鉄火堂 (厚福街)

营业中

休息中

每次經過厚福街＂鉄火堂＂也會給他們的圖片所吸引，他們各式各樣的井飯，又可自選，感覺很豐富很精美，決定今天中午試一試先🤔自選魚生飯(飛魚籽，大拖羅，活赤貝) -送上來覺得份量遍小，青瓜還大片過拖羅，大拖羅很細塊很薄身，幸好也算新鮮，放入口中也有爆油的感覺，活赤貝有少少腥味，不夠鮮味，飛魚籽新鮮卜卜脆。奉送味噌湯 - 味噌湯海帶味道份量也適中還有少少豆腐，不錯！順帶一提，女生應該覺得夠飽，但男生可能覺得份量較少，可以免費追加壽司飯😉

之前喺網上面見到呢間賣日式丼飯嘅鋪頭新開 魚生配料又可以自己揀幾特別 所以就嚟試下。一去到可能係因為新開張 見佢門口好多人排隊 之後我哋等咗大概15分鐘就入得。一入到去嘅裝修都幾特別 有好多日本嘅裝飾。✨佢呢度嘅丼飯係自己揀配料嘅 之後我就揀咗三文魚腩 中拖羅 另外佢仲有啲每日限定嘅刺身選擇 而我就揀咗血鯛🙈之後佢個飯一黎到就有少少失望 因為比起平時出面食嗰啲個份量比較細 但好彩佢有得無限添加日本飯的🙈但賣相都係唔錯嘅。另外每個飯都有跟一個麵豉湯個湯都幾濃幾香👍🏻之後就試左佢嘅三文魚腩先 佢呢度唔算係好soft好有油香 魚腩仲有啲偏瘦的☹️ 食完再試佢嘅中拖羅 味道都唔錯但就唔算係太新鮮。最後試埋最期待嘅血鯛 佢呢度俾左三片 肉質稍稍粗糙 但味道就頗鮮的。整體味道都唔算太差 但就冇傳媒講得咁好咁抵食🙈

need refreshment after a day of biking under the sun 😎 getting back to downtown #tsimshatsui for the #sashimidon 😋.We opt to pick our own sashimi! First of all, pick from the list of rice available, we chose ginger rice 🍚 indeed it's just vinegar rice but topped with shredded ginger but it's still good and delicious.Here comes our choices to share at 10ish at night 😋double portion of #seaurchin $68@ super sweet and aromatic 😋fat #tunabelly $58 ultra fatty and melt at the mouth 😋#flatfish $28 sli

先講食物，叫咗極上吞拿魚丼，海膽丼，自選三文魚加火灸三文魚丼。吞拿魚同海膽都好細碗，只係比面豉湯嘅碗大少少，我明白食材貴，但係佢少得來唔好食。吞拿魚完全同圖片兩樣野，唔講都唔知係吞拿魚，望落好似生豬肉，薄如紙，將兩塊魚分開時薄到爛左....其實係好夠油嘅但咁薄食落一啲都唔好食有一片大海膽好臭，咬左啖即刻lur左，其餘都無咩鮮甜味。食完無滿足感，唔值這價。連三文魚丼都冇食晒，不油不厚不鮮，火灸得好老，連元氣嘅火灸都好食過佢，失望。再講服務。入門口個女仔好好，入座前主動問我蛋糕要唔要雪左先。入到去有兩位侍應態度好差，明明見你叫佢即刻擰轉身走。食完丼，叫侍應拎蛋糕出嚟，佢放低蛋糕時黑面轉身即走。問佢攞碟叉，佢好唔情願。食蛋糕嘅時候，男侍應企喺我哋後面黑面咁望住，當其中一位朋友碟上蛋糕食完，隻碟超快畀人收左，但得佢一個食完，分明趕我地走，重點係出面冇人等位...其實不如講明不准切餅，佢不收切餅費又咁唔歡迎人帶蛋糕，我寧願佢收切餅費！

復活節假期尾聲，梗係要去厚福街搵食啦，天氣熱熱地好想食d 涼涼地既野食，竟然比我遇上刺身丼大約7:00都有些人排隊，唔使等好耐已經有位，本人覺得自選比現成好，單講海膽自選都有好幾款👍🏻我叫了自選分別叫左加拿大海膽，三文魚3片，北寄貝，帆立貝，牡丹蝦整體真係好好好新鮮，好好味！有圖有真相😝😝由於本人唔食朋友以下呢款，比唔到什麼食評！但朋友話好新鮮好甜無腥味😋仲有芝麻雞翼無影相，但都好味！不會太油一口芝士就麻麻地啦，預期是拉C,最後都做唔到！整體食品都不錯，希望keep 到水準！期待下次再幫襯😍😍

原本看中Doraya定食，實在太多人等位，不敵胃的嚎叫，即時轉移目標到鐵火堂。餐牌上有配好的刺身定食，但我選了自選：三文魚籽，送飯一流；赤貝一只，味道鮮甜；左口魚裙邊：這個最令人驚喜。厚切，目測以為有筋咬不動。正好相反，入口肥美。最讚！油甘魚腩，沒有想像的鮮甜，但也不錯。另有飯底選擇，由於刺身屬生冷食物，且為了減少進食時的腥氣，我選了薑味飯。之後便發覺此薑味壽司飯令定食生色不少。它沒有想像中的辛辣，令人容易接受。更去除刺身的油膩感。最終全碗掃清！同伴叫了極上拖羅定食，食物來了，片片雪花。另配有面豉湯。我試了一片，肉太薄身，少了咬口。再者肉質入口粗糙，沒有預期的豐腴軟滑，令人有點失望。還叫了炸蠔小食，即炸，熱得燙嘴。咬開還見肉汁流轉，無怪味。真的不錯！總括來說，值得光顧。看到鄰桌的極上盛合海鮮丼買相吸引，下次再試。

算抵食午餐不加一建議食自選魚生飯，紅色字推介那些，挺高質的..👍🏾👍🏾👍🏾👍🏾👍🏾朋友點的自選魚生飯拖羅很好吃，軟滑，甘甜，脂肪入口即化唔腥😍韓國海膽都ok炸芝士好好吃😍😍😍雞翼ok環境不錯，位置有一點點窄服務不過不失，食完野即執，有點趕人的感覺，一般般....極上盛盒海鮮丼，雖然$158，有十幾樣魚生好抵，不過麻麻，帶子好細粒，其他同爭鮮差不多...所以下次不吃過個了........

最近經常見到朋友圈裡面曬丼飯，飯面上面舖滿的魚生好感興趣！但通常影相的效果跟實物是有出入的，尖沙咀過來想找回有條街吃甜品🍮的好多人想試下⋯⋯但都搵唔到，就見到有個丼有個女仔在外面派傳單，對相片裡的海鮮盛合丼飯感興趣門外的丼款式好誘人，就決定放棄尋找我的甜品改吃丼飯！裡面唔算太大，個海鮮盛合丼實物就遜色點了！份量還好，有三文魚，魚子，赤蝦，帶子，北極貝，玉子等D刺身鋪滿隻碟，帶子唔大粒，三文魚還好，整個丼還好唔算特別或著特別驚人

今日同另一半行開尖沙咀，就試下新野。由於時間尚早，完全唔使等位。可能因為新開關係，覺得店員服務好友善食物選擇都好多，仲可以自由配搭魚生飯感覺都幾新鮮 。有別於坊間只得來來去去幾款魚生飯。自選魚生飯特選三文魚3色丼不過不失的晚餐。

想食刺身飯，門口見到好多唔同既刺身飯選擇，於是入去試下。我就叫左雜錦魚飯，好吸引眼球，不過食落非常普通，唔難食唔好食。同行就以車仔面式叫左海膽赤蝦帶子，佢評價同我一樣，都係影相就靚，食落就普通。加埋呢個非常迫既環境同埋略貴既價錢，不會再試。

做一日閒人嘅辣椒，夜晚11點幾仲未食飯，決定去厚福街碰碰運氣，睇下仲有咩食。行過見到有間魚生飯仲開，賣相幾吸引，就同閒人二號入去鉄火堂坐低。鉄火堂係新開嘅餐廳，店面細細，但整齊企理。 呢度只賣刺身飯，有9款幫你併好嘅刺身飯，亦有自選刺身飯任你併。有選擇困難嘅我當然唔會自選，揀咗極上盛合海鮮，而閒人二號就叫咗火炙特選海鮮。火炙特選 $138唔好睇佢好似細細碗，但賣相同用料都好新鮮，份量好足，好過俾成舊水去食得2-3片薄肉嘅拉麵，閒人二號食完都話好飽。極上盛合 $158呢個不得了，一上枱就覺得佢值回票價，份量同用料同樣超新鮮，碗飯仲要比火炙再大一圈，辣椒盡哂人事搵埋閒人二號幫拖，只係僅僅可以ko哂啲刺身，碗飯我食咗1/3, 真係覺得好唔應該。差唔多食完見舖頭冇咩客就嚟打样，忍唔住同店長講碗飯太大啦，點知佢話怕客人食完唔夠飽會投訴，所以先咁大碗，咁睇嚟下次我要少少飯就夠啦，唔好浪費。

早前爆丼屋的出現，坊間好像掀起了一股丼熱，來到厚福街又發現這家新的丼食店。筆者未到訪過爆丼屋，因為人實在多得很，這家新店子卻相對地人少。不過，晚市時段也是幾乎滿座的。鐵火堂有趣的地方是除了點叫大型丼物外，也可以點選不同口味的飯底和大小，在挑選不同的魚生配料。自行挑選，價錢則按食材收費。筆者是次點了三文魚（$18）、鰻魚（$18）、鮑魚片（$18）和活寄貝（1隻--$35），同行朋友則點選了三文魚2份、牡丹蝦（$38）、帶子（$28）和松葉蟹腳（$38）。遺憾的是，原來自行挑選配料的丼物不會盛得高高的。。。至於店家的魚生除了鮑魚片和鰻魚以外，皆相當新鮮和鮮甜。尤其以三文魚、牡丹蝦、松葉蟹腳和帶子最為美味。推薦指數：4/5不過，個人覺得店家的丼物也不算非常抵起，儘管自行挑選配料的設計可以讓顧客度身訂做自己的丼物。幸福的是，在尖沙咀也算是多了一處丼物好去處。

雖然好多人黎呢間食海膽飯，但對於toro係唔能夠捨棄的！toro剌身飯，200蚊一碗，有8片大腩，應算合理。入口溶化 有魚香，冇雪味，只係唔夠厚身，剌身片較薄，如果可以厚切返火少少應該油份仲勁！不過有少少怕啲剌身溶左啲血落啲飯度，但好彩食落去都冇咩特別古怪感。飯量唔算多，份量適中，對於大胃男就有機會唔夠。但佢可以加飯份量，飯仲可選擇薑飯同冬菇飯，都幾好！剌身尖端有篤薑茸，平時對薑茸冇乜特別興趣，但呢度既薑茸除左有少少薑味仲有啲啲酸薑味，送飯唔錯！

基本上每個月都會至少去一次尖沙咀辦私事順道用餐，通常都選連鎖食肆，這次因為instagram的介紹來到一家丼店，下午茶時段雖然只有兩、三桌客人，總算叫有些人氣。主餐牌只有9個魚生飯，款式不算多但用料感覺吸引，心大心細下最終挑了種類豐富的極上盛合海鮮丼，隨丼飯附上味噌湯。丼飯的份量比我預期中大一點，各式魚生舖滿飯上，就賣相再言不錯。味道方面，每種魚生都鮮度足夠，不會有雪味和腥味，很有水準，其中特別推薦三文魚籽、碎蔥碎吞拿魚，拌著醋飯相當好吃，很合我的胃口，輕易就把整碗丼飯吃清光，若然魚生的份量再多些就更好了xD點了餐才發現有午餐跟自選魚生飯，不過12:00-17:00時段免加一，還是主餐牌的丼飯比較吸引。

中午時間基本上店內無乜人，但見到食物圖片都幾吸引所以都想試試。個人認為刺身飯以車仔麵叫法呢個idea相當唔錯，可惜車仔刺身飯見到真身後完全唔吸引，而且仲唔夠餸送飯⋯除咗賣相唔吸引之外，海膽亦唔新鮮有腥味。大拖羅有雪味，完全無入口即溶果種味道。中伏⋯以上盛惠$229同行友人叫火焰四色飯 $98，相比上面車仔飯叫法，呢d套餐飯類會抵好多。但刺身依然唔多新鮮，通常火燒後會有魚油滲出，但呢碗嘢火燒後依然好乾身⋯