鉄火堂 (厚福街)

营业中

休息中

呢幾日都係尖沙咀做野，係厚福街見到咁多間餐廳選擇困難時見到佢有得勝手丼咁叫就決定係佢啦。食丼飯同壽司唔同既位係飯量多好多所以好需要岩撈飯既材料，我見到蟹膏同三文魚籽都係送飯極品同好多人都點就決定係佢地啦。魚類就叫左最愛既中拖羅，火炙三文魚同左口魚，每樣份量都唔細同意外地性價比唔錯。飯都有多款選擇，我叫左香菇壽司飯，感覺同普通壽司飯唔大分別不過影相就靚d

💛五一黃金週💛 — 鉄火堂▫️今次介紹係壽司丼嘅黃店～佢地丼平得黎又大碗！一個人食都未必食得曬一碗！d壽司飯同刺身份量都好多🤤▫️午餐$59係自選4款刺身，而$69就係自選5款刺身。刺身選擇都有好多款，自選五款都係唔夠😂有選擇困難症嘅人都好難揀，今次就簡左咗五款刺身料，包括：火焰左口魚邊、油甘魚、火焰三文魚腩、火焰藍鰭吞拿魚同埋醋鯖魚。刺身都幾新鮮，其中左口魚都充滿油脂味，火焰三文魚腩都好厚切，十分肥美😍配飯食係一流🤤▫️另外仲有嗌左韓國海膽杯🤩價錢都只係$40，呢個價錢都好抵食，面頭鋪滿海膽，底下就配上壽司飯，呢個杯都可以滿足下食海膽嘅口癮～😆▫️地址：旺角登打士街36號恆威商業中心地下1-2號舖另外仲有尖沙咀分店：尖沙咀厚福街10號地舖。▫️為食指數:7(10分為最多)抵食指數: 9▫️

鉄火堂以親民嘅價格提供中上質素嘅刺身丼。晏晝時段食仲免加一😙。🏷自選丼（$60+）如果揀4款就$60，5款就$70，再加就每款加$14。我比較貪心🤤，揀咗5款🖐🏻。款式都好多下🙀。小妹今次幾乎叫晒全蝦宴😂⋯⋯玻璃蝦🦐、赤蝦🦐、甜蝦🦐、泰式生蝦🦐，最後一款揀咗海膽魷魚🦑。款款都好新鮮🤤。飯底可以揀壽司飯或白飯，又或者加$5轉薑味壽司飯、冬菇壽司飯、沙律菜或黑胡椒三文魚飯。我揀左沙律菜🥗。話說個廚司太慷慨，碗底加左好多和風汁，啲汁都食唔晒，食到底覺得有啲咸🥲，建議落單果陣同侍應講：「和風汁另上」。另外仲個味噌湯跟自選丼送嘅，味噌湯有豆腐粒同埋海帶，分量都幾足夠下。🏷牡丹蝦（$30）貪心嘅我仲點左隻牡丹蝦🦐，身形龐大 😍，啖啖肉😋，食完都幾滿足下☺️。

•自由配搭魚生丼(配4款)• $60有5款配搭既！不過我揀左4款Lunch都可以食好西既(●’◡’●)ﾉ咁既價錢 有咁既質素其實真係唔錯！！仲要係魚生喎！加上份量正正常常 唔會太細碗 都唔會話好大碗魚生又唔會太細舊！份量我覺得岩岩好！唔會唔飽既(•̀ᴗ•́)و 我今次叫左 三文魚 油甘魚 八爪魚 藍鰭吞拿魚樣樣都好新鮮！！！諗住下次有機會再去食喇😚😚😚Ps lunch食飯 呢間都係多人排隊之一🤫要食 都要預返啲時間～～～

平日食魚生丼一般都係有指定配搭，如果個人比較奄尖，唔係款款魚生都鍾意食，鉄火堂嘅自選魚生丼就啱晒。午市自選魚生飯只係由$60起，揀四款$60，揀五款就$70。另外有啲魚生就需要另加錢，例如海膽、活赤貝、牡丹蝦等等。平日lunch time一點幾嚟到好彩啱啱有位，一坐低未落單就上咗味噌湯，好有效率。午市自選魚生丼係自己寫紙落單。我揀咗五餸，另加$30牡丹蝦。魚生飯可以揀白飯或者壽司飯。另外仲可以加$5轉沙律菜或者其他口味嘅飯。有薑味壽司飯、冬菇壽司飯同黑椒三文魚飯揀，都幾有創意，但同魚生夾唔夾就唔知喇，所以我揀咗穩陣嘅壽司飯。等咗一陣魚生飯就上枱喇。藍鰭吞拿魚色澤好靚，雖然食落無乜魚油唔夠肥美，但都有鮮味。蔥碎吞拿魚食落口感好滑，好鮮甜，蔥嘅份量適中唔會搶咗吞拿魚嘅鮮味，撈飯一流。油甘魚切得幾厚完全無筋，魚油豐富又有口感帆立貝雖然細粒咗啲，但至少有鮮味唔會腥，呢個價錢收貨啦。三文魚籽有咸香但唔會過咸，而且好鮮味，份量都幾多下另加$30嘅牡丹蝦唔算大隻，個蝦頭幾大，所以有蝦膏，蝦身就比較細，但勝在新鮮。$100就食到有六種魚生嘅魚生飯，真係好抵食！

相信大家對鉄火堂都唔陌生啦！食過三次，都係佢嘅晏晝最抵食！$60有得自選4個配料，抵到爆！但當然，味道方面道唔好expect too much la，一分錢一分貨。相信每個好似得咁有選擇困難症嘅人，每次食都會覺得好煩惱，因為實在太多選擇了！😂今次就講下我有咩preference la!每次食，我都一定會嗌蟹膏！因為真係好好食！雖然佢嘅賣相真係有啲核突，但我地係唔可以以貌取人㗎！大家不妨試下！另一個人嗌嘅，係泰式生蝦，鍾意食蝦嘅朋友仔可以嗌，因為係最大隻，最肥美同最好味！😂🤣最後最後，梗係到佢最出名嘅吞拿魚啦！平時唔食吞拿魚嘅我，都好鍾意食！有種入口即化嘅感覺，同時又唔會好腥！讚！另外再講多樣，我係好鍾意飲佢地嘅麵豉湯！又多昆布，又唔會太咸，好啱我口味！🤩🤩所以未食過嘅大家！快啲食下啦！

喺尖沙咀海港城行完街，諗住搵間餐廳輕食，行得太晏，可以選擇嘅餐廳唔多，好多都last order左最後去到鉄火堂，最後都係比魚生吸引住😂嗌咗兩款嘢食海膽三文魚子三文魚腩飯🥰鉄盛

👨🏻‍🍳🧑🏻‍🍳店主推介🍱🍵旬の角切雜錦魚生丼🍱🍵旬の角切雜錦魚生丼 配 味噌湯 $90這間日本菜午市時間需要等位，好彩等了約10分鐘就有位，等位時已經諗定食咩，服務員好有禮貌，落單後都好快上菜，其實這間店好多人來食，每次都要等位，人流多自然食物流量快，所以食材好新鮮，食物賣相又靚，份量多，味噌湯唔會太鹹，似完湯完全填滿肚仔，又抵食，好想再來試其他款式😋🌟不設電話訂位，要預時間等位。

🇯🇵🍣可以自選配料四款$60/五款$70配埋白飯/壽司飯，跟麵豉湯，仲要免加一，好抵食🍱之前中學嗰陣就好鍾意同啲朋友lunchtime 嚟食🤤超多配料做選擇，🐟魚生夠新鮮同肥美，夠晒飽肚又好味😍📍鐵火堂 (厚福街）

尖沙咀💛車仔麵叫法嘅自選魚生丼因為價錢唔貴仲要好食鉄火堂成日都排晒隊星期日為咗避人龍早少少去食值得介紹係可以自選魚生set好咗有時唔係每一款都鍾意呢度就可以揀自己最愛嘅 ^~^飯底仲要有幾個Option白飯/ 壽司飯/ 薑味壽司飯/ 冬菇壽司飯/ 黑椒三文魚飯想low carb 又可以轉成沙律菜底(白飯同壽司飯仲可以任加, 係咪痴線㗎?)魚生食落鮮甜, 份量亦都多性價比極高, 仲有碗足料味噌湯💛另外都想讚下d waiters 服務超好同超nice人均 $100-150, 豐儉由人 💛

我真係好鍾意食鐵火堂架😂😂唔係賣廣告，自己自費架，去尖沙咀諗唔到食咩，就會諗住食鐵火堂😌我最鍾意嗰個set就係吞拿魚set，然後再自己揀幾款刺身，就成為一個專為你而設計嘅刺身飯啦🥰🥰🥰本人情有獨鍾三文魚子、赤蝦、帶子、醋鯖魚（酸酸地，味道比較特別）佢哋嘅三文魚子都算高質🤤，幾有油香又有鹹味，送飯一流😎，講到送飯，其實吞拿魚茸都好正㗎😍，不過今次冇叫，赤蝦🦐都非常大隻同爽口嘅，帶子都係鮮甜既，醋鯖魚🐟呢，係我近年至愛，但因為味道比較濃，所以一定要放喺最後食總括而言，我係會繼續幫襯㗎，真係會食唔厭㗎，不過男仔就未必會好飽，可以加多幾樣刺身

位於尖沙咀一間CP值、人氣非常高既自選魚生刺身丼飯，一直大受歡迎👏🏻👏🏻 而厚福街分店，繁忙時間同樣好多人排隊等位，齊齊支持良心餐廳～ 魚生刺身新鮮而且份量多，非常豐盛，加上自選配料款式繁多，抵食又滿足，特別推介碎蒽吞拿魚、蟹膏，海膽魷魚，必點之選，配埋壽司飯，味道相當唔錯🤩 其他刺身亦同樣出色，例如厚切藍鯨拖羅肥美鮮甜，質素都幾好～ 呢個價錢絕對超值，飽肚滿足，值得大家繼續大大支持高質餐廳💛

點咗火炙四色丼依家天氣咁熱平均30幾度，都擔心買外賣自取途中會變壞，不過食完之後，覺得材新鮮冇呢個擔心！5片的三文魚 ，佐口魚，3片蝦 同帶子仲有姜喺飯面，俾你有需要時食左口魚裙邊- 好爽甜三文魚🍣- 厚度大約1.5 cm，食得出係新鮮嘅飯中間有生蛋 可以用蛋漿送飯仲有海帶湯 Boc pay 夠$100減$30 ，淨係$80好滿意！ 仲有三包Wasabi，豉油, 全部都用得晒!

每次食魚生飯總有一兩款魚生唔食或者令自己選擇少左。鐵火堂就有提供自選刺身，啱曬奄尖既我飯底有幾款可以選擇，亦可以轉沙律菜。我就轉左沙律菜底，刺身揀左甜蝦，蟹鉗同魷魚。（自帶一舊玉子，就唔洗自己再order玉子啦寫住「鐵火堂」個舊就係啦）味噌湯雖然做法好簡單，但總有餐廳整到超級鹹，飲完頸渴，鐵火堂既味道就啱啱好沙律加埋柚子汁，清新爽脆，啱曬炎炎夏日。另外叫左個炸甜薯，粉好薄，上到黎新鮮炸起，好味值得注意既係，Lunch hour人好多，食完店員會有禮貌地邀請你退位讓賢

尖沙咀區啲嘢普遍比較貴，尤其係日本嘢。但今次去食嘅鉄火堂不單位於尖沙咀地段，仲要性價比好高！ 因為堂食嘅關係所以都幾多人等，但等咗半個鐘左右都有位，都算快。佢有得自選，仲要幾多款式下，但我就揀咗個沙律風火炙丼，唔需要自選刺身，啱曬我依啲懶人！🤣個飯真係超級好味，醋飯味道均勻👍🏻 三文魚、帶子等等嘅刺身肉身好厚好新鮮🤤🤤 加埋佢個沙律醬真係好夾！最重要係有得免費加飯，加埋其實100蚊有找，真係好抵食好好味！一定會再食過～