影片
开饭介绍
由社企开设多年的餐厅品牌，此分店主打各式中菜，标榜无添加味精、防腐剂及色素，更以有机蔬菜入馔，供应新鲜美味又足料的菜肴。
继续阅读
营业时间
今日营业
11:30 - 15:00
18:00 - 21:30
星期一至日
11:30 - 15:00
18:00 - 21:30
以上资料只供参考，请与餐厅确认详情
有关奖赏计划
近期开始接触多咗香港嘅社企， 而「银杏馆」就系其中嘅表表者👍!佢哋创立于自2003年，一直都致力策动长者就业,藉经营餐厅、餐饮到会、 食品制造及零售等服务,为有经济或心理需要工作的长者, 提供合适的就业机会, 等各方长者都可以自食其力,自得其乐。仲系2016 年构建💕「Love Project」,开展扶贫工作,向老弱孤寡派发免费饭餐,贯彻营商兼善的理念,关爱社会中的弱势社群, 推动社区分享!「银杏堂」有多间分店，每间分店都各有特色,而呢间主打中菜!仲有自助嘅沙律前菜，仲有糖水同饮品!今晚我同屋企人一齐嚟食饭，叫咗店员推介嘅一啲人气食品:🍛有机天贝虾仁无激素蛋炒饭 $118- 用有机天贝再加上无激素蛋一齐炒出嚟嘅饭，好味 、又香又健康!🐟五柳松子海鲈鱼$198- 松子味非常香，鲈鱼份量十足，酸酸甜甜劲开胃，会忍唔住食多两碗饭🍗古洞天然酱油鸡(半只)$168- 用秘制酱料，每旧鸡肉都好滑又入味，老人家食煲都完全冇问题!🥦有机蒜蓉油麦菜 $68- 系自家农场"乐活有机农庄"，绝对新鲜又健康!最后我哋仲饮咗汤同埋糖水!真系太满足喇!😋整体食物非常美味，而且选择极多， 重点系价钱实在太大众化，无论系同屋企人食饭， 或者同一班朋友用餐，都绝对系平靓正嘅选择💕👍
继续阅读
朋友们约左我去大本型食晚餐，其中一位就提意去空中花园嘅银杏馆婆婆厨房，除左佢之前食过唔错之外，依间仲系社企餐厅，提倡长者就业让他们自食其力自得其乐，同时亦会定期向老弱孤寡人仕免费派饭，所以一间咁有意义嘅小店就当然要多多支持。餐厅环境都好宽广，而且空间感同光线都好足，所以感觉都好舒服。另外仲设有户外位置可以选择添。晚餐要每叫一个主菜就可以享受半自助吧任食任饮，除左沙律吧嘅有机沙律菜之外、红米饭、素汤、糖水、苹果汁、罗汉果茶及咖啡都系无限添加。沙律吧嘅沙律菜都系非常新鲜，店员姨姨介绍话系由有机农场提供，所以食落感觉特别健康。而素汤同芝麻糊都唔错，好有家嘅味道先嚟有机栗子猪咕噜肉，除左肉嘅份量多之外，佢嘅配料都同样唔少。咕噜肉炸得外脆内嫩，大大粒嘅栗子再加埋爽脆嘅彩椒，配埋酸酸甜甜够惹味嘅酱汁，真系令人食唔停口，绝对系惊喜之作。姜葱生蚝鸡煲同样出色，热辣辣嘅煲仔菜非常够镬气，生蚝肥美肉嫩胀卜卜而且又唔腥，配合埋爆香咗嘅姜葱加埋鸡件一齐炒，够晒惹味。XO酱炒有机是令菜，浓郁嘅XO酱嘅鲜辣味与有机农庄嘅清爽西芹口感非常夹，而来自有机农庄嘅西芹真系份外鲜甜，整体上炒得够镬气得嚟又唔会太油，真系好味密密食。干烧伊面入口唔错，够弹牙爽口得嚟又够干身，最好就系个酱汁唔会好咸鲜，又唔会好腻油，所以食落唔会好邪恶。我地仲用左乐悠卡优惠，加左2蚊叫左一份家乡墨鱼饼，墨鱼味浓而肉质唔会太硬，煎得好香口，令到墨鱼饼外脆内软，好味道。整体上𩠌菜都系少盬少甜又冇味精，完全系食得好味又够健康，所以有机会一定会再嚟食过呀！
继续阅读
开瓶费：$100OR 向店员查询可否free，最后由经理确认点set啤酒$38/2 当开瓶费银杏馆都算系经常帮衬，不论太古、油麻地定系油塘😂 带位果位老店员帮我地问得一set啤酒当开瓶费，同时同我地吹咗两句，包括认得我经常嚟帮衬、油麻地分店出品等等。好高兴店员会认得我一家！银杏午餐都离不开沙律吧、自助汤、糖水、白饭白粥、咖啡/茶、自家凉茶。沙律吧唔好太有要求，因为以$58起计已经算系额外赠送一样。杂沙律菜、粟米、红腰豆、车厘茄、杂果沙律。茶饮有罗汉果水。。。糖水呢次系豆腐花，之前有芝麻糊、红豆沙等本土蒸梅菜扣肉 $ 65梅菜洗到味道流失，酱汁亦调较得偏淡口味，而腩肉亦蒸得过火少少，肉质硬实唔够味，有点失色三豉炒斑球 $ 78斑球肉质实净非平价鲶鱼柳，份量够而调味足够，非常惹味好𩠌饭菠萝咕噜肉 $ 78肉份量多，配料都十足一上枱热辣辣一刻我就试咗旧，真心哗一声，咕噜肉外皮超脆内软，而且个汁真系较得非常地酸甜平衡，略嫌偏黏稠咗啲，但系新鲜食系好出色，超推荐
继续阅读
呢间我都食过几次同做过义工位于大本型最顶嘅空中花园💐座位有户外同室内☀️不过咁啱我去果日阴天大雨平时睇到黄昏日落🌄「银杏馆」喺拥有自家有机农庄，所以都系香港数一数二嘅有机餐厅🍴餐厅员工几乎都系长者，因为银杏馆一直推动长者就业，亦每日派饭比有需要人仕🧓🏻👴🏻每叫一道菜式就可享出面半自助吧半自助吧有沙律吧、素汤、红米饭、是日糖水、果汁、茶、咖啡，全部无限添加😋🥗沙律菜由自家有机农庄提供，好新鲜🍠素汤同番薯糖水都好足料👍🏻🔸姜葱生蚝鸡煲 $158好香姜葱味,生蚝肥美,鸡肉嫩滑🐥🔸五柳松子海鲈鱼 $198炸到脆卜卜嘅海鲈鱼加酸甜五柳汁鱼肉外脆内嫩啖啖肉🐟🔸猪油渣炒有机菜心 $108猪油渣嘅味加爽脆菜心,好惹味😋
继续阅读
#20250722 📝📍 #银杏馆婆婆厨房 @love.org.hk油塘高超道38号大本型空中花园R01号舖 ➖➖➖➖➖➖➖➖➖➖➖➖➖➖➖➖➖#XO酱炒有机油麦菜 $88💭 呢间野虽然有啲难揾，但真心好想推荐比大家，话说佢系社企餐厅，致力推动长者就业，但佢啲野食一啲都唔会因为咁而马虎，同平时食既质素一样，甚至乎好过出面，是日有机菜可以菜心或者油麦菜，呢个价钱有咁多份量绝对有良心🥬.#俄国牛肉丝 $88 💭 又系一碟大大碟既小菜，牛肉丝好淋身好易咬，仲有好多洋葱丝同啲菇，每一啖咬落都有唔同口感好正，最正系佢有好多汁，简直系白饭杀手，用尼捞饭可以系咁食🐮.#蒜蓉粉丝蒸扇贝 $128💭 点谂到用呢个价钱都可以食到啲咁靓既海鲜，6只扇贝都大大只，面头有满满既蒜茸散发住超劲既香气，精华落晒系中间啲粉丝度，索晒啲鲜味之余仲好爽口，超yummy🧄.#有机香茅大虾 $148💭 呢个虾真心非常高质，用左有机香茅，再加平时好普通既葱、姜、蒜去炒，但出尼效果系劲有镬气劲惹味，大虾只只咬落去都爽弹而且有虾味，啲汁入味到剥左壳都食得出，正🦐. 🥢 #半自助bar 💭 每叫一个小菜就可以送一位人客既半自助bar，有沙律、素汤、糖水、红米饭，仲有野饮，平时呢啲单头单尾都唔平，佢竟然可以任食，悭悭埋埋可以叫多个𩠌喇～.#油塘美食 #🐷在油塘 #🐷_食 .#油塘餐厅 #油塘小菜 #社会企业餐厅 #到会服务 #油塘中菜 #长者就业计划
继续阅读