鉄火堂 (厚福街)

营业中

休息中

做一日閒人嘅辣椒，夜晚11點幾仲未食飯，決定去厚福街碰碰運氣，睇下仲有咩食。行過見到有間魚生飯仲開，賣相幾吸引，就同閒人二號入去鉄火堂坐低。鉄火堂係新開嘅餐廳，店面細細，但整齊企理。 呢度只賣刺身飯，有9款幫你併好嘅刺身飯，亦有自選刺身飯任你併。有選擇困難嘅我當然唔會自選，揀咗極上盛合海鮮，而閒人二號就叫咗火炙特選海鮮。火炙特選 $138唔好睇佢好似細細碗，但賣相同用料都好新鮮，份量好足，好過俾成舊水去食得2-3片薄肉嘅拉麵，閒人二號食完都話好飽。極上盛合 $158呢個不得了，一上枱就覺得佢值回票價，份量同用料同樣超新鮮，碗飯仲要比火炙再大一圈，辣椒盡哂人事搵埋閒人二號幫拖，只係僅僅可以ko哂啲刺身，碗飯我食咗1/3, 真係覺得好唔應該。差唔多食完見舖頭冇咩客就嚟打样，忍唔住同店長講碗飯太大啦，點知佢話怕客人食完唔夠飽會投訴，所以先咁大碗，咁睇嚟下次我要少少飯就夠啦，唔好浪費。