鉄火堂 (厚福街)

营业中

休息中

Served w/ miso soup if you order a sashimi rice bowlI ordered a Sashimi rice bowl with - Salmon rice with black peppera ($15)- Roast Salmon (3 pcs) ($18)- Cuttlefish (5pcs) ($18)- Seared Olive Flounder Muscle (5 pcs) ($28)Many of my friends have recommended this restaurant to me,  I came here with great expectations but left with a bit of disappointmentThe sashimi is fresh, yet the size is just way tootinyEspecially for the roasted salmon and olive flounder muscle, after being seared, the size h

同朋友喺尖沙咀搵嘢食，見到呢間唔使排隊就入咗嚟！呢度主要食魚生飯，魚生飯價錢唔太貴，58蚊自選4款魚生或者其他食材，都幾貼心，而且選擇都算多！我揀咗三文魚、帆立貝、甜蝦同三文魚籽，感覺食材都幾新鮮，帆立貝好大粒、三文魚就薄左少少、甜蝦就正正常常，但其實佢本身個菜單都有列明每份有幾多件，都幾均真，而三文魚籽都比我想像中多，仲有塊印咗佢哋鋪頭名嘅玉子送！個人覺得，係尖沙咀呢個價錢食到呢個水準嘅食物都算係咁！

We had lunch here.Fish were fresh, with pinky colour. salmon was a bit roasted, it became more fatty and full of fish oil, very delicious.

自從有次lunch同一班同事來食過，就對呢間鉄火堂念念不忘，一直四圍放毒引朋友一齊再去食。是夜係尖沙咀毫無頭緒諗唔到食乜好，男友突然提議食鉄火堂，當然即刻附和！其實對鉄火堂咁有好感，係因為佢嘅壽司醋飯哈哈！「海膽碎蔥吞拿魚丼」($118)揀來揀去，結果要咗較相宜嘅呢碗丼，貪入面啲吞拿魚碎好撈飯，易有種食極唔完嘅錯覺，我仲加$5轉冬菇(碎)壽司醋飯更惹味添。 韓國海膽、三文魚籽、吞拿魚碎當然唔可以講超級靚嘢／超級鮮味，但全部都係水準以上，以呢個價錢真係收貨有餘！吞拿魚碎份量超多，啱啱開始食個陣幾驚整跌到一枱都係～「五式厚切藍鰭吞拿魚丼」(7:30pm前入座優惠價$150；原價$268)呢一碗就係男友叫嘅，仲加$5轉黑胡椒三文魚白飯。我淨係痴左少少，呢隻飯味道原來好似Pexxer Lunch個種咁好搞笑！藍鰭吞拿魚全部都係靚位，好快俾男友掃清光，仲大叫高質要再嚟過！證明我無介紹錯

只係58蚊就可以自選四款魚生飯， 飯亦可以揀普通米或者壽司飯，咁我當然間會揀壽司飯啦。話哂口感都圓潤好多😋!我揀既四款有: 火炙牛小排: 明顯有燒牛味，牛肉好林;藍鰭吞拿魚: 乾身咗小小，但仍新鮮，沒有渣;油金魚腩: 正常好味;甜蝦: 好新鮮，蝦頭好好味。還有，覺得這間日式料理好細心，除咗比一小撮wasabi之外，還放了一小撮薑蓉，唔係一片片的，因我唔食得太多薑，所以見到這個方法有好深印象! 所以個心已揀定下次黎食邊四款1魚生了😍

返完教會同老公&仔仔去尖沙咀行街搵食, 過到黎呢邊見到呢間自由配搭丼又幾OK, 所以就入座了.店舖入面唔算大, 不過可能都已經係下午茶時間, 所以人流唔多.選擇方面其實都幾多, 我同老公各自叫左唔同刺身既丼.份量黎講幾合理, 仲要係可以任添飯, 啱晒大食之人!刺身黎講都算好新鮮! 而且都大大件! $58一碗黎講, 真係好唔錯!!! 佢售賣時間都好長架! 

多料又好食嘅丼飯🍚，平時都要過百，難得喺喺尖沙咀地性價比高嘅餐廳🍴午餐價 $58，有得自選 4款刺身或配料😋，仲要免加一，服務仲唔錯𠻹！🐟火灸藍旗吞拿魚食落回甘，有油香🐚帆立貝又大又肥肉，仲幾新鮮🐮牛小排油花分佈均勻，入口軟淋🦀蟹肉係一舊舊，並非碎上份量一個女仔食啱啱好，用鮮又新鮮，下次會再去呢！

如果有最開我嘅食評都知道，我一向都鍾意係熱潮過左之後先去個一間餐廳，因為維持質素更重要，12點開門我11:50就在此恭候了，一入到去冷氣偏大，店員見我穿得單薄，細心把冷氣機調細。好快就食得先呢個自選魚生飯，中午時段＄58蚊有4款普通基本魚生，我另加左＄88要咗一個韓國海膽同埋加左＄48要兩片中拖羅。對加錢嘅嘢當然有期望啦，海膽同中拖羅唔講得上好新鮮，但係都幾好食，對得住價錢。最新奇嘅竟然係用<四州紫菜>俾我包住啲海膽食，(如果太多四州紫菜味, 韓海膽味無掟企~)以下落嚟到啲基本野啦點解！點解件油甘魚可以薄切成咁？你可以話個價錢就擺喺度當然冇厚切嫁啦。但係我就覺得佢油甘魚嘅香味都冇哂。再嚟！點解帆立貝咁細粒㗎都係果句價錢擺喺度，要求係冇得咁高嫁啦。炙燒左口魚出乎意料地好好食！三文魚蓉新鮮總括來講我覺得加錢嘅嘢其實都好食，但係如果食基本野就唔使特別過嚟呢間食啦。中午時份，食一個普通嘅基本魚生飯$58其實去到邊度都有。但講到要食質素嘅又唔使搵佢。除非閣下係對吞拿魚特別位置，好有興趣，咁呢度先至幫到你。

同事食過幾次都話唔錯，咁就試吓囉。見到個價錢呆咗，好抵啊😱，本身都好驚會唔會中伏（最近實在瀨過太多次…），好似爭＿咁嘅質素我真係會喊🙄。喂，賣相ok，食落幾鮮喎😳！除咗指定組合之外，亦可以自選4款刺身配料，揀白飯定壽司飯。我就揀咗炙燒左口魚(2)、吞拿魚腩(2)、凡立貝殼(2)同炙燒三文魚腩(2)！仲有個味噌湯都唔錯，咁都係$58？！性價比好高😱！係lunch時間去就要等一等囉，滿意☺！又一餐。

大概九點三去到，等到九點五話有位但係又唔比我地入，原來有宵夜時間所以叫我地等到30分先入。 本身想試吞拿魚don, 點知佢話個個特價飯賣哂，唯有試另一個特盛，盛惠150大洋，我地嗌多個蟹子沙律同自選don刺身味道不過不失，不過個蟹子沙律分量比預期多好多又幾好食，最後埋單大概300蚊。本身無諗過打食評，不過後尾發現唔見左鎖匙十一點幾打番去問，店員好好話會幫我地搵仲主動叫我留電話話搵唔搵到都打番比我，到十二點三收鋪打黎話搵唔到，我覺得佢地好有交帶，態度值得稱讚！

繼續起厚福街覓食🤤🤤👍🏻今次試左鐵火堂 主要俾佢嘅五十八蚊車仔刺身丼吸引左🙈五十八蚊就可以揀四款刺身 選擇好多架👍🏻加多個餸就+$14 我選擇左吞拿魚 三文魚蓉 火炙三文魚腩 火炙左口魚邊賣相唔差 仲有玉子一舊🙈🙈🙈之後再追加左温泉蛋 🥚 ($8)諗住加啲豉油 撈落飯食🤤$58 質素算新鮮 份量都好多 刺身都算厚切👍🏻飯仲可以+$5 轉冬菇醋飯 三文魚碎飯 等等不過等候就需時 趕時間就要諗諗啦🙈我十二點鬆d 去都差不多滿座🙈

下午茶時段去食，只有三枱客。加咗錢要冬菇飯，d飯係熱嘅，亦由於d飯係熱，使接觸到飯嗰面嘅魚生熟了。感覺唔良好，完完全全無諗過。。失望。。。應該唔會再惠顧。咁嘅價錢食一個下午茶,無下次。

中午58蚊就有自選丼飯！已經唔係第一次黎食😝58蚊有自選四款魚生丼飯，包埋麵豉湯，可以話係十分抵食~今次揀左帆立貝、火炙三文魚、火炙左口魚邊、三文魚籽！！飯底仲有得揀普通飯定壽司飯~我就緊係揀左壽司飯底啦，咁先似係食緊日本丼飯嫁嘛🤪火炙三文魚偏薄身，不過燒完迫左啲油出黎都幾好味～帆立貝同燒左口魚邊就冇咩特別不過不失啦！但係三文魚籽就值得一讚！份量一啲都唔少，粒粒都飽滿圓潤👍👍其實單純以質素黎講嘅話，當然唔係好出色，但係以咁嘅價錢黎講，食到咁嘅質素都算不錯了

坊間魚生飯越開越多 但價錢一直高企喺旺角 呢間鐵火堂嘅魚生飯都算數一數二由於小弟偏好海膽 所以揀選咗三色海膽丼一次過滿足晒三種不同口感嘅海膽鐘意食海膽嘅朋友 一定要試！

上一學年 經過厚福街 見到鉄火堂就已經好想試 無奈果時經常同同學一齊行動無緣鉄火堂嘅壽司飯今日係我不幸Retake開Sem第一日放學中午再黎厚福街 再見一次見到鉄火堂諗都唔諗 就行入去食入到鉄火堂 舖頭裝修不錯店員服務態度和藹有禮我坐抵打開牌睇左陣就叫左個 三色海膽丼 同 南瓜芝士餅除左指定丼 鉄火堂仲有 午市$58自選4款刺身既壽司飯壽司🍣飯可以免費追加加錢仲可以轉換不同風味既飯海膽丼一黎到 見到排得好靚 海膽份量好足食落都鮮味十足 而南瓜芝士餅食落不膩 香軟脆口一個餅既size 有個普通柑咁大 食完一個都有飽肚感總括而言 大滿足🤗👍🏽小女第一次寫食評🙈 如有不足請見諒