影片
更多
2012-10-12
234 浏览
7月14日, 今日lunch嚟咗太古附近呢一帶搵食, 平日番工都有行開嚟呢頭, 所以要搵到好味野都唔係咁難~ 知道呢間泰菜會有lunch set, 我就帶咗呀菲嚟試下~ 店小小, 位唔多, 但係主埋嘅全都係泰國人, 喺呢頭就冇乜幾間~::: 冬蔭功雞河 + 凍啡 ::: $38冬蔭功上枱, 傳來陣陣嘅冬蔭功香味, 望落個色水都幾好, 唔錯~ 飲一啖湯, 湯底都幾濃味, 有d海鮮香, 椰汁味都豐富, 香中帶少少辣, 又唔會嗆喉~ 最怕一d冬蔭功湯狂加辣油, 搞到只有辣味… 雞就用上急凍雞柳, 好嘅就係呢d雞肉多數都好嫩滑, 唔好嘅就係冇雞味… 好彩都算入味, 配上冬蔭功食都有番d味~ 河粉應該係用正宗泰式河粉, 比較薄身, 又帶幼滑彈牙感~凍啡比較失色, 啡味唔濃, 奶又唔夠, 好似飲緊一杯好淡嘅齋啡, 加上d冰又快融, 唔夠凍… ::: 泰式炒金邊粉 + 龍眼冰 ::: $38Pad thai新鮮炒起香噴噴, 賣相都似模似樣~ 橙粉紅色嘅金邊粉十分討好, 而且炒得夠散唔怕黐埋一舊舊, 咬落爽滑煙韌. 配料有雞肉、蝦仁、豆乾、芽菜、韭菜、蛋同花生碎等~ 夠晒足料! 整體味道十分正宗地道,
::: 冬蔭功雞河 + 凍啡 ::: $38
冬蔭功上枱, 傳來陣陣嘅冬蔭功香味, 望落個色水都幾好, 唔錯~ 飲一啖湯, 湯底都幾濃味, 有d海鮮香, 椰汁味都豐富, 香中帶少少辣, 又唔會嗆喉~ 最怕一d冬蔭功湯狂加辣油, 搞到只有辣味… 雞就用上急凍雞柳, 好嘅就係呢d雞肉多數都好嫩滑, 唔好嘅就係冇雞味… 好彩都算入味, 配上冬蔭功食都有番d味~ 河粉應該係用正宗泰式河粉, 比較薄身, 又帶幼滑彈牙感~
凍啡比較失色, 啡味唔濃, 奶又唔夠, 好似飲緊一杯好淡嘅齋啡, 加上d冰又快融, 唔夠凍…
::: 泰式炒金邊粉 + 龍眼冰 ::: $38
Pad thai新鮮炒起香噴噴, 賣相都似模似樣~ 橙粉紅色嘅金邊粉十分討好, 而且炒得夠散唔怕黐埋一舊舊, 咬落爽滑煙韌. 配料有雞肉、蝦仁、豆乾、芽菜、韭菜、蛋同花生碎等~ 夠晒足料! 整體味道十分正宗地道, 酸甜比例剛好, 而且分佈均勻, 唔會一pat有味一pat無味~ 好好味!
龍眼冰夠冰凍又夠清甜, 足足有成5-6粒龍眼肉! 飲完成個喉嚨都舒服晒~
味道嚟講佢地嘅食物都幾正宗, 喺呢區又少見到泰國人主理泰菜, 雖然坐得係有少少逼夾, 但係都係呢類小店嘅特色, 最多快d食完走人~
张贴