鉄火堂 (厚福街)

营业中

休息中

今日黎食咗午餐，唔加一，都算抵嘅。我叫左一個三文魚丼($8x)，男朋友叫左一個自選丼飯($27x)。佢本身嘅配搭都唔錯，但好似我男朋友咁挑剔既話都係揀自選好啲，選擇好多，海膽都有幾款。都幾大碗嘅，份量適中，但感覺唔係特別抵食。魚生唔係話特別新鮮。整體黎講都係一般般。不過影相既話個飯都幾靚仔既！

約6pm, 經過見門口裝修幾靚 每種飯亦有大大張相 應該唔錯（掛？）入去...一個人都無？！5-7pm 做緊promo, 海鮮飯$218 --＞$150 見好似幾抵咁 就叫左一個試下，另外叫左個 大拖羅飯 $218 因為唯一一枱客ge關係，飯都好快上。見到碗飯...即時呆左...咁細碗嘅？種感覺就十足M記burger 同現實burger 嘅落差咁 ... 望下下面張相個比例...碗拖羅飯只係大麵豉湯少少...可想而知係幾細 😓😓😓味道黎講...都唔差ge...拖羅亦好肥美，但真心好薄好薄...亦明顯地擺左一段時間的。而海鮮飯最好食係粒帶子，好鮮甜，但其他刺身就一般。真心俾呢個價錢好唔抵... 同一價錢去觀塘一田買刺身飯 起碼多餸一倍！NEVER ENCORE D staff 亦無乜service , 無乜笑容。除左落單&上菜&加左一次水外，全程無人行過黎serve 。4個staff都企晒埋一邊吹水。呢個加一堅係好唔抵 埋單加一total hk$40x

【中伏！劣食！】 尖沙咀厚福街 #鉄火堂 👉店主推介（！）極上拖羅丼（藍鰭大拖羅/碎蔥吞拿魚）HK$239.8（連加一）😩雖已表明「圖片只供參考」，做生意嘅嘢明嘅！但嚟到一個「靚仔」飯碗size都算把啦，TORO入口冇即溶，都算啦😨但𡁻極都未吞到！唔講仲以為係煙肉囉😱（仲要薄切😤）重點：之前睇CCTVB介紹，嘩嘩聲㗎！好啦，懶醒打個6折啦，點知都係瀨嘢😭現希望制止更多人中伏💪

星期五晚同男朋友係尖沙咀等睇戲，到厚福街搵食諗住食個quick dinner。發現有間新開無幾耐的日本刺身飯餐廳，以車仔麵形式作招徠。不知是否星期五的關係，坐無虛席，我們進內不久，外面便已有幾群客人在等位。他們預設約10款刺身飯供選擇，但我們還是覺得自己選擇的更好。我點了左口魚邊，新鮮赤貝，帶子及三文魚腩。全部食起來都好新鮮！特別係赤貝，同我喺日本食既感覺一樣，好正！特別之處係仲可以點雜菇飯，對於我呢個愛食菇既人真係幾驚喜，味道仲唔錯。男朋友叫既差不多，多了魚子及鱆紅魚。呢度以車仔麵形式配搭刺身飯唔錯，對於似我呢啲唔係每一種刺身都食既人客黎講，全碗刺身飯都係自己揀選刺身種類，很新奇，價錢合理，值得再來。

上星期五因為看見網上介紹這間餐廳，吸引我們來吃，所以中午放飯時候，和同事一心到這兒食晏，我們十二時未到便入座，未算多客，所以不用等太久時間便有位，等到十二時才落單點食物，十二時打後開始多客人入座了它特別在於可以自選魚生和數款魚生飯，魚生飯有壽司飯、薑味壽司飯和冬菇壽司飯三款，我和同事各點了一個冬菇壽司飯底和薑味壽司飯底，壽司飯還可以免費追加添，然後各自選了三文魚，火炙三文魚腩，自家制甜蛋，三文魚籽，鰻魚，蟹柳既魚生配菜，上菜個速度都算快速，不用食客久等，但飯既容量頗為細少，適合細食既女土們，男士們胃大可能要添加飯才夠飽呢！我和同事都吃得津津有味，讚不絕口！最後點多個餐飲----土耳其果汁汽水分別檸檬味和蘋果味，較為酸，不過夠解渴，這間餐廳就近尖沙咀區，價錢合照，服務都OK, 食晏之選，下次會再來幫襯的！

你有無試過去食刺身佢mix n match 好既配搭你會覺得「丫～如果呢個可以無左呢樣/換左呢樣就好喇。」我每次食刺身飯都會遇到呢啲選擇困難症，所以可以自由配搭既刺身飯就岩哂我呢種好多野都好想食，但default menu 又唔會有我心儀組合既人喇。鐵火堂呢到有兩種選擇，一係揀返師傅配搭好既，一係就好似去食車仔麵咁係張紙仔到剔剔剔。佢張紙仔好明碼實價，有價錢之餘你仲可以知道一份既份量有幾多。 除左有好多刺身可以揀，佢連飯都有好多選擇。 有壽司飯，白飯，冬菇壽司飯同薑壽司飯。而且飯係無限追加架！第一次見到所冬菇壽司飯呢個咁特別既選擇，當然即時叫叫佢黎試下啦。 刺身我就揀左馬刀貝，油甘魚，左口魚邊同碎蔥吞拿魚呢4 樣。 刺身全部食落都相當新鮮，尤其以個左口魚最肥美。以前我麻麻地食蔥吞拿魚，因為梗係覺得食唔出啲咩味，但依家發現好可能係份量既份量，當你成個口都係吞拿魚個時你又點會食唔到陣味😂😂😂 講返個飯，我有少少失望既係原來係凍既，變左啲菇味聞落同食落都無咁香，有啲飯還飯，刺身還刺身既感覺。唔係話好夾。 另外，同行友人亦都揀左佢有個優惠既築地直送，有3 款當日直送既魚，配三文魚子，牡丹蝦同埋

每次經過厚福街＂鉄火堂＂也會給他們的圖片所吸引，他們各式各樣的井飯，又可自選，感覺很豐富很精美，決定今天中午試一試先🤔自選魚生飯(飛魚籽，大拖羅，活赤貝) -送上來覺得份量遍小，青瓜還大片過拖羅，大拖羅很細塊很薄身，幸好也算新鮮，放入口中也有爆油的感覺，活赤貝有少少腥味，不夠鮮味，飛魚籽新鮮卜卜脆。奉送味噌湯 - 味噌湯海帶味道份量也適中還有少少豆腐，不錯！順帶一提，女生應該覺得夠飽，但男生可能覺得份量較少，可以免費追加壽司飯😉

之前喺網上面見到呢間賣日式丼飯嘅鋪頭新開 魚生配料又可以自己揀幾特別 所以就嚟試下。一去到可能係因為新開張 見佢門口好多人排隊 之後我哋等咗大概15分鐘就入得。一入到去嘅裝修都幾特別 有好多日本嘅裝飾。✨佢呢度嘅丼飯係自己揀配料嘅 之後我就揀咗三文魚腩 中拖羅 另外佢仲有啲每日限定嘅刺身選擇 而我就揀咗血鯛🙈之後佢個飯一黎到就有少少失望 因為比起平時出面食嗰啲個份量比較細 但好彩佢有得無限添加日本飯的🙈但賣相都係唔錯嘅。另外每個飯都有跟一個麵豉湯個湯都幾濃幾香👍🏻之後就試左佢嘅三文魚腩先 佢呢度唔算係好soft好有油香 魚腩仲有啲偏瘦的☹️ 食完再試佢嘅中拖羅 味道都唔錯但就唔算係太新鮮。最後試埋最期待嘅血鯛 佢呢度俾左三片 肉質稍稍粗糙 但味道就頗鮮的。整體味道都唔算太差 但就冇傳媒講得咁好咁抵食🙈

need refreshment after a day of biking under the sun 😎 getting back to downtown #tsimshatsui for the #sashimidon 😋.We opt to pick our own sashimi! First of all, pick from the list of rice available, we chose ginger rice 🍚 indeed it's just vinegar rice but topped with shredded ginger but it's still good and delicious.Here comes our choices to share at 10ish at night 😋double portion of #seaurchin $68@ super sweet and aromatic 😋fat #tunabelly $58 ultra fatty and melt at the mouth 😋#flatfish $28 sli

先講食物，叫咗極上吞拿魚丼，海膽丼，自選三文魚加火灸三文魚丼。吞拿魚同海膽都好細碗，只係比面豉湯嘅碗大少少，我明白食材貴，但係佢少得來唔好食。吞拿魚完全同圖片兩樣野，唔講都唔知係吞拿魚，望落好似生豬肉，薄如紙，將兩塊魚分開時薄到爛左....其實係好夠油嘅但咁薄食落一啲都唔好食有一片大海膽好臭，咬左啖即刻lur左，其餘都無咩鮮甜味。食完無滿足感，唔值這價。連三文魚丼都冇食晒，不油不厚不鮮，火灸得好老，連元氣嘅火灸都好食過佢，失望。再講服務。入門口個女仔好好，入座前主動問我蛋糕要唔要雪左先。入到去有兩位侍應態度好差，明明見你叫佢即刻擰轉身走。食完丼，叫侍應拎蛋糕出嚟，佢放低蛋糕時黑面轉身即走。問佢攞碟叉，佢好唔情願。食蛋糕嘅時候，男侍應企喺我哋後面黑面咁望住，當其中一位朋友碟上蛋糕食完，隻碟超快畀人收左，但得佢一個食完，分明趕我地走，重點係出面冇人等位...其實不如講明不准切餅，佢不收切餅費又咁唔歡迎人帶蛋糕，我寧願佢收切餅費！

復活節假期尾聲，梗係要去厚福街搵食啦，天氣熱熱地好想食d 涼涼地既野食，竟然比我遇上刺身丼大約7:00都有些人排隊，唔使等好耐已經有位，本人覺得自選比現成好，單講海膽自選都有好幾款👍🏻我叫了自選分別叫左加拿大海膽，三文魚3片，北寄貝，帆立貝，牡丹蝦整體真係好好好新鮮，好好味！有圖有真相😝😝由於本人唔食朋友以下呢款，比唔到什麼食評！但朋友話好新鮮好甜無腥味😋仲有芝麻雞翼無影相，但都好味！不會太油一口芝士就麻麻地啦，預期是拉C,最後都做唔到！整體食品都不錯，希望keep 到水準！期待下次再幫襯😍😍

原本看中Doraya定食，實在太多人等位，不敵胃的嚎叫，即時轉移目標到鐵火堂。餐牌上有配好的刺身定食，但我選了自選：三文魚籽，送飯一流；赤貝一只，味道鮮甜；左口魚裙邊：這個最令人驚喜。厚切，目測以為有筋咬不動。正好相反，入口肥美。最讚！油甘魚腩，沒有想像的鮮甜，但也不錯。另有飯底選擇，由於刺身屬生冷食物，且為了減少進食時的腥氣，我選了薑味飯。之後便發覺此薑味壽司飯令定食生色不少。它沒有想像中的辛辣，令人容易接受。更去除刺身的油膩感。最終全碗掃清！同伴叫了極上拖羅定食，食物來了，片片雪花。另配有面豉湯。我試了一片，肉太薄身，少了咬口。再者肉質入口粗糙，沒有預期的豐腴軟滑，令人有點失望。還叫了炸蠔小食，即炸，熱得燙嘴。咬開還見肉汁流轉，無怪味。真的不錯！總括來說，值得光顧。看到鄰桌的極上盛合海鮮丼買相吸引，下次再試。

算抵食午餐不加一建議食自選魚生飯，紅色字推介那些，挺高質的..👍🏾👍🏾👍🏾👍🏾👍🏾朋友點的自選魚生飯拖羅很好吃，軟滑，甘甜，脂肪入口即化唔腥😍韓國海膽都ok炸芝士好好吃😍😍😍雞翼ok環境不錯，位置有一點點窄服務不過不失，食完野即執，有點趕人的感覺，一般般....極上盛盒海鮮丼，雖然$158，有十幾樣魚生好抵，不過麻麻，帶子好細粒，其他同爭鮮差不多...所以下次不吃過個了........

最近經常見到朋友圈裡面曬丼飯，飯面上面舖滿的魚生好感興趣！但通常影相的效果跟實物是有出入的，尖沙咀過來想找回有條街吃甜品🍮的好多人想試下⋯⋯但都搵唔到，就見到有個丼有個女仔在外面派傳單，對相片裡的海鮮盛合丼飯感興趣門外的丼款式好誘人，就決定放棄尋找我的甜品改吃丼飯！裡面唔算太大，個海鮮盛合丼實物就遜色點了！份量還好，有三文魚，魚子，赤蝦，帶子，北極貝，玉子等D刺身鋪滿隻碟，帶子唔大粒，三文魚還好，整個丼還好唔算特別或著特別驚人

今日同另一半行開尖沙咀，就試下新野。由於時間尚早，完全唔使等位。可能因為新開關係，覺得店員服務好友善食物選擇都好多，仲可以自由配搭魚生飯感覺都幾新鮮 。有別於坊間只得來來去去幾款魚生飯。自選魚生飯特選三文魚3色丼不過不失的晚餐。