鉄火堂 (厚福街)

营业中

休息中

因為趕住約咗七點要去做facial ， 於是放工之後就嚟到鉄火堂諗住快快趣食完就可以走人。 見到餐牌上有厚切五式藍鯨吞拿魚丼 ，五點半到七點半時段只售150蚊, 但好可惜當其時已經六點半 ， 侍應員表示師傅仍未開魚，起碼要等多半小時，咁我心諗你餐牌上面唔係寫明五點半到七點半可以order呢個餐嘅咩？？咁即係好tricky 啦！ 又要promo呢樣嘢, 但係又冇嘢提供畀客人 , 我見有幾枱叫都係諗住叫呢個餐， 但係都焗住要食其他款式。最後選擇咗 四式生葵醬油漬魚生丼， 賣相確實幾靚仔， 但係啲魚山薄到可以透光，確實好刀功！ 拱起嘅位置全部都係飯，基本上食飯可以質飽你 。刺身好普通通， 唔算非常新鮮。個人嚟講覺得貪新鮮試一次就好喇…… 108蚊嘅價錢我寧願出去買一兜三文魚刺生食仲好。]]]

很久沒寫啦！今日公主👸🏼路經尖沙咀厚福街，不知不覺就比呢間餐廳外面既人龍吸引住（其實都係5-6 人😛）然後看看menu ,尤為吸引again 😋睇到都想試！2位唔該！然後等左一陣（太約10-15mins)就入得去啦..其實中間排隊個陣，後面既人拎票等位，d 員工都你介紹返有咩食，為何本公主拎票時沒有🤨入到去公主同僕人都落左order 後就耐力等待著⋯⋯公主點的是築地極上海鮮丼。本來僕人點的是吞拿魚，那個什麼$150（宵夜價）可惜吞拿魚賣光了。然後他隨便點了四色....什麼什麼🤔樸人的食物到了，豈敢要公主等本公主點的看來是慢工出細貨，就饒恕佢啦好味！正啊，入面既帶子同細丼中既都係大有分別架！啖啖肉啊！下次可以再幫襯埋單$284

終於一嚐社交網絡瘋傳的刺身丼，當天平日星期四六時多便到達店舖，店面沒有等位情況，因此同行二人立即入座。店員很快便遞上熱茶和餐牌，服務不錯。一看餐牌，可見有自選刺身組合的刺身飯，相信是這裏的招牌和賣點。但是，我們有選擇困難症，因此我們直接在菜單中選取了兩個刺身飯。我們點了一個四色吞拿魚和一個三文魚海膽元貝刺身飯。其實味道不錯，刺身亦很新鮮，只是份量有點細，令我們有點失望。不過在結帳時我們才發現原來刺身飯可以無限任添，大家記得不要走寶

本身幾期待，今晚9點幾黎到冇乜人等位，見有宵夜優惠又唔洗等就walkin入去試下。叫左五式吞拿魚同埋蟹肉丼。等左一陣就有得食，先黎蟹肉丼，貌似係幾ok的，食落越黎越唔對路，蟹肉只係薄薄一浸，而且蟹肉入面好多硬物。順便影左張相比大家睇下，飯係奇多的，但其實邊食蟹肉邊食飯係好快就會剩返一大碗飯嘅。店員服務亦係好一般，態度麻麻。吞拿魚丼不過不失，另外隨飯隨送的麵鼓湯，都還可以嘅，雖然都係得咸味，不過呢間野無下次了

呢間野服務真心差講真 我同男朋友都係做服務業 好明白大家都辛苦對侍應一定好好禮貌亦要求吾高呢間餐廳基本上由一行入去 已經有種被睇吾起嘅感覺首先 我地係外面等左一陣個男經理已經望左我地好多眼 亦ber左我地幾眼都無泥比飛我地但之後有幾個大嬸一泥佢就夠衝出泥接待第二 我眼見枱枱一坐低個經理就講解介紹餐牌對我地呢佢一野飛餐牌落枱就無理過我地之後有班上班族坐低人地有問個經理必答上錯左飯仲免費另上個岩嘅飯比佢 對住我地 口黑面黑 撞到我男朋友對吾住都無句對住d上班族 免費送飯都笑哂口咁真心貼錢買難受叫埋單都要比人ber😑利申我地食嘅價錢仲貴過上班族果枱😑真心吾明點解要差別待遇係咪我地個樣似細個就好恰？講反食物魚生係幾新鮮嘅 質素ok啦但又吾係d雜誌編輯講到咁神囉樣影出泥就好睇 2碗都係宵夜價$150 佢個帶子係真心又厚肉甜嘅但其實呢個質素 第二到都大把呢d服務我真係寧願食爭鮮算🙄🙄🙄

鉄火堂論店內外都是典型的日本餐廳樣貌，賣的食物集中於魚生，而沒有拉麵或壽司等其它日式佳餚～自選魚生飯這念頭是值得讚賞的，最適合我這些貪吃的人～這裡以它的藍鰭吞拿魚為賣點，供有多個部位選擇，這次就先試下中拖羅，另配三文魚、油甘魚和鰻魚，米飯四選一。魚生厚切，但混入了米飯後好像沒那麼鮮。魚生飯的份量不是很多，食量大的人可能只吃一個飯就不夠了。薯餅裡應該落了不少忌廉，令餡料非常幼滑。每粒的份量剛好，內裡充滿芝士，味道是偏甜的那種芝士。整體炸物都夠熱。玉子夠厚，也算甜，但內裡的鰻魚就較碎。這間餐廳的價位不算最低，但食物質素也不算很差，勝在它的魚生飯可自選～

同事Farewell 落尖沙咀lunch 鐵火堂已經食第二次喇 知道午市只接受WALK IN 本來仲擔心要等位 但一行8人唔使等直入 讚ar！我Order左自選魚生飯 有甜蝦 三文魚子 碎吞拿魚 蟹肉 $58ja 抵食！再另加$58燒大Toro 好肥美 同事嘅刺身Toro都好味但自己就鐘意燒嘅多d 因為感覺油脂熔化d Anyway哩個價錢無得輸 仲要ng使加一tim服務亦相當不錯 服務員主動加茶 叫佢幫手影相都好主動 幫我地度位 抵讚下次一定會再幫襯！

今次又食日本野，黎到呢間，唔太多人又唔洗排隊，見佢有自選魚生飯，我就入左去了。佢係有一張自選魚生飯既紙，比我地劃底個飯配d 咩魚生。每個人自己填一張既。又或者跟佢餐牌上有指定左既刺身飯嗌既。我就揀左自選餐，要壽司飯，配三文魚腩，帶子，玻璃蝦同油甘魚。佢呢個餐有配埋海帶麵豉湯既。個湯味道幾好，唔會好咸。個刺身壽司飯好足料，我自選左四款，佢每款都有三塊比我。油甘魚同三文魚腩好滑，入口即溶既感覺。帶子同玻璃蝦都唔錯，幾新鮮。佢唔算好多飯，但食完都好夠飽。份量岩岩好。自選呢一個餐，價錢就視乎你揀左幾多款唔同既刺身而定既。我呢個就80幾蚊左右。

之前食過兩次都覺得幾好，今晚行開尖沙咀又再個frd 去食。今次諗住普通食餐飯冇諗住放上openrice所以冇相機食先，唔好意思。我個frd 叫10號既咩咩三文魚飯冇咩特別，唔介紹喇。重點係：我今次叫既三色海膽飯，見D 海膽擺係面咁多好似好正！ 食落嘩一聲，真係好腥，"那"口。諗住果隻海膽係咁，食埋其他兩款，唔甜，下欄貨色。攪到我個frd 冇野送，食得果少少就走，真係貼錢買難受！！ 我個frd 真左dd 都頂唔順。 之後問個女職員，你地D 海膽係咪不嬲腥，佢竟然答，海膽味係咁，話係海水腥。 無言！真係想問咩海水味係咁腥，當我未開過生蠔食？ 我唔係話要同黑目/築地比，但我香港都未食過咁腥。By the way, 鐵火堂其他海鮮"當" 係ok 的， 但海膽相關既野一定blacklist 下圖係我食淨既真係食唔到，我都唔想咁浪費。

本來諗住去老鍋食鴨血，點知三個人入面有兩個人數舒服，所以就轉左食日本野。8點幾係厚福街行過見到鉄火堂入面坐滿晒人，見咁多人食心諗都唔會差得去邊啦。一行埋去店門口睇menu，就有個派傳單姐姐問幾位，等左幾分鐘就有位。三個人坐四人枱，但都坐得唔係好舒服，枱與枱之間隔離太少，女仔行岀去要側側地身先岀到，如果男仔or咩住背包行入去好易撞到隔離枱。懶得諗食乜就叫左個海膽三文魚丼，叫魚生飯仲會送個味噌湯，不我我唔鐘意味噌湯所以冇飲。一上枱見第一眼覺得好靚，即刻相機食先啦。相機食完就到我食，一放個韓國海膽落口，😱乜咁難食既有陣怪味。之後就夾左塊三文魚刺身試下啦，但都唔好食好多舊都有筋又唔覺特別新鮮。最後試埋帶子，都係唔得，又唔甜又唔鮮。仲有佢個豉油都唔得，勁咸。試左朋友個鮑魚刺身，個鮑魚應該係用醬油醃過甜甜地，我就覺得太甜麻麻地。朋友叫左個自選丼飯，依碗野三百幾蚊，好食就話姐，唔好食就。。。我試左個加拿大海膽，依個海膽好鮮好甜同我頭先食個個韓國海膽差好遠。另外我仲試左個活赤貝刺身，食落完全冇味，仲成三十幾蚊隻。

而家香港到處都係食店, 想搵嘢食唔難, 好多地方都開咗專食丼飯既小店, 今次就嚟尖沙咀既"鉄火堂"!一試佢既丼飯先, 由於平日所以唔算多人, 直接入去就有位坐低啦, 餐牌有11款魚生飯俾你揀. 唔啱唔緊要, 佢有自選魚生飯俾你自己揀刺身, 非常好!除咗魚生飯仲有少量小食俾大家選擇, 今次主打嚟食魚生飯所以我地冇叫到小食~因為驚食唔晒!我地叫咗"海膽三文魚丼", "鮑魚極上魚生丼"同埋自選魚生飯(大拖羅, 加拿大海膽, 三文魚籽, 牡丹蝦, 活赤貝X2, 油甘魚腩, 飯就揀左冬菇壽司飯), 個人認為揀番佢SET咗既丼飯係會比自選既著數D~首先嚟既係"海膽三文魚丼", 三文魚圍邊, 切片既帶子丙加上韓國海膽, 賣相不錯~再嚟既係"鮑魚極上魚生丼", 有磯煮鮑魚, 藍鰭吞拿, 油甘魚, 碎蔥吞拿魚, 牡丹蝦, 魷魚, 三文魚籽同北寄貝, 一嚟就見佢滿到瀉咁制, 最後先嚟到既係自選魚生飯, 可能我揀得太多嘢所以個碗都相對俾之前2款既魚生飯大~友人對各自既魚生飯都好滿意, 刺身亦相當新鮮, 我個大拖羅嚟講份量少D, 唔係一片片咁拼埋應該有半片既...加拿大海膽好味, 三文魚籽脹BUBU咁, 牡丹

今晚我們喺尖沙咀附近做完嘢之後去咗出名有好多食店嘅厚福街睇吓有咩好食！行到去見到有間門面裝修好有懷舊日本感覺嘅刺身丼店叫「鉄火堂」，而且睇到門外貼著多刺身丼嘅圖片賣相非常吸引，所以我們就決定入去食晚飯！我們叫咗海膽三文魚丼「韓國海膽、三文魚，帆立貝」嘅三文魚好肥美嫩滑，帆立貝相當鮮甜彈牙，而且好大粒！三色海膽丼「韓國海膽、加拿大海膽，北海道海膽」舖滿三色海膽，而且份量超多，多到好似一座小海膽山咁，食落味道味道極之鮮甜，韓國海膽好鮮甜軟腍，加拿大海膽比較肥美厚身，而北海道海膽超級軟綿，而且入口即溶，真係超正呀！極上拖羅丼「藍鰭大拖羅，碎蔥吞拿魚」嘅藍鰭大拖羅嘅色澤係淺粉紅色，脂肪紋理嘅分佈亦好均勻，食落有極之芳香濃郁嘅魚油香滲透出嚟，簡直係齒頰留香，真係超好味呀！吞拿魚蓉相當軟綿綿，再加埋啲碎蔥一齊食，真係好芳香軟滑！喺落單嗰陣，我們怕唔夠飽，諗著叫多一碗刺身丼，但店員就向我們推介話啲飯係可以無限任添，感覺真係好抵食！另外！喺餐牌上見到嘅自選魚生飯，有多料材料畀人客選擇，感覺好似食緊車仔麵，自己揀材料咁，感覺真係好特別同好有創意！因為有得添飯，本人就添咗一次，所以我們另外加點咗鰻魚，因一

今日黎到尖沙咀就諗緊食咩好，黎到厚福街就一定搵到好野食黎到一間新開日本丼, 估唔到都有新驚喜.叫左一個火炙特選海鮮丼同三色海膽丼, 火炙海鮮丼用料都算新鮮, 雖然叫做火炙, 但火炙味唔濃, 但勝左用料出色同豐富, 價錢都係一百中左右, 唔算太貴. 三色海膽用了三款海膽, 印象中有韓國, 加拿大, 都唔太膩可能喜歡食海膽所以食多D都無問題, 海膽都幾新鮮, 無異味, 擺放海膽又做到好多既感覺, 一個字, 正啊~ 由於, 去到既時侯都是6點半, 所以現場唔算多人, 職員都會介紹是日有咩推介同新鮮, 如果喜歡不同類型魚生的朋友, 不防問下有咩是日精選啦~ 

ʜᴀᴘᴘʏ sᴜɴᴅᴀʏ 就當然同朋友仔去搵下美食啦～～～行開見到li間日本丼餐廳已經好想試，但又怕減肥中既朋友唔ok😫幸好佢話OK咋～～😂因為我哋見到li款飯做緊優惠，材料又多，於是就叫咗一碗～～～佢比平時既丼份量多d，刺生有：磯燒鮑魚；三文魚子；碎呑拿魚蓉；帶子；紅鱆魚；大甜蝦；仲有一款少見既魚刺身，總供8款刺身，每一款都很新鮮，特別係三文魚子，咬破後係淡淡咸甜既味道，撈飯食一流👍🏻鲍魚爽口彈牙，飯既份量亦比起其他丼多1/3，如果男士們食應該啱啱好😌另外我哋叫咗一個熱食既海鲜丼，刺身包括（三文魚，帆立貝，左口魚邊，玻璃蝦）其中以三文魚&左口魚邊既油脂比較多，經過火炙之後更能釋出更多油脂香，加上丼上有一個半熟蛋在上面，3種同時進食，極為美味🤤🤤🤤

之前都有嚟過鉄火堂食今次係第二次光顧同朋友仔一齊去食因為想食佢哋既自選丼喺門口等咗大概20分鐘先至有位入到去坐低 好彩入邊冷氣唔錯 好快就可以涼返今次口痕好想食海膽所以就叫咗海膽 三文魚子同埋三文魚腩一見到當然就係相機食先啦慢慢食嘅時候三文魚子三文魚腩都非常新鮮但係個海膽就有一陣膠味同行嘅朋友都覺得好奇怪 難道呢種海膽就係咁嘅味道咩？但係都真係食唔落 因為陣膠味太重我擔心係因為唔夠新鮮 所以之後都冇食到啦自選丼其實好抵食不過下次我都係唔會再食佢嘅海膽啦