銀杏館 婆婆廚房

营业中

休息中

開瓶費：$100OR 向店員查詢可否free，最後由經理確認點set啤酒$38/2 當開瓶費銀杏館都算係經常幫襯，不論太古、油麻地定係油塘😂 帶位果位老店員幫我地問得一set啤酒當開瓶費，同時同我地吹咗兩句，包括認得我經常嚟幫襯、油麻地分店出品等等。好高興店員會認得我一家！銀杏午餐都離不開沙律吧、自助湯、糖水、白飯白粥、咖啡/茶、自家涼茶。沙律吧唔好太有要求，因為以$58起計已經算係額外贈送一樣。雜沙律菜、粟米、紅腰豆、車厘茄、雜果沙律。茶飲有羅漢果水。。。糖水呢次係豆腐花，之前有芝麻糊、紅豆沙等本土蒸梅菜扣肉 $ 65梅菜洗到味道流失，醬汁亦調較得偏淡口味，而腩肉亦蒸得過火少少，肉質硬實唔夠味，有點失色三豉炒斑球 $ 78斑球肉質實淨非平價鯰魚柳，份量夠而調味足夠，非常惹味好餸飯菠蘿咕嚕肉 $ 78肉份量多，配料都十足一上枱熱辣辣一刻我就試咗舊，真心嘩一聲，咕嚕肉外皮超脆內軟，而且個汁真係較得非常地酸甜平衡，略嫌偏黏稠咗啲，但係新鮮食係好出色，超推薦

今日我發現一間以良心食店「銀杏館」，唔單止價錢合理，服務仲超級親切有禮，環境舒適，食物健康又足料！🍽️ **蟲草花紅棗木耳蒸雞蒸雞嫩滑入味，蟲草花同紅棗嘅甜味滲透雞肉，木耳爽口，成個配搭好養生！啱晒注重飲食均衡嘅朋友。 🥗 **免費自助沙律吧** 叫一個餸就已經包自助沙律吧，新鮮蔬菜任夾，仲有粟米、沙律菜等配料，清爽開胃！ 🍵 **養生飲品任飲** 有清熱嘅**羅漢果茶**、酸甜開胃嘅**蘋果汁**，仲有**豆腐花**同**素湯**，全部免費供應！飲落好舒服～ 🍚 **百合粥** 粥底綿滑，百合清甜，食完感覺好滋潤，啱晒天氣燥熱時食。 ☕ **餐後咖啡** 食飽仲可以用咖啡機沖杯熱咖啡，慢慢坐低休息，真係由頭滿足到尾！ 我欣賞健康又抵食，服務員態度友善

係大本型空中花園層嘅一間餐廳位置方便呢間餐廳係支持老友記就業當晚叫左3個餸晚市只要每人叫一個主菜就可以享受半自助前菜，中湯，白飯同甜品食物方面味道似住家菜 想causal咁食個晚餐係唔錯嘅選擇<薑葱香煎魚腩>用咗比較多骨嘅魚唔會過多嘅調味甚至會食到魚本身嘅味道<栗子豬咕嚕肉>咕嚕肉炸得好鬆脆 甜酸較得啱啱好<涼瓜炒牛肉>苦瓜炒到好腍牛肉片 都幾滑感覺冇咩味精 所以味道都比較家常

呢間係香港社會企業餐廳，提倡長者就業機會，幫助長者保持經濟獨立，協助他們融入社群🩷餐廳設有室內同戶外位置選擇, 長者們態度親切，非常熱情，好似家的感覺🥰自助沙律吧任飲任食+ 健康住家小菜只係由$38起，好抵呢！全部仲係低油、低鹽、低糖，好健康！而任食自選沙律吧有有機沙律🥗、紅米飯、蓮子百合粥、素湯、豆腐花、羅漢果茶、檸檬水及咖啡☕️！我哋叫咗：~糖醋魚塊~有機蘿蔔牛腩~三色椒炒牛肉~香酥咖哩豬扒 ~家鄉滑豆腐 ~香煎肉碎蛋我超鐘意吃糖醋魚塊🐟，酸酸甜甜，我爸爸話好吃過好多大酒樓👍而牛肉亦好嫩滑，蘿蔔牛腩亦蚊得好入味!大家有時間去支持社企餐廳💕支持公公婆婆們🤗

一向支持銀杏館，幫助老年人就業，很有意義，店員非常親切，不斷與客人和熟客打招呼，設有店內和室外座位，感覺舒適外面是自助餐吧，沙律，飲品，紅米飯，素湯和糖水任吃有機栗子豬咕嚕肉 $168份量十足，咕嚕肉炸得外脆內嫩，栗子甘甜，醬汁酸甜惹味，配上爽脆的紅黃綠椒，出色的小菜古洞天然醬油雞 $168/半隻以小鍋上保持熱度，醬油味道適中不會過咸，雞肉入味，很下飯蒜蓉炒油麥菜 $68看到店舖在上水自設有機農莊，支持一下本地蔬菜，油麥菜翠綠鮮嫩，味道帶甜味，好吃甜品：芝麻糊真材實料的芝麻糊，口感稠密又不會太甜，有驚喜味道有親切感，服務態度好，下次會再來

17/2晚上與家人相聚，有人提出支持社企，本來不太抱有期望，但食物質素有驚喜，特別是新鮮有機蔬菜，簡單烹調食得出新鮮美味！豉油雞不太咸也不太甜，又健康又好味😋！甜酸生炒骨，尤其出色！調味剛好👍👍！稱心滿意的一餐！下次要再幫襯⋯⋯真心推薦給大家還有芝蔴糊甜品，不是用芝麻粉開的，甜度適中，又有簡單的沙律吧，可以任添😄！服務員雖然是長者，但有禮、又醒目、有記性👍👍絕不比年青人弱呀！只是地點比較偏，在天台但夜景美麗呀！

因為朋友的好介紹，所以有機會一試，雖然店舖细细，但都好有人情味，服務員哥哥笑容親切，真的很不錯，美味的食物，仲有自助的Salad Bar，甜品，老火湯，白飯任添，咖啡。真的值得一試哦…

終於試咗油塘嘅社企銀杏館。之前母親節想去食，不過full booking。所以最好去之前上OpenRice或者打去訂枱。餐廳唔大，室內有7張枱，室外都有啲座位。侍應係一個上咗年紀嘅伯伯，佢有同我哋介紹有咩好食。我哋就自己寫紙落單。沙律、飲品、紅米飯、湯、中式糖水係自助形式，可以任攞。沙律🥗選擇唔多，不過幾fresh。湯係素湯，有合掌瓜，幾好飲。鬼佬欣賞佢有咖啡☕️任飲🤣中式糖水係芝蔴糊，好有芝蔴味，唔錯👍🏻佢哋有refill, 晏少少仲轉左做西瓜🍉，不過麻麻地，唔係好甜好juicy.佢哋有2人/4人套餐。不過我哋今次散叫咗3樣小菜：✅有機栗子🌰咕嚕肉$168呢個係佢哋招牌菜，d汁有啲酸，咕嚕肉唔多，10隻手指數得哂😅不過新鮮熱辣上👍🏻✅小炒王$138有洋蔥🧅、蘿蔔乾、蝦、薑、豆一齊炒，有啲鹹，麻麻地✅古法三豉蒸時魚🐟$148蒸魚普通，魚肉幾滑我哋7:30pm前埋單有85折。4個人連加一食咗$431。價錢嚟講ok,不過D餸味道偏鹹，份量唔多，就真係麻麻地了。不過社企真係值得支持架🤗

一早已在openrice book台，但去到冇留台俾我地，明明有張空枱，佢話有人坐緊，只係行開左，唯有同人地搭台，事後發現張空枱根本冇人坐，後來有其他客人入去又可以坐。自助bar 長期食物同飲品都係冇人refill，冇主動俾menu，話台面有QR CODE 掃可下單，一個QRCODE係無左一部分，掃唔到，另一個QR CODE 掃完發現入面9成係飲品menu，冇得揀食物，我再問佢，佢話俾張紙仔我寫，後來發現隔離枱可以口頭落單⋯⋯咁點解要我掃QR CODE 同寫紙仔。同埋佢個menu係勁多野都冇得揀。不過都唔緊要，俾左張紙仔佢之後，出左一個菜之後都冇再出過，然後見另一枱遲過我地點菜，但都快過我地上菜，就知道原來叫先唔等於黎先。如是者，我等左大概半個鐘，我催催單，佢問我係咪乾炒牛河？整緊架啦。我話唔係，心諗佢其實有冇落？後來發現乾炒牛河原來係出邊個台客，叫左幾次都未收到。後來見佢一次過出左2個乾炒牛河，侍應去兩台都話冇叫乾炒牛河，佢先知人地等唔到已經走左，reception 話取消左，但廚房好似唔知，照整2個幾有趣😅到我地等左45分鐘左右頂唔順，諗住唔食走人，佢又黎曬d餸，味道係幾好既，份量

食咗幾啖先記得影相 都仲有咁多份量 只要一人嗌一個餸沙律吧就免費 包咗沙律 素湯 飲品 飯 👍姐姐哥哥又好貼心一定要多啲幫襯❤️支持本地食店Took a few bites before remembering to take photos, but there's still plenty left! Sizeable portion. Just order one dish per person, the salad bar will be complimentary. Includes salad, vegetarian soup, drinks, and rice. 👍The staff is very helpful and friendly.Let's support local restaurant ❤️

今晚真係食咗一餐好難忘，亦都好開心嘅團年飯好耐冇試過喺香港試完一餐之後好想比好評佢冇五星級嘅服務質素 或者 環境但有好溫暖嘅笑容 每一位喺嗰度工作嘅人都好盡心盡力我地一家都食得好開心重點！！全部食物都好高質不論份量還是味道都滿分 都令人好驚喜-羊腩煲 好羊肉好入味 而且好腍 好易入口好適合老人家去食 -香醋骨 排骨有煎香 配埋香醋好送飯-蒸白鱔 用咗上半部份這是鱔 魚骨較少 肉質好肥美 充滿油香-燉湯 鮮甜！！！！以下所有都係自助無限任添佢哋選用咗紅米飯 好健康👍🏻但可能因為天氣太凍還是器材問題？有食客提出米飯唔夠熱另外佢仲有自助沙律吧 keep住有工作人員refill佢亦都有提供素湯 食飯之前飲一碗好fresh嘅感覺唯一芝麻糊稍甜 佢仲提供咗羅漢果水 係依個乾燥嘅天氣飲一杯滋潤下冇咁咳

真心推介呢個抵食午市半自助餐，小菜$68 起已經有，坐戶外超chill, 有超開揚景觀，門口有小朋友玩樂設施. 天氣好食一流.自助沙律吧選擇豐富，蔬菜前菜等好新鮮，中西湯都有夠足料，粥飯任添有紅米飯加分，仲有自製涼茶，咖啡茶等，超回本. 主菜叫左家鄉三絲炒米粉同埋香蔥三草爆牛柳. 全部有水準，又有家的味道，少油小盬小甜冇味精，小朋友老人家都可以食，夠健康. 本身都好buy 銀杏館理念支持長者再就業，加埋平靚正，真係要支持多啲！長者店員們都好友善，同小朋友玩仲幫忙叫小朋友不偏食.

同公公婆婆去咗婆婆廚房食飯，佢係一間專為長者提供就業機會嘅社企。我試咗佢哋嘅蟹肉獅子球同埋咕嚕肉，味道真係好正。先講下蟹肉獅子球，個球煎得好香脆，外層酥脆內層鮮嫩多汁。佢哋用嘅蟹肉好新鮮，肉質鮮甜，帶嚟一陣濃郁嘅海鮮味，真係好好食，攞嚟送飯一流。至於咕嚕肉，佢哋炸得好香脆，肉質鬆軟多汁。咕嚕肉醬汁濃郁香甜，好開胃。不過要留意啲，價錢稍貴，有啲人可能會覺得唔太划算。雖然冇影到，但係佢嘅嘢飲同埋糖水，沙律係以半自助形式提供，正呀🤍🤍婆婆廚房嘅價錢相對而言稍貴，可能係因為佢哋係一間社企，要用多啲資源去幫助長者就業同埋維持運作，所以價格會相對高一啲。不過，我覺得如果你願意支持社會公益同埋享受美味嘅菜式，婆婆廚房係一個值得一試嘅地方。

油塘主打粵式小菜的餐廳並不是沒有, 但是大部份都較為重口味, 多油多鹽味道很濃, 功能性而言以送啤酒為主, 多吃又膩又不健康. 銀杏館在油塘，除了作為社企, 為退休的公公婆婆提供工作場所, 他們也可以提供一技之長, 繼續服務油塘的街坊外, 也是提供健康而傳統住家小菜的熱點. 免費的沙律吧和白飯任裝, 基本上沒有吃不飽的理由. 沙律吧提供的全部都是有機菜, 而白飯添加糙米, 這兩項也令到整餐更健康.小菜以豉油雞最為出名, 原煲盛載, 豉油清甜而不死鹹蛋, 精華被雞皮和雞肉吸收, 味道很不錯只是雞肉偏瘦, 油香不夠, 但作為健康食肆這是必須的吧! 粟米斑塊做法也和一般的很不同, 沒有杰撻撻的芡汁, 以雞花濃汁作醬身, 加上木耳和香菇, 挺身之餘也不會將斑塊浸淋, 斑塊相當香脆, 內裡肉質夠爽, 再健康黃美美之間取得平衡. 醉豬手酒香十足, 而且帶有微微的甜味, 豬手處理得夠淋, 作為前菜做得相當不錯!

我唔係住油塘，但去開搵朋友都會去老友記飯堂，我總覺得在職的他們是人老心不老，招呼介紹外還會同你傾下偈～～ 佢地怕我地未黎過， 提我地拎沙律、飲湯～（任食 自助沙律吧🥗、素湯、糖水、羅漢果茶、咖啡…)嘻嘻😁 湯要飲2碗🙈 ～～ 今次叔叔力推幾樣餸，我地都叫左😋