鉄火堂 (厚福街)

营业中

休息中

一向都好鍾意食魚生丼,特別係海膽🧡知道鉄火堂有個三色海膽丼好吸引,所以要黎試下😆三色海膽丼分別有加拿大海膽,韓國海膽同北海道海膽,果次去咁啱無北海道海膽,所以另外兩款海膽比返多啲令海膽都會鋪滿成個飯😍海膽好鮮甜,配埋生鵪鶉蛋都好夾,$228一個唔算好貴藍鰭呑拿魚丼鉄火堂有好多款丼選擇,丼既價錢都唔價,自選魚三丼唔使$100都有,不過今次試左佢既藍鰭呑拿魚丼,拖羅好肥美,呑拿魚都好新鮮,$158好抵食所有丼都會跟麵豉湯,而且重可以免費添飯添～

放假又出去揾食啦尖沙咀出名多高質食店今次就揀咗呢間食日本丼飯既餐廳丼飯可以自選配料很少餐廳有得做，呢間餐廳正正就係其中一間自選配料多達三十款，飯類都有幾款揀，咪講笑，連續食一星期都唔會厭我碗丼飯揀咗三文魚子，蟹肉，帶子同火炙左口魚👍🏻朋友果碗就揀咗三文魚子，鰻魚，吞拿魚蓉同火炙三文魚腩每款都份量十足，一啲都無偷工減料，魚生仲好新鮮呢！每碗丼飯仲配左碗味增湯，而家唔夠飯仲可以免費加，真係好抵食，良心店更加要幫襯啦

尖沙咀 日式黃店💛成條厚福街絕大部分都係黃店本身仲諗住嚟掃街點知早餐食得太飽最後淨係去左鐵火堂食Lunch 刺身丼$59 - 4款/$69 - 5款（飯 任添， 跟麵豉湯）揀咗咁多樣覺得最好食都係鰻魚同蟹膏其他帶子甜蝦帆立貝魚刺身就一般般不過幾十蚊中規中矩啦 唔好太多要求另外再加咗$52兩片中拖羅（ 完全唔覺得有中拖羅嘅質素）$30 一隻活赤貝（呢個都算新鮮嘅）想食日本嘢又唔食拉麵嘅都係一個平價選擇今日餐廳都算幾多人排隊嚟嘅話預咗都要等一陣

之前見到厚福街的鉄火堂通常都大長龍，雖知餐廳開了一段日子，也未有機會試。復活節最後一天下午3時多見沒多少人，就入內試試。店員會要求先站在門口，先量體溫再安排座位。下午大家都是選魚生飯，自選4款餸是$59；5款就$69，送味噌湯，看價錢相當扺食!!我自己就選了火炙左口魚邊、火炙三文魚腩、松葉蟹鉗同甜蛋+壽司飯，另外點了蟹肉忌廉薯餅。個飯來上去唔算很大碗，但女仔來說足夠。不過唔夠都唔緊要，因為飯是可以追加的 食到飽為止都得! 兩款火炙刺身都新鮮，不過就比較薄片同炙得唔太夠，魚油未迫得到出黎，唔夠香~松葉蟹鉗有兩隻細細隻，不過非常鮮甜!!!!!! 大推!!!!!原來每碗都有一小塊印有"鉄火堂"的甜蛋，不過就會乾少少，還是額外加的好味!!蟹肉忌廉薯餅一咬非常燙口，味道就正正常常~整體來說，味道及刺身口感一定不及過百元的壽司飯，不過對經常貧窮神上身的我，絕對值得一戰再戰!P.S. 壽司飯味道調得剛好，醋味出而不搶，大推!!

一次午餐，一次晚餐黎食，午餐係幾抵食的$59有四款配料、味噌湯、飯，飯仲可以免費追加。店員好主動，服務亦好快，先幫你探熱，再噴消毒洗手，俾埋抺手紙你放口罩，最後介紹點餐方式，你唔需要為任何步驟苦惱，只需要諗想食邊幾款魚生。呢度食魚生飯最開心係可以喺餐牌自由選擇配料，而且選擇好多，蟹鉗、左口魚邊、鰻魚、飛魚子......試左佢ge壽司飯同三文魚飯(注意午餐三文魚飯需另加錢)，係熟三文魚肉撈飯咁，都不錯。

今日同朋友食日本魚生飯，係我喺香港食過最抵食、最多花款嘅魚生飯，佢魚生多揀擇之餘仲要壽司飯或者白飯任添，包保夠食，而且店舖吾收加一，七十蚊已經可以搞掂個5餸魚生飯，喺尖沙咀呢啲旺區認真抵食！！😋

尼間可以話係本🐻飯堂 🤤 除左🐻很愛刺身飯之外，午時飯真係抵到一個點，而且多款刺身選擇 🤤 一定岩心水 🤩 午時會有特定點餐紙‼️首先揀壽司飯或者白飯（記得揀壽司飯‼️因為白飯唔夾魚生😂）之後睇你食4款定5款刺身 🤤 價錢都係相差10蚊✨ 另外，仲有得俾你揀要唔要薑、青瓜、蔥或者Wasabi 😌 午餐有熱辣辣好味麵豉湯，而且刺身飯上亦有佢地招牌甜蛋🥚重點來了‼️ 尼間鋪係可以任添飯啊 🤩🤩🤩🤩🤩 本🐻成日都會添啊 🤣推介‼️✨「火炙三文魚腩」好快賣曬既item之一🥺超級肥美，而且炙燒後多左份魚油香味，配飯一流‼️✨「劍魚腩」第一次幫襯時店員推介我食，之後每次都會order🤤 睇落實的的但咬口非常正，肥美之選‼️✨「火炙左口魚邊」近尼幾年先學識食尼款魚，簡直放入口就溶化左，而且唔孤寒俾好多塊，最愛配埋Wasabi食‼️價錢‼️午市自選魚生丼 $59 / $69 （4款/5款）免加一

相信大家食刺身丼都會遇過一個問題，就係配料唔夠多樣/或者唔啱食！鐵火堂可以自選配料，海膽、拖羅都有得揀，啱晒三心兩意嘅為食貓啊！兩款海膽嘅刺身丼，再加螺肉，奇怪配搭，其實唔平㗎，可能叫個海膽丼再加螺肉壽司仲抵食，但又要加埋三文魚就唯有揀自選配搭啦，適合重口味人士。抵食推介，中拖羅+4款配料，老老豆豆，2件拖羅好細件，但又真係幾好食，火炙三文魚略嫌過火，外面太乾，劍魚腩好肥好濃味，必食！講返啲重要嘢，一入店坐低，店員已提供搓手液俾客人清潔雙手，跟手再俾紙巾客人包口罩，好貼心。

同朋友嚟到尖沙咀食飯，諗唔到想食咩朋友話嚟厚福街再慢慢睇呢間鉄火堂之前一路聽D FD嚟食，自己都未嚟食過又想食下丼飯，呢間又係黃黃地wo，最緊要我地真係好肚餓，佢地有得添飯，咁不如入去試下啦我同FD一人叫咗一個丼飯，加$26要多份蟹肉忌廉薯餅佢果個就唔多講，我試咗個三文魚都幾新鮮我果碗就係呢期做緊特價嘅厚切五式藍鰭吞拿魚丼原價$268，以家$158，我緊係試呢個啦拖羅脂肪分佈算平均，魚香都好夠味。拖羅蓉魚香綿滑攞嚟撈飯超正另一款表面略為燒過，口感都唔錯飯量都好足夠，免費的可以任添白飯或壽司醋飯想食好D可以再加錢轉D有料嘅飯薯餅炸得好香脆又大塊，都抵食～

好想食日本嘢好耐，經過呢度見到餐牌超級吸引，張張相都好似成座山咁，勁多魚生所以就行咗入嚟諗住試吓。不失所望我個碗都使成座山咁🤣啲材料好新鮮好好味，超級滿足🤣睇相都想再嚟食過👍🏾

平時嘅丼飯好多都會預設左魚生嘅組合，有時啲配搭又唔係樣樣都想食，所以真係好難選擇！而依間丼飯就解決左依個煩惱，因為客人可以自由選擇想要邊款魚生嫁👏🏻配料嘅選擇都唔少，有成三十幾款😲另外個飯底都有得揀，有普通醋飯、薑味醋飯、冬菇醋飯，壽司飯仲可以免費追加嫁，最特別嘅就係唔想食飯嘅話可以揀沙律菜，減緊肥都啱食🤭**********<自選魚生丼(5款)> $69今次配料方面揀左五款，有火炙三文魚、三文魚、烏賊、玻璃蝦同埋火炙左口魚邊，個火炙左口魚邊好好食，入口即溶而且都有魚油味，其他刺身就正常水平啦，另外每個丼都會有一舊印住鉄火堂嘅甜蛋嫁，打卡都靚啲！😂

鐵火堂應該都系幾有名的平價魚生丼飯店，有時經開尖沙咀 吾知食咩 又想食魚生 都會入去食下🤔 今次都吾例外！叫左火炙三文魚、甜蝦、帆立貝同碎葱呑拿魚😋 其實刺身的份量吾系好多 勉強可以配得起一碗飯既，但我通常會叫啲吾系一片片的野 咁食起上來可以撈下飯😆 但呢隻碎葱呑拿魚就吾夠葱味 吾夠香 但碎呑拿魚的口感都不外乎系一patpat😂帆立貝尚算新鮮 但太薄吾厚 所以冇咩鮮甜味🤔 甜蝦都甜的 個頭有小小膏 都算系咁😌 最後的火炙三文魚都系一般 因為吾系好厚同肥美但都有小小魚油味的！🤓 另外一碗有叫到鰻魚 佢尚算厚肉啲 同埋都有燒過 再加鰻魚汁！🤩 佢地每碗都會有舊甜蛋🙂 而仲可以叫多飯 男仔吾夠可以叫！所以咁的價錢真系吾可以太高要求😚 性價比太高！

💛💛💛💛黃色經濟圈💛💛💛性價比極高丼飯🍱🌟- - - - - - - - - - - - - - - - - - - - - - - - - - 🌟位於厚福街既日本餐廳 🇯🇵超級掋食，最平$99已經有一個五款刺身既丼飯🙂其中一款一定係呑拿魚，有三個grading比你揀！我揀左$129最高grade個款大拖羅，新鮮既，油份都高同香，但有d細片，當然明白呢個價錢唔會好大片，但個人認為揀$99個款更掋🤣其餘四款刺身任你揀！ 餐廳上list曬每款刺身既數量👍🏻 價錢掋，刺身亦大大片，同埋好新鮮！個人推介蟹膏、火炙三文魚腩、呑拿魚蓉、火炙左口魚裙邊🥰❤️💯飯底仲有4款選擇，實有一款岩心水😚每個飯跟一碗麵豉湯，好多海帶，味道夠濃👍🏻☺️份量足，男士們都會食得飽喔！黃店內當然唔少得大量文宣😊餐廳仲好貼心地提供每位客人餐巾去擺口罩，同幫每位客人雙手噴消毒酒精👍🏻👍🏻

稱之為良心丼飯，皆因佢用料新鮮，賣相一流又足料又好品質真系比十個Like 經過尖沙咀幾次，都見到人山人海，難得今日閒日，唔算人多就決定會一會佢，殊不知一試難忘呀 服務員會要求客人先在門外選好美食下了單，再安排好位置入座，甘入座後就不用得太耐，不過即叫即做架！馬上提提個主食- 沙律風火丼，賣相絕對係打卡精選，甜蛋印了餐廳名稱，甜蛋嫩滑，魚生都好新鮮，飯可以選擇不同口味（白飯或者壽司飯），如果各位有特定喜歡既魚生都唔細心思思，有一個抵食套餐可以自由配搭4-5種魚生，Tailor-made 魚生飯小食北海道粟米芝士脆脆也是必食推介外面脆卜卜包著濃濃芝士粟米🌽好好味，不過都提提各位食家小心燙嘴服務員態度都好親切，整體好滿意

之前行過幾次厚福街都見到依間鋪頭有人排隊 咁岩果日早收工 冇乜人排隊 於是就打算試下🤤.海膽三文魚丼 $148本身想叫三色海膽丼 但點知冇北海道海膽😂 所以就轉叫海膽三文魚丼 丼入面除左三文魚同海膽外 仲有幾塊帶子 海膽都幾creamy 但三文魚好瘦 食唔出魚脂 而且比較薄切 🙈.藍鰭吞拿魚丼 優惠價$150男朋友點既藍鰭吞拿魚丼 因為早左放工所以可以享用優惠價～Lucky🤘🏻 吞拿魚同三文魚一樣都係好瘦😵而且有幾塊食到有筋....🦐泰式生蝦沙律 $68係日式餐廳叫泰式生蝦都預左係伏架啦🌚 生蝦既醬汁得好少 而且唔夠酸辣 但生蝦都算新鮮既.