銀座炎蔵燒肉

营业中

休息中

聽朋友介紹，放工專登嚟食，可能閒日無乜人，所以坐得幾舒服，唔嘈。同朋友叫咗個和牛Set，有5種肉，好好味，肉味好夠。雖然佢哋有提供醬料俾我哋點，但可能佢D和牛本身已經好入味，所以D醬料我全程無點過。牛肉之外，又叫咗支西班牙手工啤，係檸檬味。未入口，係可以聞到檸檬嘅清香，所以我一晚就飲咗兩支。之後，我哋有叫到厚切牛舌，實物真係好厚，但口感又好軟。另外，最值得一讚係，佢入面嘅抽風系統超好。好多時，食完燒肉，其實身上面都會有油味，但琴晚食完返屋企，衫上面竟然無乜油味。所以，如果Lunch去食，食完要見客都唔怕。

第一次同同事嚟食，老實講，喺荔枝角想搵間堅係日式嘅燒肉店真係幾難，好彩而家終於開咗間。佢嘅和牛，係物有所值，雪花都均勻。當你食第一口，你真係有嘩一聲嘅感覺，咁當然都好睇負責燒嗰位嘅功夫。而且睇佢Menu嘅時候，發現佢有紫菜飯供應，薄薄嘅紫菜鋪起白飯上面，感覺好入腦同特別。飲品方面，自己就叫咗杯Highball，佢有威士忌嘅香，但飲完又唔令人醉，幾啱女士飲。然後，自己仲試埋七寶，一次過叫咗兩杯。正！總睇嚟講，去開荔枝角，銀座炎蔵真係值得一試！

朋友推介嘅新店，當然要黎試下。先試左和牛拼盤，塊塊肉都好味。另外又加左沙律同枝豆，送酒一流。不得不提，佢地提供惠比壽啤酒，比其他啤酒更好味，送和牛入口fit到漏😍。我同阿女超愛食和牛西冷薄切大判燒，追加多一客，仲有專人幫忙燒，肉香四溢。老公鍾意食牛柳，同我地一樣追加。最後加埋個石鍋飯，味道一流，飽肚又滿足🤩，勁正👍。

有質素的和牛燒肉，我哋試咗唔同部位，由瘦食到肥，薄切食到厚切，塊扒絕對係推介！牛舌亦係最愛。另外，佢哋會有蘭王蛋，可以叫嚟撈飯食。佢哋其中一款肉都包埋蘭王蛋俾你蘸肉食，不過已經唔記得係叫邊款先有。😄 我哋另外都有食魷魚，好大條！同埋帶子。最驚喜反而係雞，用返日本雞，超濃郁嘅雞味！最後加埋個湯，好滿意的一餐（當然最高興係成班朋友聚埋乜都講一餐😆）而且地方一點都不油煙，烤完唔會成身味。肉類同海鮮類質素滿意，價錢亦公道。一定會再去

近期吃過幾間燒肉💥！ 呢間性價比最高！ 店員服務有禮🙇‍♀️， 食材高質素， 必會再次惠顧！ 坐得舒服，食得開心， 而且勁近lck地鐵站！ 起初聽見《銀座》 便去試一試， 真係有驚喜！！！ 店員話會定期出新產品， 服務非常好， 值門票價!!!!

帶埋個囡一齊慶祝結婚周年，揀咗呢間新開張而且交通非常方便燒肉店試吓。真係超級驚喜！無論牛肉、海鮮、雞肉….都非常出色！尤其是「和牛西冷薄切」同「和牛裹腹牛柳」，阿囡一入口就話啲牛好食到將佢個心融化咗❤️‍🔥🫠😂😂😆❣️加上店內職員服務細心又貼心，而且非常有耐性地逐一介紹各種食品與食法。令到呢個周年晚餐非常愉快圓滿，大滿足❣️🥂🥰🎊🎊還有不得不提及的就係座位十分闊落坐得好舒服，抽氣做得好好。返到屋企啲頭髮同衣服都冇一陣燒肉味，超讚。此店食物質素高且價錢合理，再加上優質服務，令客人食得好開心🥳❣️一定會encore

上星期同朋友行D2嘅時候發現左有幾間新店，即時約朋友開飯🤤「銀座炎藏燒肉」門面同menu 都好吸引就試試佢啦餐廳環境都幾舒適，好闊落坐得好舒服😌點餐方面係用QR code 點餐，方便又安全跟餐有沙律，湯，飯，沙律菜好靚仔🤵‍♂️，不過個湯就清啲，我比較喜歡濃湯肉方面，有唔同級數及部位選擇👍🏻👍🏻👍🏻雖然我掛住吹水，分唔到邊款打邊款，不過啲牛真係入口即化，完全無筋，好正呀，又濃又滑會再去👍🏻👍🏻👍🏻

餐廳位於荔枝角D2 place one，其實嗰度都好多選擇，但真係好想食燒肉，一班朋友決定試吓呢間，來自東京人氣和牛燒肉專門店銀座炎藏燒肉呢度嚴選日本產黑毛和牛同埋D稀有部位，龜之甲、友三角 （其實唔知係乜，但最緊要好味！）果然係咁易烘一下，肉香爽滑甘甜，勁正 😋😋😋😋😋 牛舌芯，簡直不可不試，冇叫就走寶，啱晒我呢個超級牛舌粉 👅另外仲嗌咗豚肉同雞肉，亦同樣好食！大大隻虎蝦，爽口啖啖肉！ 主食叫咗和牛炒飯同咖喱烏冬，一次過大滿足！😋😊餐廳環境都好舒服，唔太油煙，4個人都可以有間房，傾偈除口罩開餐都會爽啲 😂 食物同環境都正，下次可以再去！

疫情讓人反思人與人之間的關係和距離，誠如某同學仔常常提醒，我們人生已過一半，還能健康開懷共聚歡樂慶生幾多次？每次相聚都要好好珍惜朋友介紹這家位於荔枝角D2 Place 的燒肉店，是日本的過江龍，推薦我們吃和牛六食同薄燒西冷，真的不錯，不過西冷找他們幫手燒會比較穩陣，不然會over左。魷魚也很鮮味，雞個人覺得比較精瘦，令我想起健身時吃的雞肉，豚肉同虎蝦就正正常常。燒南瓜火候很難掌握，燒菇很好吃和牛炒飯炒得乾身，甜品只有雪芭，不過我們都想減少甜食，所以也不介意。環境方面，都坐得舒服。侍應服務都合理，不會hard sell. 我們一行四人還點了咖哩飯和咖哩烏冬，都ok，咖哩幾香。我比較喜歡佢個烏冬，很入味。在此再次祝願朋友生日快樂身體健康

以前去日本旅行試過，估唔到竟然開到香港，即刻book嚟試吓！環境大好寬躺，訂左8位安排了房間給我們，即刻好有私隱，侍應們做到嘢👍🏻👍🏻仲送前菜俾我地食，食物質數好新鮮，和牛入口即溶，我地試左幾款牛，都係覺得塊和牛扒必試💡💡另外雞肉算滑（可能係我地燒得好）🤤店員話係日本直送的，旗艦店果然有質素，抵讚價錢就同日本個陣差唔多，性價比算高，食多幾次都唔肉痛😂最後仲送左啲好甜嘅蜜瓜俾我哋添下次會再嚟🥴🥴

昨晚約左舊同學聚會， 黎呢間炎藏， 說是上個月開張的， 坐位舒適， 只記得和牛很美味， 由於舊朋友見面主要目的都係傾..傾..傾， 主觀地覺得食物味道很好😂，回家細看手機內的相片也很想再去食了， 下次一定要同屋企人再來試真啲☺️。

D2 Place one 新開燒肉店，既然新開當然唔好放過試下佢同太太一齊去試，小試牛刀，叫咗一份 炎藏和牛極致6點拼盤 + 一份和牛炒飯極致 6點拼盤有6款唔同部位嘅牛，全部都好高汁，可以話入口即溶，食到我同太太都心心眼 相比之下和牛炒飯就失色少少店內地方都好闊落，一家大細應該都唔係問題。點餐可以直接用電話掃枱面個QR code，非常方便。絕對可以再 encore 期待下次試下佢地 d 燒牛脷 and 和牛西冷薄切大判燒* 門口仲有部機可以影 AR和服相

食咗一餐非常非常嘈嘅飯晚飯來到先知道沒有酒牌，食燒肉最好的配搭飲品就是啤酒我又要落返去樓下7–11買啤酒餐牌上讓很多啦酒類飲品但應該在門口提醒大家要大家自備酒類飲品其實食物種類不算很多今晚嗌了一個咖喱飯也很早已經沒有了這間餐廳，應該係屬於中高價餐廳但所謂房間我估係一些VIP或者老闆時聲音非常之差，騷擾客人非常趕客！十分討厭！令到好食的食物，完全變成普通牛肉名氣過大，可能係新開張希望快啲檢討一下失敗！

一家大細推住BB車，估唔到地方好闊落，初頭都驚太窄唔方便，原來位同位之間夠晒距離，大家都坐得好舒服 自助點餐好方便，老公點完菜就到我自己點，又可以睇到點左乜，好方便，唔駛問嚟問去主角登場就係牛拼盤，上菜時侍應生好有耐性介紹邊樣食先令到個口感最好，款款都好香入口質感果然寧舍不同另一個推介就燒海蝦，隻隻都好大隻好爽口 最後一道燒西冷扒，侍應生會幫忙燒到最好，加埋隻蛋真喺好滑呀！一試難忘P.S.燒肉最怕有陣味，仲要湊住個BB，但係通風好好，食完返屋企成身仲好清新最緊要BB都乖乖坐得舒服，要俾個讚賞

母親大人生日呢啲日子，一定要食好啲，為方便姪女唔好出去咁遠，見到荔枝角呢間銀座炎藏燒肉， 睇佢哋社交網站話係日本銀座嘅直接分店，唔洗諗，訂位！！！店舖見我哋有個👶安排左房間比我哋，相當貼心🥰今次點左花@特盛，有六個A4和牛不同部位，有豚肉，雞，海鮮都有大虎蝦，魷魚，帶子，就佢現在價錢，相當抵食，要試真係要快！後加和牛舌，牛味油香濃郁，一定要叫海鮮好新鮮下！和牛西冷建議由店員幫手燒，之後點雞蛋食，作為今晚一個完美結束非常開心搵到呢間店，食品服務一流，一定要encore呀！！！