鉄火堂 (厚福街)

营业中

休息中

深夜9點半係尖沙咀有咩食？呢間就真係唔錯，9:30之後有特價叫碗醋飯都係$10，另外仲可以自選三款魚生，飯仲可以無限添。推介香蔥三文魚，帶子，火炙三文魚腩，三文魚腩非常肥美。加隻溫泉蛋就好唔錯啦~

今晚因為要睇演唱會，所以約朋友喺尖沙咀食晚飯會比較方便，朋友提議食呢間丼，我預先喺OpenRice望過下啲價錢都幾大眾化，於是就去試一試。未去我已經有想食嘅刺生，但係一坐低就大鑊嘞，因為佢實在太多選擇，餐牌都有幾個，唔同嘅叫法又有唔同嘅價錢，淨係睇有啲乜嘢食已經用咗10分鐘😑，見到啲價錢真係好頭痛😵😵，我完全唔想諗點樣叫係抵食啲，我最後叫左自己想食嘅刺身就算，亦都唔想計到底要幾多錢。碗飯一到我真係打咗個突，我想像唔到會係咁細碗飯😓加拿大海膽($78) : 呢個最穩陣，一定好食大拖羅($58): 明明話2切，點知係將一舊好細件嘅拖羅切開一半，勁孤寒！😠牡丹蝦($38): 呢個我估計出邊都係咁上下價錢三文魚子($38): 佢話有30g但我唔覺囉😒附送一碗好鹹嘅麵豉湯抵唔抵真係見仁見智，睇返張單，我朋友食嗰個又真係幾抵嘅（不過我冇影相）如果加埋一哩碗丼成$244 ，出邊應該仲有好多更好嘅選擇

今晚七點去到店鋪幾乎滿座，選了在推廣的套餐，109蚊中拖羅加四款食材，我選了火焰三文魚腩鮮美，蟹肉感覺罐頭但ok，三文魚籽偏鹹同赤蝦鮮甜。免費轉黑椒三文魚飯，朋友唔喜歡話飯太軟，我就覺得幾香口。餐一到其實唔係好大碗，但店鋪有免費添加飯服務，讚👍

睇相(只限第一張相) 好似唔錯嘅「築地極上海鮮丼」實質係難食到暈 原價HKD268嘅海鮮丼 晚市時段做特價賣HKD158喎 老實講以咁嘅質素$158都俾多咗佢 根本就係抬高個價錢 包裝到好似價錢減咗好抵食咁樣 雖然餐牌上有寫圖片只供參考但都冇理由同實物差咁遠呀⠀⠀⠀⠀⠀⠀⠀⠀⠀睇睇第二張相由上面影落個海鮮丼到就原形畢露喇 ▫️所謂嘅鮑魚 又硬有冇味▫️牡丹蝦刺身顏色灰灰黑黑咁 食落去仲有陣霉味真係吐都吐唔切呀▫️築地直送刺身 三款刺身食完都唔知自己食咗啲乜 有兩款刺身切到好似張紙咁簿 口感又係霉霉地 我喺日本築地從來冇食過咁難食嘅刺身▫️帆立貝一大粒 我從未見過切到咁厚而切到一忽忽嘅帆立貝▫️三文魚籽睇落去乾爭爭咁一啲鮮味都冇▫️碎蔥吞拿魚少到真係我估只有一茶匙多少少咁囉⠀⠀⠀⠀⠀⠀⠀⠀⠀最令我氣憤嘅事係我用咗5分鐘時間排隊去呢間餐廳食垃圾呀 你終於明白點解我話食到媽媽聲未？

吃過多次, 真心覺得鐵火堂是良心飯堂-足料新鮮尤其是午後時的下午茶, 魚生飯$59 就有5樣的啦選飯底時強烈建議,三文魚飯, 可以變相多一樣食物之餘, 把刺身吃光光, 也不會縑餘下的飯吃之而無味魚生方面大大塊又厚生, 比連鎖店的好得多, 別忘了這個價錢, 相當平民化, 吞拿魚是最值得ORDER的

閒日夜晚剪完頭髮 諗起之前食過鉄火堂印象中幾好嘅 所以就去食個快飯啦去到9點1左右 有幾張吉枱 可以即刻入座佢有魚生丼 壽司 自選魚生丼 同小食自選啲配料相對無咁靚所以都係揀返set好嘅見推介黑板有款丼有劍魚腩 油甘魚腩 吞拿魚腩 三文魚腩 海膽 同三文魚籽$138 見啲材料幾吸引就一於試佢啦到9點3/4嗰陣 有3個食客入場然後店員過佢哋係宵夜時段睇返原來間店9點半開始宵夜時間但其實筆者入座都9點1/2 店員其實都可以提一提 而唔係過一陣就其他食客就可以提早宵夜時段囉😐連埋個丼有個麵豉湯跟餐牌本身寫加拿大海膽 但未能供應轉咗韓國海膽碗野嘅份量係非常之細 吞拿魚外嘅三款魚各有兩片 但全部都係薄切 食晒都真係唔會飽其實味道ok 但加埋一要$152老實講唔值呢個價位 寧願俾多少少食碗真係出色嘅魚生丼囉

尖沙咀鉄火堂開左咁耐都未食過，因為厚福街出名“遊客”區，食店又貴又冇特別。點知星期六誤打誤撞試到又幾有驚喜喎😯放假去到一兩點先擘得大對眼，計埋梳洗車程， 出到尖沙咀都已經下午茶時間，乜都未食餓到肚都凹。淨係想快d搵到又平平地、又食得飽、又有d好西feel既野食（sorry for being fussy, 話晒都放假嘛）成個尖少咀實在太多同胞，行左好幾條街都搵唔到間靜d既，最後行到厚福街反而冇咁多人。而餓鬼們最後餓得濟行唔完條街就入左鉄火堂。人唔太多一入去就有得坐。餓鬼們一坐低二話不說各自攞起紙menu自顧自地畫。自選魚生丼有成40款魚生任揀，作為選揀困難症患者仲要咁肚餓，確實係又愛又恨。見到Menu寫住4款$59 / 5款$69，即時以0秒決定剔5樣。最後揀左油甘魚 吞拿魚 炙燒左口魚裙邊 馬刀貝 同 最愛蟹膏醬😍，仲加多$5轉左冬菇壽司飯底。等待永遠係最痛苦。唔知點解明明下午茶時間冇乜人都可以等左20分鐘先有野食。餓鬼們真係餓到靈魂出竅💀終於等到野食嗰下真係感動到眼有淚光！！！可幸既係，個丼飯係有誠意既。配左一碗熱熱既面豉湯，仲有一件刻左“鉄火堂”既甜蛋，賣相真係幾好。吃第一啖係暖

係尖沙咀行完街搵野食，去好多野食既厚福街揀野食。行到門口，見到佢影既相好吸引，加上店員好hard sell，就入左去諗住試吓。入到去睇餐牌揀野食，但係唔夠10分鐘就已經有3個店員hard sell佢地既新產品同野食，好有壓力，我地就是但叫左佢推薦既就算。野食超快到，但係野食質數麻麻，明明叫腩位，但係唔覺佢係最離譜係，佢堅持要收我地未食完既碟，叫我地食左去，佢就可以收前後食完都唔夠一個鐘，明明佢地一個飯都唔平，點解要好似食快餐咁，加上佢附近有咁多選擇，我唔會再去食。

圖片只供參考叫左個assorted tuna sushi 好伏 話like fb 有半個 只不過台高個價黎賣半價完都要二百蚊 原價$400真係值咩D 呑拿魚完全吾新鮮 一d都吾好食lo 吾知自己食緊咩另外叫個丼飯 又係d刺身吾新鮮 飯又乾但甘既質素都一人$170好似重衰過超市入面d壽司甘總知俾個門面呃左入去 無下次好伏既一間店

去咗尖沙咀呢間食，兩個人等位都等咗一陣，好彩舖頭外面都有啲點菜紙，仲有筆，可以揀住食啲咩先。舖頭特式? 坐咗埋位之後有位女仕同我地介紹有咩特式嘢食咁，仲話如果叫海膽的話，加拿大海膽而家無，會用韓國海膽代替。都幾親切同埋服務幾周到。坐低會俾個籃我地擺袋咁。牛小排沙律頭盤叫咗呢樣，牛係刺身黎，佢淨係燒咗一面，個底係紅色既。可惜有啲un...藍鰭吞拿魚丼魚蓉，薑蓉，中華沙律都好好食。火盛like facebook可以半價食，圍返每樣10蚊都幾抵。最好食係個板壽司，入口即溶。，芒果壽司都幾好食壽司飯，同埋個黑醋汁都5錯，埋單4xx

喺厚福街附近搵嘢食，見到呢一間入面坐滿晒人，行入去試吓啦。當晚過咗9:30 ，做緊宵夜時段，吞拿魚壽司拼盤只需要$58，所以就嗌咗一個試吓啦。依個價錢真係好平，吞拿魚就味道一般，食唔出有咩魚味，但係醫飽個肚來講有幾好嘅。依個魚生飯都係$88 ，質素同葵涌廣場嗰啲差唔多，但係入面係好多料，有三文魚、吞拿魚茸、三文魚子、生蝦、仲有啲青瓜同埋玉子，我覺得呢個都幾抵食。另外仲附送一個麵豉湯，味道一般。埋單連埋加一，一百五十幾蚊，喺尖沙咀來講算係幾抵食，會再嚟試吓啲壽司。

朋友介紹，午市自選魚生丼，$59可以簡四款配料，約40種選擇，有熟食都有魚生，附送味噌湯、白飯或壽司飯，聽已經覺得好吸引😋 飯可以免費追加，但唔追加一般女仔都絕對夠飽。我叫左火灸三文魚、汁燒帆立貝、八爪魚 同蟹膏配壽司飯， 附送招牌的“鉄火堂”玉子。主要係熟食，唔會有好多醬汁喧賓奪主，亦唔會overcooked，三文魚好厚肉，帆立貝幾有咬口，八爪魚都幾新鮮，蟹膏味道濃郁，有蟹黃的甘香，撈飯正呀👍🏻 壽司飯有d醋味， 飯好軟熟，味噌湯亦唔會太鹹。😋朋友叫左藍鯨吞拿魚、甜蛋、烏賊 同蟹膏，佢覺得都幾新鮮！總括而言，魚生質素絕對正常，但午市呢個價錢，仲有咁多選擇，超值👍🏻

今日興興地就沖左入去呢間日式店鋪午市餐很好 ，有四款及五款任點刺身類配飯。食物不錯 ，只是鰻魚不算太好味，但都算抵食飯既份量都多，如女生不太好可叫少飯。職員都好友善，整體合格啦

今次行過厚福街見有ｄ餓，咁岩見到呢間鐵火堂有下午茶特價所以就比佢吸引左入黎一個下午茶餐會包埋味曾湯同有綠茶店員服務都幾好，可能我去個陣冇乜客人店員都會主動走過黎幫我地補下綠茶☀️$59任揀三款材料魚生都好新鮮，如果可以擺多啲青瓜多啲口感會更好食，因為就咁食魚生加飯有啲寡咁menu係有好多款魚生比你自己搭既所以可以食到幾種自選魚生上面既野全部都岩自己口味壽司飯都做得適中，唔會太酸附送味噌湯(味道有D淡)

今日去尖沙咀剪頭髮，剪之前就約左個朋友去附近搵野食，我一直都好鐘意食日本野，之前亦都聽過鉄火堂個名，見無咩人就入去試下餐廳座位唔算闊，不過香港寸金尺土，都難怪，午餐黎講都算抵食，三色魚生飯份量唔算好多，但都合理同朋友一人一個飯，我鐘意食蝦，所以叫左一個蝦同帶子，朋友就唔太鐘意食生野，所以叫左一個火燒魚生的飯魚生總體黎講都算係新鮮，中上質素，而且由於食午餐的關係，價錢比較合理，一百蚊已經有找，相信同晩餐的價錢差一截，所以如果下次再黎食，都會選擇午餐