鉄火堂 (登打士街) (已結業)

呢間日式刺身丼已經有唔少朋友話要黎食，上次食過尖沙咀個間，今次食埋旺角呢間，質素水準keep到，確實唔錯～～我揀左壽司飯底（另有白飯底揀），由於有太多太多自選配料可以揀，花多眼亂，心多多咩都想食，我同朋友都各自order左5款刺身、配料～～首先，我order既呢碗刺身丼有蟹膏、火炙藍鰭吞拿魚、穴子、帆立貝同鮑魚片～蟹膏拌飯真係一流，超正，鮮甜味美，唔會太鹹，極品！帆立貝同鮑片都夠新鮮～朋友order既有松葉蟹鉗、汁燒帆立貝、藍鰭吞拿魚、鰻魚同火炙三文魚腩～藍鰭吞拿魚刺身比起火炙好味得多，更有質感，有魚味～三文魚腩夠晒肥美～～

午市自選刺身飯 四款餸$59 五款餸就$69選擇仲多過平時食開既車仔麵，選擇咁多，今次揀左六款餸，分別係燒左口魚裙邊，三文魚籽，帶子，吞拿魚蓉(2份)燒左口魚裙邊就一般般，無乜魚脂既香味，亦都好碎咁。三文魚籽份量多，一份都可以撈成碗飯有，味道正常，好食既帶子兩件都切得算厚，無雪味，唔錯吞拿魚蓉叫左兩份，夠撈成碗飯，但就有少少筋，可能始終唔係碎吞拿魚腩，食落唔算好香好好食。總括黎講，都對得住個價錢，質素唔會話太差。因為可以揀自己喜歡食既料，份量又多，滿足感都大。

59蚊4餸既魚生飯 附湯 抵！今次午市時段來吃的這食店是朋友介紹我點了穴子、蟹籽、三文魚腩、左口魚裙邊果然水準高！cp值又高！新鮮，份量又足穴子是整條的～我最喜歡的是可以揀白飯or壽司飯岩哂唔太喜歡醋味同鍾意熱飯的我飯仲可以無限續添就要食到你飽 良心食店無誤食物方面十分滿意環境都幾乾淨 但大機會要搭抬環境不是高級日本食店那種感覺午餐諗唔到食咩 而在附近既可以來試試但慶生或慶祝紀念日就感覺怪怪

今日同朋友喺旺角行街😊😊😊😊之後佢話想食日本嘢🎎🎎🎎🎎跟住我哋就見到有一間鉄火堂喺度🍣🍣🍣望落好似幾吸引所以我哋就入咗去食啦😆😆😆😆我哋每人都叫咗一個刺身丼飯👍🏻👍🏻👍🏻👍🏻👍🏻我有食到朋友的刺身其實我覺得款款都好新鮮同埋都幾大份😍😍😍😍😍😍😍餐廳闊落 職員服務都幾好仲可以自選刺身唔同刺身都有唔同嘅價錢食完先見到佢有一啲壽司嘅套餐好吸引💕💕💕💕💕下次一定要嚟試下先

趕住開會要食lunch 又想食日本野 又唔想食啲大路日本餐廳 同事介紹之下就去咗呢間叫take away 冇諗到等咗10分鐘就有 侍應態度又好好!!佢有三餸同四餸揀 我就揀咗四餸嘅 分別係 蟹膏 三文魚 三文魚子 同埋炙燒凡立貝 佢包埋一碗麵豉湯嘅將啲蟹膏撈埋落啲飯到食 超好食啲魚生係勁新鮮 夠曬凍 唔洗擔心 啲日本飯都好夠口感 又軟熟整體來講 份量足夠 係值呢個價嘅！

本身諗住累累地，不如坐低食小小野啦，係旺角見到呢間有壽司食喎，試下啦⋯⋯估唔到比我想像中好食好多，好新鮮，價錢仲要唔貴，我地2個人食左好多壽司，飲埋啤酒，都係$300！👍👍👍

魚生飯一向矜貴，一般日式小店或者大型連鎖店動不動都要過百元。這間位於油麻地的鉄火堂，午市竟然有超抵吃的自選魚生丼。自選4款魚生$59，自選5款亦只不過$69，飯底還有數款可選，而且會跟一碗麵豉湯及免費追加白飯/壽司飯。魚生種類亦算多，思前想後，最後選了火炙藍鰭吞拿魚、火炙三文魚腩、油甘魚腩、松葉蟹鉗以及鰻魚，每款皆有兩片。魚生亦算新鮮，值得推介的是火炙三文魚腩和油甘魚腩，油脂非常香滑細膩，入口充滿魚香。松葉蟹鉗賣相一流，肉身彈牙，亦都不錯。比較失色的是火炙吞拿魚和鰻魚，吞拿魚有魚腥味，至於鰻魚吃得出只是行貨。

吞拿魚愛好者必選😻鉄盛（$398 半價$199‼️)赤身中拖羅大拖羅一共有8件 4件碎蔥吞拿魚腩反卷 海膽三文魚籽杯溫泉蛋，沙律，味噌湯分量十足吞拿魚顏色鮮嫩手握飯的份量不會過多 同吞拿魚比例配合得很好不會暄賓奪主個人最欣賞頸拖羅 頸拖羅是最肥美既位 入口即溶一個拼盤有曬不同的部位 絕對能迎合無論係鐘意油味重或者魚鮮味的你識食緊係把溫泉蛋加埋落額外叫的丼飯食 簡直係世界級享受🤤刺身質素當然不可以同高級日本料理比但以港式魚生飯黎講 呢個拼盤性價比極高 睇得又食得👀👀👀希望可以係佢半價完之前食多次啦😋5pm後有兩款丼都有半價架去到餐廳like 鉄火堂個facebook page就有得架啦😽半價左之後真係好抵食呀

魚生飯食就食得多,不過咁高性價比嘅真係第一次食到我見呢到啲魚生飯自選4款魚生都只係59蚊，鋪頭裝修又企理，於是就膽粗粗就走咗入嚟試下4款魚生我揀咗吞拿魚，吞拿魚蓉，三文魚蓉同埋燒三文魚腩呢到嘅壽司飯除左wasabi之外係會配兩塊青瓜，一塊紫蘇葉同埋印有鋪名嘅玉子燒嘅佢個燒三文魚腩係超好食唔係講笑入口即溶而且勁香魚油味，又唔會燒到過熟，下次再嚟食必點佢啲吞拿魚係藍鰭吞拿魚嚟,同我係日本食到嘅吞拿魚質素好貼近，魚味夠濃幾新鮮唔錯三文魚同吞拿魚蓉我係撈勻埋係啲飯到食，差唔多每一啖飯都食到吞拿魚同三文魚，啖啖飯都有魚生嘅鮮味，真係好正

9點半入座都仲好多人，服務員好快手俾茶俾餐牌，又俾左個籃我地裝袋。男朋友見到牆上貼左promotion。Like 鉄火堂個Facebook page 就可以以半價食到兩款壽司盛。 (鐵盛，火盛) 即刻覺得好抵食。😍😍晚市時段(5pm後)有兩款丼又有特價😋😋😍今次叫咗厚切五式藍鯨吞拿魚丼($158)同埋火盛(~$149)， 兩個餐都會附上面豉湯。吞拿魚丼真係有好多吞拿魚😂 不過份量方面，如果男仔食嘅話就可能要加多碗壽司飯(是免費加壽司飯的)。 整體嚟講都幾，好食得出佢哋嘅分別。個火盛黎到第一個感覺就係“咁多一定好飽“。😂 一共有12件壽司 兩件反捲 一個沙律 一個溫泉蛋 同埋一杯吞拿魚蟹籽飯。。🤤🤤淨係見到個賣相都覺得好食😂🙊 12件壽司當中我覺得最好食係象拔蚌， 好鮮甜又爽口， 其次吞拿魚都好甜。👍除咗我哋叫丼同埋壽司盛之外， 呢度仲有其他小食、沙律，仲可以自選丼 同壽司總括而言： 呢度壽司同丼個質素都幾好， 個人覺得原價偏貴。我哋叫咗兩個特價食物， 佢收嘅加一服務費都係以減左價之後計。👍唔知佢個promotion做到幾時呢！😂😂

開店以來，黎過十幾次，一直好捧場，亦會介紹同事去食，但感覺刺身質素越來越差。宵夜時間比下午貴，每款刺身不同價錢，最少選3款，加$10配白飯或壽司飯。我今次點左三文魚（$9）、三文魚腩、油甘魚腩（$24）。點解特別指明價錢是因爲餐牌有寫油甘魚同油甘魚腩價錢上有差別，初時上枱不是這一張相，是兩件暗紅色既油甘魚腩，魚身位置同色澤完全唔合格，擺明唔應該俾客食，我即時向女侍應反映，侍應亦都即刻拿走碗刺身，仲送左個「妙咀」樣俾我，嘩大佬呀～食咁多年刺身，一睇就知有問題，同你反映想換姐。結果就有趣，換左個平價既普通油甘魚，我忍唔住問呢個係油甘魚腩嗎？ 個侍應話：「哦，我睇睇單先......幫你改返普通油甘魚價錢喇！」多謝了，食之前真係要睇清楚。蟹籽沙津大大碗，價錢不算便宜但很滿足。

終於可以見食到鉄火堂聞名不如見面 啲食材真係好新鮮 三色海膽丼超級正宜家 火盛 同 藍鰭吞拿魚丼 性價比超高 抵食夾大件 因為五點後有半價 九點半後仲有58蚊優惠壽司添😋😋😋😋😋😋

有時候食好西又唔一定要燒銀紙，呢間平食手握司壽質素都唔錯！🍣上星期同朋友去旺角食晚飯，揀左呢間平平地既日本餐廳、兩個人叫左一set火盛、松葉蟹杯、鰻魚玉子燒三樣野。火盛 $298 （半價$149）壽司set是店員推介的，like 面書有半價🙈裡面有12件壽司、兩粒蜜桃卷、蔥吞拿魚腩杯、溫泉蛋、沙律、味噌湯壽司有三文魚、吞拿魚、油甘魚、帶子、蝦。。。💪飯握得結實，食出師父的手握力！🍣魚生新鮮。美味！松葉蟹杯 $28🦀松葉蟹杯蟹肉舖滿飯面，鮮甜蟹肉配上蟹糕十分滋味每啖都有蟹肉，好豐富🤤🤤🤤🦀鰻魚玉子燒 $22鰻魚玉子燒，軟滑雞蛋包住鰻魚，賣相同味道都吸引食物質素ok,價錢合理，十分滿意的晚餐

究竟係食材既錯 定師傅心情不佳既錯😵點解可以咁頹架😩圖文不符得好厲害啲店員又hea又趕住收工咁 明明冇咩客人一食完個下 就9秒9過嚟清哂你枱面啲野🙄呢個大伏呀🤦🏼‍♀️頹到真係想講粗口佢話有大拖羅 中拖羅 火炙赤身 赤身 碎蔥吞拿可惜呀😭全部望落去同食落去都一摸一樣架又唔係厚切 又唔知個五式係邊 好失敗🤮.我會話呢個好似好食啲可能係因為有勁多沙律醬啦 唔太健康沙律醬下面係三文魚 帆立貝 蟹柳 魷魚🦑啲刺身都算大塊既 但係絕對唔多囉🙄佢張圖仲夠膽死堆到成座山咁.以後唔會再幫襯呢間野🤦🏼‍♀️

🚩旺角🍣鉄火堂-朋友帶我吃既健康好吃料理🥳自選丼好似係必叫 午市嚟食係抵好多 自選四款$59 五款就$69 而晚市係要逐樣魚生計錢😢揀咗四款魚生 又加左 $5 轉沙律菜 邪惡指數又再降低🎊-叫左四款, 四款都好好吃!🍣火炙三文魚腩：幾肥美, 不過我喜歡另外三款魚生多啲🍣火炙左口魚邊：幾肥美, 吃上去黏黏的, 好特別!🍣醋鯖魚：驚喜! 係我喜歡嘅酸酸甜甜口味, 而且幾有咬口🍣碎葱呑拿魚：望落一小堆, 食落都幾多, 撈埋沙律菜味道好和諧🥗沙律菜唔係乾柴柴, 調味後幾滿足味蕾自選丼仲有麵豉湯送,如果叫飯既, 仲可以免費加飯,啱晒啲大胃王🤪-以後去旺角, 又多一間輕營午餐選擇💕-🚩舔舔脷：7.5/10🚩價錢💰：8/10🚩回頭度：8/10-