鉄火堂 (厚福街)

营业中

休息中

諗住上次食過堂食好味 賣相又吸引 經過呢頭就去買外賣。。。。。。。。點知一開個外賣勁失望！賣相唔靚都升。。。。。。。。。師傅刀工都會因為外賣變差既咩？！啲蝦同魚完全唔新鮮，啲蝦係霉！！。。。。。。。。叫生既藍鯨吞拿魚可以變熟….然後切得又簿 一夾就斷。。。完全望到都唔想食！唔會再有下次囉！！性價比又唔高…….搞咩呀，以前仲推介左好多朋友食，食完今次之後真係以後都會調頭走。。。。。。。。。。。。。。。。。。

呢一間成日見人去食 無論外賣定堂食都排曬隊難得當日5點幾6點咁早去到唔使排 就入去試下( ੭´꒳`ᑦ )自選5款丼飯 $72個日試左帶子 三文魚同火炙左口魚 份量唔少 材料亦都新鮮！壽司飯底又唔會太酸or太淋 (飯底都係好影響成碗丼飯！)食過幾款之後 推介火炙左口魚同火炙三文魚！另外仲試左壽司 不過冇咩特別 食丼飯會抵食啲૮ . ̫ . ა👅味道：4/5💰性價比：4/5👀回頭率：4/5

厚福街實在係一個好容易令人糾結食咩嘅地方，因為成條街嘅每一間都好想試😂😂😂今次揀左食自選魚生飯❤️可以確保成碗飯嘅每一個配搭都係自己鍾意食嘅嘢，好開心 🥳絕對冇失望，好好食，個湯都好好飲

好耐冇食過鐵火堂，對上一次食已經係幾年之前，其實呢度好啱我因為我唔食魚，又有好多魚生係唔食嘅，但可以自選就冇問題啦！佢哋淨係飯底都有唔同嘅選擇譬如有壽司飯、醋飯、冬菇壽司飯等等…..呢度嘅魚生配料可以俾你自由配搭，價錢由$20至$40-50不等，可以根據你想食嘅魚生多少製造一個屬於你自己嘅魚生飯。我屋企人另外都嗌咗啲壽司，包括左三文魚、八爪魚、北寄貝、馬刀貝等等，不過佢哋最欣賞就係鰻魚壽司話好厚肉好新鮮！我好鍾意食貝類，本來想叫活赤貝不過冇貨所以揀咗八爪魚，另外再加左蟹柳同埋鮮帶子，同埋嗌魚生飯會送一碗麵豉湯，另外加$10可以了加配冇酒精飲品，所以呢度嘅性價比都唔錯而且魚生非常新鮮，下次可以再嚟！

如果想食刺身黎呢到就啱晒😝叫幾多都係好平而且仲好有鮮味💝一次過食晒想食嘅野🥰仲有味噌湯暖胃中和下生冷野🥳.🌟自選魚生飯飯可以揀白飯或壽司飯揀左壽司飯 酸酸地配魚生先好食🙈🍣火炙三文魚輕輕燒過 逼出魚油香🦀蟹柳棒啖啖肉 增加飯嘅咸香味💝🍣拖羅蓉油脂好香🍣藍鰭吞拿魚係厚切 好肥美👍🏻🦀芝士蟹籽咬落卜卜聲好有口感撈飯一流🍚🍙帶子冇調味嘅帶子食得出好鮮甜🥳🍤甜蝦入口即溶 好鮮甜💕

鐵火堂（Tsim Sha Tsui）好耐無食日本嘢🇯🇵 經過尖沙咀 咁啱見到有自選丼飯食😚😚 仲要可以無限追加壽司飯🍣 小編又可以大飽口福喇🙌🏻🙌🏻⌖ 鐵丼家1️⃣ （厚切藍鰭吞拿魚+碎蔥吞拿魚+油甘魚+火炙三文魚腩+赤蝦）💰$108厚切藍鰭吞拿魚🐟有兩切 肉味好出 食落無筋😌 碎蔥吞拿魚撈飯一流☺️ 仲有小小芝麻係面 油甘魚中規中矩 差咁啲油香😗😗 火炙三文魚腩幾肥美 赤蝦偏細隻🦐 不過都夠新鮮😎 整體都幾抵食！⌖ 鐵丼家2️⃣（厚切藍鰭中拖羅+碎蔥吞拿魚+火炙左口魚腩+火炙三文魚腩+汁燒帆立貝）💰$123哩款就加多$15蚊揀左厚切藍鰭中拖羅🐟 色澤好吸引🤩 肉味一樣突出 油脂感更加豐富🤔🤔 碎蔥吞拿魚唔知點解哩碗又特別少蔥😂😂 火炙左口魚腩嘅油香十足😍 火炙三文魚腩同上 汁燒帆立貝正常發揮喇～🤓哩度嘅壽司飯酸味適中 小編忍唔住encore左兩次😛😛 味噌湯入面有豆腐同海帶 味道啱好 唔會好稀🤔☻ 回頭指數：8/ 10❝ #Amiの九龍覓食記#Fatshit_ami #Drinktime #尖沙咀美食 #港式美食 #香港美食 #食好西 #日式丼飯 #厚切藍鰭吞拿魚 #厚切藍鰭中拖羅 #自選丼飯

好耐冇Po嘢喇🫡 今次係早排帶住Minions食嘢嘅系列😂 已經係仲落緊暴雨個排去咗食鉄火堂🍣 聽人講好好食，睇相又靚，唔知試落又點呢🤔💛自選5款 ($74)我揀咗1️⃣三文魚 2️⃣甜蝦 3️⃣松葉蟹鉗 4️⃣蟹膏 5️⃣帝皇蟹棒蟹膏好香🤩 仲勁好大Pat🤤 必點❣️三文魚同甜蝦都新鮮，正常發揮👌🏻蟹鉗較細隻，都冇乜肉🤯 佢啲肉大約係一節手指頭嘅一半咁嘅份量😵‍💫帝王蟹棒以為會一大條咁過，點知佢剪開做細細條🥲 其實食落我都分唔到同普通蟹柳有咩分別😂 本身係想食佢個size開心下🐡揀咗1️⃣碎蔥吞拿魚 2️⃣油甘魚 3️⃣劍魚腩 4️⃣馬刀貝 5️⃣赤蝦油甘魚有油但唔多夠油🪔馬刀貝爽口👍🏻個呑拿魚蓉幾好食😙劍魚普通，睇色好似冇咁靚🤔赤蝦比🐡預期細隻，但好食😋💭總結嚟講佢刺身嘅選擇都幾多👍🏻 味道都唔錯，仲有個麵豉湯飲下🥣 好似仲可以免費添飯(?) (見到牆有張紙寫咗，但我冇試😂) 不過就有啲位Expect同出到嚟唔同就有少少失望🤏🏻 💭扣分位：入咗舖頭坐好咗之後先講冇三文魚腩🤯 唔知係因乜個日落大雨所以咁，定係一直都係咁🥸

以前一直覺得鉄火堂抵食加好食，但今日重臨卻大失所望$74 五款魚生：碎蔥呑拿魚、劍魚腩（二切）、火灸藍鰭呑拿魚（二切）、三文魚籽、赤蝦（2隻）壽司飯壽司飯一向食都沒有壽司醋味，這價錢不能要求太多是明白的，但飯極軟，基本上已黐埋一舊，食了幾啖已不想食火灸藍鰭呑拿魚應該火灸後放了一段時間，也食得出不太新鮮，如果想吃呑拿魚，還是以往沒火灸的好吃，也切得比火灸厚身碎蔥呑拿魚和劍魚腩，保持原有水平，不過不失赤蝦，沒什麼鮮味總括而言，跟以前的鉄火堂相比，大為退步，短期內應該不會再光顧

筆者鍾意食丼飯，成日遇到個問題係menu上嘅丼飯唔一定有齊想食嘅配料，又或者好貴。鐵火堂嘅丼就可以自選之餘又價錢合理，選擇都好多。店內有好多搞笑告示。點餐前會送上味噌湯暖吓胃。選擇咗壽司飯，碎蔥吞拿魚，火炙三文魚腩，赤蝦，汁燒帆文貝同海膽魷魚。個人覺得吞拿魚係呢度鎮店之寶，香味四溢又新鮮。海膽魷魚就相對重口味，好適合撈飯。汁燒帆立貝幾惹味。赤蝦不但新鮮，去蝦頭令人食得更方便，非常貼心。火炙三文魚腩最得我心，香口肥美到俾到我入口即溶嘅感覺，好厲害（雖然俾友人話好誇張）。平日午市呢餐真係相當抵食，質素又超好，回頭率極高！唔怪得咁多人慕名而來！

尖沙咀厚福街既鉄火堂剛開業既時候已經吸引好多人去食🍣，但到而家次次食飯時間經過厚福街都一樣見到有人排🤦🏻‍♀️，今日自己夜左D黎，大約9點到所以可以直入唔洗等位😌，終於可以試下出名既抵食自選魚生丼飯✌🏻。🍱自選5款魚生飯 ($72)每碗魚生飯可以揀白飯或者壽司飯🍣，仲係可以免費追加架添🫢，男士們唔怕唔夠飽😂，跟餐仲會送麵豉湯一碗🥣，亦可以加$10要烏龍茶一支🍵。🐟藍鰭吞拿魚---唔算肥，魚脂冇乜冇乜香🦀海膽魷魚/ 蟹膏---正常packing貨，冇腥味，撈飯一流🥚三文魚子---份量幾多，粒粒都脹卜卜夠新鮮🐠油甘魚---新鮮，肥瘦均勻，但有D薄身同得2塊🐚凡立貝----一分為兩半，size 屬於細，但都厚肉同鮮甜🔥火炙左口魚邊---火槍燒過之後表面層有一層好香既魚油，入口即溶🍳玉子--- 主要係用黎打卡既，冇乜蛋香味🥣麵豉湯---入面有昆布同幾粒豆腐，湯口唔會好鹹，甜甜地呢個價錢呢個質素🤩其實都認真算唔錯👍🏻，仲有成超過30款配料比你自己揀Build Your Own Bowl🍱，一定滿足到你既胃口😏。

由中學食到而家都仲會間唔中幫襯!! 因為佢嘅性價比實在太高啦🙌🏻 自選丼有30幾款刺身任君選擇🙈 4款刺身只係$62咋 而5款都只係$72!! (午市冇加一㗎) 仲要包麵豉湯同埋可以免費無限添飯 一定食到你飽～😚 我揀左5️⃣樣：三文魚/油甘魚/劍魚腩/三文魚子/碎蔥吞拿魚 (同埋添咗1次飯🤣🤣）每款魚刺身有兩片厚切 吞拿魚同三文魚子嘅份量比較多🥰 而且好新鮮 油甘魚好肥美 一咬落去啲油脂標出嚟🥇碎蔥吞拿魚亦都好鮮甜 但係劍魚腩好多根 咬到我懷疑人生😭😭 下次一定會食返火炙三文魚腩～

來到尖沙咀一帶staycation，見到曾有youtuber推薦這家魚生飯，上網見到配料選擇很多，好像車仔麵一樣能自由配搭配料，還有不少火炙的選擇，十分適合我這種不吃魚生的人類呢😝每人各點了一碗四款的魚生丼，同樣是選了壽司飯～下單後會先送上一碗味噌湯暖暖胃，然後丼飯就很多上桌了！非常適合午膳時間有限的打工仔👍🏻火炙三文魚﹑火炙藍鰭吞拿魚﹑醋鯖魚及藍鰭吞拿魚火炙的藍鰭吞拿魚外層輕輕炙燒過，逼出一點魚的油份，令魚肉更香，而且亦沒有筋，口感很好～另外的魚生亦新鮮，這個價錢來說十分實惠💛火炙藍鰭吞拿魚﹑蟹膏﹑三文魚籽及碎蟹肉拌勻三文魚籽後能令每口飯也充滿魚籽的甜味～蟹膏及蟹肉則增加了丼飯的鹹香味，選這三種配料就不擔心會不夠配料伴飯吃～飯是可以無限refill的～而且午市又不收加一，於尖沙咀區來說是超值的選擇👍🏻👍🏻

呢間一直都好想試，今日終於有機會試倒！12時正一開門就入黎，一個人都冇可以自己慢慢歎！呢度係剔紙仔自選配料丼飯，可以揀四款或五款食物，再加每一項食物就大約加$16選擇好多，心多的我真係好難揀😅結果我揀咗蟹羔、藍鯺吞拿魚、醋鯖魚、赤蝦同埋帆立貝全部都好新鮮好好味😋，不過咁嘅價錢就唔好期望啲刺身會好大塊，尤其吞拿魚係幾細塊下我就特別鍾意個蟹羔，好濃味好鮮味，撈飯一流！另外帆立貝都自厚身同鮮味要留意返佢啲飯係比較似普通珍珠米白飯，如果想轉醋飯係要加$6五樣食物的丼飯只係$72唔駛加一，仲送面豉湯，性價比超高！不過由於佢每樣食物的份量不算多，如果想食完有一種超滿足感就建議額外再剔多一至兩項食物啦！

睇完一篇營養師嘅文章，決定嚟試下中午一點幾嚟到，有幾個人排緊隊。見唔係太多人等，可以排下。排左10分鐘左右就有位喇。。。一坐底，侍應就會落杯茶同一碗湯。自選丼好多選擇，有啲選擇困難最後揀左6款（劍魚腩，油甘魚，火炙左口魚裙邊，三文魚籽，蟹膏同海膽魷魚）三款可以撈飯嘅三文魚籽，蟹膏，海膽魷魚都好正火炙左口魚裙邊，本來寫係3片，但唔知係咪太濕碎，俾左5-6片。呢個無得輸，都係咁多油脂兩款魚生有少少遜色，太薄。壽司朗食呢6款壽司都應該差唔多價。如果唔使排，會揀去壽司朗

講到抵食嘅魚生丼，除咗旺角嘅大勝丼之外，就係尖沙咀呢間鉄火堂。午餐時間，自選五款魚生丼只需 $72，抵到冇朋友。我揀咗劍魚腩，甜蝦，藍鰭吞拿魚，三文魚籽同蟹膏。由於飯底揀咗酸酸哋嘅壽司飯，基本上剩係用鹹鹹鮮鮮嘅三文魚籽同蟹膏嚟撈，已經可以食哂成個飯，於是其餘三款刺身就可以空口食，嗒真箇中鮮味。以呢個價錢嚟講，魚生丼嘅質素實在已經無話可說，加上塊塊厚切，唔會將貨就價，性價比甚高🤩。食完呢餐，行出門口，已經好掛住啦😂。