鉄火堂 (登打士街) (已結業)

旺角-鉄火堂（晚市）：自選刺身丼- 壽司飯（hk$10)+3餸起自選刺身（$9/$10/$16/$18/$22/$24...不等）+10%-呢晚係旺角聽完talk已經11點幾，有點肚餓就諗住去搵章魚小丸子吊吊胃，點知比我見到附近鉄火堂仲開緊又唔駛等位，諗起見過佢$59四餸刺身飯既廣告就衝左過去😂點知晚市係無嫁～不過都照食啦，零晨先黎食飯肥死人了😂豐儉由人刺身丼，午市真係超抵食囉！！可惜我係晚市去，我鐘意佢碗飯細細（可以添飯喔），等我唔駛食太多飯😭呢度竟然有我最愛既火炙左口魚，wow，一口都係魚油脂味🤤🤤🤤，正。帆立貝都幾甜同呢個價錢算厚切啦，唔錯。朋友既甜蝦望落非常吸引，好後悔無揀，想夾佢一隻但在落手之前已經被消滅左💔好彩成功jam到活赤貝☺️☺️都係我大愛之一。-PS.送既麵豉湯好咸PS.想食蔥吞拿魚但搵黎搵去搵唔到，食完先見到原來在餐紙一角睇漏左😢——----------•Follow IG:nee.eat.play

叫在兩個魚生飯，飯唔多，啱哂女仔胃口🙃魚生夠新鮮，足料夾大件，最緊要價錢夠經濟。平均每個魚生飯都係$100鬆d😘另外同個大食朋友仲叫左個火炙三文魚沙律同脆脆粟米芝士。個沙律份量好大份，加埋醋做調味😛酸may may 好醒胃。個脆脆粟米都好好食，脆卜卜之餘裏面仲有粟米蓉😋大愛😍食飯時間仲要冇限時，又有人幫你斟水，認真抵讚👍🏻👍🏻👍🏻

琴日放工勁想食刺生丼，係旺角搵到呢間鐵火堂，由於佢門面好似伏伏地，而且價錢出奇地平，搞到我地都唔係好敢試 🤭 不過見唔洗排隊就比次機會佢.自選丼（～$90）呢到最好係可以比你食車仔麵咁揀魚生，我就揀左三文魚，帆立貝同油甘魚腩，一共96蚊，壽司飯仲要係任食！🤤講返刺生，帆立貝比較細粒，三文魚同油甘魚腩都好新鮮👍🏻.唔想煩既話可以點佢地魚生丼套餐，男朋友叫左火炙四色丼（$108），味道都唔錯😋.小食方面我地嗌左鰻魚玉子燒（$18）同生蝦沙律（68），個玉子燒真係超好食 🤤🤤 雖然得兩舊，不過好足料，必點 👍🏻 另外生蝦沙律就好抵食，不過生蝦彈牙，酸酸甜甜好開胃

最近一個月每到星期四收工就特別煩惱，要諗下去邊度晚飯，趕住時間去上堂。月初黎到呢間鐵火堂，老實講，以往喺尖沙咀經過無數次都無諗過要食，見佢開左喺旺角，近公司先一試，一試就睇怕無下次。平日晚上飯點黎到，客人頗多，喺門口睇過餐牌覺得啱食，加上有店員推銷啲特價丼飯，於是入座。成間餐廳位置唔算好多，枱櫈非常密麻，就好似一般嘅茶餐廳咁，舒服講唔上，好似食快餐一樣，而事實上我地亦都係用餐不足半小時就離開左。餐牌供應超過15款固定嘅魚生飯，定價$88-268，以魚生飯黎計，尚算合理價位。另有自選丼物，由壽司飯到配料都可以彈性自選，例如醋飯$10、北寄貝$18/3切；三文魚腩$30/3切；亦有比較貴價嘅食材，例如海膽、拖羅等。仲有小食、沙律，餐牌選擇算多而我見餐牌寫住惠顧魚生飯送味噌湯及可追加白飯、壽司飯，示過店員見人一放低筷子就話要收碗，恐怕係無心理準備有客人會追加吧。亦都一如港式魚生飯、日本料理般，希望客人盡可能唔好喺座位逗留多一分鐘，食完好埋單走人喇。厚切五式藍鰭吞拿魚飯 $150 (原價$268)呢款飯設特價時段，5-7:30pm及9:30pm後點選，只需$150，接近半價。一碗丼有齊：大拖羅

同阿女interview完經過見到好吸引，行去睇下🤤🤤原來中午仲有車仔丼飯食...69蚊有五樣自選菜仲要唔差就一於入去試下！小朋友唔食生野，好在都有d熟既可以配...加埋叫佢飯、餸分開上就冇問題啦😝阿女個飯加左5蚊轉左個冬菇飯...見到個飯有菇但個味又唔叫好出。請鋪頭分開飯上，絕對冇黑面...讚👍🏻大人既當然係食刺身我覺得佢炙燒吞拿魚同三文魚腩肥美過冇燒過既...唔知係咪要用油d既部位去燒

鉄火堂丼飯🍣尖沙咀開左好耐終於開到黎旺角!今次試左自選丼飯$59 4個餸/$69 5個餸包麵豉湯同無限熱茶我揀左三文魚 帆立貝 鰻魚同火炙牛肉份量唔算多 但夠女仔食 身材都算新鮮 特別係帆立貝都幾鮮甜值得一讚係鰻魚冇骨呢個價錢黎講好唔錯👍會再有下次

睇網上介紹知道有一間新開扺食魚生丼飯，就去咗試下😛 餐廳位置幾就腳，係登打士街同彌敦道交界，好易搵。 午餐／下午茶時間唔洗等好耐就可以入去坐😀 我叫咗69蚊自選魚生丼飯。有火炙黑椒三文魚、甜蝦、自家製甜蛋、汁燒帆立貝、火炙藍鯨吞拿魚😋 睇落份量唔多但食落好飽，跟餐仲送咗一碗麵鼓湯同印咗鐵火堂字嘅甜蛋，女仔黎講應該足夠。 有少少蠢自己另外嗌咗甜蛋做餸，加埋送嘅甜蛋一齊食就有啲too heavy。😟 但係另外叫嘅餸都係水準之上，尤其係火炙三文魚！甜蝦都夠大隻鮮甜，算係足料。 值得一讚係師傳將啲餸擺得有心機，就咁睇個樣已經覺得好滿足🤤

呢間鐵火堂其實本來係尖沙咀度頗具名氣，今次終於開到旺角取替左之前都係日本料理嘅金太郎。而呢間日本嘅餐廳主要係食刺身壽司丼，佢既最特別之處係可以自己定自己個丼有咩配料。呢間鋪頭位置就幾好，而當中裏面啲坐位都窄窄地，如果你有食過爆丼屋既話就係類似果款格局。食物方面如果要比較的話款式會比爆丼屋為多，佢都有幾個類似既主打，例如：海膽、赤身拖羅、築地直送刺身等等。而我今次就簡番自己自由配塔既丼，其實佢齋飯既款式都有多款，什至可以配沙律🥗，唔同送有唔同價錢，然後就叫多個炸河蝦小食。留意番：佢主打丼款，5:30-7:30前埋單或9:30打後去會有優惠

自選四餸魚生丼飯($59)-第一次食魚生丼飯係可以好似車仔麵咁自己揀餸，59蚊四個餸真係好抵，而且仲有送個麵豉湯，仲可以揀壽司飯！三文魚碎吞拿魚鰻魚帶子壽司飯-每樣餸都好出色，個人推薦碎吞拿魚同鰻魚，鰻魚大塊得黎仲有少少爽，碎吞拿魚嘅份量都好多，食完之後都好夠飽。燒汁帶子泰式生蝦蟹肉火炙黑椒三文魚壽司飯-雖然泰式生蝦好似好唔夾咁，但食落竟然出乎意料地好食，但蟹肉反而唔係好match，而火炙黑椒三文魚就唔太推薦，唔夠火炙之餘，都冇咗原本嘅三文魚果。小tips: 午餐同9點後都會平D架！

哇哇哇😝原來鉄火堂已經開到黎旺角!! 咁岩喺附近上開堂,放lunch諗住逛下附近有咩食..竟然俾我見到之前喺尖沙咀想試未試嘅鉄火堂😍可能開左唔係好耐,門面都好新好吸引~~當我仲喺店門前猶豫不決睇緊menu嘅時候,店員已經熱情地為我介紹佢地嘅自選飯~我就決定左係佢啦😉😉😉呢個自選飯都幾抵食咖😋$59有4個餸,$69有5個,都幾多選擇~仲包麵豉湯同無限追加飯(可選壽司飯或白飯)不過今日星期六我都要上全日堂..我決定獎勵下自己🙈🙈叫左4餸再加一個$20餸,藍鰭中拖羅😃其餘4餸就簡左鰻魚/三文魚子/火炙三文魚腩/帆立貝~都唔算等左好耐就有得食🤗🤗一見到都流哂囗水呀.. 全部刺身都算幾新鮮,但我覺得好食最好食始終係最貴嘅拖羅😂一分錢一分貨haha..不過整體黎講都好抵食呀~又可以自己簡自己鍾意嘅配搭😍岩哂我呢d奄奄尖尖嘅吃貨~不過個麵豉湯呢就好麻麻超咸d海帶又有d太厚咁~不過跟餐嘅都冇咩好投訴咖啦😂但服務算幾有效率同坐得幾舒服~大家黎開附近可以試下😉

成班同事，又來一齊試新餐廳拉我地揀左鐵火堂，呢間係尖沙咀厚福街都有分店的，今日我地就來旺角呢度食午飯。一去到，見到入面有好多人食緊午餐。我地六個人，都需要等位。侍應每人一張order紙，俾定我地劃左先，非常細心，甘就可以快啲食到拉吾使五分鐘已經有位，打開餐牌，見到夜晚餐都好吸引🤩下次有機會可以再試夜晚呢度係可以自由配搭壽司飯。$59可以點四樣，$69可以點五樣。我叫左火炙三文魚(本來叫左火炙黑椒三文魚，但賣曬)，自家制甜蛋，火炙左口魚邊同埋帆立貝, 配左壽司飯(另外可叫白飯，加$5可以配冬菇壽司飯飯，薑味壽司飯等)一上菜，整個飯的份量都不太大，但食物刺身是新鮮的。見到蛋有刻住字，寫住鐵火堂，都頗有特色。甘多刺身，最好味係帆立貝，超新鮮！而且帆立貝size相比其他既刺身都算大。(其他算係簿切，吾好期待係厚切同爆丼)。甜蛋既味道明顯煮得過熟，冇左陣蛋味。配菜有青瓜，薑絲同芥辣，十分新鮮！芥辣好攻鼻，千奇吾好撈曬落啲飯度。我仲叫左玉子鰻魚燒，可能落得鰻魚汁太多，有點咸同蓋左玉子既味道。蛋都係明顯過熟，有點乾身。整體不過不失，不過可以自由配搭係加分既！份量不多不少，甘既份量價錢都算合理的。不過

又到Happy Friday~今日同同事去咗試‘鐵火堂’嘅魚生飯~$59可自選4款魚生，$69就可以揀多1款~去到未有位住，侍應就俾住個menu我哋揀住先~ 但都唔洗5分鐘就已經有位喇~👏🏻👏🏻揀咗4款魚生（幾好，呢間可選配白飯/壽司飯）：1. 自家製甜蛋2. 鮑魚片3. 火炙三文魚（原本揀黑椒嗰隻，但無晒...）4. 帆立貝另外再叫咗個‘鰻魚玉子’($18)同另一位同事share~燒玉子好快就上咗~值得一讚嘅係，侍應可能見我哋幾個人，叫小食應該會share，主動送上碗仔方便我哋share，非常細心&貼心！👍🏻👍🏻呢個鰻魚玉子燒賣相唔錯，但味道就一般啦~個蛋甜度其實都適中，但就整得太熟喇，感覺有d實~中間鰻魚味都幾出，但表面嘅燒汁落得太多，整體食落都偏鹹...略為失望...👉🏻👈🏻最後到主角出場喇~~~（附送一碗湯）甜蛋：同鰻魚玉子一樣，都係太熟偏實，但甜度都ok，如果唔係凍嘅會更好（反而印咗鋪頭名嗰舊蛋仲好食！）鮑魚片：不過不失啦，有3片，但切得比較薄火炙三文魚：呢間d魚生片全部都切到勁薄（可能成本問題啦🤔），無咩口感，麻麻地帆立貝：呢樣係稍為驚喜嘅一款。2粒帆立貝都好大粒，而且夠厚

今天中午去了鐵火堂吃午餐，曾經有朋友吃過，說他的食物質素不錯，所以今日就抱著一試的心情去找這間鐵火堂，試一試他的午餐(>^ω^<)打開他的餐單，很多刺身選擇。但我今天想吃熟的，不想吃生的，所以我就點了4款熟的食物，再配上壽司飯，因為我選了4款食物，所以價錢是59元。等了很快，飯就送到我面前，我覺得都很美的一碗飯。飯上面有一個甜蛋，上面寫著鐵火堂三個字，很有趣，哈哈(>^ω^<)甜蛋，有微甜，不油膩，好食。帆立貝切到薄薄的，味道和口感，都好，就是如果厚一點，會更好，哈哈。鰻魚，鰻魚汁很濃郁，好食。鮑魚片 ，有三片。黑椒三文魚，有2片，這個新鮮，不太大魚的腥味。還送了一碗湯。材料足。

又到星期五，同事講開公司附近有間食日本野，價錢好抵，就去試下。自選魚生飯，可以自選白飯或壽司飯，另可選4款或五款配料，我就選擇左壽司飯配2片火灸三文魚腩、2片油甘魚腩、2片帆立貝、3片火灸左口魚邊。等左一陣，我的魚生飯到。但一上檯，連飯都蓋唔晒，就有一種一定食唔飽的感覺。先講帆立貝，好細粒，但算鮮味；油甘魚腩薄薄一片，不說不知是魚腩；左右魚邊又少又碎，完全數唔到有三片；最好都是三文魚腩，好肥美！總括黎講，$59可以食個魚生飯，都算抵既！

話說今日好想食日本野喎，經過登打士街買章魚🐙燒舖頭對面有間食丼飯既日式舖頭好似很不錯，所以就入左去試下啦。。。中伏開始發生，打開menu有自選魚生飯同埋預先set好既飯，我同朋有都要左自選魚生飯，嗌左胡椒三文魚飯加火焰🔥三文魚兩塊，牛小排三塊，甜蝦三們，朋友嗌左呑拿魚蓉，珍寶帶子，章魚腩。兩碗飯到左，我同朋友即刻互望，心諗，食完哩餐下餐去邊食好呢因爲實在小得可憐，我近影所以顯得嗰碗好大，其實真心細碗的！我碗飯啲材料原全好不劑，原本嗌既時候都擔心會唔會中伏架，魚生加牛小排，但諗住博下啦，點知就懶野啦，三塊牛小排無一塊食得落肚，因為煎到好un但又勁生，哩隻牛肉真係唔知可唔可以生食，同埋無味囉，所以一塊都無食囉，然後塊火焰三文魚薄到呢，一夾起就碎哂啦，甜蝦就唔新鮮，有苦澀味！朋友碗魚生飯就好啲囉，件帶子可以入到口！好失望既經歷呀，點解咁多人可以讚好加哩間野！