鉄火堂 (厚福街)

营业中

休息中

係尖沙咀行到有D餓,於是就去左好多野食既厚福街,揀左上次食完覺得幾好食既鐵火堂。哩間餐廳主要食魚生飯, 我地就叫左兩個自選4款既魚生飯併厚切藍鰭吞拿魚。每款魚生都幾新鮮,又夠凍,再者, 飯方面可以有5種選擇,包括白飯,壽司飯同薑味壽司飯等等。食材方而, 我推薦火灸三文魚, 燒得好香,又重魚味。其次就係又大粒又鮮甜既帆立貝。都可以一試。套餐仲有包味噌湯, 雖然普通但都幾足料。最好係唔洗點等位,上菜速度又快,最岩忙碌一族。

平日晚上八點幾，剛好店舖內有一張吉桌子，馬上和同行友人衝進去，嘗試期間限定的藍鰭呑拿魚自選丼飯 可供揀選的款式都算多，我叫了129元的大拖羅+四款自選魚生丼飯大拖羅油脂十分豐富，吃到口裡有融化的感覺。但只有兩小片實在令人意猶未盡其他刺身表現尚可，帆立貝鮮甜新鮮油甘魚和三文魚不算厚切，味道一般反而火炙三文魚腩則十分美味，經火炙後，逼出三文魚腩的油脂，入口即化。惟我點了黑椒三文魚飯底，味道一般早知我點香菇飯底好了⋯⋯同行友人點了藍鰭呑拿魚丼飯，他說三文魚子十分新鮮，撈飯食一流(他額外添飯了)而呑拿魚沒有筋，都幾好食其他刺身尚可。二人同行，埋單250.8，食到藍鰭呑拿魚都算係咁啦，9點半後食仲有個呑拿魚盛合，等我下次試下！

鐵火堂以前係我印象中嘛嘛⋯⋯ 甚至已經係blacklist中最近10月食咗兩次，感覺大大改變咗我願意繼續俾機會佢😂2130後有$58特價每客可擇一客，有赤身、中拖、大拖‼️ 如果唔靚嘅貨會係好難入口、好難食～ 雖然$58，但係超對入到口，雖然冇入口即溶嘅感覺，但係會有吞拿魚嘅香味再黎同朋友share左丼飯。蟹膏係我首選，好重味。 三文魚雖然唔係好肥但$9兩件，算係咁啦同場仲叫咗三文魚籽、帶子，全部質素OK比較值得一提嘅係左口魚裙邊同蟹肉 罐頭蟹肉好似浸泡係啲水到完全冇味，仲好散。左口魚群邊雖然有火焰嘅味道，但係太厚切感覺「焉un」冇咗入口即溶嘅感覺Ps 加手加得好密手

厚福街其實真係好多選擇，但由於我哋食完飯仲有下場，所以就是但食少少墊一墊個胃。”鉄火堂”供應嘅座位唔多，而且枱與枱之間好近，坐得比較擠迫，for客人速食居多。🥄【厚切藍鰭吞拿魚+4款自選配料$99】 真係估唔到而家連食個丼飯，都可以好似車仔麵咁，揀自己鍾意食嘅配料，連壽司米都有得自選。米飯除咗有普通白飯、壽司飯、仲有薑味壽司飯、冬菇壽司飯、黑椒三文魚飯。自選配料多達38款，一定有幾款啱自己心水。

在晚市時間吃飯，看過menu，知道有自選套餐，好似車仔面般點餐。叫了帶子，火炙三文魚，蟹柳同三文魚籽。食材不過不失沒有驚喜。壽司飯有點凍，而且壽司醋味道比較淡，魚生解凍不足，有些許雪味。另外還叫了個御丼，有鮑魚、玉子，鰻魚。可惜鰻魚有點多骨，鮑魚雖爽口彈牙，但實在太腥。總括而言，份量不算多，價錢都偏貴，食材推得太滿，進食時有點不方便，會下塌。

一個人吃午餐，走到厚福街，想起丼飯又看到鐵火堂，剛好有位子，立馬點餐。與以往一樣，選擇了四款刺身自由配搭，點了最喜歡的香蔥吞拿魚碎、甜蝦、火炙三文魚腩及左口魚。當中最愛還是香蔥吞拿魚碎及左口魚，每次都必點。配上跟丼飯的麵豉湯，大滿足了！PS: 丼飯分量足夠女生，男生如不夠吃可免費追加白飯壽司飯

😂成個飯都係左口魚🙈.估唔到真係可以叫到成個丼飯都係左口魚😂😂😂事源佢規定人地一定要叫最少3個配料去個丼飯到😝咁我迷火炙左口魚 x 3咁叫囉😎✌🏻但係一次食9塊左口魚係食唔切🤣而食唔切就會凍🤣所以視覺上係好滿足，但味覺上係唔滿足架😆😆😆因為佢本身燒得唔夠透啲油都未出到黎再加埋凍晒👉🏻👈🏻並唔係想像咁既味道😂😂而且圖片上影到個冬菇飯係滿滿既冬菇粒，黎到又係得啖笑既🙈

係尖沙咀做完野, LUNCH都未食已經2:30. 經過厚福街鉄火堂, 想食個丼就入去. 佢有一款丼好似車仔面咁, 自己揀料, 當時我見到, 就TICK 晒自己鐘意既餸, 三文魚子, 醋青魚, 吞拿魚蓉, 溫泉蛋, 鰻魚, 吞拿魚, 三文魚. 再配壽司飯, 食入口既每一啖飯, 都有餸係一齊, 而且鉄火堂既丼CP值真係好高, 雖然每樣配菜都係得幾件, 但因為夠多, 岩晒咁貪心既我. 而且用料新鮮. 仲可以揀晒自己鍾意食既, 食得好開心

約左朋友去tst食飯， 本來想食韓國嘢嘅，但最後去咗厚福街度揀咗間日本嘢。呢間野主要食壽司同魚生飯，小食都有，但choices唔多，同埋多係炸野，所以我地分別叫左2個魚生飯。我叫左個雜錦魚生飯，有三文魚、吞拿魚蓉、蟹柳、魚籽、赤蝦，餸好似仲多過飯不過d魚味唔濃，可能唔太fresh, 但有吞拿魚蓉都算抵佢收成90蚊一個飯xp個friend叫左嘅係辣味沙律醬火灸飯，仲加左一隻温泉蛋。佢all丼都係會送一個miso soup嘅，不過個湯真係好鹹！ 價格都係差一火多同上。overall覺得都ok嘅，不過不失，如果小食項目有多d選擇會更好。

哩間平時都係食Lunch今次試下食晚餐先好多時魚生飯都比人感覺都係HEA左小小但係哩間魚生飯絕對唔HEA!店內本身自己已經設計左好多款魚生飯比客人選擇唔想諗可以直接點果D但係我覺得最特別係有類似車仔面嘅食法首先分別有3款吞拿魚 $99厚切藍鰭吞拿魚$109厚切藍鰭中拖羅$129厚切藍鰭大拖羅每款再配4款其他魚生最估唔到連飯底都有得揀白飯壽司飯薑味壽司飯冬菇壽司飯黑胡椒三文魚飯今次我地點左2個魚生飯$129厚切藍鰭大拖羅 左口魚 劍魚腩 油甘魚 蟹膏 冬菇壽司飯個大拖羅幾好食 油香幾到位一直都好喜歡左口魚 但係有小小覺得燒得耐左小小 咬口差左小小劍魚腩同油甘魚都係放題水準較為要讚就係果篤蟹膏  黎左之後比我想像中大篤食落就係出面買大約$50一罐果D冬菇壽司飯 撩開個飯真係見到好多冬菇粒係入面   食落去就唔係好覺  但係就咁拎一粒放入口就會好食到果陣甜味$109厚切藍鰭中拖羅 左口魚 劍魚腩 火灸三文魚  三文魚籽 壽司飯中拖羅相比大拖羅油香淡一D 但係咬口差不多火灸三文魚 D油幾出唔錯一咬落去有一陣油飛左出黎三文魚籽 撈飯幾好食 數量都唔算小軟殼蟹我地仲點左個軟殼蟹都係正正常常 唔錯的

想食壽司，但又唔想食咁貴。咁岩行過厚福街見到鐵火堂午餐海鮮丼，自選4款都係$59 所以就入左去食。當日去既時候，冇晒三文魚腩唯有揀其他😭😭揀左 火炙左啦魚邊 赤蝦 三文魚 同劍魚腩左口魚邊 正有魚油香😋 赤蝦劍魚腩同三文魚 普通野。 不過不失，可以過下啦引🙊🙊 劍魚腩真係而家搵唔到邊間日本菜食到10幾年前初初食果陣魚油香味，而家果d大部份都冇咩味😢😢 好掛住果陣味

咁岩係尖沙咀約左人，知道厚福街附近有好多好食的餐廳，一直都好想黎食刺身飯，今日終於有時間食到😂呢到可以自行選擇4或5款配料，如果要更多款式的就要另外加錢，套餐有附上麵豉湯，個湯普普通通，有豆腐、海帶，同一般日式餐廳差唔多。我揀左4款配菜，每款2件的。黎到當然要點刺身食啦，我揀左火炙三文魚腩、藍鰭吞拿魚、甜蛋、鰻魚，特別推薦吞拿魚好鮮甜。另外，我單點左蒲燒鰻魚玉子，呢到的玉子整得幾好味，我特別中意佢有鰻魚汁同玉子好夾，而且個蛋好滑，唔會整到好鞋口，味道又甜又咸咁，好滿足！總結，刺身飯自選幾適合我，可以自由配搭，而且刺身幾身鮮，有鮮甜味適合刺身愛好者😋

本來想食果間上海餐廳唔見左，由於趕時間，要快食，所以選左呢度。忌廉蟹肉餅即上即食味道唔錯自選丼個人只覺得三文魚腩和蝦好味，熟帆立貝可以再好d朋友選的三文魚四色丼中規中矩

Only visited this restaurant because it’s close to the AirBnB we stayed in for the past few days, prices are fair, you can choose from a selection of pre-set dons or choose your own ingredients. I chose grilled salmon, crab paste (which is an extra $10), salmon roe, scallops and olive flounder. I also ordered urchin for an extra $88 but the quality isn’t so great. In general, I think you really get what you paid for so there’s nothing special. The restaurant is kinda hard to find if you don’t li

那晚要去太空館，去之前當然要醫肚啦！嬲到成團火既我又將“食咩”呢個重任交俾我男人，所以我只係需要跟指示去餐廳就得啦XD可能大家都因為某尐原因好忟憎，加埋天氣悶熱，我又無胃口，所以呢期好似都食左好多餐日本野XD 因為醋飯同凍野比較易入口我地都係第一次黎呢間，又唔算好貴，可能人流都密，佢尐魚生都新鮮! 個溫泉蛋應該係無添加, 蟹膏就唔夠濃有色但唔多出味咁... 我好鍾意佢較既呢隻醋飯，食落好開胃! 但芥末八爪魚都係樓下鱻好食,但佢唔差架! Btw, 我好鍾意個麵屎湯，可能係因為用左我鍾意食個隻海藻啦～