影片
更多
2021-04-09
1968 浏览
同朋友行完山，就嚟咗呢間度食午餐，坐室外嘅位置，感受住微風，睇住啲小朋友喺度玩，真係好寫意！呢度叫個午市套餐，就會包埋個沙律飲品湯自助吧，叫一個小菜，大概$60-80幾，就可以有埋個自助吧，食到飽飽😙。我哋叫咗幾個小菜，柚子排骨，排骨好有柚子味，酸酸甜甜，好開胃，朋友都食到讚不絕口。黎到我最鍾意食嘅XO醬爆茄子斑腩，煲仔菜上嚟嘅時候好香，好惹味，食落去好香嘅XO醬，班腩整得好滑，茄子入晒味，送飯一流，但呢個煲仔菜都有少少重口味，但係好食既。最後有南瓜肉鬆蒸水蛋，個蛋蒸得好滑，加埋南瓜，甜甜地，好開胃，反而肉鬆就唔係好食到，細都見唔到，配埋個豉油一齊食好味。整體來講，呢一個價錢，有個半自助餐，真心抵，加埋呢個環境，喺天台吹着風，傾住計，食住住家菜，連朋友都話好似返咗屋企食飯咁，真心推介！👍🏻👍🏻🍴銀杏館 婆婆廚房🚗 地址：油塘高超道38號大本型空中花園R01號舖 抵食指數：🌕🌕🌕🌕🌗Encore指數：🌕🌕🌕🌕🌗
呢度叫個午市套餐，就會包埋個沙律飲品湯自助吧，叫一個小菜，大概$60-80幾，就可以有埋個自助吧，食到飽飽😙。
我哋叫咗幾個小菜，柚子排骨，排骨好有柚子味，酸酸甜甜，好開胃，朋友都食到讚不絕口。
黎到我最鍾意食嘅XO醬爆茄子斑腩，煲仔菜上嚟嘅時候好香，好惹味，食落去好香嘅XO醬，班腩整得好滑，茄子入晒味，送飯一流，但呢個煲仔菜都有少少重口味，但係好食既。
最後有南瓜肉鬆蒸水蛋，個蛋蒸得好滑，加埋南瓜，甜甜地，好開胃，反而肉鬆就唔係好食到，細都見唔到，配埋個豉油一齊食好味。
整體來講，呢一個價錢，有個半自助餐，真心抵，加埋呢個環境，喺天台吹着風，傾住計，食住住家菜，連朋友都話好似返咗屋企食飯咁，真心推介！👍🏻👍🏻
🍴銀杏館 婆婆廚房
🚗 地址：油塘高超道38號大本型空中花園R01號舖
[港女師奶指數]
抵食指數：🌕🌕🌕🌕🌗
Encore指數：🌕🌕🌕🌕🌗
张贴
