鉄火堂 (厚福街)

营业中

休息中

🥢尖沙咀良心店$60 超高質午餐自選魚生　#食好西尖沙咀美食#食好西良心推介🥢今日lunch 又去尖沙咀食返個飯，今次呢間專門食魚生飯的專門店，我地就食過好多次，因為真係抵食又好食，店員服務貼心又好有禮，所以真係好值得去食完又食🥢自選午餐魚生飯 $60/4 款 $70/5火炙藍鰭吞拿魚三文魚籽穴子火炙左口魚邊海膽魷魚🥢飯可以揀白飯或者壽司飯，仲有跟熱辣辣麵豉湯，可以揀你鍾意食嘅配料，今次揀咗呢幾樣配料每樣都係好新鮮同好軟熟，最鍾意嘅係火炙藍鰭吞拿魚穴子同三文魚子，夠曬鮮甜味美🥢以呢個價錢來講真係超級抵食，仲要唔使加一，店員非常好細心又會問需唔需要口罩袋，所以平時晏晝成日都會過來開餐，因為真係唔錯好值得來食

食飯時間經過厚福街都會見到大排長龍，今日12點去到，唔洗等可以即入✌️叫左4餸都好夠飽，我會推介甜蛋同火炙左口魚，碗壽司飯都有蛋印住鐵火堂，但同另外order嘅甜蛋完全唔同味， order嗰個好正，甜甜地又唔乾，好食👍🏻另外左口魚都幾肥，見到有油光，加埋豉油，撈埋壽司飯超正，下次食應該都會叫返呢兩個餸🥰

🍣一個人的午餐❤️難得放半日假去剪頭髮，剪髮之前行去厚福街睇吓食咩先😌見到鉄火堂魚生飯4餸$60 咁抵即刻衝過去🤣平時食魚生飯差唔多成舊水，而家6折就食到，仲要質素好好，魚生厚切又新鮮，性價比高👍🏻仲要配埋麵豉湯🎉一流丫😍🍽： 鉄火堂🏡：尖沙咀厚福街😋： 🌟🌟🌟🌟評價：性價比高的魚生飯🍣❤️

座位舒適，周圍掛滿日式裝飾品，今次簡了自選魚生丼（自選4款）均配白飯或壽司飯及味噌湯，性價比高，刺身熟食選項多，好難得可以簡晒自己鐘意食既刺身，整體刺身質素都好新鮮。

小巷裡成日都見到條長龍係佢嘅門口-鉄火堂午市 自選5款（$69💰）-壽司飯-蟹膏🦀-希靈魚🐟-甜蝦🦐-火灸三文魚腩🐟-蟹鉗🦀佢哋有超過三十款嘅自選配料選擇三文魚腩，希靈魚，蟹鉗，甜蝦樣樣料都好新鮮 蟹膏撈飯食簡直就係一流👍🏻 少量蟹膏已經可以送一大碗飯😋（如果你唔食薑蓉，蔥，可以走）但我個人推薦加薑蓉撈飯 超好食😋！鰻魚玉子燒（$21💰）係寒冷嘅天氣食 熱辣辣又甜甜嘅玉子燒 配搭埋甜甜嘅鰻魚醬 好溫暖💕💕💕💕（記得要趁熱食😚）

📍香港📍尖沙咀📍鉄火堂TEKKA📍尖沙咀厚福街10號地舖📍星期一至日 12:00~00:30🦄 5款自選魚生飯 $69 🦄 評分: 7.5/10Lunch time自選魚生飯真系好抵食！！配料選擇份量多🤟🏻仲有得自己揀唔同口味既壽司飯🍣黎過幾次整體刺身都新鮮😋如果唔系離我公司太遠會成日去食😭😭 推介火炙左口魚邊，藍鰭吞拿魚，鰻魚🐟 蟹膏好咸唔推薦🤫🤫#foodieschu尖沙咀~~~~~~~~~~~~~~~~~~#尖沙咀美食#香港美食#壽司#丼飯#鰻魚#左口魚#左口魚裙邊#火炙壽司#火炙左口魚#吞拿魚#蟹#鉄火堂#Lunchset#lunch#壽司飯#刺身

自己行行吓街，發現到呢間同路人餐廳。第一次嚟，侍應態度非常之好。坐低先介紹一次如何選擇魚生飯。然後就自己決定自己嘅配料。今次我就叫咗碎蔥吞拿魚，馬刀貝，油甘魚，三文魚子，同埋火炙左口魚裙邊。五款魚生加埋都係$78! (火炙左口魚裙邊 +$8)。每款魚生都非常之新鮮。仲可以食到馬刀貝嘅鮮甜，油甘魚嘅油香。如果唔係火炙藍旗吞拿魚賣曬，我都會加埋落去，等啲飯都可以吸收魚生既油香。價錢都唔錯，咁嘅價錢可以食到咁靚質素嘅魚生都算係物超所值! 下次一定會再嚟!

厚福街成條街都有好多黃店，而且都好好食。今日12點幾經過就順便食呢間平時多人到爆嘅鉄火堂。可能時間尚早，一到就有位啦。70幾蚊有得揀四款嘅魚生，我揀咗甜蝦，帶子，火炙三文魚，吞拿魚，海膽魷魚。飯呢就有得揀白飯定壽司飯，好多種配料都可以揀要唔要。仲送麵豉湯一碗。三文魚入口即溶好正，帶子同埋甜蝦都好鮮甜。不過我就覺得吞拿魚有少少腥味，海膽魷魚個味道就有啲特別，我自己就唔係好慣。但總括嚟講都係好抵食！如果唔多人嘅話真係值得再返嚟食！

這間日本餐廳比人有種築地食日本丼既感覺。佢有d似車仔麵既形式, 有4款餸同6款餸簡。 唔好以為少野, 選擇困難症既人都要d時間先簡到。 如果都唔啱或者想再食好d, 都仲有正價錢既海膽丼，藍鯨吞拿魚, 等等既丼飯。 雖然貴d, 但其實都係80-100左右既價錢。 所以真係好有築地食野既感覺, 好化算, 又好豐富。order左好快就到, 仲配個麵豉湯, 好正。 材料十足, 而且都唔差。 食材新鮮, 最重要係咁平既價錢, 真係好抵。 想再試築地體驗, 真係要試下。

午市自選魚生飯（5款配料）$69 選擇夠多，分量都夠晒飽，跟碗味噌湯，仲可以免費加飯。40幾款嘅配料任揀5樣，除咗普通嘅白飯同壽司飯底，仲可以另外加$5轉其他飯底（我係嗌普通嘅壽司飯，覺得已經好夠味）配料方面，碎蔥吞拿魚撈埋壽司飯再加啲薑係幾好食，俾我感覺啲魚生都幾新鮮；而鰻魚係厚肉又唔會一夾就爛，食落有油脂感，鍾意食鰻魚嘅唔好錯過啦🤣不過其他配料就正正常常，冇話特別鍾意。✴️整體嚟講，午市呢個價位食到自己任揀5款配料嘅魚生飯，都可以話幾抵食！但如果講緊晚市嗰價位，我就覺得有啲唔值啦🤣

尖沙咀厚福街嘅日式小店，今日嚟到食午餐，$68嘅刺身飯可以有4款刺身選擇，非常抵食而且刺身也相當新鮮。現在係疫情其間，見到店員非常注重消毒同衛生，進食時會感覺安全好多！

朋友第一次帶我食，其實我本身亦都冇話特別鍾意食刺身，但係呢度嘅刺身飯有好多選擇，又有唔同飯嘅類型，好似有白飯，醋飯，三文魚飯揀，非常多選擇👍🏻👍🏻👍🏻 同埋佢哋刺身嘅選擇都好多，眼花撩亂，不過最後都揀咗碎蔥三文魚，，海膽，呑拿魚等既刺身，肥美又新鮮，撈埋飯食好惹味😋😋😋

哇 又係一間香港人日式店😍😍😍啱啱好12點半去到嗰陣唔洗排隊 過多五至10分鐘出邊就已經排晒隊 嗰陣真係好彩魚生係一樣無時無刻都好想食嘅野呢間午市好抵食 強烈推薦自選魚生飯 $59起睇個樣好似細細碟 但都可以食到飽 唔怕呢個價錢食唔飽個飯任揀想要嘅餸 好多選擇😍😍實有好多款你鍾意 多到你樣樣都好想食而魚生方面 非常鮮甜 特別推薦甜蝦同吞拿魚 諗起都流口水另外叫左兩個小食🔸一口芝士芝士味好重 食一粒都已經覺得濟了🤣🔸芋泥波波芋泥波波無時無刻都係咁好食 大大粒😍😍另外抗疫方面都做得幾好 量體溫噴酒精 又會派個口罩套你裝口罩 亦會提醒食客食嘢先好除口罩 一d都唔馬虎！

今日男朋友帶我尖沙咀食飯，我話想食日本野，佢就即刻諗起鉄火堂呢間餐廳，餐廳最特別嘅並唔係佢新鮮嘅日本食材，而係樓上嘅裝修聲，試問係邊度可以搵得到？😫我哋都係講返食物啦，佢最有特色嘅就係可以自選刺身/配料配落白飯或者壽司飯上面，午市四個餸都係$59，五個餸$69，非常之抵！我揀咗九份蟹鉗、吞拿魚蓉、帶子、鰻魚，我男朋友同我叫得差唔多，但係唯獨是佢鍾意食蟹膏，我地仲叫左一個忌廉蟹肉薯餅，上菜速度都算快，首先壽司飯真係壽司飯嚟嘅，上面啲餸雖然份量唔係好大，但係幾件夾埋，都食得飽。刺身都幾新鮮，可無限添飯！！賣相方面，除咗啲蟹膏，其他都可以。仲有個玉子上面印着「鉄火堂」添～成餐中午飯都圍繞着美味嘅日本食材同埋樓上嘅交響樂，實在非常之難忘！

今日同老公一齊去食個午餐，我自己本身都成日黎鉄火堂外賣午餐，呢度既水準叫做維持到，今日反而第一次試佢地既吞拿魚沙律🥗我覺得幾好食，真係吾錯，下次都會再叫一直以來我都好鍾意食呢度個麻辣蜆肉，真係好好味