銀杏館 婆婆廚房

营业中

休息中

有日路經油塘大本型商場乘客梯時無意之間發現，天台頂層原有既食肆，經已改頭換面由一間名為銀杏館，兼且全以長者營運既餐館接手，主打老香港風味既中式菜作招徠，於是特意上去走一趟看看。餐牌內列有大量耳熟能詳既地道港式小炒之餘，更有我甚為喜愛既水煮魚菜式。一位精神奕奕兼帶詳和笑容既婆婆侍應主動上前為我介紹一下，於是決定再找個週末白天時間跟太太來試一下。週末時間原來都有很多食客前來光顧，風和日麗既中午時段戶外座位都經已爆滿，我們沒有訂座亦只需等待10分鐘便獲安排入座。午餐先自選一個客飯，價錢還包括旁邊既沙律吧及飲品，仲係無限添加超吸引。自助吧提供各式本地自家菜場出品既新鮮有機沙律菜，飲品不單止特調咖啡還有洛神花/青檸香茅茶/ π水/柚子蜜，還有無添加既養生湯，白飯及熱騰騰既白粥供應，一個價錢吃到如此豐富既中式餐比較罕有。客飯選擇左香辣刺激既四川宮保辣雞丁與及味道清新醒胃既從前有隻檸檬雞，少少地一口辣雞丁伴配菜腰果西芹都夠我來兩口飯，重點係餸菜調味方面功夫到家，相信廚部都係由一班擁有豐富經驗既師傅主理。冠上有趣易記名字既西檸雞，雞件外層炸粉挺香脆且檸味清新突出，唯略嫌味道稍酸若能調輕一點更為理想。經

婆婆廚房的確唔錯啊。煮既野食又好住家，好有家既味道。今次叫左個辣子雞，本以為係好辣。我怕辣所以有少少驚。但原來食落又唔係好辣，隻辣來的快去的都快。之後聽長者侍應講，因為想切合香港普遍人既口味，將辣度調低左。我覺得呢點好細心，亦都真係有考慮香港顧客特質。如果你同我一樣唔係好食得辣但又想試下四川菜既味道，婆婆廚房係個唔錯既選擇喔。當然，如果想要正常辣度都可以叫佢地煮正常辣吧。到時問下侍應啦，佢地好nice架都。

冬至飯，我同爸媽黎左銀杏館食。今日唔係正日，但都好多人啵一黎到，我屋企人就話呢度好feel。覺得環境唔錯幾幽靜。我地點左個二人餐加一碟餸。入面有自助沙律吧、糖水同野飲。好似都係任添既。不過都夠飽所以我地就各要一份就算。餸就一共有三碟，我媽都話係唔錯。爸爸都評話好食。另外有一份清炒菜，啲菜都好鮮甜。開始工作既時候，能陪家人既時間就越少。呢家餐廳比到人溫暖既感覺，煮既飯菜又好住家。可以作為母親每日辛辛苦苦煮野比我地食既報答。而且又可以抽啲時間陪下佢地嘛。

家住油塘，知道這是社企開的，所以來支持下。因為散叫有點貴，就點了個二人餐，餸菜方面點了豉油雞和炒牛柳，另外送一碟菜和糖水，沙律吧飲夾，飲品加$18可以任飲，但竟然不包飯，要另外加錢。沙律幾新鮮喎，我夾了兩輪。飲品我很喜歡有機香茅特飲，很清的香茅味，不會太甜，幾特別！另外有機洛神花特飲也不錯，微酸微甜，幾好！這個菜我覺得很搞笑，因為超級住家feel，就像家中炒出來的菜一樣，沒有裝飾，不過清甜，不錯。很喜歡這個豉油雞，入味，雞肉好滑，正！唯一覺得美中不足就是這個，牛柳雖然滑，不過未太重，有點鹹，所以我飲了好幾杯飲品，好彩加$18可以任飲...跟餐糖水，清清的木瓜湯，都ok.整體來說味道也不錯，$188的二人餐+$18任飲+.....哎呀忘記白飯的價錢...總覺得如果本身個餐包埋飯會更開心，埋單約莫$240其實感覺有少少貴，不過我估他的位置可能租金也不平，間中來食一餐也不錯。加上我想提一提，就是服務員也是長者，他們的態度認真一流，非常好，加分！

支持一下社會企業，所以再黎油塘嘅呢間婆婆廚房。今次食晚餐啦~沙律吧啲蔬菜、粟米、蕃茄都好新鮮。 睇到佢哋個介紹，原來啲菜係黎自佢哋旗下嘅有機農場，所以都可以安心食用。呢度既長者真係好盡心服務。雖然難免落單會慢少少，但都唔阻礙好耐。我諗黎得嘅都唔介意用餐嘅時間耐少少掛。 換句話說， 要快不如去大快活或者m記食。哈哈，所以有得enjoy下環境，食好野，又可以支持下社企。我大推！上次食tea,今次正餐。我都覺得係好享受。我得閒會再黎食，多啲支持下嘛~

兩個人叫咗一個二人套餐。 入面咗任添嘅沙律吧同飲品吧。2個小菜，1份蔬菜，2個白飯，同2份糖水。小菜我地叫左羊扒同牛柳，我覺得唔錯，味道好足。而且食完唔會口渴。佢地都表明係無添加無味精，果然係真既。睇落好似有啲細份，我地仲諗住好冇叫多個咁。但侍應話一陣加埋個菜就好夠架啦，所以就冇叫。個菜今日係菜心，可以揀白灼定清炒。健康2人組成員一致選擇白灼。冇乜特別，就係菜有菜味，新鮮既味道~~我先生本身話食到好飽食唔落甜品，但佢一聽到係佢中意食既嗰款糖水即刻改口。最後我地2個人食飽飽咁離開，喺個天台度睇左一陣個海同行左陣個公園就走lu.幾唔錯，有機會再黎食過

上次都已經有黎食架啦，今次又黎，證明我覺得婆婆廚房係值得我黎架啦。所以我要寫一寫我既感想~~野食唔多講啦，但想重點提下個沙律吧可以自己揀食咩食材，健康又自主。今次飲左杯薑茶，好薑哈哈，好暖胃。大家都多啲支持下社企，佢地可以生存到真係唔容易。有得食仲可以為社會出一分綿力，何樂而不為。

我唔係講緊男男女女之間超越友情嗰種feel，而係要講呢間我覺得好有feel既社企餐廳。黎到嗰時以為會因為位置問題冇乜人黎呢度食啦，點知原來都可以同下面啲食肆匹敵架啵。又唔係話多人到爆晒，但keep住都有人過黎食咁。去得呢度食緊係喺室外食啦，空氣清新啲又有啲涼風。每把大傘下面都有一張4人枱，仲有個枱燈仔，個環境裝飾好有feel。 除此之外，野食都好重要啦當然。大家要記得叫羊扒，冧到不得之了，包你歡喜（至少我好歡喜啦）。 啲野食係無添加無防腐劑blablabla，菜又有機既。 想食無味精飯餸又追求健康既，真心可以黎試下。係咁多，下次再講~

媽媽前天試了午餐，今晚再訂了晚巿，約了我（晞月藍）和太太來試。 我在它們的兩間分店試過，老實說您不能用中高級餐館來比較，所以我亦不會對此店作很高期望。餐館設在天台，在秋天時份晚餐特別適宜。幸好媽媽已訂了枱，因為8時許全館滿座，還有人在等候。我們叫了兩個二人套餐 （不是四人套餐），已包括半自助沙律、飲品和中湯、四道主菜、兩碟菜及糖水。沙律算多選擇，飲品亦有幾款，算是樣樣都有。 店員都是耆英，工作辛勤，值得嘉許，雖然出菜有點慢，但在這樣好的天氣，望著月光聊天，慢也是一享受也。四道菜味道尚可，不知為何備上時都不很熱，份量比想像中少。埋單$630，價錢在這區相對偏貴，擔心它能否和此商場其他食巿競爭。

因為係社企 所以支持下 食過幾次但次次都勁亂 每次都會出現落小左野 計錯數等問題 但因為係老人家 所以都無投訴過但今次太嬲了因為6-7個大人 仲有bb 所以一早book左枱 早左小小到 佢無枱 話下一張係我 點知執左枱 無啦啦行左個老人家 入黎 好似去飲2茶咁就見位就坐低 （出面勁多人等緊位） 我地同個職員反映 個職員話 你讓下人啦 跟住係出面既等左好耐既人勁嬲 但佢地都唔理 結果我book左枱 等左成個鐘都無位 嬲到走左 以後都唔食啦

下午茶時段黎食，無乜人(可能因為新開，又係天台花園，所以無乜人知掛)，任我揀坐咩位，哈哈。唔係好餓，所以輕輕地點左個cheese cake。我覺得呢度既賣點係個環境~好空曠。香港寸金尺土，真好少有大少少既地方可以比我地放鬆下。係商場既天台位置，遠離車路，空氣都比較清新。加上今日天氣涼涼地，坐係呢度Hea一流~~食完我仲係個度逛左逛，去埋附近既花圃，正下次黎就試下食正餐睇下好唔好食先

正值秋季，天氣開始涼啦~到大本型新開的婆婆廚房試下味道如何。未入去就被周圍的環境吸引。一陣陣涼風吹來，又有一群小孩在旁邊玩~感覺好溫馨啊。我覺得一向銀杏館的店內裝修都好美，每間都有自己的特色。今次這間不只是店內，店外也用心裝飾，放好一張張深棕色的桌椅和棗紅色的大傘子，額外有風味。所以，就決定在店外用餐。這裹有的是"家常菜"，是那種媽媽啊，婆婆啊會在家中煮的家常菜。而且又有自助吧，可以添飲品和自選沙津。很不錯啊，食物、環境、氣氛都很好，真不愧是銀杏館呢，新店也沒讓人失望~大家也來支持一上吧~~~

朋友約油塘午膳，才留意到大本型開了銀杏館，印象中是社企，於是便選擇一試！地㸃在大本型天台，即搭電梯上最高嗰層再上扶手電梯才到。店舖本身不大，環境也可以，出面再放六張抬左右，現在天氣已轉涼，但中午坐出面都有點熱。午膳套餐，一餸+自助沙律吧+湯粥白飯任裝，小炒款色選擇多，我們三人點了三款一齊食，三款味道也不錯，最美味是那碟鼓汁蒸魚(忘記了餸名)，可惜細碟左D，不過因沙律、白飯任裝都飽肚，最後找數每人$85，整體值得去試下！

家住油塘, 一直覺得大本型與其他廣場一樣, 又是一樣, 都是那幾種店, 加一個FOOD COURT, 今次終於叫有點新意, 找到一間社企餐廳, 之前記得餐是CAFE SHOP的天台花園間店, 見到大本型個網, 知道轉左間店. 想不到竟然是銀杏館!銀杏館, 簡單來說, 是請退休後找不到工的長者做工, 很有意思的, 前半年去過佢地太古店, 有民歌聽, 牛扒正, 不錯新店始終想試一下, 食得有意義也好, 開心一點!這間是見門口寫是無加味精的家常懷舊菜, 嗯...媽媽菜我吃不到了, 咁樣等下叫多碗湯試下.非常感謝帶我進來的婆婆, 一個人都可以俾我坐在這張枱, 非常漂亮, 十足十尖沙咀海傍感覺, , 雖然沒影到, 旁邊真的有海傍, 海景,  看到一點邊, 原來在旁邊有個公園, 一直來都冇咁仔細望.都好多人, 有一家大小健康如我, 當然是點了沙律吧~他們自家婆婆種菜, 婆婆醃菜, 婆婆浸醋, 婆婆服務, 勁多婆婆!當晚很多婆婆走過身邊向我微笑, ...婆婆廚房, 明白. 雖然回應無咁快, 不過, 都好有禮貌, 見太多出面服務員的表情, 我覺得她們笑的真的真心. 俾個LIKE!點了有機橙醋特飲, 消

3個人黎食晚飯，叫左一個二人套餐同烤羊排！套餐就包左沙律吧，一般正常大路嘢啦！飲品要加錢先有，但係選擇較少，只有水，咖啡，洛神花茶同香茅茶！食物水準就好家常菜，叫了咕嚕肉同醬油雞，青菜，味道就正正常常啦，咕嚕肉略嫌過左火侯，有點太硬！出菜速度較慢，而且份量偏少！最後等左好耐的烤羊排終於出場，餐牌寫係烤羊排，就以為係蒙古果款落孜然粉烤的，點知來到是洋蔥汁煮的，感覺有點貨不對版！都唔緊要啦，照食可也，但原塊好肥好難咬，而且太大件裡面煮唔熟，其實既然唔係烤，我都唔介意切細件D！總括黎講都可以一試，員工颱度親切誠懇，可能只係初期開鋪有多嘢未完善姐，希望餐廳繼續進步，支持長者社企！