鉄火堂 (厚福街)

营业中

休息中

尼間可以話係本🐻飯堂 🤤 除左🐻很愛刺身飯之外，午時飯真係抵到一個點，而且多款刺身選擇 🤤 一定岩心水 🤩 午時會有特定點餐紙‼️首先揀壽司飯或者白飯（記得揀壽司飯‼️因為白飯唔夾魚生😂）之後睇你食4款定5款刺身 🤤 價錢都係相差10蚊✨ 另外，仲有得俾你揀要唔要薑、青瓜、蔥或者Wasabi 😌 午餐有熱辣辣好味麵豉湯，而且刺身飯上亦有佢地招牌甜蛋🥚重點來了‼️ 尼間鋪係可以任添飯啊 🤩🤩🤩🤩🤩 本🐻成日都會添啊 🤣推介‼️✨「火炙三文魚腩」好快賣曬既item之一🥺超級肥美，而且炙燒後多左份魚油香味，配飯一流‼️✨「劍魚腩」第一次幫襯時店員推介我食，之後每次都會order🤤 睇落實的的但咬口非常正，肥美之選‼️✨「火炙左口魚邊」近尼幾年先學識食尼款魚，簡直放入口就溶化左，而且唔孤寒俾好多塊，最愛配埋Wasabi食‼️價錢‼️午市自選魚生丼 $59 / $69 （4款/5款）免加一

相信大家食刺身丼都會遇過一個問題，就係配料唔夠多樣/或者唔啱食！鐵火堂可以自選配料，海膽、拖羅都有得揀，啱晒三心兩意嘅為食貓啊！兩款海膽嘅刺身丼，再加螺肉，奇怪配搭，其實唔平㗎，可能叫個海膽丼再加螺肉壽司仲抵食，但又要加埋三文魚就唯有揀自選配搭啦，適合重口味人士。抵食推介，中拖羅+4款配料，老老豆豆，2件拖羅好細件，但又真係幾好食，火炙三文魚略嫌過火，外面太乾，劍魚腩好肥好濃味，必食！講返啲重要嘢，一入店坐低，店員已提供搓手液俾客人清潔雙手，跟手再俾紙巾客人包口罩，好貼心。

同朋友嚟到尖沙咀食飯，諗唔到想食咩朋友話嚟厚福街再慢慢睇呢間鉄火堂之前一路聽D FD嚟食，自己都未嚟食過又想食下丼飯，呢間又係黃黃地wo，最緊要我地真係好肚餓，佢地有得添飯，咁不如入去試下啦我同FD一人叫咗一個丼飯，加$26要多份蟹肉忌廉薯餅佢果個就唔多講，我試咗個三文魚都幾新鮮我果碗就係呢期做緊特價嘅厚切五式藍鰭吞拿魚丼原價$268，以家$158，我緊係試呢個啦拖羅脂肪分佈算平均，魚香都好夠味。拖羅蓉魚香綿滑攞嚟撈飯超正另一款表面略為燒過，口感都唔錯飯量都好足夠，免費的可以任添白飯或壽司醋飯想食好D可以再加錢轉D有料嘅飯薯餅炸得好香脆又大塊，都抵食～

好想食日本嘢好耐，經過呢度見到餐牌超級吸引，張張相都好似成座山咁，勁多魚生所以就行咗入嚟諗住試吓。不失所望我個碗都使成座山咁🤣啲材料好新鮮好好味，超級滿足🤣睇相都想再嚟食過👍🏾

平時嘅丼飯好多都會預設左魚生嘅組合，有時啲配搭又唔係樣樣都想食，所以真係好難選擇！而依間丼飯就解決左依個煩惱，因為客人可以自由選擇想要邊款魚生嫁👏🏻配料嘅選擇都唔少，有成三十幾款😲另外個飯底都有得揀，有普通醋飯、薑味醋飯、冬菇醋飯，壽司飯仲可以免費追加嫁，最特別嘅就係唔想食飯嘅話可以揀沙律菜，減緊肥都啱食🤭**********<自選魚生丼(5款)> $69今次配料方面揀左五款，有火炙三文魚、三文魚、烏賊、玻璃蝦同埋火炙左口魚邊，個火炙左口魚邊好好食，入口即溶而且都有魚油味，其他刺身就正常水平啦，另外每個丼都會有一舊印住鉄火堂嘅甜蛋嫁，打卡都靚啲！😂

鐵火堂應該都系幾有名的平價魚生丼飯店，有時經開尖沙咀 吾知食咩 又想食魚生 都會入去食下🤔 今次都吾例外！叫左火炙三文魚、甜蝦、帆立貝同碎葱呑拿魚😋 其實刺身的份量吾系好多 勉強可以配得起一碗飯既，但我通常會叫啲吾系一片片的野 咁食起上來可以撈下飯😆 但呢隻碎葱呑拿魚就吾夠葱味 吾夠香 但碎呑拿魚的口感都不外乎系一patpat😂帆立貝尚算新鮮 但太薄吾厚 所以冇咩鮮甜味🤔 甜蝦都甜的 個頭有小小膏 都算系咁😌 最後的火炙三文魚都系一般 因為吾系好厚同肥美但都有小小魚油味的！🤓 另外一碗有叫到鰻魚 佢尚算厚肉啲 同埋都有燒過 再加鰻魚汁！🤩 佢地每碗都會有舊甜蛋🙂 而仲可以叫多飯 男仔吾夠可以叫！所以咁的價錢真系吾可以太高要求😚 性價比太高！

💛💛💛💛黃色經濟圈💛💛💛性價比極高丼飯🍱🌟- - - - - - - - - - - - - - - - - - - - - - - - - - 🌟位於厚福街既日本餐廳 🇯🇵超級掋食，最平$99已經有一個五款刺身既丼飯🙂其中一款一定係呑拿魚，有三個grading比你揀！我揀左$129最高grade個款大拖羅，新鮮既，油份都高同香，但有d細片，當然明白呢個價錢唔會好大片，但個人認為揀$99個款更掋🤣其餘四款刺身任你揀！ 餐廳上list曬每款刺身既數量👍🏻 價錢掋，刺身亦大大片，同埋好新鮮！個人推介蟹膏、火炙三文魚腩、呑拿魚蓉、火炙左口魚裙邊🥰❤️💯飯底仲有4款選擇，實有一款岩心水😚每個飯跟一碗麵豉湯，好多海帶，味道夠濃👍🏻☺️份量足，男士們都會食得飽喔！黃店內當然唔少得大量文宣😊餐廳仲好貼心地提供每位客人餐巾去擺口罩，同幫每位客人雙手噴消毒酒精👍🏻👍🏻

稱之為良心丼飯，皆因佢用料新鮮，賣相一流又足料又好品質真系比十個Like 經過尖沙咀幾次，都見到人山人海，難得今日閒日，唔算人多就決定會一會佢，殊不知一試難忘呀 服務員會要求客人先在門外選好美食下了單，再安排好位置入座，甘入座後就不用得太耐，不過即叫即做架！馬上提提個主食- 沙律風火丼，賣相絕對係打卡精選，甜蛋印了餐廳名稱，甜蛋嫩滑，魚生都好新鮮，飯可以選擇不同口味（白飯或者壽司飯），如果各位有特定喜歡既魚生都唔細心思思，有一個抵食套餐可以自由配搭4-5種魚生，Tailor-made 魚生飯小食北海道粟米芝士脆脆也是必食推介外面脆卜卜包著濃濃芝士粟米🌽好好味，不過都提提各位食家小心燙嘴服務員態度都好親切，整體好滿意

之前行過幾次厚福街都見到依間鋪頭有人排隊 咁岩果日早收工 冇乜人排隊 於是就打算試下🤤.海膽三文魚丼 $148本身想叫三色海膽丼 但點知冇北海道海膽😂 所以就轉叫海膽三文魚丼 丼入面除左三文魚同海膽外 仲有幾塊帶子 海膽都幾creamy 但三文魚好瘦 食唔出魚脂 而且比較薄切 🙈.藍鰭吞拿魚丼 優惠價$150男朋友點既藍鰭吞拿魚丼 因為早左放工所以可以享用優惠價～Lucky🤘🏻 吞拿魚同三文魚一樣都係好瘦😵而且有幾塊食到有筋....🦐泰式生蝦沙律 $68係日式餐廳叫泰式生蝦都預左係伏架啦🌚 生蝦既醬汁得好少 而且唔夠酸辣 但生蝦都算新鮮既.

Lunch 又要周圍穩野食！哩間係同事介紹去食既，因為我本身唔係太好魚生見同事係咁話好食，就去試下，佢個lunch set 大概48蚊，加1同埋野飲，大概埋單$60蚊左右試完d魚生真係又幾新鮮同埋個分量好多，仲有湯送埋！食得勁飽

日本野真係食極都唔嫌。今日收工個陣好餓，又想食刺身，就決定去鉄火堂。鉄火堂我已經食過好多次，質素非常唔錯，宵夜時段(21:30後)非常抵食。我鍾意鉄火堂嘅另外一個原因係因為佢嘅自選魚生丼，每次都可以跟據自己嗰日想食咩同食幾多去決定個份量，完全滿足到自己嘅要求之餘又唔會浪費。今次我叫咗三文魚、三文魚腩、油甘魚腩同赤蝦，配壽司醋飯。宵夜時段咁叫4款加埋一都係八十幾蚊。魚生好新鮮，三文魚入口即溶，赤蝦同油甘魚好彈牙，好食。我有次試過牡丹蝦，好大隻，比赤蝦好食，鍾意食生蝦嘅朋友可以一試。叫丼飯會送一碗麵豉湯。店員好有禮貌，加茶加得好密，抵讚

人生感恩係呢間公司識到班好為食，好識周圍搵食嘅好同事，每個中午都會幫我揀好唔同嘅特色餐廳。今次帶咗我去厚福街10號地下嘅鉄火堂日本魚生飯，一去到會被張點菜紙你選擇唔同嘅魚生，五味魚生都只係69蚊，配有白飯。當你點完可以交畀侍應，喺門口排隊，排到你之後就好快可以有得食喇！今次我點咗五樣魚生，包括：油甘魚劍魚腩～三文魚籽～蟹膏同埋帶子。 所有魚生都非常新鮮，蟹膏亦都將整碗飯嘅味道帶起咗！劍魚腩入口即溶嘅感覺令人十分回味，珍珠米十分香口，下星期一定再嚟食！

✏️厚切藍鰭拿魚自選丼($99)自選4配料: 三文魚 油甘 帆立貝 北寄貝自選飯底: 壽司醋薑飯〰️價錢幾親民下 仲要包個味噌湯 +$10有罐裝嘢飲 尖沙咀地段黎講好抵食 不過質素就一般般可以再有待改善啊😛我揀咗最平嘅嗰個自選丼 所有配料連同嘅吞拿魚都係唔算特別新鮮 而且重點係我覺得吞拿魚同帆立貝都有啲太薄切同少左啲 變咗口感爭咗啲 而且好唔夠喉嘅感覺😂😂反而比較特別係佢個飯底 本身我以為薑飯係一粒粒嘅生薑撈落去 點知原來係日本嘅醃酸薑磨成蓉 再撈勻落個飯度 整體多咗種 甜甜酸酸嘅感覺 味道好清新 就咁食個飯都幾好食🤣🤣整體而言雖然呢個價錢真係算幾抵 但係質素我覺得有待提升🤔

平日lunch見鉄火堂人唔算多，就入黎試下-Lunch Menu方面 $69有成5款，好似車仔面咁，有得揀飯同餸係乜，用紙筆填好一人一張。🍜-跟餐有麵鼓湯，入面有少少海帶豆腐，凍冰冰飲一流。自選5餸飯$69+$10（藍鰭吞拿魚2切、三文魚2切、火炙左口魚3切、帆立貝2切、蟹膏+$10- 壽司飯）另外有個玉子燒送的，燒香了非常正，還有少量薑蓉唔辣好好味。-藍鰭吞拿魚：不算新鮮無乜味❌三文魚：不算新鮮無乜味❌火炙左口魚：肥美燒香了更香口油脂均勻✅帆立貝2切：鮮美大塊✅蟹膏：勁多一定要加錢叫呀✅友人叫了自選5餸飯$69+$10（藍鰭吞拿魚2切、北極貝2切、火炙三文魚楠2切、帆立貝2切、馬刀背3切+$10- 壽司飯）-北極貝：不算新鮮無乜味❌火炙三文魚楠：燒太熟❌馬刀背：友人表示好好食✅

港式車仔麵就食得多喇，但日版揀刺身食丼飯既就真係少啲見喇😍呢間位於厚福街既日本野主打自選刺身飯Momo同Boo都幫襯左幾次🥰，價錢豐儉由人，最岩想試下唔同combo既你😉Momo就揀左三文魚($18)、油甘魚($30)、甜蝦🦐($28)同原板韓國海膽($88)丼飯(壽司飯🍚$10)Boo就食火炙三文魚($18)、碎蔥三文魚($28)同埋都係油甘魚😛($30)丼飯🍚丼飯會跟味噌湯，每款魚生都有3片，海膽更加係$88大大板😍，性價比相當唔錯👍🏻魚生都幾新鮮又好夠飽，除左Boo覺得碎蔥三文魚唔夠多蔥😂😂🐟，其他都好滿意😋男士們唔夠可以追加壽司飯架🍚🍚🍚🍚不過記得留番啲魚生送飯🙊🤣