金龍泰國菜 (已結業)

在腦海中, 對116巴士總站旁的一排食店, 印象總是不太衛生, 不會有什麼好東西... 近日瘋狂的尋找新店品嚐, 發現這間泰國菜的評價不錯, 真的好吃嗎?!! 今日懷著戰戰兢兢的心情前往探勘... 店內掛著泰王的照片...收銀處還掛了很多蘭花... 3位店員都是泰國女士... 服務是可以的...店內環境擠迫, 4人枱居然要6個大個子迫著坐, 慶幸自己早了10分鐘, 可以坐靠牆的2人枱, 不用迫...午市套餐有25款之多, 總有1款合心水...乾炒紅咖喱燒肉飯 $38-- 燒肉不是很熱, 皮很脆, 青豆段軟腍, 紅咖喱冶味, 不太辣, 很香... 不錯...泰式乾炒雞河 $38-- 熱辣辣, 很美味呀!!! 第一次食到這樣粗的河粉, 很滑溜呀!!! 炒功好, 味道均勻, 香而不辣, 很冶味, 炒蛋亦香, 只是菜的味道及口感有點格格不入...餐飲可選菊花蜜及菜蜜, 反而飲檸茶要加$5...菊花蜜有微弱的菊花味, 菜蜜亦是有微弱的菜味, 但兩者的共同點是... 喪甜!!! 很人工的味道, 怕怕...

7月14日, 今日lunch嚟咗太古附近呢一帶搵食, 平日番工都有行開嚟呢頭, 所以要搵到好味野都唔係咁難~ 知道呢間泰菜會有lunch set, 我就帶咗呀菲嚟試下~ 店小小, 位唔多, 但係主埋嘅全都係泰國人, 喺呢頭就冇乜幾間~::: 冬蔭功雞河 + 凍啡 ::: $38冬蔭功上枱, 傳來陣陣嘅冬蔭功香味, 望落個色水都幾好, 唔錯~ 飲一啖湯, 湯底都幾濃味, 有d海鮮香, 椰汁味都豐富, 香中帶少少辣, 又唔會嗆喉~ 最怕一d冬蔭功湯狂加辣油, 搞到只有辣味… 雞就用上急凍雞柳, 好嘅就係呢d雞肉多數都好嫩滑, 唔好嘅就係冇雞味… 好彩都算入味, 配上冬蔭功食都有番d味~ 河粉應該係用正宗泰式河粉, 比較薄身, 又帶幼滑彈牙感~凍啡比較失色, 啡味唔濃, 奶又唔夠, 好似飲緊一杯好淡嘅齋啡, 加上d冰又快融, 唔夠凍… ::: 泰式炒金邊粉 + 龍眼冰 ::: $38Pad thai新鮮炒起香噴噴, 賣相都似模似樣~ 橙粉紅色嘅金邊粉十分討好, 而且炒得夠散唔怕黐埋一舊舊, 咬落爽滑煙韌. 配料有雞肉、蝦仁、豆乾、芽菜、韭菜、蛋同花生碎等~ 夠晒足料! 整體味道十分正宗地道,

我家附近這"金龍泰國菜"是我近年多次光顧的街坊食府, 每到星期天不想粗勞便找它代勞。它只是一家普通的街坊小店, 但全店均泰國人主理所以菜式地道.... 我最愛它的"冇骨海南雞"。難得小店經濟實惠, 炒得夠鑊氣有水準....是夜我末有選擇至愛的"冇骨海南雞" 及 "馬拉盞炒椰菜苗", 先來"海鮮冬陰公"...湯底泰式做法夠香辣, 內容非常豐富...蝦,磿姑,魚片塊,鮮魷...等!另選"馬拉盞炒通菜" ....我至愛用馬拉盞炒菜+上通菜夠鮮嫩+上大辣椒...很有鑊氣噢!再來個"香辣肉碎炒飯"...非常"嘢"味香口...正!埋單約 HKD$160收找....這店客人很多7點後大多爆滿 或可預先訂座!

住左係鰂魚涌超過20年但真係好少去巴士站後既位置原來果度除左粉麵仲有一間泰國餐廳自己一個人想食濃味野貢左入去睇睇一於試下新野平時既SET DINNER都係$38有泰文既MEUN同泰國人加上D簡陋既裝修真係好有泰國FEEL海鮮粉絲沙律由於我太想食粉絲沙律就算貴D都叫左依個諗左可以辣下同FERESH下個樣都好靚下都要等左一陣應該係即刻整的點知......好咸個樣好好味海鮮都OK多粉絲夠林但係唔辣之餘仲好咸其實我係好中意食泰國野(辣野)雖然今次失望左,但咁近屋企可能都會再去多次~希望下次好DD~

I have been here for 5 times already and the food is just great!It is good that they have an english menu as the client and I don't read Chinese characters (yet! hopefully one day, I will be able to!). The waiters/servers are Thai who can speak cantonese so you are sort of assured that the taste is authentic (I hope their cook is Thai too!)In those five visits, we have ordered:Hainan ChickenGreen Curry with Chicken Red Curry with porkMinced PorkPad ThaiStir fried noodles with ChickenYellow curry

　　偶然經過這裏，想到我都沒吃過泰國菜，看到玻璃門上貼著的食物價錢，覺得可以接受，衛生條件看來不俗，於是進內一試。　　館內的桌椅是方方整整的，雖然細小，但看來挺整潔，牆上有一些泰畫，泰皇泰后的圖片，店裏的服務員都像是泰國人，說著帶點口音的廣東話，個個面帶笑容，友善禮貌。　　十二點多的時間，人不是很多，我找了個對著門口的位置。　　服務生很快便來招呼我了，我點了冬蔭功肉札湯河，還問服務員這個辣不辣，她搖了搖頭，說少辣。配泰式熱咖啡。　　湯河十分大碗，服務員真的沒騙我，是不辣的，而且冬蔭功湯很惹味，帶點酸，但夠醒胃和暖胃，配菜有芫荽、蔥花和芽菜。而河粉是幼身的一種，非常爽滑，而且量多，札肉也夠大片，夠厚夠實，的確真材實料。　　敗筆的是咖啡，上來的時候已冷掉了，而且咖啡味很淡，上來的時候已經加了糖，但卻是甜得驚人，我喝了大半杯受不了，真的太甜了。　　但總的來說，我喜愛這裏的服務員親切有禮，環境和食物，不過不失。

側魚涌區食午餐又便宜又抵食既選擇唔多,一大班人食飯提議去呢間又冇人反對既呢度係其中一間,特別推介係佢地既海南雞飯,送湯或菜蜜,凍飲唔加錢,起晒骨,食過好多間價錢同味道都係呢間嬴,偶爾冇油飯跟,跟白飯都唔會有怨言,老闆同老闆娘都係泰國人,每次去都會微笑點頭打招乎,只係出出入入會有小小寸步難行感覺,整體黎講都係食得開心

今日收工,行過E間Thai餐廳就試下. 其實本身都冇唸全寫食評.但當見到碟海南雞飯時, 真係忍唔住影返張相!1) 海南雞飯 $35:- 雞肉好多而且冇骨! 真係啖啖肉ga!!!- 個飯仲好有雞味~平時我唔會食哂成碟飯,都一口氣食哂! 真係好好食!- 送菜蜜2) 香碟辣椒肉碎飯 $35:E個我冇食, 試左一啖覺得都好野美. 不過都真係幾辣!

今天兒子和同學去大埔踏單車，回家後整個人也疲累得不想動身，我提議到附近的「金龍泰國菜」吃晚飯。其實這店舖新開業時，我和老公曾到這裡吃過午飯，但感覺食品質素實屬一般，所以一直提不起興趣再訪，但最近見某網誌有人讚它的豬頸肉沙律和鹹魚炒芥蘭好吃，所以就決定再試試看。這間泰菜館坐落於鰂魚涌祐民街，即 116 巴士總站旁邊，店子雖然小小，但全家餐廳均由泰國人主理，連廚房裡面的兩位廚師亦是說泰文的，所以除了洗碗的那位阿嬸是香港人外，全店職員和老闆皆為泰國人，而企堂和收銀的男女泰國人看來是夫婦。這家街坊食店也真的泰味十足，除店名外，連菜牌都是中、英、泰三文並列，不過店員就只穿日常便服，沒有著上特別的泰國服飾。我們點了兩份晚餐，每份均附送飲品，另加了一個泰式沙律和炒菜。泰式海南雞飯 ($35) -- 這個海南雞飯看來水準真的不錯，比起此店新開張時的質素大幅回升，由於用上鮮雞的關係，去了骨的雞肉味道頗為濃郁，入口充滿鮮雞味，加上肉質結實，口感嫩滑，與坊間一般用雪雞做的，雞肉味同嚼蠟，只是在吃調味料的味道，不可同日而語。另外雞皮雖然未算好薄，但就夠滑夠入味，吃來完全不覺油膩。至於香飯的顏色看上去比較白，飯

在太古行完街，走到鰂魚涌想找地方吃晚飯。經過這裡，見是泰國菜，店員又好像是泰國人，就進去試一下~叫了兩個$35的晚餐，附送冰凍菊花蜜，天氣熱的消暑良品。泰式炒金邊粉 - 味道很淡，讓人沒有興趣吃泰式豬肉炒河 - 用了大塊的河粉，不過有點炒不開，黏在一起，比起炒金邊粉算比較有點味道整體食物方面真的麻麻地，吃完有點失落，見其他食客叫餸食飯好像比較吸引。

果日係California練習完，就同個同學一齊食，佢請～我叫左個咸魚雞粒炒飯(走咸魚)，等左一陣就有得食，見到份量唔算多，材料有菜粒﹑蛋﹑洋蔥﹑雞粒，我自己覺得賣相同中式一個普通炒飯冇乜分別，唔睇真係唔知係一個泰國既炒飯，雖然咸魚雞粒炒飯係中式既，但可以有少少變化嫁ma,係咪？另外，地方唔太大，但都坐得舒服既。

一般香港既泰國菜館都會把泰國口味本地化，變得少辣少油。這間小店較好，還保留了一定的泰式口味。在曼谷光顧地道食店，大多是"街邊小店"，味美而價廉。(各大形shopping hall內，做tour生意的靚裝店子例外) 這間店子都是走相同路線。是晚點了泰式雞飯和紮肉沙律，泰式海南雞飯不同新加坡海南雞飯，前者是雞汁煮飯而後者是雞油飯，但此店卻用上白飯。 幸好白飯加入了雞汁，尚有泰式雞飯之香軟滑。雞肉是冰鮮，但軟滑有雞味。紮肉沙律比較差，酸和辣味做得好，只是菜既比例太少。應有既青木瓜絲和旱芹菜絲都冇，似是紮肉伴蕃茄，幸好價錢唔貴。龍眼水就幾好，龍眼味煲得好出而無添加糖漿，甜得自然，絶對係辣野既良伴。