鈴木珈啡館 (已結業)

今日拎左病假覆診，醫務所正好在尖沙咀，就同我嗰位一日話我少同佢食飯嘅Best friend食lunch~~~ 要知道係尖沙咀搵一間價錢合理、少人、坐得耐嘅餐廳真係有難度，在苦等dazzling cafe不果後，我就上到嚟呢間靜幽幽嘅Suzuki cafe 搵位勒~ 基本上可以話唔使等就入到去，仲可以坐環境優美嘅位置加上微微嘅陽光折射入嚟，啲客人又唔係嘈喧巴閉，真是一個很寫意吃飯的好地方。呢間餐廳主要係食pasta 多，價錢可以去到7,80蚊一碟，你問我抵唔抵，我只能夠話其實自己煮唔使咁嘅價，不過如果咁嘅環境，坐得咁舒服，又唔使自己煮，而家物價都要架啦~ 好彩嘅係呢度有set lunch，有湯+主菜+蔬果汁都係七十幾蚊，其實尖沙咀都算係合理，當然附近亦有其他茶餐廳揀~ 今日嘅餐湯係西蘭花薯仔忌慶湯，個人認為西蘭花味道不太夠，不過薯仔味卻很出，吃得到smoothie的感覺，飲左成碗湯，都唔覺得太飽滯，還可以~ 我best friend吃左個溫泉蛋肉醬意粉，但走左溫泉蛋(怪人! ) ，成碟飯只係普普通通嘅肉醬意粉，佢嘅肉醬肉味不濃，有點稀，不過起碼無味精，食完唔口喝，也有蕃茄的味道。呢個份量

鈴木存在香港多年，居然今次第一次食，系就系食得太遲，我會慢慢補償，試過之後唔介意encore自選沙律其實可以再加配料$5一款，見配料一般，所以慳番唔使加。醬汁三種，我覺得我揀嘅柚子啫喱汁超正，感覺清新又唔肥，好開胃，正。鈴木呢款薯蓉都真系唔錯，加咗好少好少肉碎，片片茄子，我鍾意佢冇落茄汁，好似唔覺有芝士，茄汁整酸咗我唔喜，芝士嫌膩又唔like，依家咁最好。軟殼蟹明太子意粉，呢種忌廉汁我最最最鍾意食……日式意粉多數落呢隻汁都好出色嘅，鈴木亦唔例外，我食到清碟。或者，會嫌軟殼蟹太少，唔多夠喉。見到餐牌上有推介，又唔想飲咖啡，所以叫呢杯朱古力奶昔，肯肯定好飲過麥當當嗰啲千倍、亦感覺好飲過星巴克嘅朱古力沙冰，記得好似$45杯，計價錢系應該好飲過人至值囉！見佢個樣夠靚仔，所以叫嘅，講真已經食到好飽……再食呢個燉蛋甜品都幾頂硬上原味最正常、咖啡似食咖啡味布甸、抹茶味唔推介，有啲啲怪，食到杯底全部系綠茶粉……唔鍾意。全餐普遍覺得系好味嘅，應該會再來，仲有好多菜式、鍋飯未試。

這家日式餐廳環境很好，夠光猛，而且座位之間有很多空間，讓人很舒服。自然光從玻璃窗邊透進來，令整間餐廳都多了一份溫暖。跟朋友都各自叫了一個意粉，是朋友極­力推薦的，果然沒有讓我失望喔。明太子味道很香，配合蛋黃汁讓意粉都很入味，而且意粉很有口感，咬下去都很­彈牙又不會太軟。而且加了一點WASABI，小小的辣味解除了蛋黃汁的CREAMY，恰到好處。配著蛋黃汁的意粉叫了一杯煎茶，加上蘆薈檸蜜，很清新又解膩的感覺，慢慢的喝慢慢的跟朋友聊著天，享受著港­女的星期六。

去過台灣都對CAFE好有情意結,所以今次試下日本既CAFE~~~ 第一次來食~~ 超喜愛薯蓉既我,佢加左南瓜同豬肉,都好味,不過食多幾啖就覺得太咸了  如果鐘意重口味既哩個食物係好味,不過似乎對身體不太好了  海膽元貝蟹籽撈烏冬係哩餐最好味的!! 海膽香, 汁好MATCH~ 又唔會太濃!我真係想飲哂D汁 蠔好大粒,幾好味,一般水準 總結黎講所有食物都有水準既 間中黎一次都唔錯 

點咗三樣食物，一個濃味湯，一個雞翼小食，一個焗飯。一個字，又稱太咸。個湯有茹蓉，一路飲一路都有茹咬，唔錯！不過太濃，想飲返啖清水，點知水係收費嘅= =接住上雞翼，不過不失。薯仔沙律伴碟，另加了木魚乾，有少少心思。而個焗飯嘅飯底係意大利飯，好creamy, 亦有微微蟹鮮味，OK。不過好快冷晒。整體味道尚可。扣分位係收費清水。回頭率是 零

其他幾間都去過, 係呢間特別衰. 或者一個咖啡館就應該專心賣咖啡, 最多一些簡單小食, 太多款色廚房似乎應付不來.唔講咖啡, 因為咖啡沒有問題, 雖然沒有競爭對手般有各自特色, 不過味道方面完全沒有太多問題挑剔.漢保扒意粉, 呢道一定係最難食的一道菜. 個漢堡... 竟然難食過麥當勞個片, 人地加件玩具薯條同野飲都係十六蚊. 意粉一般.海膽珍帶子烏冬, 一丁舊海膽, 三粒小干貝大小的帶子, 意粉... 咁就一百蚊.豚肉石鍋飯, 唔好過漢堡意粉幾多的一道爛菜, 鹹汁加硬飯, 再餓都食唔落.椰汁海鮮焗飯, 這不是人食的, 不值得一題. 軟殼蟹薄餅, 有芒果味道都夾, 合格的一道菜.香蕉草莓盒, 一般.小食拼盤的餃子基本上比超市的差, 雞翼乾而且沒有肉難食, 整體好難食.心太軟同拿破崙都算合格. 服務一般不過廚房似乎人手不足, 超級的慢.

今日跟朋友12點幾出到去都唔知做乜好. 行下街. 又是第一餐.  朋友話超眼訓, 周圍揾咖啡飲.  呢間店客人不多又坐得舒服~"~ ! 叫店員過來叫飲品先. 我朋友叫左杯滴下滴下個隻的咖啡. 也是店長推介. 三十幾蚊. 我自己叫左杯荔枝盧會冰茶. 三十幾蚊.  打算放下餐牌, 坐一陣先再叫食. 點之個扎馬尾女店員冷口冷面見我地兩人叫得六十幾蚊就講:  呢度個人消費要80元. 我們即時對她的態度大打折扣.  我地只先叫飲品先. 未叫食物. 就受到不禮貌對待. ><仲沒有比清水我們.  人地枱枱都有.  ~~~~ 結果迫到一次過叫埋雞翼及煙三文魚沙津.==!  真係好過份. ...........................我杯冰茶先上枱. 都好飲的. 茶不太甜.  夠涷. 有荔枝肉碎及蘆薈碎粒在杯內.之後來了超細杯的咖啡.  我朋友一聞就話好正.  飲了一啖仲話即刻醒哂. ^^ 之後再來個煙三文魚芒果沙津. 個賣相真係似比人抓到亂哂. 仲係個位態度好差的女侍應送上來. 但味道好OK, 菜好吃. 碟底有芒果汁, 有芒果粒 三文魚都幾大塊. 不怪之得又是店長推介.雞翼是照

星期日與朋友到The One食晚飯玲木餐廳不用等位算是唯一優點是日點了炸紫蕃薯餅，自選沙拉，海贍烏冬，軟殻蟹Pizza，鵝肝牛肉飯。整體味道一般無驚喜又無失望自選沙拉份量略少，無特別，與超市買包菜自助MIXING 無分別。軟殻蟹Pizza，味道幾好，軟殻蟹不太油，又香口，值得一試。鵝肝牛肉飯，無鵝肝味，但牛肉軟身無根，算是 OK~!但呢度海贍烏冬上的海贍發出強烈的馬糞味道，究竟是出名的馬糞海贍或是唔新鮮所致？我們唯有放棄食用！希望各位點菜一同俾俾意見！另外，餐廳原來不供應免費飲用水，只有收費的才有供應，請大家留意呀！

上星期四和友人在The ONE閒逛友人看到鈴木的芝士薯條立刻就說要吃這個碰巧不是太多人馬上就進去點餐了點了芝士薯條、炒/焗雜菌和香蕉草莓Toast Box等了半個多小時也沒有上菜  沒有任何一個職員理會我們連一杯水也沒有原來連水都要加錢的…(聽說這裡要加一的啊 連水也沒有….)我們便詢問職員為什麼一個菜都沒有上呢(普通的冷藏薯條拿去炸和雜菌最多只需要十分鐘吧???)結果十分鐘後, 那兩道菜果然就上了很明顯是漏單芝士薯條、炒/焗雜菌只是普通菜式最後香蕉草莓Toast Box讓我們再等了半小時吃完之後我完全不認同這裡的菜式和職員態度值得我們等了一小時事後一句Sorry 一句解釋也沒有

本身來到The One諗住試下新開既cafe，點知已經過左營業時間。之後諗起樓上有Suzuki Café，我同朋友都未試過，見到門口放有左個大Menu，好似都幾啱食，仲要唔洗等位，太餓既我地緊係諗都冇諗就入左去試。我地入座後即刻睇下有咩野食，都幾多選擇。睇menu見到d野食同飲品都好吸引! 所以我地諗左好耐先order到..我揀左海膽帶子烏冬。有海膽的點綴，令整體賣相不俗。但食落烏冬冇咩特別，口感普普通通，唔夠硬身。好在海膽唔苦不帶腥，整碗烏冬撈埋，忌廉汁馬上帶點海膽味道；而帶子的數量也蠻多，但就好細粒。而友人就叫左海鮮石鍋飯。飯較軟身，但都幾多海鮮，特別係隻蝦好大隻。不過略嫌味道淡了一點。另外加$42有湯/沙律/飲品，因為見到d飲品好似唔錯就跟埋set。我揀左黑糖豆腐，口感不錯，好有豆腐味，又唔會太甜。友人見好多人叫抹茶系列飲品，就叫左蜜糖抹茶試下。我就冇試到，但友人就話好飲。其實整體來說都算不錯，但價錢有點貴，埋單都要三百幾蚊。

HAPPY FRIDAY和同事去了THE ONE的SUZUKI Café。SUZUKI的Café一向都望到靚景，THE ONE這一間亦不例外，餐廳大部份位置都可以望見九龍公園，加上今日天色晴朗，藍天加上寧靜的環境確實令人的心情變得愉快。我和同事點了兩個lunch set，聞說SUZUKI的溫泉蛋有一定水準，所以大家都點了一客沖繩溫泉蛋忌廉汁意粉。餐湯有一杯南瓜湯，南瓜味不是很出，但尚算可以。溫泉蛋果然不失所望，蛋黃煮得剛剛好，還有香濃的蛋黃味，配合濃淡適中的忌廉汁和剛剛煎好的煙肉，整個意粉無論是賣相抑或是味道，都顯得十分出色。餐飲有一杯蔬菜汁，本來還以為會有苦澀味，但原來入口清新，還可以食到少量蘋果碎。整體來說，SUZUKI Café的lunch set算不俗，埋單每人$76再加一。

同同事一起到SUZUKI CAFE食LUNCH同行第2位有半價。我點左個SET LUNCH~湯~CREAM SOUP (無味 , 而且得一小杯)~MAIN DISH~椰汁海鮮焗飯 (啖口~無椰香味~而且一D都唔似焗飯!!似就甘林D汁上飯!!!  )~DRINK~APPLE CELEARY JUICE (唔錯..但飲唔到APPLE味...)食左$66!!唔會再黎...好難食

差不多半年沒見友人了，這天她相約我到尖沙咀吃飯逛街。我倆走了一段時間，都難以選擇吃什麼，結果走到The One，看見鈴木的環境和賣相頗為討好，友人又甚感興趣，心想應不會太差，於是進去了樓底頗高 舒適優雅 寬敞極致 日式怖置 簡約裝潢 實在不錯店員更安排到玻璃窗旁的位置嗯 可觀看尖沙咀的街景 順帶一提 這裡不提供食水的否則付上十多元購買它們提供的礦泉水點了二人套餐（$268，需加一），包兩杯是日餐湯、一份頭盤、兩款主菜以及兩杯高纖蔬果汁，當然每杯加$28可升級至其他飲料。是日餐湯：海鮮忌廉湯。用杯子盛著暖湯 可愛有趣 忌廉湯尚算濃郁 而且海鮮很足料 整體也挺好喝的頭盤是煙三文魚芒果沙律。柚子沙律醋汁酸酸甜甜的 很開胃，菜底也新鮮爽脆，另有紅蘿蔔絲等配料，而主角煙三文魚色澤不錯，吃下也OK的，再以粒粒芒果作小點綴，使沙律感覺更為清新健康！帆立貝南瓜忌廉汁意粉。每次對南瓜這種食物，便覺得異常吸引，這不得不點它了！帆立貝不是特別大粒也不是特別鮮甜，幸好沒有急凍味道，煎得可口。忌廉汁香濃而稠，配上粒粒南瓜，意粉軟身，配搭得宜。冲繩溫泉蛋蒜香豚肉飯鍋。先聽名字，就已經先聲奪人，多麼誘人！以鐵鍋上，

週日同我男人去行街食飯，行完銅鑼灣已經攰到癲，就去尖沙咀食晚飯喇！😸我男人本身話去the one19樓食，上開飯睇下好似都幾貴下，我就唔捨得落返4樓睇下有咩食，最後入左Suzuki Cafe。😈✌️入到去有好多小鴨仔即刻諗起今屆DSE通識卷二第二題香港人集體回憶，真係唔知隻鴨係香港人集體回憶⋯😅入正題，叫左個二人套餐。首先黎左個湯，係番茄忌廉湯，個人認為偏咸，而且個湯唔夠熱。另外，加左16蚊小食係薯條，我覺得味一般。然後就係煙三文魚沙律，清新，好味，值得一試。個沙律汁開胃，易入口，真係唔錯。到主菜喇，個飯我同我男人都覺得唔好食，啲肉仲好難咬，真係食左幾啖停晒手，好浪費。意粉，我地二人都麻麻地南瓜，但呢個意粉又幾好食喎，幾好幾好。餐飲就轉左兩杯特飲，但都係好一般，個樣幾靚之外無咩特別。服務員態度一般，我地9點半入，嗌完野食已經last order，食左無耐就要賣單嚕。😬我地都無咩點享受餐廳氣氛，整體黎講，係一般。而價錢還可以，二人餐268元加一，我地轉特飲同加小食再加一就37x元。

看完電影, 和友人隨意找地方吃個午餐, 閑蕩到這餐廳, 二人都未試過, 決入內一嘗。軟殼蟹意粉端上時, 軟殼蟹可能因為炸起後放久了, 咬下去是淋的、更有些靭。意粉稍嫌過腍, 奶油汁不夠濃。整碟意粉賣相不太吸引, 食味亦強差人意。溫泉蛋則屬普通之作, 無甚了了。鵝肝牛柳粒飯倒是不俗, 鵝肝外層煎得夠香, 中間仍保持到豐腴油潤的口感。牛柳粒加上牛肝菌配搭得宜; 而香甜的燒汁能滲入到顆顆飯粒, 不用怕吃到底時便沒有汁!心太軟溫度剛剛好, 流心的朱古力是室溫的, 濃香滑溜, 甜度適中,  綴以蘋果片、菠蘿片、薄荷及芒果汁, 為整個甜品增加了清新的感覺。炭燒咖啡本就薄身, 喝的就是為了它的香味; 而咖啡要夠香, 便一定要夠熱。這兩杯咖啡的問題就是不夠熱。以兩只精美的杯子奉上, 奈何不熱的炭燒咖啡令其香氣難以揮發, 似乎有點兒虛有其表…服務是殷勤的, 可是食物的質數參差, 在這方面可要加把勁了。