鉄火堂 (登打士街) (已結業)

平時收工行過每次都係已經截咗單，今日好幸運咁無再提早截單，即刻入去落單。落單前已經係問定10分鐘左右可唔可以拎到，收銀嘅小姐同我講7-10分鐘就可以整好，於是乎就落單畀咗錢。落完單就出晒事1. 原本只係寫咗一份甜蝦無故變咗三份，唔想阻住人埋數就諗住算喇2.份外賣等足18分鐘仲要差啲無車，如果係因為太忙我一定可以接受，但係裡面嗰位小姐慢悠悠咁整呢樣整嗰樣都唔去check有無漏單，問收銀同事究竟要等幾耐先願意包個外賣畀我，佢就黑晒面咁樣同我講：包緊㗎喇3.裡面嗰位小姐整好晒自己啲嘢包個外賣嗰陣先同廚房講畀漏飯畀漏餸，我已經火都嚟埋4.追到巴士上咗車先發現原本三份嘅甜蝦畀得一份半，究竟係咪真係有用心去跟客人嘅嘢呢？唔爭在呢一份半嘅錢，而係畀錢買難受，之前一次過嚟買外賣嗰陣，另一位短髮戴眼鏡嘅小姐同今日呢位收銀真係天同地比，而且同尖沙咀分店嘅態度完全係兩回事，我明白阻住人收工係好煩厭嘅事情，但係客人無呢個責任去承受妳嘅壞脾氣同黑面囉！費事呢位同事覺得我老作，我影返張收據同食物留證，希望妳可以好似嗰位短髮女同事學習下咩叫待客之道！

今次同朋友一齊黎食，之前佢食過話唔錯，所以齊齊黎食。入到去餐廳，四周環境都幾舒服，一入黎服務員好好，俾個籃我地擺袋，最後我同友人叫左一個飯同半價嘅鐵盛 雖然半價左都唔算好平，但真係無後悔叫左！一黎擺設好靚，岩哂打卡嘅你；二黎真係好！好！味！ 我同朋友本身麻麻地吞拿魚、海膽，因整得唔好會腥，但依間嘅吞拿魚又唔腥又入口即融，海膽唔臭仲要鮮甜，真係好滿足呀！ 重點係，如果叫飯的話，飯是可以免費無限添，岩哂大食嘅男仔啦～

這間日式餐廳主要吃壽司和丼飯, 我們點了一系列壽司來分享, 另外, 亦點了一份沙律和一份小吃。香辣炸雞粒細細件, 易入口, 質感脆卜卜。溫泉蛋火炙三文魚沙律🥗會配上和風醬汁, 火炙三文魚大大件, 還會連魚皮的, 火炙三文魚帶有黑椒味, 很惹味。沙律菜和溫泉蛋撈勻, 然後再吃, 味道會更豐富。壽司方面🍣, 我們點了三文魚壽司、火炙三文魚壽司、玉子壽司、日本伊左目壽司、藍鰭頸拖羅壽司等等。我自己最喜歡的是日式鰤魚壽司、火炙三文魚壽司、拖羅壽司。第一次吃日式鰤魚壽司, 肉質厚實, 幾肥美的。藍鰭頸拖羅壽司充滿油脂香, 幾乎有入口即溶的口感。

This restaurant always has promotions linked to social media. If you like their page and tag some of friends, you canhave the sushi set with 50% discount or something. Sounds like a good deal.I especially like the deep fried shrimps. They add garlic and salt on top which made it extraordinarily tasty. Sadly, they missed our order and we need to wait half an hour for this dish.

同男朋友喺附近做開嘢，又突然想食壽司，就去咗鉄火堂嘅旺角店。坐低見到餐牌除咗有好多款丼外，仲有外型好吸引嘅壽司盛，侍應介紹兩款壽司盛，如果喺專頁 like and comment 返其中一個KOL幫鉄火堂拍嘅片，就可以半價享用兩款壽司盛。我哋就揀咗原價$298嘅火盛，有12件壽司，兩件反卷，細細碗嘅碎蔥吞拿魚腩飯，溫泉蛋，沙律同味噌湯，半價後$149非常抵食。由於男朋友都唔算大食，另外只係嗌咗個$22兩件嘅鰻魚玉子燒，同埋男朋友好想食嘅一口炸芝士，我其實麻麻地想食，又成$35，不過佢想食就嗌咗。個玉子燒嚟到好細件，同餐牌張相差好遠，又切到一大一細咁，於是叫個staff換過碟俾我哋，再整過其實都係真係得咁大件，只係好似切得均勻咗少少，好就好在熱辣辣，但個蛋都唔係太足料，得好少層冇乜substance, 個人認為真係唔係太抵食。至於個一口芝士基本上就係吉列炸芝士，我只係食咗一舊，味道不過不失，可能因為本人唔係太鍾意食炸芝士，覺得太漏，但男朋友就讚不絕口。下次如果再食，都應該focus on壽司或丼，質素會有保證啲。一人百幾蚊嘅壽司晚飯都算係好抵。

行過想食刺身，見呢間有得自己點車仔餸咁食，就入咗去試吓，三文魚子都幾好食，不過個腐皮就麻麻哋，唔太新鮮，個飯又唔係好夠大，女仔食可以，男仔食應該唔夠飽。勝在價錢平，好似五十幾蚊都埋到單。

見到好多食客都點呢兩個set👏🏻👏🏻. . 🐟#鉄盛$398 折後$199 中意食吞拿魚一定要點呢個！ 有8件吞拿魚壽司 有齊赤身、中拖羅同大拖羅💓 顏色鮮嫩 大拖羅勁肥美😋 碎蔥吞拿魚蓉卷物都唔錯 仲有海膽三文魚籽飯同溫泉蛋 極為豐富 👍🏻👍🏻 . 🔥#火盛 $299 折後$148 想試多啲款就可以揀呢個☺️ 12件壽司全部都唔同款 再有兩件卷物 同一個蟹籽碎蔥吞拿魚蓉飯 每款都好食🥳🥳 象拔拌爽脆 帶子鮮甜惹味 吞拿魚都有3款 十分肥美!有埋沙律、味噌湯、溫泉蛋💓 . 抵食! 只要Like 100毛藝人介紹鉄火堂既post👏🏻，再follow IG ，就可以用優惠價喇，詳情可以問店員☺️ 鉄火堂地址：旺角登打士街36號恆威商業中心地下1-2號舖

🔥火・盛壽司都幾多款式，一共有十二件壽司🍣，兩件反卷，仲有溫泉蛋🥚、沙律🥗、碎蔥吞拿魚腩蟹籽飯🍚同味噌湯🥣，份量都幾多，一個人食就有點多，如果2個女仔share來食都ok😂！成日set當中，我最愛帶子壽司，好鮮甜，另外個碎蔥吞拿魚腩蟹籽飯都好正，勁多蟹籽，配埋吞拿魚腩味道亦好夾😋！PS.之前睇 @myth.keiko Ig 發現，只要 Like 100毛藝人介紹鉄火堂嘅Post，再Tag 3個朋友同Follow @tekka_hongkong ，就可以半價食正價$398「鉄・盛」同$298嘅「火・盛」折左即係$199同$149咋，好抵🤑！

上網見到個超筍半價優惠，即時約埋姐姐去食😆!!!睇到100毛個ig，做齊3個step就可以半價食到超正壽司Set🍣！鉄盛（$398➡$199）Assorted Tuna Sushi Set今次試左「鉄盛」🐟，有8件唔同部位既吞拿魚壽司🍣、4件蔥碎拖羅蓉卷、三文魚子籽海膽杯、溫泉蛋🥚、沙律🥗同味噌湯。吞拿魚全部都顔色粉嫩吸引，食落新鮮柔軟。海膽夠新鮮🌊之餘加埋脆口嘅魚子好正！重點係而家✨半價喎！$199有齊成個set，真心抵食呀😆。

貼地日式丼飯壽司店 款式非常多 基本魚類比花巧的質素更好 小食和沙律亦好味 見好多人怕等位外賣呢😎.店員幫我選的配搭 老實說 唔知邊舊打邊舊 雖然名字好架勢 亦切得厚身💁白紅魚肉味道無礙偏淡 肉質都普通👀 (幸好自己要求加點了鰻魚 那個就夠味啦😍) .炸物和沙律更有驚喜🎉特別是黑松露吞拿魚蟹籽沙律吞拿魚多片亦算厚 肉質不錯亦香 配很多蟹籽和沙律菜 非常清甜呢🌱🌱炸物的炸芝士粒和炸蠔都好飽滿🍢尤其炸蠔很juicy又咸香 全部新鮮炸起 很好.總括來說 cp頗高👏但下次會點翻基本魚生款 因為之前朋友都說質素很不錯🙊

厚福街間#鉄火堂 經過好多次都無試過偏偏開左旺角分店先有機會黎呢度壽司種類多到一個點 好多都好少有得食到 仲要係平民價梗係食啲出面少見架啦 魴弗魚 鰤魚 深海池魚 伊左目仲有比大拖羅更矜貴的藍鰭頸拖羅🍣價錢都只係$18-48一件 好抵食！小食叫左鰻魚玉子燒($22) 呢個價錢去邊度搵？鰻魚香口 油香四溢 夾係玉子燒入面簡直一流牛小排沙律($68) 有成6片半熟牛 肉質鮮嫩 加上黑醋汁好開胃松葉蟹杯($28) 鮮甜蟹肉加上濃郁蟹膏蓋飯 唔洗調味已經好夠味最後係築地極上海鮮飯($150)除左拖羅 仲有磯燒鮑魚 牡丹蝦 巨型帶子等 十分足料新鮮！整體鉄火堂價錢平民化質素又高 可以Encore!!

平日午餐時段竟然可以同男朋友一齊食lunch，未食已經好開心^^男朋友一直想再黎鐵火堂食自選魚生飯，但因為平價自選只可在下午時間出現，所以一直都沒機會再黎幫襯。旺角店位於酒麻地和旺角交界的登打士街，地點方便，環境乾淨。自選4款魚生$59三文魚紋理分別，肥美程度一般，但夠大塊新餐牌加左油甘魚腩，正！刺身沒根，肉質鮮美。帆立貝，有兩粒完整。size偏小，無咩味道。三文魚籽，份量極多！！！絕對可以兩人開心share ~魚籽脆口，魚籽味夠濃～同各位介紹，呢度既魚生飯，飯是可以無限任加的。另外，讚一下這裡的員工，由開業之今都很有笑容，服務態度好，有禮貌。上餐速度亦快！👍🏼

嚟魚生飯專門店但食壽司😂 比起另一款以吞拿魚做主角嘅鐵盛，呢個火盛除咗平啲之外，壽司款式都偏向多元化，十二件握壽司，兩件反卷，仲有埋沙律溫泉蛋同埋一杯吞拿魚腩蟹籽飯，一個人食真係飽到上心口😂握壽司中唔少款式都甚有驚喜，象拔蚌厚身兼好有彈性；泰式生蝦上面加咗幾滴泰式醬有神髓；帶子壽司整到好似粒波仔咁飯量減少魚生比例更高口感更滿足；仲有放咗芥末籽醬嘅玻璃蝦，黑松露油甘，同埋吞拿三味，赤身中拖羅大拖羅，每一件都高質到爆燈✨

女友係附近走，會合佢一齊去食野，見到呢到新開左間日本餐廳，門口仲放左好多花牌，望望價錢都OK就入去試下。餐廳內外位於旺角同油麻地之間，近「彌敦道」，所以都好易搵，而裝修都係日本餐廳既日式裝修，都算大間。食物選擇唔止得壽司刺身，亦有沙律、小食、丼飯，而壽司唔算太貴，最平$8/件就有交易。鉄・盛　$398 (優惠價--半價$199)包括8款壽司、4件卷物、海膽杯、溫泉蛋、沙律及味噌湯。呢款「鉄・盛」係以吞拿魚做主角，成盤都係吞拿魚不同部位既刺身。前面第一行壽司由燒既吞拿魚開始，分別係蔥花伴火灸藍鰭赤身、柚子胡椒伴火灸藍鰭赤身、藍鰭大拖羅、藍鰭頸拖羅、碎蔥拖羅蓉卷後面第二行壽司然後由深紅色既芝麻伴藍鰭赤身、黑松露伴藍鰭中拖羅同藍鰭大拖羅。味道：由淡味既拖羅食先再到赤身，魚腩中後部分係中拖羅，食落油分適中同埋無筋，而大拖羅係魚腩最前既部位，油分同筋位比起中拖羅都多好多，相對上比中拖羅就更有較口，其實各有捧場客，好難介定邊個好食啲，至於頸拖羅就係頸既位置，因為比較少活動，就係最肥美既位，比起前兩者更加快入口即化。至於赤身，同拖羅又有好大分別，赤身係背部既位置，脂肪比起其他部位較少，食起上黎就爽口

上網見到介紹話呢間係自選刺身飯，即刻眼前一亮！而且見唔使排隊，就決定試下先！好少會見到有得畀你自選刺身款式，有時叫完可能有啲你唔食嘅又浪費咗，呢間就岩哂啦！由飯底開始就有得選擇啦！除咗有白飯，壽司飯之外，佢仲有薑味壽司飯（醋飯），冬菇壽司飯（醋飯），黑胡椒三文魚飯（白飯）揀。🔹帆立貝、甜蝦、油甘魚冬菇壽司飯 $101 ($30+$28+$30+13)冬菇壽司飯好特別，但偏向似白飯質地，如果多少少醋飯味會更佳。🔹三文魚、赤身、油甘魚壽司飯 $96 ($18+$38+$30+$10)刺身尚算新鮮，壽司飯軟熟容易入口。🔹吉烈炸蠔。$48炸得好香脆，食落好juicy，不錯！🔹一口甜薯 $35食第一啖就已經有種BBQ味道，好好味～勾起我突然好想去燒烤嘅感覺！員工幾nice，有機會想再黎試多幾款唔同刺身飯。📍旺角登打士街36號恆威商業中心地下1-2號舖．．環境分數：7.5/10食物分數：7/10Encore分數：7/10．．