不過要小心會有啲細骨～可能因為辣嘅關係，大家食下食下好快就清左，不禁講左句：「可唔可以俾多啲魚我～」另一道我地揀了古洞天然醬油雞，好入味！雞肉都好嫩！本人已經夠奇怪～鐘意食雞胸，大家都怕雞胸肉"鞋"，其實都真係好多時都係比較"鞋"～但雖隻醬油雞好滑之餘仲食到啖啖醬油甜味～真心推薦！！然後係有機香葉炒牛柳，嚿嚿牛柳都好大舊，肉質ｏｋ～我就覺得有少少老，但朋友們覺得刪刪好，所以口味真係個個唔同～哈哈！最後翠塘扒

其實銀杏館一直以來都請過好多長者員工，包括我爸爸在內，所以我一直都幾欣賞這間餐廳，他說:其實在這裡工作都幾開心，每個同事同客人都對我好好，好充實。可能我都想同女朋友分享一下呢份情懷同溫馨，決定和她一起走入油塘的這個露天小樂園到食飯！一入到去其實地方都夠廣闊，的確幾舒服。望著一班長者雖然工作中，但每一位都好熱情，笑容都很好，和在出面玩耍的小朋友形成了一種很歡樂的氣氛。來銀杏館的第二個好處是，他有沙律吧可以任添菜同湯，全部都是有機菜，令成餐飯感覺健康左好多。湯的味道很好，不感覺到有味精，亦飲不出會溝淡，湯一直都好清甜。正係呢兩樣都抵哂加左唔小分！因為鐘意食辣，今次叫左回鍋肉及炒四季豆。回味川式回鍋肉 $88欖菜肉鬆炒四季豆飯 $58回鍋肉對我來說不太辣吧，但其實對不太吃得辣的人來說味道剛剛好，加上不同的配料去炒，亦香味十足，這個肉是不錯的。四季豆亦炒得剛剛好，不太老又不會太生硬，令到食落口爽之外，亦都夠入味，個味道真係好似家常便飯一樣，最重要都係無味精姐其實社會有有很多的社企一直都令香港都有一份關懷，其中銀杏館出色的地方就是令每一位長者都可以安心快樂咁生活，比到佢地一個選擇的權利，不用擔心

因在 Facebook 看到一張好似好吸引既菜單， 所以便抱住一番熱誠去試試。好啦，四月十七日訂枱，因他們要求，即晚付一千元訂金；五月三日再確實菜單。終於當天是貨不对板不突止，食物超難食…〝梅”蝦、〝梅“雞、水鴨湯變了特甜花膠湯（因淨得個糖甜味！而不是清甜）、釀竹笙変了〝梅“蟹拑（其實不知是什麽，因很〝梅“）、壽包未夠加熱（不用想這是新鮮）所以下半個包石頭禁硬！喂呀! $2,888加一成$3,177食到嬲嬲爆！！！

黎到銀杏館，不得不說餐廳🍴background: 餐廳僱主推行社會企業責任，僱用一班上左年紀既公公婆婆。作為一個有良心既香港人，當然黎十卜十卜一下銀杏館啦⋯⋯ 呢到主打老火湯，不少菜式都是家庭食譜。份量足夠，味道可口，特別推介雞煲。一坐下來，精靈醒目的伯伯拎左一杯杯花茶黎招呼我地，放底後鬆容又親切地笑著說：免費架！慢慢飲... （呢d服務係香港🇭🇰少之有少... 特別係笑容😊）另一個大特色在於餐廳位置🗺🚏位於大本型空中花園，這裹有一大片空地，靚景及遊玩設施。彷彿置身小天堂。

成個星期都落雨，趁今早有啲太陽帶了一一去玩，今次第一次去 #油塘大本型空中花園的社企餐廳，上年年尾開業的銀杏館油塘分店的 #婆婆厨房，想去是因為被餐廳外的一個大公園和遊樂場吸引~~去到放咗一陣電就進去食午餐。午餐用半自助式，午餐由$48-$68不等，已包自助沙律吧、白飯白粥任裝、農場素湯、有機洛神花茶/有機柑桔蜜、咖啡等。和朋友點了蔥爆牛肉，梅菜扣肉都相當好味，小朋友$38套餐就選了肉碎豆腐和蕃茄炒蛋，味道的確比大人餐清淡一點。店員都是比較年長的，所以相當喜歡小朋友，有小童餐椅，有户外室內坐位可選，食完飯再玩多一陣放電，回家剛剛好~~~

今日放假約了屋企人食午飯，油塘區大大小小各樣各式的食店都食過，不過今年大本營商場內食店有大改動，多了很多選擇.今日去了商場頂層平台一間僱用長者的銀杏飩館婆婆㕑房～鋪可分為室內及室外室外係本區人都知這裡是看日落同黃昏的好選擇，而且亦吸引好多攝影發燒友來捕捉黃昏🌇美景。好～看餐牌先套餐為主的半自助午餐，半自助是沙律，飲料，湯，飯等自助而餸菜會由長者送上的。這樣可以大大減少長者的工作量，長者工作開心食客又放心。五人點了蒸黃花魚，回鍋肉，八味豆腐，咖哩牛腩和雞丁。等的過程中先試下沙律，飲是日靚湯及咖啡～不錯沙律新鮮，老火靚湯。五個餸中我比較喜歡回鍋肉～小小辣多肉多蔥香味四溢。豆腐用新鮮滑豆腐炸做一粒粒，金香軟滑。其他魚，咖哩牛和雞丁都不錯，整體都價廉物美，而且有無敵大海景。會再來的～

堅叔和其他的員工都好好人，好詳細推介美食，主動關心客人的需要午餐非常好食又有湯又有沙律食 都是任食任裝的 有機新鮮蔬菜 足料老火湯 還有湯水呢 好健康好抵食 支持! 希望大家都多多支持良心社企!

第一次光顧「銀杏館」這個社企集團旗下餐廳，就是其位於中環的第一間「銀杏館」。還記得10多年前的歌賦街，仍然是一條舊區小街，兩旁都是一些不起眼的地舖小店，餐廳食肆印象中就只有歷史悠久的「九記牛腩」及「勝香園」兩間街坊人龍食肆、以及 2003年開業的「銀杏館」。去到今天，中環 soho 已向西擴張至歌賦街，整條歌賦街差不多全部變成特色食肆了。「銀杏館」這間社企餐廳也默默發展，目前全港已有六間門市餐廳，今晚就去了位於油塘的「銀杏館 婆婆廚房」。餐廳位於商場頂層的露天公共開放空間，設有兒童遊樂場及綠化區；所以商場也劃了部份露天空間，供餐廳擺放餐枱座椅，好讓客人享受休閒的室外用餐環境。秉承「銀杏館」的一貫宗旨，矚目所見，所有樓面員工都是精靈的公公婆婆（除了一個餐廳經理較為年青之外）。餐廳內有一個自助沙律吧及水吧，白飯、甜品、沙律、有機柑桔水自取，所有客人都自制地只取用一至兩份，並不會浪費食物。餐廳亦有自家醃漬有機檸檬、有機柑桔、甚至素 XO 醬，相信都是其他公公婆婆在「銀杏館」的社企農莊內製作，保證香港製造。餐牌內的第一頁，已經重申「銀杏館」的簡單歷史及宗旨，並且強調冇味精、冇激素、無添加、無

呢間餐廳搵就難搵d，不過原來只係喺頂樓，有笠可以搭上去，亦可以搭電梯既！露天茶座feel，非常有風味，如果係夏天秋天就更加好，可惜呢幾日都潮濕又大風，真係冇意慾坐外面，而室內就得幾張枱，十零個位。只要叫任何一個餐都係包自助吧既野，有肉有素，$48起，唔要主菜都係$48。。。選擇真係超多，多過油麻地越老好多，有3-4頁沙律吧有6樣，粟米，紅腰豆，車厘茄，沙律菜，翡翠苗同大豆牙沙律飲品有咖啡，有機柑桔蜜同羅漢果，佢前面有幾大樽浸緊既柑桔同檸檬，相信飲品都係自家製另外有一個素湯，不過比較重手，咸左少少。。。仲有白飯白粥任你裝，一定夠食！叫左梅子排骨，好香梅味，排骨好軟，如果酸返少少就好開胃豉油雞份量唔少，應該有1/4隻雞，睇落好熟，但係食落依然好滑，有雞味至於民呢個梅菜扣肉就係最平果個餸，佢既肉切得太細件，冇乜睇頭，同埋比較瘦，唔夠油脂香，不過梅菜本身已經好突出好夠味粟米斑塊本身都預左好似茶餐廳咁用平價鯰魚柳，食落居然係有d嚼勁，而且連皮，肉係一梳梳，估計佢係青衣柳之類，真係要比個讚最後黎一個紅燒枝竹羊排煲，以為佢係羊排骨，上枱後發覺係羊扒又一個好意外。。。不過洋蔥超多，枝竹就好少比返多d

今次幫襯油塘大本型的銀杏館是由長者經營，主打香港地道老風味，本土婆婆家常菜，零味精無添加。午餐主要係食港式客飯嘅半自助餐，一個客飯嘅價錢已經包埋個自助沙律吧(大約$5x起)，沙律吧有沙律菜、豆、玉米及蕃茄，據聞是銀杏館樂活有機農莊供應，絕對有益健康。旁邊有白飯、白粥及是日素湯，飲品吧有洛神花茶或香茅青檸茶，旁邊還有一部咖啡機。整體感覺很養生。主菜點了蒸豆腐及蒸雞，個人感覺得有家的味道，而且不會太重口味、不會太鹹。標榜零味精，食完亦都唔會好口渴。呢個價錢有客飯仲有有機半自助餐都算係咁!服務方面，每位長者都很親切和藹，充滿笑容，服務態度滿分。銀杏館一直支持『長者就業』，繼續讓長者們發揮佢地所長，也讓我們吃到家的味道，希望大家都多多支持社企，支持婆婆廚房!

今天家人先趁新春到將軍澳向先人致祭，然後到婆婆廚房享受一個露天午宴!出品快，靚，正! 兩大兩小，叫三份餸剛剛好。我們叫了栗米斑塊，蜜糖醬爆雞丁和牛肉炒蛋，全部都十分入味，連小孩都讚，把整碗飯都吃光。值得再試!最重要是坐在外面可以享受到周邊的清爽及讓小朋友於用餐後有一個安全玩樂地方，的確令大人小孩都可以輕鬆及放心用饍的好地方最後祝福各位店鋪內工作的長者及其他工作人員，中國農曆新年愉快，身體健康，工作順利，生意興隆!